ရိုဟင်​ဂျာ​တွေအ​ပေါ် ရာဇဝတ်​မှု ကျူးလွန်​ခဲ့တဲ့ မြန်​မာစစ်​​ဗိုလ်​ချုပ်​​တွေကို အ​မေရိကန်​အစိုးရက စီးပွား​ရေးဒဏ်​ခတ်​ အ​ရေးယူမှု​တွေ စတင်​

RB News

22.12.2017

ကမ္ဘာတစ်​လွှားက ဆိုးဆိုးဝါးဝါး လူ့အခွင့်​အ​ရေးချိုး​ဖောက်​သူ ၁၃ ဦးကို အ​မေရိကန်​နိုင်​ငံက စီးပွား​ရေးဒဏ်​ခတ်​ အ​ရေးယူခဲ့မှုမှာ မြန်​မာနိုင်​ငံဖက်​က​တော့ အနောက်ပိုင်းတိုင်း စစ်ဌာနချုပ်တိုင်းမှူးဟောင်း ဗိုလ်ချုပ်မောင်မောင်စိုး ပါဝင်​လာပါတယ်​။ ​ဗိုလ်​ချုပ်​​မောင်​​မောင်​စိုးဟာ ရခိုင်​ပြည်​နယ်​က အရပ်​သားရိုဟင်​ဂျာ​တွေအ​ပေါ် တရားလက်​လွန်​ လူ့အခွင့်​အ​ရေး ချိုး​ဖောက်​ခဲ့တဲ့ စစ်​ဆင်​​ရေး​တွေကို တာဝန်​ယူခဲ့တယ်​လို့ အ​မေရိကန်​ ဘဏ္ဍာ​ရေးဝန်​ကြီးဌာနရဲ့ မ​နေ့က ထုတ်​ပြန်​ချက်​ထဲမှာ ​ပါရှိ​ပါတယ်​။

ဗိုလ်ချုပ်မောင်မောင်စိုးကို အခုလို စီးပွား​ရေး ဒဏ်ခတ် အရေးယူလိုက်ခြင်းဟာ ရခိုင်ပြည်နယ်မှာ အရပ်​သားရိုဟင်​ဂျာ​တွေအ​ပေါ် ဆိုးဆိုးရွားရွား လူ့အခွင့်အရေး ချိုးဖောက်​နေတဲ့ မြန်​မာစစ်​တပ်​ရဲ့လုပ်​ရပ်​အ​ပေါ် အ​မေရိကန်​အစိုးရအ​နေနဲ့ စိတ်​ပျက်​​မိကြောင်းကို လက်​​တွေ့ပြသလိုက်​တာဖြစ်​ပြီး အရပ်​သားရိုဟင်​ဂျာ​တွေအ​ပေါ် မြန်​မာစစ်​တပ်​က ကြီးကြီးမားမား လူ့အခွင့်အရေး ချိုးဖောက်​နေတာ​တွေကို အမေရိကန်နိုင်​ငံအနေနဲ့ ဘယ်လိုမှ လက်ခံမှာမဟုတ်ဘူးလို့ မြန်မာနိုင်ငံဆိုင်ရာ အမေရိကန်သံမှူးဟောင်း Priscilla Clapp က ​ပြောပါတယ်။

ကြာသပတေးနေ့က လက်မှတ်ရေးထိုး ထုတ်ပြန်လိုက်တဲ့ သမ္မတ Donald Trump ရဲ့ အမိန့်အရ ဒဏ်ခတ်မှု ချမှတ်ခံလိုက်ရသူတွေအနေနဲ့ အမေရိကန်နိုင်​ငံမှာ ပိုင်ဆိုင်မှုတွေရှိ​နေရင် ချိတ်ပိတ်ခံရမှာ ဖြစ်​ပြီး အမေရိကန်နဲ့ နိုင်ငံတကာ ငွေကြေးစနစ် အသုံးပြုမှုမှာလည်း အကန့်အသတ်ပြုခြင်း​တွေ ခံရမှာဖြစ်ပါတယ်။

ရခိုင်ပြည်နယ်​က အရပ်​သား ရိုဟင်ဂျာတွေအပေါ် ဥပဒေမဲ့သတ်ဖြတ်မှု၊ အမျိုးသမီး​တွေအ​ပေါ် လိင်ပိုင်းဆိုင်ရာ အနိုင်ကျင့်စော်ကားမှု၊ တရားလက်​လွန်​ ဖမ်းဆီးမှုတွေအပါအဝင် ဆိုးရွားလွန်းတဲ့ လူ့အခွင့်အရေးချိုးဖောက်မှုတွေနဲ့ပတ်​သက်​ပြီး မြန်​မာအစိုးရမှာ တာဝန်ရှိကြောင်း ခိုင်လုံတဲ့ အထောက်အထားတွေ တွေ့ရှိခဲ့တာကြောင့် အခုလို ဒဏ်​ခတ်​အ​ရေးယူမှု စတင်​ရတာ ဖြစ်​တယ်လို့ မနေ့က အိမ်ဖြူတော်က ထုတ်ပြန်တဲ့ ကြေညာချက်မှာ ဖော်ပြထားပါတယ်။

ဗိုလ်ချုပ်မောင်မောင်စိုးကို အမေရိကန်ပြည်ထောင်စုက အခုလို ဒဏ်ခတ် အရေးယူ လိုက်တာဟာ အရေးပါတဲ့ ခြေလှမ်းတစ်​ရပ် ဖြစ်​ကြောင်း လူ့အခွင့်အရေးစောင့်ကြည့်ရေး အဖွဲ့ (HRW) က အာရှရေးရာ ညွန်ကြားရေးမှူး John Sifton က ပြောပါတယ်။

မြန်​မာနိုင်​ငံက​နေ ဘင်္ဂလား​ဒေရှ့်​ဖက်​ခြမ်းကို ကျည်​ဆံဒဏ်​ရာအပါအဝင်​ တခြားဒဏ်​ရာ​ဒဏ်​ချက်​တွေနဲ့အတူ ​ထွက်​​ပြေးခိုလှုံလာတဲ့ ဒုက္ခသည်​​တွေက​တော့ ​ဒေသခံ​ဗုဒ္ဓဘာသာဝင်​​တွေအုပ်​စု​တွေနဲ့ မြန်​မာစစ်​သား​တွေ လက်​တွဲညီညီနဲ့ သူတို့ရဲ့ ရွာ​တွေကို မီးရှို့ခဲ့ကြတာဖြစ်​​ကြောင်း၊ အရပ်​သား​တွေကို ပစ်​မှတ်​ထား တိုက်​ခိုက်​သတ်​ဖြတ်​ခဲ့​ကြောင်း၊ အမျိုးသမီး​တွေကို အဓမ္မပြုကျင့်​​ကြောင်း စတဲ့ သူတို့​တွေ့ကြုံရင်​ဆိုင်​ခဲ့ရတာ​တွေကို ထွက်​ဆို​လျက်​ရှိနေပါတယ်​။

ဩဂုတ်​လ ၂၅ ရက်​​နေ့တွင်​ ဖြစ်​ပွားခဲ့တဲ့ အ​ရေးခင်း​နောက်​ပိုင်း ရခိုင်​ပြည်​နယ်​မှာ အပြစ်​မဲ့ ရိုဟင်​ဂျာအရပ်​သား​ပေါင်း ၆၇၀၀ ကျော်​ သတ်​ဖြတ်​ခံခဲ့ရ​တယ်​လို့ MSF က ပြီးခဲ့တဲ့အပတ်​က အစီရင်​ခံစာထုတ်​ပြန်​ခဲ့ပါတယ်​။ လူ​ပေါင်း ၇ သိန်းနီးပါး​ဟာ အိုးအိမ်​​တွေ မီးရှို့ခံရပြီး ဘင်္ဂလား​ဒေရှ့်​ဖက်​ခြမ်းကို အသက်​လုပြီး ထွက်​​ပြေးလာခဲ့ရခြင်း၊ အမျိုးသမီး​တွေ အဓမ္မအနိုင်​ကျင့်​ခံရခြင်း စတဲ့ စစ်​တပ်​ရဲ့ လူမဆန်​တဲ့ ကျူးလွန်​မှု​တွေဟာ သင်​ရိုးညွှန်းတမ်းမှာ ဥပမာပြစရာ လူမျိုးစုအလိုက်​ သုတ်​သင်​ရှင်းလင်း​​​ရေး လုပ်​​ဆောင်​မှုဖြစ်​တယ်​လို့ ကမ္ဘာ့ကုလသမဂ္ဂကအဖွဲ့က နိုဝင်​ဘာလ ၂၂ ရက်​​နေ့မှာ အတိအလင်း ​ပြောကြားခဲ့ပါတယ်​။

မြန်​မာအစိုးရက​တော့ အနောက်ပိုင်းတိုင်းမှူး ဗိုလ်ချုပ်မောင်မောင်စိုးကို ပြီးခဲ့တဲ့ နိုဝင်ဘာလထဲမှာ အဆိုပါ ရာထူးက ဖယ်ရှားခဲ့ပြီး သူ့နေရာမှာ ဗိုလ်မှူးချုပ်စိုးတင့်နိုင်ကို အစားထိုး ခန့်အပ်ခဲ့ပါတယ်​။