နောက်ဆုံးသတင်း/ဆောင်းပါးများ

ဘူးသီးတောင်မြို့နယ် မိကျောင်းဈေးရွာတွင် မြန်မာစစ်တပ်၏ မိုင်းပေါက်ကွဲမှုဖြစ်





RB News
22.9.2017

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် မိကျောင်းဈေးရွာတွင် မြန်မာစစ်တပ်က မြှပ်ထားသည့် မိုင်းတစ်လုံး ပေါက်ကွဲမှုဖြစ်ပွားခဲ့ကြောင်း သတင်းရရှိပါသည်။

ယနေ့ စက်တင်ဘာလ (၂၂) ရက်နေ့ နံနက် ၁၀ နာရီကျော် အချိန်တွင် ဘူးသီးတောင်မြို့နယ် မိကျောင်းဈေး ကျေးရွာရှိ အာရဗီစာသင်ကျောင်း ခြံဝန်းအတွင်း မိုင်းတစ်လုံး ပေါက်ကွဲမှု ဖြစ်ပွားခဲ့ပြီး၊ ထိခိုက်ဒဏ်ရာရရှိခြင်း မရှိခဲ့ကြောင်း ဒေသခံများက RB News သို့ပြောပါသည်။

ဒေသခံများက မြန်မာစစ်တပ်မှ စစ်သားများက အဆိုပါ မိုင်းကို မြှပ်သွားခြင်း ဖြစ်သည်ဟု ဆိုသည်။

“စစ်သားတွေ ရွာထဲကို နှစ်ကြိမ်လာပြီး စခန်းချတယ်။ စခန်းချတိုင်း အဲဒီ အာရဗီကျောင်းမှာ နေတယ်။ လွန်ခဲ့တဲ့လ ၂၉ ရက်နေ့မှာ လာတယ်။ တစ်ပတ်လောက် နေသွားတယ်။ ဒီလ ၁၀ ရက်နေ့လောက်မှာ တစ်ခါ ထပ်လာတယ်။ ၄ ရက်လောက် နေသွားတယ်။ စစ်သား အင်အား ၃၀ လောက်ရှိတယ်။” ဟု ဒေသခံတစ်ဦးက ပြောပါသည်။

မိုင်းမြှပ်ခဲ့ခြင်းနှင့် ပတ်သက်၍ အခြားဒေသခံတစ်ဦးက ယခုကဲ့သို့ ပြောပါသည်။

“လွန်ခဲ့တဲ့ ၁၉ ရက်နေ့က အာရဗီကျောင်းရဲ့ အနီးအနားက ရွာသူရွာသားတွေကို စစ်သားတွေက ခေါ်ပြီး အစည်းအဝေး လုပ်ခဲ့တယ်။ အာရဗီကျောင်းက နှစ်ထပ် အဆောက်အဦပါ။ စစ်သားတွေ အချို့နဲ့ ရွာသူရွာသားတွေ အပေါ်ထပ်မှာ အစည်းအဝေးလုပ်တယ်။ အဲဒီအချိန်မှာ အောက်ထပ်မှာ စစ်သားအချို့ ကျန်ခဲ့တယ်။ အဲဒီကျန်ခဲ့တဲ့ စစ်သားတွေ မိုင်းမြှပ်ခဲ့တယ်လို့ ကျွန်တော်တို့ ယူဆတယ်။ ရွာထဲကို ဘယ်လက်နက်ကိုင်အဖွဲ့မှ လာတာ မရှိဘူး”

မိုင်းပေါက်ကွဲပြီးနောက် ယခင်က နိုင်ငံတော် အတိုင်ပင်ခံ၏ သတင်းထုတ်ပြန်ရေးကော်မီတီ ယခု သတင်းထုတ်ပြန်ရေး ကော်မီတီမှ ပေါက်ကွဲမှုဖြစ်ပွားပြီး ၇ နာရီခန့်အကြာတွင် ဓါတ်ပုံများဖြင့် သတင်းထုတ်ပြန်ခဲ့ပြီး၊ တပ်မတော်ကာကွယ်ရေး ဦးစီးချုပ်ကလည်း ဗလီရှေ့ဆောင်ဆရာ မော်လ၀ီကူသုဗ်အူဒင်အား နယ်ခြားစောင့်ရဲတစ်ဦးက အင်တာဗျူးလုပ်သည့် ဗီဒီယိုကို လွှင့်ထုတ်ခဲ့သည်။

အဆိုပါ ဗီဒီယိုရိုက်ကူးခြင်းနဲ့ ပတ်သက်၍ ဒေသခံတစ်ဦးက “ရွာထဲက လူတွေအားလုံး နေအိမ်စွန့်သွားတုန်းက ဗလီဆရာလည်း ပါတယ်။ အာဏာပိုင်တွေ အတင်းအဓမ္မ ပြန်ခေါ်လာတော့ အဲဒီ ဗလီဆရာကိုလည်း ပြန်ခေါ်လာတယ်။ ဗလီဆရာရဲ့ ဖခင်ဖြစ်သူက အလွန်ကို နာမည်ကြီး ဆရာတစ်ယောက် ဖြစ်တော့ အခု မော်လ၀ီကူသုဗ်ကိုလည်း လူတွေ အရမ်းလေးစားကြတယ်။ သြဇာလည်း ညောင်းတယ်။ အဲဒီတော့ ဆရာကူသုဗ်ကို နယ်ခြားစောင့်ရဲတွေက ဖိအားပေးပြီး ပြောခိုင်းတဲ့ အတိုင်း ပြောရတာပါ။ ဆရာက အာဆာ နာမည်တောင် သေချာသိသူ မဟုတ်ဘူး။ ပြောခိုင်းတဲ့အတိုင်းကို မနည်း ကြိုးစားပြီး ပြောနေတယ်၊ ပြီးတော့ သေချာနားထောင်ရင် နောက်ကနေ သင်ပေးနေတဲ့ အသံကိုလည်းကြားပါလိမ့်မယ်” ဟု မှတ်ချက်ပေးသည်။

အစိုးရနဲ့ စစ်တပ်က လက်လုပ်မိုင်းဟု ပြောဆို၍ ဓါတ်ပုံများ တင်ထားခြင်းနှင့် ပတ်သက်၍ မောင်တောခရိုင်မှ လူ့အခွင့်အရေး အခြေအနေ စောင့်ကြည့်နေသူ တစ်ဦးက “လက်လုပ်မိုင်း ဆိုတာ ယမ်းရှိရင် လုပ်တတ်ရင် ဘယ်သူမဆို လုပ်လို့ရနေတာပဲ။ ဗမာစစ်တပ်ဖြစ်လို့ လက်လုပ်မိုင်း မလုပ်ဘူးလို့ ပြောလို့လည်း မရဘူး။ အဓိက အာဆာကို ချောက်တွန်းချင်လို့ လက်လုပ်မိုင်း ဓါတ်ပုံတွေ ထုတ်ပြတာ။ ပြီးတော့ ဒီမှာ အရေးကြီးတာက အာဆာ ဆိုတာ ရိုဟင်ဂျာ အဖွဲ့၊ အစ္စလာမ်ဘာသာဝင်တွေ၊ သူတို့ အနေနဲ့ ကိုယ်ကိုးကွယ်တဲ့ဘာသာရဲ့ ကျောင်းတစ်ကျောင်းမှာ အခုလို မိုင်းမြှပ်မလား၊ ယုတ္တိရှိဖို့လိုတယ်” ဟု သုံးသပ်ပြောဆိုသည်။ 



မိုင်းပေါက်ကွဲခြင်းနှင့် ပတ်သက်၍ RB News ၏ အင်္ဂလိပ်ပိုင်း အယ်ဒီတာ ဖြစ်သူ M.S. Anwar မှ Twitter ပေါ်တွင် မည်သူတစ်ဦးတစ်ယောက်မှ မရေးသားမီ ဦးစွာရေးသား ဖော်ပြခဲ့သည်။ စစ်တပ်၏ ကျူးလွန်မှုကို ပြန်လည် ချေပရန်အတွက် နယ်မြေတွင်း သြဇာညောင်းသည့် မော်လ၀ီကူသုဗ်အူဒင်ကိုပါ အတင်းအဓမ္မ ပြောဆိုခိုင်း၍ ၀ါဒဖြန့်နေခြင်း ဖြစ်သည်။

ယနေ့ နေ့လည်ပိုင်းတွင် ငါးရန့်ချောင်းကျေးရွာအုပ်စု ငါးရန့်ချောင်းရွာနှင့် ကျီးနှုတ်သီးရွာတို့ရှိ ရိုဟင်ဂျာများ၏ နေအိမ်များကို စစ်သားများ၊ နယ်ခြားစောင့်ရဲများနှင့် ရခိုင်အစွန်းရောက်များ ပူးပေါင်း၍ မီးရှို့ခဲ့သည်။ 

Comment ရေးရန်

Rohingya Exodus