နောက်ဆုံးသတင်း/ဆောင်းပါးများ

ဘူးသီးတောင် ကျောင်းတောင်ရွာတွင် နယ်ခြားစောင့်ရဲများက ငွေနှင့် ပစ္စည်းများ လုယက်၊ အမျိုးသမီးများကို ကိုယ်ထိလက်ရောက် စော်ကား

MYARF
RB News
9.8.2017

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် မြောက်ပိုင်း ကျောင်းတောင်ကျေးရွာသို့ နယ်ခြားစောင့်ရဲများ သွားရောက်၍ လဘက်ရည်ဆိုင်နှင့် စားကုန်ဆိုင်များမှ အဖိုးတန်ပစ္စည်းများနှင့် ရောင်းရငွေများ လုယက်ယူဆောင်သွားခဲ့သည့် အပြင် အမျိုးသမီးများကို ကိုယ်ထိလက်ရောက် စော်ကားခဲ့ကြောင်း သတင်းရရှိပါသည်။

သြဂုတ်လ (၇) ရက်နေ့တွင် ဘူးသီးတောင်မြို့နယ် မြောက်ပိုင်း ကျောင်းတောင်ကျေးရွာသို့ နယ်ခြားစောင့်ရဲများ သွားရောက်၍ ရှိက်ဒါရ်ဖာရာရှိ ဦးအုစ်မာန်ဂေါ်နီ (ဘ) ဦးဆော်ယာဒ် (အသက် ၂၈ နှစ်) ၏ ဆိုင်မှ ပစ္စည်းများနှင့် ငွေသား စုစုပေါင်း (၅) သိန်းဖိုး လုယက်ခဲ့ကြောင်း၊ ဦးဆော်ယာဒ်ကော်ရီးမ် (ဘ) ဦးအာမီးရ်ဟူစိန်း (အသက် ၄၄ နှစ်) ထံမှ ငွေကျပ် (၂) သိန်း၊ ကျောင်းတောင်ရွာရှိ ဦးအီလီယာစ် (ဘ) ဦးဆော်ယောဒ်ဟူစိန်း (အသက် ၂၈ နှစ်) ပိုင်ဆိုင်သည့် လဘက်ရည်ဆိုင်မှ ဆိုင်ပစ္စည်းများနှင့် ငွေသား စုစုပေါင်း (၅) သိန်းဖိုး လုယက်ခဲ့ကြောင်း ဒေသခံများက RB News သို့ပြောပါသည်။ 

သြဂုတ်လ (၈) ရက်နေ့တွင်လည်း အဆိုပါ နယ်ခြားစောင့်ရဲများသည် ယင်းကျေးရွာအုပ်စု၊ ဂုံးနားရွာသို့ ပြန်လည် ရောက်ရှိလာပြီး နေအိမ် (၅) လုံးကို ဖြိုဖျက်၍ အမျိုးသား တစ်ဦးနှင့် အမျိုးသမီး (၆) ဦးတို့ကို ကိုယ်ထိလက်ရောက် စော်ကားခဲ့သည်။ 

ဂုံးနားရွာတွင် အိမ်ဖြိုဖျက်ခံရသူများမှာ --

(၁) မော်လ၀ီ အာဘူလ်ဘောရှောရ် (အသက် ၃၅ နှစ်) ၏ ငွေကျပ် (၁၅) သိန်းတန် နေအိမ်
(၂) ဦးအလီဇူဟာရ် (ဘ) ဦးအဒူဟာလဲခ် (အသက် ၃၀ နှစ်) ၏ ငွေကျပ် (၅) သိန်းတန် နေအိမ်
(၃) ဦးအဘူရော်ယိခ် (ဘ) ဦးကွိလ္လာမျာ (အသက် ၃၀ နှစ်) ၏ ငွေကျပ် (၅) သိန်းတန် နေအိမ်
(၄) ဦးအလီ (ဘ) ဦးအဒူကာဒဲရ် (အသက် ၅၀ နှစ်) ၏ ငွေကျပ် (၂၅) သိန်းတန် နေအိမ်
(၅) ဦးအယာစ် (ဘ) ဦးဆုလ်တာန် (အသက် ၂၈ နှစ်) ၏ ငွေကျပ် (၆) သိန်းတန် နေအိမ် -- တို့ဖြစ်ကြသည်။

ရှိက်ဒါဖာရာရွာတွင် ကိုယ်ထိလက်ရောက် စော်ကားခံရသူများမှာ --

(၁) ဟူမိုက်ရာ (ဘ) ဦးနူရ်အာလောမ် (အသက် ၃၂ နှစ်)
(၂) နော်ဆီမာ (ဘ) ဦးဆော်လိမ် (အသက် ၂၇ နှစ်)
(၃) ဆေးတာရာ (ဘ) ဦးအိုမောရ်ဟမ်းဇား (အသက် ၃၃ နှစ်)
(၄) ဇူလိုက်ဟာ (ဘ) ဦးရော်ရှိတ်အာမတ် (အသက် ၂၉ နှစ်)
(၅) ဆေးနိုရာ (အသက် ၁၈ နှစ်)
(၆) နာဂူးနီ (အသက် ၁၆ နှစ်)
(၇) ဦးဟာကိမ်းအလီ (ဘ) ဦးဟူဆောင်းအလီ (အသက် ၅၅ နှစ်) -- တို့ဖြစ်ကြသည်။ 




Comment ရေးရန်

Rohingya Exodus