မောင်တော ဒုစရိုက်နှိမ်နင်းရေး ရဲများက အပြစ်မဲ့ ၃ ဦးထံမှ ငွေ ၆ သိန်းညှစ်၊ ကွမ်းယာဆိုင်မှ ခိုးယူ

RB News

30.4.2017

မောင်တော ။ ။ ရခိုင်ပြည်နယ်၊ မောင်တောမြို့နယ် မြို့ပေါ်ရှိ ဒုစရိုက်နှိမ်နင်းရေး အဖွဲ့က အပြစ်မဲ့ ဒေသခံများကို ဖမ်းဆီး၍ ငွေညှစ်သည့် အပြင် ကွမ်းယာဆိုင်မှလည်း ခိုးယူခဲ့ကြောင်း သတင်းရရှိပါသည်။ 

မောင်တောမြို့ပေါ်တွင် နေ့စဉ်နှင့်အမျှ လိုင်စင်ရ ဓါးပြကဲ့သို့ သောင်းကျန်းလျက် ရှိသည့် တပ်ကြပ်ကြီးလှမြင့် ဦးဆောင်သည့် ဒုစရိုက်နှိမ်နင်းရေးအဖွဲ့ ခေါ် ဒနအဖွဲ့သည် ဧပြီလ (၂၅) ရက်နေ့ ည ၈း၃၀ နာရီ အချိန်တွင် မြို့မကညင်တန်း ကျေးရွာအုပ်စု ဒေစ်လ်ပါရာရွာသို့ ၀င်ရောက်၍ ရွာလယ်ရှိ ကွမ်းယာဆိုင်တွင် ထိုင်နေသည့် ဖာရုခ်အာမတ် (ဘ) ဦးအီဆက်၊ အာဇီမုလ္လာ (ဘ) ဦးကာလာမျာနှင့် ကွမ်းယာဆိုင်ပိုင်ရှင် ဇီယာဘုလ်ဟောက် (ဘ) ဦးဟာဘီအုလ္လာ တို့ကို အိမ်ပြင်တွင် တွေ့သည်ဟု ဆိုကာ ဖမ်းဆီး၍ မောင်တောမြို့မရဲစခန်းသို့ ခေါ်ဆောင်သွားကာ ချုပ်နှောင်ထားခဲ့သည်။ ထို့နောက် ၎င်းတို့ ၃ ဦးထံမှ ငွေကျပ် ၆ သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံများက RB News သို့ပြောပါသည်။ 

ယင်းနေ့ညတွင်ပင် အဆိုပါ အပြစ်မဲ့ ရွာသား ၃ ဦးကို ဖမ်းဆီးပြီးနောက်၊ အနီးရှိ ကွမ်းယာဆိုင်မှ ကွမ်းယာရောင်းသူ အဒူမိုနာဖ်သည် အကြောင်းမဲ့ ဖမ်းဆီး ငွေညှစ်ခံရမည်ကို စိုးရိမ်၍ ဆိုင်မှ တိမ်းရှောင်သွားခဲ့သည်။ ၎င်း၏ ဆိုင်သို့ ရဲများ ၀င်ရောက်၍ ငွေသေတ္တာထဲမှ ငွေကျပ် နှစ်သောင်း၊ မိုဘိုင်းဖုန်း တစ်လုံးနှင့် စီးကရက်ဗူးများနှင့် အချိုရည်ဗူးများ ခိုးယူသွားကြောင်း မျက်မြင်သက်သေများက ပြောပါသည်။