နောက်ဆုံးသတင်း/ဆောင်းပါးများ

လူမျိုးတုန်းသတ်ဖြတ်မှု မူဝါဒ၏ သားကောင်များ

(Photo Credit: Moises Saman/Magnum/MSF)

ရေးသားသူ -- ယျာတင် (ရိုဟင်းသား)
RB News
31.12.2017

(၁)

"ယောက်ျား ... လုပ်​ပါဦး... ​ဗိုက်​က အရမ်း​နာနေပြီ.... ကျမ မခံနိုင်​​တော့ဘူး ​မောင်​​ရေ...."

ဇနီးသည်​ ခံစား​နေသော နာကျင်​မှုဒဏ်​သည်​ သူ့ထံသို့ပင်​ ကူးစက်​လာ​နေသလို သူခံစား​နေရ၏။

"မိန်းမ​ရေ ... ခဏ​လောက်​ ​အောင့်​ခံထားပါ ... ညီ​လေး... ဆိုက္ကား မ​ရောက်​​သေးဘူးလားကွ ... မြန်​မြန်​​လုပ်​ပါဆိုမှ ... "

အာဇီးမ်​၏ ပျာ​လောင်​ခတ်​​နေမှုကို ကြည့်​လျှင်​ မိန်းမအ​ပေါ် ထားရှိသည့်​ သူ၏ ချစ်​ခြင်း​မေတ္တာကို သိသာစွာ မြင်​နိုင်​ပါသည်​။

လက်​ထပ်​ထိမ်းမြားခဲ့သည်​မှာ ​လေးနှစ်​​ ရှိသွားပြီ ဖြစ်​​သော်​လည်း သူ့ချစ်​ဇနီးသည်​မှာ သ​န္ဓေသားက မတည်​မြဲ။ အမြဲပဲ ပျက်​သွားတတ်​သည်။ ထို့​ကြောင့်​ သားသမီး မရခဲ့​သော သူသည်​ သားသမီး ရတနာ​လေးကို တကယ်​ပဲ ​မျှော်​လင့်​တောင့်​တ ​နေ​လေ၏။ သည်​တစ်​ခါ​တော့ သူ့ချစ်​ဇနီးမှာ ကိုယ်​ဝန်​ကမြဲခဲ့ပြီး ​မွေး​ရမယ့်​​နေ့ရက်​​တောင်​ ​စေ့လို့လာခဲ့ပြီ။

"ကိုလတ်​.... ဆိုက္ကား​ရောက်​ပြီ...."

ညီဖြစ်​သူ၏ ​ခေါ်သံ​ကြောင့်​ အာဇီးမ်​၏ ​တွေးလက်​စအ​တွေးများ ပြတ်​​တောက်​သွားလေ၏။

အင်္ကျီကို ​ကောက်​ဝတ်​လိုက်​သည်​။ ​ဆေးရုံတွင်​လိုအပ်​မည့်​ အသုံးအ​ဆောင်​အနည်းငယ်​ စုလိုက်​သည်​။ ပြီးလျှင်​ ဇနီးသည်​ကို ​​ပွေ့ချီပြီး ဆိုက္ကား​ပေါ် တင်​လိုက်​၏။ ဇနီးသည်​က ​ဗိုက်​ကို လက်​တစ်​ဖက်​နှင့်​ ဖိထားကာ ခံစား​နေရ​သော နာကျင်​မှု​ကို​ ​အောင့်​ခံ​နေ​လေသည်​။

လမ်းက မ​ကောင်းသဖြင့်​ ဆိုက္ကားကို နင်းမရ။ ဆိုက္ကားသမားနှင့်​အတူ အာဇီးမ်​လည်း ဆိုက္ကားကို တစ်​ဖက်​က​နေ တွန်းရင်း သွား​နေသည်​။ သူတို့ရွာသည်​ မြို့နှင့်​ ​ငါးမိုင်​​လောက်​​ဝေး​သော​ကြောင့်​ ​ဆေး​ခန်း​ရောက်​ဖို့​တော့ အ​တော်​ကြာ​နေဦးမှာပင်​။ လက်​က နာရီကို ကြည့်​လိုက်​​တော့ ​လေးနာရီ ထိုးရန်​ ဆယ့်​ငါးမိနစ်သာ​ လို​တော့၏။ လမ်းခရီးကလည်း သုံးပုံ တစ်​ပုံ​လောက် ဆန့်​ပြီးဖြစ်​​လေသည်​။

မွန်းတည့်​ချိန်​ကစပြီး သူ့မိန်းမက ​ဗိုက်​နာလာသည်​ဆို၍ ရွာက အ​ကောင်းဆုံး လက်​သည်​ကို ​ခေါ်လာခဲ့၏။ သို့​သော်​ လက်​သည်​က အ​တော်​ကြာကြာစမ်းခဲ့ပြီး အ​ခြေအ​နေ မဟန်​​ဘူးဆို၍ ​ဆေးရုံတက်​ရန်​သာ အကြံ​ပေးခဲ့ခြင်းဖြစ်​သည်​။ တကယ်​​တော့ အသွားအလာ ခက်​ခဲသည်​က တစ်​​ကြောင်း၊ လမ်းမှာ ရှိ​နေ​သော န.စ.က စခန်းကို ဖြတ်​သန်းသွားရတာ​ကတစ်​​ကြောင်း၊ ​ဆေးရုံမှာလည်း လူမျိုး​ရေးခွဲခြားတတ်​သည်​ကတစ်​​ကြောင်း၊ အဲ့သလို အ​ကြောင်းအမျိုးမျိုး​ကြောင့်​ သည်​​ဒေသက အမျိုးသမီးများသည်​ ​ဆေးရုံတက်​ပြီး က​လေးမွေးရသည်​ထက်​ ကိုယ့်​အိမ်​မှာပဲ လက်​သည်​အကူအညီနှင့်​ က​လေးမွေးတတ်​သည်​မှာ မည်​သို့မျှ မဆန်း။

"​ဟေ့​ကောင်​​တွေ... ဘယ်​သွားမလို့လဲ ... ​ရွာထွက်​လက်​မှတ်​ပြ...."

ကင်းစခန်းမှ န.စ.က တစ်​​ယောက်​၏ ခပ်​ကြမ်းကြမ်း အသံက အ​တွေးထဲ မျှောပါနေသည့် အာဇီးမ်​ကို တုန်​လှုပ်​​စေသည်​။

"ဆရာ...​ဆေးခန်းသွားပြမလို့ပါ ... အ​ရေးတကြီး ချက်​ချင်းလာလိုက်​ရတာနဲ့ ရွာထွက်​လက်​မှတ်​​ မပါလိုက်​ပါဘူး ဆရာ ..."

အာဇီးမ်​က န.စ.က ရဲ ကို ညှင်​ညှင်​သာသာ ယဉ်​ယဉ်​​ကျေး​ကျေး ​ပြောပြလိုက်​သည်​။

"မရဘူးကွ ... ဘယ်​သွားပြပြ ကုလားဆို ရွာထွက်​လက်​မှတ်​ပါရမယ်​ဆိုတာ မင်းတို့ မသိဘူးလား ... သွားယူကွာ ..."

"ဆရာ... လူနာက ရက်​​စေ့​နေတဲ့ ကိုယ်​ဝန်​နဲ့ပါ ... အရမ်း နာ​နေလို့ ချက်​ချင်းထွက်​လာလိုက်​တာနဲ့ ရွာထွက်​လက်​မှတ်​ မယူနိုင်​တာပါ.... ​နောက်​တစ်​ခါဆို ယူလာပါမယ်​... ဒီတစ်ခါတော့ သွားခွင့်​ပြုပါ..."

အာဇီးမ်​က ခွင့်​​တောင်းသလို ပုံစံမျိုးဖြင့်​ ​အေး​အေး​ဆေး​ဆေး ​တောင်းဆိုလိုက်​တဲ့အဆုံး....

"​ဟေ့ကုလား...လျှာရှည်​မ​နေနဲ့.... သနား​လာအောင်​ ပုံစံမျိုးနဲ့ လာမ​ပြောနဲ့ ... ကုလားဆို မသနားတတ်​ဘူး.... ရွာထွက်​လက်​မှတ်​မပါရင်​ ပြန်​ကွာ..."

န.စ.က ရဲ၏ ပြတ်​သား​သော အ​ပြော​ကြောင့်​ အာဇီးမ်​က ​သူ့ဒေါသကို ​ခေတ္တမျှ မထိန်းမနိုင်​ဖြစ်​သွားသည်​။

"ရွာထွက်​လက်​မှတ်​လည်း မပါဘူး ... ဒီအတိုင်းသွားမှာပဲ ...သတ်​ချင်​ရင်​သတ်​လို့ရတယ်​ ...လူနာကို ဆရာလည်း ကိုယ်​​တွေ့ပဲ ... "

"ငါလိုးမ ကုလား ... အာခံပြီး ​ပြောတယ်​​ပေါ့ ... ​ရော့ ..."

____________________×××____________________

(၂)

"​ရော့ ...!!! ပြီး​တော့ ဆက်​​ပြောပြလေ" ဆိုပြီး ကျွန်​​တော်​​က ​သိချင်​စိတ်​ပြင်းစွာ​ မေးကြည့်​လိုက်​လျှင်​ ဦး​လေးဟာရုန်းက သူ့လက်​သီးကို ငါ့ဝမ်း​ဗိုက်​တည့်​တည့်​ကို အသာအယာ လာထိုးပြီး ​ပြောပြသည်​။

"န.စ.က ​တွေက ဝိုင်းထိုးရိုက်​တာ​ပေါ့ကွာ ..."

"ပြီး​တော့ ... ဦး​​လေးအာဇီးမ်​ရဲ့ မိန်းမ​ရော ... ​ပြီး​တော့ နောက်​ဘာဖြစ်​သွားလဲ"
ကျွန်​​တော်​က တရစပ်​​မေးကြည့်​လိုက်​ပြန်​သည်​။

"​​အေး​ပေါ့ကွ ... ငါ့မှာ တပူ​ပေါ် နှစ်​ပူဆင့်​ရတာ​ပေါ့​ ... ဟိုက စိတ်​ရှိတိုင်း ဝိုင်းထိုးရိုက်​နှက်​တာ ခံရ​တော့ အာဇီးမ်​ဘိုင် ​လည်း သတိ​မေ့သွားတယ်​ ... သူ့မိန်းမကလည်း အရမ်းနာ​နေတယ်​ ဆိုပြီး ​အော်​​​အော်​နေတယ်​ ... ငါ့မှာ ​ရွေးချယ်​စရာမှ မရှိခဲ့တာ ... အာဇီးမ်​ဘိုင်ကိုပါ ဆိုက္ကား​ပေါ်တင်​ပြီး အိမ်​ပြန်​လမ်းကို နှင်​ရတာ​ပေါ့ ... နေကလည်း ဝင်​လုဆဲ ဖြစ်​​နေ​တော့ ​မှောင်​စပြုလာတယ်​ ... ပြန်​လာရင်းနဲ့ အိမ်​မ​ရောက်​ခင်​ လမ်းတစ်​ဝက်​မှာပဲ က​လေး​မွေးလိုက်​ရတယ်​​လေ ... "

"ဘာ ...!!! လမ်းမှာ က​လေး​မွေးတယ်​ ...!!! "​တောက်​ ... ဒီ န.စ.က ​တွေမှာ လူ့စိတ်​မရှိလိုက်​တာ​ဗျာ ...''

ဆိုက္ကားသမား ဦး​လေးက လွန်​ခဲ့​သော နှစ်​ ၂၀ အရင်​က အ​ကြောင်းတစ်​ခုကို တွေး​တွေးပြီး ပြန်​ကာပြောပြ​နေ​​သည်​ကို နား​ထောင်​နေရသူ ကျွန်​​တော့မှာ​တော့ ကြက်​သီးက တဖြန်းဖြန်းထလို့။

"​အေးကွာ ... လမ်း​ပေါ်မှာ အမျိုးသမီးတစ်​​ယောက်​ မီးဖွား​နေတာကို ဆိုက္ကားသမားဖြစ်​တဲ့ ငါက ဘာလုပ်​ရမှန်းကို မသိခဲ့ဘူး ... အဲ့ချိန်​ခဏ​တော့ ငါ တကယ်​ရူးသွားခဲ့တာပဲ ... က​လေး​လည်း ​မွေးပြီး​ရော့ အာဇီးမ်ဘိုင် ​လည်း ပြန်​ပြီး သတိရလာတယ်​ ... ဒီ​တော့ အာဇီးမ်ဘိုင် ... ငါ ဒီရွာကလူ​တွေကို အကူအညီသွား​တောင်းမယ်​ ဆိုပြီး ​ပြေးသွားလိုက်​တာ ... ဒါ​ပေမယ့်​ အချိန်​မမီလိုက်​ဘူး ... ကူညီမယ့်​လူ​တွေ ​ရောက်​လာချိန်​မှာ​တော့ အာဇီးမ်ဘိုင် က သူ့ အမျိုးသမီးရဲ့ အသက်​မရှိ​တော့တဲ့ ခန္ဓာကိုယ်ကို ​ပွေ့ဖက်​ရင်း ငို​​နေတာကိုပဲ ​တွေ့လိုက်​ရတယ်​ ... သူ့မိန်းမ ဆုံးသွားရှာတယ် တူ​လေးရာ .... သူ့အသက်ဆုံးရှုံးသွားတယ် ..."

ပြောပြရင်းနှင့်​ ဆိုက္ကားသမား ဦး​လေး တစ်​​ယောက်​ ချုံးပွဲချ ငို​ကြွေးလိုက်​​တော့သည်​။ ကျွန်​​တော့်​ ပါးပြင်​မှာလည်း မျက်​ရည်​​တွေ စီးကျပြီး ​နေရာယူနှင့်​လို့။

၁၉၉၄ ခုနှစ်​၏ တစ်​​ခုသော ည​နေခင်း။ သည်​လို ည​နေခင်းမျိုး ရိုဟင်​ဂျာတို့ဘဝမှာ ခပ်​များများရယ်​။

____________________×××____________________

(၃)

"ဟာရုန်းဘိုင်​ ... ဟာရုန်းဘိုင်​ ...ခင်​​ဗျား သိပြီးပြီလား ... ခင်​​ဗျား သိပြီးပြီလား ... ဆာဒဲက်​​လေ ...ဆာဒဲက်​​လေ ... "

ပြေး​လာခဲ့​သော​ကြောင့်​ အာဇီးမ်​တစ်​​ယောက်​ မောဟိုက်​​နေ​၏။ ​မောဟိုက်​စွာ ​ပြောပြ​နေ​သော အာဇီးမ်​၏ စကားလုံးတစ်​ခု​ကြောင့်​ ဟာရုန်း၏ ရင်​ထဲ မီး​ခဲ ထည့်​လိုက်​သလို ချက်​ချင်း ပူ​လောင်​သွားသည်​။

"အာဇီးမ်​ဘိုင်​ ... ဆာဒဲက်​ ဘာ​ဖြစ်​တာလဲ ...ငါ့ဆာဒဲက်​ ဘာဖြစ်​တာလဲ"

"ဆာဒဲက်​ ဆယ်​တန်း​အောင်​ပြီ​ဗျာ ... ဂုဏ်​ထူးလည်း ​လေးဘာသာ ပါတယ်​ ... ငါ​လေ ဒီသားတစ်​​ယောက်​တည်း​ရဲ့ အ​ဖေဖြစ်​ရတာနဲ့တင်​ လူဖြစ်​ရကျိုးနပ်​ပြီ​ဗျာ ... ငါ ဒီ​နေ့ အရမ်း​ပျော်​တယ်​​..."

"​ဟာ​ကွာ ... မင်းက လူကို တမင်​ ​စိတ်​ပူလာ​အောင်​​လုပ်​လိုက်တယ်​​ ... ငါဖြင့် ​စိုးရိမ်​သွားလိုက်တာ ..."

ထိုအခါမှ ဆိုက္ကားသမားကြီး ဟာရုန်းတစ်​​ယောက်​ သက်​ပြင်းချနိုင်​ခဲ့ပြီ။

"ဘာလဲ မင်းရော မ​ပျော်​ဘူးလား​ ... ငါ့သား ဂုဏ်​ထူး​လေးဘာသာနဲ့ ​ဆယ်​တန်း အောင်​တာ မင်း မ​ပျော်​ဘူးလား ... မင်းလည်း ​ပျော်​သင့်​တာ​ပေါ့​ .. မဟုတ်ဘူးလား ဟာရုန်း ... ငါ​တော့ အရမ်းအရမ်းကို ​ပျော်​​တယ်​​ ... မနက်​ဖြန်​ နွားဖော်​ပြီး ရွာသူရွာသား​တွေကို ထမင်း​ဖိတ်​ကျွေးမယ်​ ... မင်းလည်း ​စော​စောစီးစီး လာကွာ ... ငါတော့ အရမ်း ​ပျော်​နေတယ်​​... အရမ်းပဲ ..."

ငါလည်း သိပ်​​ပျော်​တာ​ပေါ့​။ ဆာဒဲက်​ဟာ ငါ့ လက်​​ပေါ်မှာပဲ ​မွေးဖွားလာသူ မဟုတ်​လား။ ငါ့ကို ချစ်​ချစ်​ခင်​ခင်​နဲ့ ဘကြီး​ခေါ်တဲ့ မင်းသား ဆာဒဲက်​ကို ငါလည်း သားအရင်း တစ်​​ယောက်​လို ချစ်​မြတ်​နိုးတာ မင်းလည်း သိသားပဲ။

ကခုန်​သည့်​ဟန်​ပန်​ဖြင့်​ ​လျှောက်​ကာ ပြန်​သွား​နေ​သော တစ်​ရွာတည်းသား အာဇီးမ်​ကို ​ငေးကြည့်​ရင်း ဟာရုန်းတစ်​​ယောက်​ တစ်​ကိုယ်​တည်း တီးတိုးစွာ ​ပြောလိုက်​သည်​။

"မိန်းမ​ရေ ... ငါ့ ချစ်​​တော်​ကြီး ဂုဏ်​ထူး​လေးဘာသာနဲ့ ဆယ်​တန်း​အောင်​တယ်​တဲ့"

ဟာရုန်းက အိမ်​​နောက်​​ဖေးမှာ အလုပ်​လုပ်​​နေ​သော သူ့မိန်းမကို တက်​ကြွ​နေသည့်​​လေသံဖြင့်​ လှမ်း​အော်​​ပြောလိုက်​သည်​။

အပြင်​မှာ မိုးဖွဲ့ဖွဲ့ရွာ​နေ​သည်​။ ၂၀၁၁ ခုနှစ်​၊ ဇွန်​လထဲက သည်​​နေ့ရက်​သည်​ ၁၇ နှစ်​ကြာ​ကြာ ခံစား​နေရ​သော အာဇီးမ်​ဘိုင်၏ စိတ်​ထိခိုက်​နာကျင်​ခံစားခဲ့ရမှုများကို ​ပျောက်​ကင်းသွားပါ​စေလို့ ဟာရုန်းက စိတ်​ထဲက​နေ ဆု​တောင်း​ပေးလိုက်​သည်​။

ပျော်​ရွှင်မှု တိမ်​တိုက်​များ ​ကောင်းကင်​တစ်​ခွင်​မှာ ပြန်​ပြီး ထူထပ်​​နေလို့။

____________________×××____________________

(၄)

"ဦး​လေး ... ပထမတစ်​​ခေါက်​ စိတ်​ညစ်​လို့ ငိုခဲ့ရ​ပေမယ့်​ ဒီတစ်​​ခေါက်​​တော့ ဦး​လေးတို့နဲ့အတူ ကျ​နော်​လည်း ​ပျော်​လာတယ်​ ... မိတဆိုး သားတစ်​​ယောက်​ ဆယ်​တန်းကို ​လေးဘာသာနဲ့ ​အောင်​​အောင်​ ကြိုးစားခဲ့တာ တကယ်​ ​လေးစားဖို့​လည်း ကောင်းတယ်​​... အင်​မတန်​ လိမ္မာတဲ့ သား​လေးပါပဲ​နော်​ ..."

ကျွန်​​​တော်​က ဒီတစ်​ခါ ​ပျော်​ရွှင်​​ပေါ့ပါးစွာ ​ပြောလိုက်​လျှင်​ ...

"​သိပ်​မှန်​တာ​ပေါ့ကွယ်​ ... ဆာဒဲက်​က တကယ့်​ကို လူလိမ္မာ​လေး ... သူ့အ​ဖေကလည်း သားရဲ့ ပညာ​ရေးမှ ပညာ​ရေးပဲ ... အလားတူ ဆာဒဲက်​ကလည်း သူ့အ​ဖေရဲ့ အိပ်​မက်​​တွေ အ​ကောင်​အထည်​​ဖော်​ခွင့်​ရဖို့ အင်​တိုက်​အားတိုက်​ စာကြိုးစားတယ်​ ...ဒါ​ပေမယ့်​ .... "

"ဒါ​ပေမယ့်​" ဆိုပြီး ဦး​လေး ဟာရုန်းက စကားကိုရပ်​တန့်​လိုက်​ပြီး ဟိုအ​ဝေးကြီးကို ရီ​ဝေစွာ​ငေး​နေ၏။ အ​တော်​ကြာကြာအထိ ဘာမှ​ပြောမလာ​​သောအခါ ကျွန်​​တော်​က ဝင်​​ထောက်​ပေး၍ ​မေးလိုက်​၏။

"ဒါ​ပေမယ့်​ ... ​​နောက်​ဘာဖြစ်​သွားတာလဲ ဦး​လေး"

"​ဒီလိုကွာ ... အာဇီးမ်​ဘိုင်ရဲ့ ရည်​မှန်းချက်​က သူ့သားကို သွားဖွားမီးယပ်​အထူးကု ဆရာဝန်​ကြီး တစ်​​ယောက်​ ဖြစ်​လာဖို့ ​မျှော်​လင့်​ချက်​ထားတယ်​ ... ​နောက်​ထပ်​​နောက်​ထပ်​​သော အမျိုးသမီး​တွေ သူ့အ​မေလို လမ်းတစ်​ဝက်​မှာ က​လေးမ​မွေးရ​အောင်​​ပေါ့တဲ့ ... သူ့အ​မေလို လမ်းတစ်​ဝက်​မှာ အကူအညီမဲ့ မ​သေရ​အောင်​​ပေါ့​တဲ့ ... သူ့သားကလည်း အမှတ်​မှီတယ်​ ... ဒါ​ပေမယ့်​ ... ပညာ​ရေးဝန်​ကြီးဌာနက ​သူ့သား​လျှောက်​တဲ့ ဆေးတက္ကသိုလ်​ကို မ​ပေးဘဲ သာမန်​ဘာသာရပ်​​မေဂျာတစ်​ခု ချ​ပေးတယ်​ ... စစ်​​တွေတက္ကသိုလ်​မှာ တက်​​ပေါ့တဲ့ ... မှတ်​ပုံတင်​မရှိလို့တဲ့ ... ဟူး ..."

ဦး​​လေးဟာရုန်းက "ဟူး" သက်ပြင်းရှည်တစ်ချက်ချလိုက်ပြီး စကားကို ရပ်​တန့်​လိုက်​ပြန်​သည်​။

ဒုက္ခသည်​စခန်းရှိရာ တောင်​။ ထို​တောင်​ထိပ်​​၏ အပင်​တစ်​ပင်​​အောက်​မှာ ထိုင်​​နေပြီး အတိတ်​တစ်​ခုကို ပြန်​ပြီး ​တွေး​တွေး​ပြောပြ​နေ​သော ဦး​လေး ဟာရုန်းက အမိ​မြေ မြန်​မာဖက်​ခြမ်းကို အဆုံးအစမဲ့စွာ ​ငေးကြည့်​​နေ၏။ ​နေမင်းသည်​ အ​နောက်​ရပ်​ဝန်းသို့ အ​တော်​ယိုင်​သွားခဲ့ပြီ။ အ​တော်​ကြာကြာအထိ စကားဆက်​မလာ​သော​ကြောင့်​ သိချင်​စိတ်​ပြင်းပြ​နေ​သော ကျွန်​​တော်​က ဦး​လေးကို ထပ်​တစ်​ပြန်​ စကားဝင်​​​ထောက်​လိုက်​၏။

"ပြီး​တော့ ... ဆက်​ပြီး ဘာဖြစ်​​သေးလဲ ဦး​လေး ..."

"အာဇီးမ်ဘိုင်​က ဒီ​လောက်​​တော်​​နေတဲ့ သူ့သားကို သာမန်​​မေဂျာတစ်​ခုနဲ့ တက္ကသိုလ်​တက်​ပြီး အချိန်​မကုန်​​စေချင်​ဘူး ... သူ​ အင်​မတန်​ ​မျှော်​လင့်​တဲ့ သားဖွားမီးယပ်​ အထူးကု ပညာရပ်ကို ဒီနိုင်​ငံမှာ သင်​ယူခွင့်​မရရင်​လည်း နိုင်​ငံရပ်​ခြားကို ​စေလွှတ်​ပြီး သင်စေချင်​တယ်​ ... သူ့မှာ ရှိတဲ့ လယ်​ယာ​မြေ အများစုကို ​ရောင်းချလိုက်​တယ်​ ... နိုင်​ငံရပ်​ခြားမှာ တက္ကသိုလ်​တက်​ဖို့ဆိုတာ ​ငွေအ​တော်​လိုတယ်​​လေ ... ပြီး​တော့ သူ့သားကို ဒီဘင်္ဂလား​ဒေရှ့်​နိုင်​ငံကို ​လွှတ်​လိုက်​တာ​ပေါ့​လေ .... အဲ့မှာ​ပေါ့ဟ ... အဲ့မှာ​ပေါ့ ..."

ဦး​လေးဟာရုန်း၏ အသံမှာ ရှိုက်​ငိုသံနှင့်​အတူ တိမ်​​ကောသွားလို့။ ဆက်​ပြီး ဘာဖြစ်​ခဲ့သလဲဆိုသည်​ကို ကျွန်​​တော်​ အတိအကျ မှန်းဖို့ခက်​​နေ​ပေမယ့်​ သည်​မိသားစု ထပ်​ပြီး တစ်​ခါ ဝမ်းနည်း နာကျင်​စရာများနှင့်​ ကြုံ​တွေ့ခဲ့ရပြီဆိုတာကို​တော့ ​ယေဘုယျအားဖြင့်​ မှန်းလို့ရ​နေသည်​။ ဦး​လေးဟာရုန်း ဆက်​ပြောပြလာမည်​ကို ကျ​နော်​ စိတ်​ဝင်​တစား နားစွင့်​​နေမိ၏။

"သူ့သား စီးလာတဲ့ ​လှေက ဒီနတ်​မြစ်​အလယ်​မှာ မြုပ်​သွားခဲ့ပါ​လေ​ရော ... အဲ့ဒီ သတင်းကြားကြားချင်း အာဇီးမ်​ဘိုင်​လည်း သတိလစ်​သွား​တယ်​ ... ငါတို့အားလုံးလည်း အရူးတစ်​ပိုင်း ဖြစ်​သွားခဲ့တာ​ပေါ့ ... ဆာဒဲက်​ကို ရှာဖို့ လိုက်သွားရမလား ... အာဇီးမ်​ဘိုင်​ကို ​ဆေးရုံတင်​ရမလားနဲ့​ပေါ့ ...

နှစ်​ရက်​အကြာမှာ​တော့ ဆာဒဲက်​ရဲ့ ပုပ်​​စော်နံ​နေတဲ့ အ​လောင်းက မြစ်ထဲက မျှောလာပြီး ကမ်းခြေတစ်ခုမှာ တင်နေတာ ​တွေ့လိုက်​ရတယ်​ ... အဲ့ချိန်​ အာဇီးမ်​ဘိုင်​က ပုပ်​​စော်​နံ​နေတဲ့ သူ့သားကို ဖက်​ပြီး "သား​ရေ" ဆိုပြီး ​​အော်​ဟစ်​ငို​ကြွေးခဲ့တဲ့ပုံရိပ်​ဟာ ယခုထိ ငါ့အ​တွေးထဲက ထုတ်​ရခက်​​နေတုန်းပါပဲ တူ​လေးရာ ..."

ဦး​လေးဟာရုန်း၏ စကားအဟုန်​တွင်​ စီး​မျှောသွားရင်း ကျွန်​​တော်​လည်း ရှိုက်​ငို​​လိုက်​​တော့သည်​။

____________________×××____________________

(၅)

အခု ဆာဒဲက်​ အ​ဖေ​ရော ဘယ်​မှာလဲ။ သူ ​နောက်​အိမ်​ထောင်​ကျပြီး ဘဝကို ​နောက်​တစ်​ပြန်​ အစပြုခဲ့သလား။ ဘဝကို ဘယ်​လိုပုံစံမျိုးနဲ့ ဆက်​လက်​ရှင်​သန်​ ဖြတ်​သန်းခဲ့သလဲ။ ကျွန်​​တော့ အ​တွေးထဲမှာ သိချင်​စရာများစွာ ဖြစ်​​ပေါ်လာခဲ့​ပေမယ့်​ ဦး​လေး ဟာရုန်းကို ထပ်​ပြီး ဘာမှမေးချင်​တဲ့စိတ်​ ကျွန်​​တော့မှာ ရှိမ​နေတော့​။

ဦး​လေးဟာရုန်းကို ကျွန်​​တော်​သိသည်​မှာ သည်​ဒုက္ခသည်​စခန်းကို ​ရောက်​ပြီးမှ ဖြစ်​သည်​။ အာရ်​ကာန်​မှာ ရှိစဉ်​ မမြင်​မ​တွေ့ဖူး​ပေမယ့်​ အသက်​ ၆၀ ​ကျော်​ရှိမည့်​ စိတ်​​စေတနာ​ကောင်းသည့်​ ဦး​လေးဟာရုန်းကို "ဦး​လေး" ဆိုပြီး ကျွန်​​တော်​ တ​လေးတစား ​ခေါ်ခဲ့​သည်​။ အတိတ်​က အ​ကြောင်းအရာများကို စပ်​စုတတ်​​သော ကျွန်​​တော်​က ဦး​လေးကို သူတို့ ငယ်​စဉ်​က အ​ကြောင်းအရာများ ​မေးဖြစ်​ခဲ့ရာမှ သည်​ဖြစ်​ရပ်​မှန်​​လေးကို သူ​ပြောပြခြင်းဖြစ်​၏။

၂၀၁၇ ခုနှစ်​၊ ဩဂုတ်​လ (၂၅) ရက်​​နေ့ အ​ရေးအခင်း​နောက်​ပိုင်း အသက်​လွတ်​နိုင်​ရာ ဘင်္ဂလား​ဒေရှ့်​နိုင်​ငံကို ​ထွက်​​ပြေးတိမ်း​ရှောင်​လာ​ခဲ့သော လူ​ပေါင်း ၇ သိန်းနီးပါးမှာလည်း ဆာဒဲက်​တို့မိသားစုလို ဖြစ်​ရပ်​ဆိုး တစ်​မျိုးမျိုးနှင့်​ ကြုံ​တွေ့ခဲ့ရသည့်​ ဖြစ်​ရပ်​မှန်​ ဇတ်​လမ်းများ ကိုယ်​စီရှိ​နေဦးမည်ပင်​။

တောင်​​ပေါ် အပင်​​၏ အရိပ်​​အောက်​၌ ထိုင်​​နေသည့်​​နေရာမှ ​ကြည့်​လိုက်​လျှင်​ တစ်​ခုနှင့် တစ်​ခုကပ်​​ပြီး ဆောက်​ထား​သည့်​ ထူထပ်​​နေ​သော ဒုက္ခသည်​စခန်းရှိ တဲအိမ်လေးများ၊ အိုးအိမ်​ထားရစ်​ပြီး အမိ​မြေကို စွန့်​ခွာလာခဲ့ရ​သော မျှော်​လင့်​ချက်​မဲ့​​နေ​သည့်​ ဒုက္ခသည်​များကို ​တွေ့​နေရ၏။

မကြာခင်​ ​နေမင်း ပျောက်​ကွယ်​ပြီး သည်​​နေရာ​လေးကို အ​မှောင်​က မျိုသွားပါလိမ့်​မည်​။ ကျွန်​​တော်​တို့ ရိုဟင်​ဂျာများ၏ ဘဝ​နေ့ရက်​များသည်​လည်း အ​မှောင်​၏ မျိုခြင်းကို ခံလာ​နေရသည်​မှာ နှစ်​ကာလအားဖြင့်​ အ​တော်​ ကြာရှည်​လှ​ခဲ့ပြီ ဖြစ်​၏။

"တူ​လေး ... မနက်​ဖြန်​ အလှူအတန်းပွဲတစ်​ခုလုပ်​ရ​အောင်​ ... မင်းလည်း လာကူညီပေးပါလား ..."

ဦး​လေးဟာရုန်း၏ စကား​ကြောင့်​ အတန်​ကြာကြာ အ​တွေးထဲနစ်​မြုပ်​​နေသည့်​ ကျွန်​​တော်​ သတိပြန်​ရလာသည်​။

"ဘယ်​သူ့အတွက်​ ရည်​စူးပြီး လုပ်​မှာလဲ ဦး​လေး"

"ငါ့အချစ်​​တော်​ကြီး ဆာဒဲက်​နဲ့ ငါ့​ကျေးဇူးရှင်​ကြီး အာဇီးမ်​အတွက်​​လေ ..."

ဦး​လေး ဟာရုန်းက ခပ်ပြင်းပြင်း ​​​သက်​ပြင်းရှည်တစ်​ချက်​ချလိုက်​ပြီး ဆက်​လက်​​ပြောပြသည်​။

"ဆာဒဲက်​ဆုံးတဲ့​နေ့ကစပြီး သူ့အ​ဖေလည်း စိတ်​မမှန်​တဲ့ ဘဝ​ရောက်​သွားတာ​လေ ... ​နောက်​နှစ်​နှစ်​အကြာမှာ စိတ်​​ရောဂါနဲ့ပဲ ဆုံးသွားရှာတယ်​ ... သူ​ဆုံးသွားတဲ့​နောက်​ သူ့ပိုင်​လယ်​မြေတွေ ငါ့မိသားစုကို ​ပေးလိုက်​ဖို့ သူ့အစ်​ကိုကို မှာထားခဲ့တာတဲ့ ... အဲ့​တော့ သူ့ပိုင်​လယ်​မြေ​တွေ သူ့အစ်​ကိုက ငါ့ကို လွှဲ​ပေးခဲ့တယ်​ ... ငါက အဲ့ဒီလယ်​တွေလုပ်​ပြီး ရလာတဲ့ အကျိုးအမြတ်​ထဲက ​လေးပုံး သုံးပုံကို သူတို့ သားအဖ အမိ သုံး​ယောက်​အတွက်​ နှစ်​တိုင်း အလှူပွဲလုပ်​တယ်​ ... ဒီနှစ်​က ဖြစ်​သွားတဲ့ အ​ခြေအ​နေ​ကြောင့်​ အဲ့ပွဲမျိုး မလုပ်​နိုင်​ခဲ့ဘူး ... သူ​ပေးတဲ့ လယ်​ယာ​မြေ​တွေကိုထားပြီး ဒီကိုလာခဲ့ရတယ်​ ဆို​ပေမယ့်​ မ​လေးရှားက ငါ့သား​လေးဆီက ပိုက်​ဆံ​တောင်းလိုက်​တယ်​ ... မနက်​ဖြန်​ လုပ်​ကြရ​အောင်​ ... ငါ သူတို့ မိသားစုကို အရမ်း သတိရ​နေပြီ တူ​လေးရာ ... ငါ့အ​ပေါ် အရမ်းလည်း ​ကျေးဇူးကြီးမားခဲ့သူ​တွေ​လေ ..."

သည်​တစ်​ခါ ကျွန်​​တော်​လည်း ဆာဒဲက်​အ​ဖေ၏ ဖြစ်​ရပ်​ဆိုးကို ကြားရပြီး သတိလစ်​သွားလုမတတ်​ ခံစားခဲ့ရသည်​။ စိတ်​ထဲက​နေလည်း ဆု​တောင်း​ပေးလိုက်​ပါ​တော့သည်​။

ဆာဒဲက်​တို့ သားအမိ အဖ သုံး​ယောက်​စလုံး ​အမြင့်ဆုံး​သော သုခဘုံမှာ ပြန်​ဆုံဆည်းခွင့်​ရပြီး အဆုံးမဲ့ ချမ်း​မြေ့​ပျော်​ရွှင်​မှုများနှင့်​ စံမြန်းခွင့်​ရပါ​စေ။

ကျွန်​​တော်​၏ ပါးပြင်​​ပေါ်က မျက်​ရည်​​စက်​များကို သုတ်​လိုက်​ပြီး ဒုက္ခသည်​စခန်းထဲက တဲလေးဆီ ​ခြေလှမ်းစလိုက်​​တော့သည်​။ ဒုက္ခသည်​စခန်း၏ အနီးတစ်​ဝိုက်​ ပတ်​ဝန်းကျင်​ကိုလည်း အ​မှောင်​က စိုးမိုးလိုက်​နေခဲ့ပြီ။

ယျာတင်​ (ရိုဟင်းသား)
၃၁၊ ၁၂၊ ၂၀၁၇

Comment ရေးရန်

Rohingya Exodus