နောက်ဆုံးသတင်း/ဆောင်းပါးများ

ရသေ့တောင် စေတီပြင်နယ်မြေတွင် အစိုးရလက်နက်ကိုင်များက အသိုင်းအ၀ိုင်းနှစ်ခုကြား ပဋိပက္ခဖြစ်ပွားလာအောင် ဖန်တီးလျက်ရှိ

MYARF
RB News
30.7.2017

ရသေ့တောင် ။ ။ ရခိုင်ပြည်နယ်၊ ရသေ့တောင်မြို့နယ် စေတီပြင်နယ်မြေ၊ ချွတ်ပြင်ကျေးရွာအုပ်စုသို့ ရသေ့တောင်မြို့နယ် တစ်ဝိုက်ရှိ ရခိုင်ရွာများမှ ရခိုင်လူမျိုး ၅၀၀ ကျော်ကို အစိုးရ လက်နက်ကိုင်တပ်ဖွဲ့များက ဦးဆောင်၍ ခေါ်ဆောင်လာပြီး ရွာများအတွင်းသို့ ၀င်ထွက်ခိုင်းပြီး လမ်းတစ်လျှောက်တွေ့ရှိသမျှ ဒေသခံရိုဟင်ဂျာများကို အကြမ်းဖက်တိုက်ခိုက်ခြင်း၊ အိမ်မွေးတိရိစ္ဆာန်များကို ဖမ်းယူသွားခြင်းများ ပြုလုပ်၍ နှစ်ဖက်အသိုင်းအ၀ိုင်း အတွင်း ပြဿနာ ဖြစ်ပွားစေရန် ဖန်တီးလျက် ရှိကြောင်း သတင်းရရှိပါသည်။

ဇူလိုင်လ (၂၉) ရက်နေ့ နံနက် ၉ နာရီခန့် အချိန်တွင် ချွတ်ပြင်ကျေးရွာအုပ်စု သက်ရွာသို့ အနယ်နယ်အရပ်ရပ်မှ ရခိုင်လူမျိုး ၅၀၀ ကျော်တို့သည် စက်လှေများ၊ လှေများ၊ မော်တော်ဆိုင်ကယ်များဖြင့် ဓါးရှည်များ ကိုယ်စီကိုင်ကာ စုဝေး၍ ရောက်ရှိလာခဲ့သည်။ အဆိုပါ လူအုပ်ကြီးကို နယ်ခြားစောင့်ရဲများနှင့် စစ်သား (၅၀) ခန့်က ဦးဆောင်၍ အထက်နန်းရာ ရိုဟင်ဂျာရွာကို ဓါးများကိုင်၍ အင်အားပြ ခြိမ်းခြောက်သည့် ပုံစံဖြင့် ဖြတ်ကျော် ၀င်ထွက်စေခဲ့သည်။ ခရုရှာရန်သွားခဲ့သည့် ရခိုင်လူမျိုးတစ်ဦး ပျောက်ဆုံးနေသည်ဟု ဆိုကာ ရွာ၏ အနောက်ဘက်ရှိ မေယုတောင်တန်းသို့လည်း အနည်းငယ် ၀င်ရောက်ခဲ့ကြကြောင်း ဒေသခံများက RB News သို့ပြောပါသည်။ 






ပျောက်ဆုံးနေသူကို ရှာဖွေနေသည်ဟု ဆိုသူများသည် တောလေ့လာခရီးသွားသည့်ပမာ ပျော်ပျော်ပါးပါးဖြင့် မေယုတောင်တန်းမှ ပြန်လာစဉ် ရွာအတွင်း လမ်းဘေးတွင် တွေ့ရှိသော အသက် (၁၄) နှစ်အရွယ် မိုဟာမတ်ယာစီးန် (ဘ) ဦးဟူစိန်းအာမတ် ကို ဓါးရှည်ဖြင့် ခုတ်ခြင်း၊ ဆိတ်ကျောင်းနေသည့် ဦးခင်ဇော်၏ အလုပ်သမားကို လေးခွဖြင့် ပစ်ခတ်ခြင်း၊ ဆိတ်တစ်ကောင်ကို ယူဆောင်သွားခြင်းများ ပြုလုပ်၍ ပြဿနာ ဖန်တီးရန်ကြိုးစားခဲ့ကြောင်း၊ ဒေသခံရိုဟင်ဂျာများက အခြေအနေကို ခန့်မှန်းနိုင်ခဲ့ပြီး ပြဿနာကို ရှောင်ရှားသည့် အနေဖြင့် နေအိမ်များမှမထွက်ဘဲ နေခဲ့ကြောင်း၊ အစိုးရလက်နက်ကိုင်များက လူမျိုးစုနှစ်စုကြား ဖြစ်ပွားသည့် ပြဿနာကို ဖြေရှင်းရာတွင် ပစ်ခတ်လိုက်ရသည်ဟု အကြောင်းပြ၍ ရိုဟင်ဂျာများကို နောက်ထပ်တစ်ကြိမ် သတ်ဖြတ်နိုင်အောင် တမင်ဖန်တီးနေခြင်းသာ ဖြစ်သည်ဟု ဒေသခံများက ပြောပါသည်။ 

video


Comment ရေးရန်

Rohingya Exodus