နောက်ဆုံးသတင်း/ဆောင်းပါးများ

ညသန်း​ခေါင်​ယံဝယ်​ ဦး​နှောက်​အခန်းကို သူထိုး​ဖောက်​ဝင်​​လာစဉ်​က



ယျာတင် (ရိုဟင်းသား)
RB News
14.1.2018

အခုတ​လော ကျွန်​​တော့်​စိတ်​ကို စာအုပ်​​တွေထဲ ကျက်​စား​စေ၏။ စာအုပ်​ကောင်းတစ်​အုပ်​သည်​ သင်​ခန်းစာများစွာ၊ ​ဗဟုသုတများစွာတို့ကို ​ပေးနိုင်​စွမ်းရှိသည့်​အပြင်​ တွေးစရာများစွာကိုလည်း ​မွေး​ပေးနိုင်​စွမ်းရှိသည်​။ စာအုပ်​တစ်​အုပ်​ဖတ်​ပြီး​နောက်​ ထိုစာအုပ်​၏ ဇတ်​လမ်းထဲတွင်​ အချိန်​ကြာကြာ စီး​မျောသွားတတ်​၏။ ပကတိခံစားချက်​များ၏ ဖိစီးနှိပ်​စက်​မှုသည်​လည်း ခဏတဖြုတ်​​တော့ ​ပျောက်​ကင်းသွား၏။ ကျွန်​​တော်​က အမိုးပွင့်​အကျဉ်း​ထောင်​ထဲ၌ ပိတ်​မိ​နေ​သော လူသားမြူမှုန်​တစ်​ပွင့်​ မဟုတ်​​ပါလော။

မ​နေ့ မနက်​ကစ၍ ဖတ်​လာခဲ့​သော စာ​ရေးဆရာ မြသန်းတင့်​၏ "ကျွန်​​တော်​ဆက်​၍​ရေးချင်​​သော ဝတ္ထုများ" စာအုပ်​ကို ဒီ​နေ့ည ၁၁ နာရီတွင်​ ဖတ်​ပြီး၏။ ​တွေးစရာများစွာလည်း ကျွန်​​တော်​ထဲ​ခေါင်းထဲ ​နေရာယူခဲ့ပြီ။

အခန်းထဲတွင်​ ​ရေ​နွေးကြမ်း​ ငှဲ့​သောက်​ရင်း ကျွန်​​တော်​တစ်​​ယောက်​တည်း ​တွေး​နေ၏။ ​ခေါင်းစဉ်​ဟူ၍ သီးသန့် ​မရှိ​သော တွေးမိ​တွေးရာများ။ ​တွေးချင်​ရာ​​တွေး​နေခြင်းပင်​ဖြစ်​သည်​။

တ​လောက ဖတ်​ဖူး​သော "စာ​ရေးခြင်း အတတ်​ပညာ" စာအုပ်​ထဲက စကားလုံးအများကြီးလည်း ​ခေါင်းထဲမှာ ​နေရာယူထားသည်​မှာ ပူပူ​နွေး​နွေး။ စာ​ရေးခြင်း ​ဆိုတာ ကျွန်​​တော့အတွက်​ အကျဉ်းကျခံ​နေရသည့်​ ​ခေါင်းကို လွတ်​လပ်​မှု​ပေးခြင်းဖြစ်​၏။ ကျွန်​​တော်​ တစ်​ခုခု​ရေးချင်​သည်​။ အကျဉ်းကျခံ​နေရ​သော အမှန်​တရား​များကို ထုတ်​​ရေးချင်​သည်​။ ထို့​ကြောင့်​ ​တွေး​နေ၏။ အ​တွေးကို ​ဘောင်​ခတ်​မထားဘဲ လွတ်​လပ်​စွာထား၏။ ​တွေးချင်​ရာ​တွေးပါ​စေ​တော့။

အခန်းထဲက မီးကြီးကိုပိတ်လိုက်​သည်​။ ညအိပ်မီးသည်​သာ မှိတ်​တုတ်​မှိတ်​တုတ်​ လင်းလျက်​။ တိတ်ဆိတ်​​နေေ​သာ ​​အ​မှောင်​ထဲတွင်​ ​အတွေးခန်းဝင်​ရသည်​ကို ကျွန်​​တော်​ အလွန်​နှစ်​သက်သည်​။

"​ဟေ့ ... လူ ... ​ဟေ့ ... လူ ..."

ခေါ်သံတစ်​ခု။ ​အသံက ပက်​လက်​ကုလားထိုင်​​ပေါ် လဲ​လျောင်း​နေ​သည့်​ ကျွန်​​တော့၏ ​ခေါင်းရင်းက ထွက်​လာသည်အလား အလွန်​နီးကပ်​​သော အသံ။ လှည့်​ကြည့်​လိုက်​​တော့ ထူးဆန်း​သော လူတစ်​​ယောက်​။ ထိုလူကို ကျွန်​​တော်​မသိ။ အသက်​က ကျွန်​​တော်​နှင့်​ မတိမ်​မယိမ်းပင်​ ရှိမည်​ထင်​ရ၏။ ကျွန်​​တော့ကဲ့သို့ပင်​ ခပ်​ပိန်​ပိန်​၊ အသားဖြူဖြူ၊ များလုံးကြည်​ကြည်​၊ ဆံပင်က မတိုလွန်းမရှည်​လွန်း။ အပြာ​ရင့်​ရင့်​ အင်္ကျီကို အပြာရင့်​ရင့်​ ​ဘောင်းဘီနှင့်​တွဲဝတ်​ဆင်​ထားပြီး အဖြူ​ရောင်​ လည်​စီး​ကို အ​နောက်​တိုင်းဆန်​ဆန်​ ဝတ်​ဆင်​ထားသည်​။ မြင်​ဖူးသလိုလို ဖြစ်​​နေ​သော်​လည်း မည်​သူမည်​ဝါဆိုသည်​ကို ​သေချာ မှတ်​မရ။

ကျွန်​​တော်​က အခန်းတံခါးကို ​သေချာပိတ်​ထားခဲ့သည်​ပင်​။ ဒီလူ အခန်းထဲသို့ မည်​သို့ဝင်​လာခဲ့သနည်း။ ကျွန်​​တော့ လိပ်​ပြာ​တောင်​ ​အေးခနဲဖြစ်​သွား၏။ ကျွန်​​တော့် ခန္ဓာကိုယ်​လည်း မသိမသာ တုန်​ယင်​​နေသည်​။ ​ကြောက်​စရာပင်​မဟုတ်​လား။ စဉ်းစား​နေတုန်းမှာပင်​ ဒီလူက ထပ်​ပြီး​ခေါ်သံပြုလိုက်​သည်​။

"​ဟေ့ လူ ... ​ခေါ်​နေတာ မကြားဘူးလား​ဗျ ... ဘယ်​အ​တွေးထဲ နစ်​မြုပ်​​နေတာလဲ ..."

ပြောရင်းနှင့်​ ကျွန်​​တော့​ရှေ့ကို​တောင်​​ ရောက်​လို့လာခဲ့ပြီ။ သူ့အသံက ပြတ်​သား​သော်​လည်း ညှင်​သာလှ၏။

"ခင်​​ဗျာ ... ဘာမှ​တော့ ​ထွေ​ထွေထူးထူး မ​တွေးပါဘူး ... ဒီအတိုင်းပဲ မှိန်းနေတာပါ ... ဒါနဲ့ ခင်​​ဗျား ဘယ်​သူလဲ​ဗျာ ..."

ကျွန်​​တော်​က မဝံ့မရဲ ​မေးလိုက်​သည်​။ သူက တစ်​ချက်​ပြုံးလိုက်​၏။ မဲ့ပြုံး ​လှောင်​ပြုံးလား။ သူ့ဟာသူ သည်​အတိုင်း ပြုံးကျင့်​ရှိလို့ ရိုးရိုးသားသားပဲ ပြုံးမိတာလား ကျွန်​​တော်​မခွဲ​ဝေတတ်​။ အခန့်​မသင့်​လျှင်​ ​အော်​ပြီး အကူအညီ​တောင်းရန်​သာ ကျွန်​​တော်​ အသင့်​ပြင်​ထား၏။

"ကျုပ်​က Facebook ​လေ​ဗျာ ... ခင်​​ဗျား ကျုပ်​ကို တကယ်​မသိတာလား ... မသိဟန်​​ဆောင်​​နေတာလား ..."

သူက တအံ့တဩ ​မေးသည်​။ အသံက ရင်းရင်းနှီးနှီး။ ကျွန်​​တော့် အ​ကြောက်​စိတ်​သည်​လည်း အတန်​အသင့်​ ​ပြေစပြုပြီ။ သို့ရာတွင်​ ကျွန်​​တော်​ ရှက်​မိသွား၏။ တုံးလွန်းတဲ့ ငါပါလား​နော်​။

"သိပါပြီ​ဗျာ ... အခုတ​လော ခင်​​ဗျားဆီ သိပ်​မ​ရောက်​ဖြစ်​တာနဲ့ .... ပြီး​တော့ ခင်​​ဗျားကလည်း အသွင်​အပြင်​ နည်းနည်း ​ပြောင်းလိုက်​​တော့ ... "

ကျွန်​​တော်​က ကိုယ့်​အပြစ်​ချည်းသက်​သက်​လည်း မဟုတ်​​အောင်​ သူ့ဖက်​ကိုလည်း အနည်းငယ်​ထိုးချပြီး​ပြောလိုက်​လျှင်​ သူက ရယ်​လျက်​ --

"ဟားဟား ... ဟုတ်​တယ်​​ဗျာ ... ကျုပ်​ဘဝကလည်း မလွယ်​ဘူး ... ပြဿနာပေါင်း သောင်းခြောက်ထောင်နဲ့ လုံး​ပန်း​နေရတာ​နဲ့ ​သေချာ ပြင်​ဆင်​ချိန်​​တောင်​ ရတာမဟုတ်​ဘူး ... "

သူက ညည်းတွားသည်​။

"​ပြောပြပါအုံး ... ဘယ်​လို ပြဿနာ​တွေနဲ့များ လုံးပန်း​နေရတာလဲဆိုတာ​လေး"

" ကဲ​ဗျာ ... ဒါဆိုလည်း ကြုံတုန်း နည်းနည်း ​ရင်​ဖွင့်​လိုက်​မယ်​​... ဒီမှာ ထိုင်​မယ်​​နော်​ ... "

" ထိုင်​ပါ ထိုင်​ပါ ..."

ကျွန်​​တော့ ​ရှေ့က ထိုင်​ခုံတွင်​ ဝင်​ထိုင်​လိုက်​၏။

"ကျုပ်​စင်​မြင့်​​ပေါ်တက်​ပြီး ကျုပ်​ကို​ရော သူတစ်​ပါးကို​ရော ဆဲနည်းမျိုးစုံနဲ့ ဆဲ​နေတဲ့လူ​တွေရဲ့ ပြဿနာ ... ကျုပ်​စင်​မြင့်​​ပေါ်တက်​ပြီး သူများသားသမီးကို လွယ်​လွယ်​​လေး ရည်​စားစကားသွား​ပြောတဲ့ ပြဿနာ ... ကျုပ်​စင်​မြင့်​​ပေါ်တက်​ပြီး အပြိုင်​အဆိုင်​ နိုင်​ငံ​ရေးမဲဆွယ်​​နေတဲ့ ပြဿနာ ... ကျုပ်​စင်​မြင့်​​ပေါ်တက်​ပြီး လူမျိုး​ရေး ဘာသာ​ရေး အမုန်းတရား​တွေ ​ဟော​ပြော​နေတဲ့ ပြဿနာ ... ​ပြောရရင်​ ​ပြောမဆုံး​ဘူး​ဗျာ ... ဒီပြဿနာ​တွေ လိုက်​​ဖြေရှင်း​နေရတာနဲ့ ​ကျုပ်​ရဲ့ အသွင်​အပြင်ကို ကျုပ်​​တောင်​ မှန်​ထဲ မကြည့်​အားတာ ကြာလှပြီ ..."

ဒီလူ​ပြောပြ​နေသည့်​ အ​ကြောင်းအရာများကို ကျွန်​​တော်​ ချက်​ချင်းနားလည်​၏။ သူ့စင်​မြင့်​​ပေါ်တက်​လျှင်​ ​နိစ္စဓူဝ ကိုယ်​​တွေ့ကြုံ​တွေ့​နေရသည့်​ အ​ကြောင်းအရာချည်းပဲ မဟုတ်​ပါလား။

"ခင်​​ဗျား ​ပြောပြ​တဲ့ ပြဿနာ အများစုဟာ ဘယ်​နိုင်​ငံက user ​တွေကြားမှာ ပိုများသလဲ ..."

ကျွန်​​တော်​က ​ဗဟုသုတအလို့ငှါ ​မေးလိုက်​သည်​။

"ခင်​​ဗျားတို့ နိုင်​ငံက user ​တွေ​ပေါ့​ဗျာ ... ခင်​​ဗျားလည်း ​တွေ့​နေကျပဲဟာကို အထူးအဆန်း လာ​မေး​နေ​သေးတယ်​ ... ဟွန့်​ "

လာပြီ။ အ​​ရေးထဲ ကိုယ့်​နိုင်​ငံကို နှိမ်​ပြီး​ပြောတယ်​ .. ဟု သူမသိအောင် ရေရွတ်လိုက်မိသည်။

"ခင်​​ဗျား ​ပြောတဲ့ ပြဿနာနဲ့ မတူဘဲ အမှန်​တရားအ​ကြောင်း၊ ​မေတ္တာတရားအ​ကြောင်း၊ ပညာ​ဗဟုတ ရ​စေတဲ့အ​ကြောင်း​တွေ ​​ရေး​ပြော​နေတဲ့ user ​တွေလည်း ကျုပ်​တို့ နိုင်​ငံမှာ ရှိတယ်​​လေ​ဗျာ ..."

ကျွန်​​တော်​ကလည်း ​ခေသူမဟုတ်​​တော့ ကိုယ့်​နိုင်​ငံ၏ ဂုဏ်​သိက္ခာကို သူကချလည်း ကိုယ်​က ပြန်​ မ,ယူဖို့ အားထုတ်​သည်​။

"ရှိ​တော့ရှိတယ်​ ... ဒါ​ပေမယ့်​ သိပ်​နည်းတယ်​​ဗျာ ... အဲ့လို user ​တွေများ​လေ ပြဿနာ နည်း​လေပဲ ... ဒါ​ပေမယ့်​ ခင်​​ဗျားတို့ နိုင်​ငံက ဝီရသူတစ်​​ယောက်​ရဲ့ တစ်​ရက်​တည်း ပြဿနာကို​တောင်​ တစ်​နှစ်​​လောက်​ လိုက်​​ပြီး ဖြေရှင်း​နေရတာ​တောင်​ ရှင်းမကုန်​ဘူး​ဗျာ... ကျန်​တာ ခင်​​ဗျားပဲ ​တွေးကြည့်​​ပေ​တော့ ..."

သူ၏ သက်​​သေသာဓကနှင့်​တကွ ​ပြောပြလာသည်​ကို ပြန်​​ချေပဖို့ အားအင်​ ကျွန်​​တော့်​မှာ မရှိ​တော့။ ထပ်​ပြီး မည့်​သည့်​သက်​​သေများ လာချပြမည်​နည်း။ ကျွန်​​တော်​ ​စိတ်​ဝင်​တစား နား​စွင့်​​နေမိသည်​။

"ပြီး​တော့ ... ရခိုင်​အ​ရေး ပြဿနာ ... အဲ့ ပြဿနာနဲ့လည်း ​တော်​​တော်​ ပင်​ပန်းတယ်​​ဗျာ ... ခင်​​ဗျားတို့အစိုးရက အဲ့​ဒေသကို သတင်းသမား​တွေ နိုင်​ငံတကာသံတမန်​​တွေ သွားခွင့်​မပြု​တော့ အဲ့​ဒေသမှာ ရှိ​နေတဲ့ လူနည်းစုတစ်​စု ... နာမည်​ဘာလဲ ... ဪ ... မှတ်​မိပြီ ... ရိုဟင်​ဂျာပဲ ... ခပ်​နွမ်းနွမ်း မျက်​နှာနဲ့ ပိန်​ပိန်​ချုံးချုံး ခန္ဓာနဲ့ အဲ့လူ​တစ်​စုအ​ပေါ် အစိုးရကိုယ်​တိုင်​က စီမံကိန်းချပြီး အနိုင်​ကျင့်​ လူမျိုးတုံး သတ်​ဖြတ်​​နေတဲ့ ဖြစ်​စဉ်​​တွေကို verify လုပ်​​ပေးရတာကလည်း ကျုပ်​အတွက်​ အ​တော်​​ခေါင်းစား​နေတဲ့ ပြဿနာ​ဗျာ ... တစ်​ချို့လူ​တွေက တစ်​ခါတ​လေ ကျုပ်​ကပါ ဂျီနိုဆိုက်​တရားခံ​တွေကို အား​ပေး​နေတယ်​ ဘာညာဆိုပြီး စွပ်​စွဲတယ်​​လေ​ဗျာ ... တကယ်​​တော့ အဲ့တာမမှန်​ဘူး​လေ ... ကျုပ်​က ဂျီနိုဆိုက်​တရားခံ​တွေကို ရ​အောင်​​ဖော်​မယ့်​ အမျိုးအစားထဲကပဲဆိုတာ အဲ့လူ​တွေ နားလည်​​အောင်​ ရှင်းပြဖို့ကလည်း ကျုပ်​မတတ်​သာဘူး ... "

ရခိုင်​အ​ရေး ​ပြောလာ​တော့ ကျွန်​​တော်​ပို၍ စိတ်​ဝင်​စားသွားမိ၏။ သည်​တစ်​ခါ သူ၏ ​ပြောပြပုံမှာ သူ့ကိုသူ အားမလိုအားမရသည့်​ပုံစံမျိုး။

"တကယ်​လည်း ခင်​​ဗျားက မတရားခံ​နေရတဲ့ လူ​တွေရဲ့ ပိုစ့်​​တွေကို တစ်​ခါတ​လေ ဖြုတ်​တတ်​​တယ်​​လေ ... ကျုပ်​ရဲ့ အ​ကောင့်​ သုံး​လေးခု​တောင်​ ပိတ်​ပစ်​တာပဲ မဟုတ်​လား"

ဂွင်ကြုံတုန်း ကျွန်​​တော်​ကလည်း ဖိပြောလိုက်သည်။

"​အေး​ဗျာ ... ကျုပ်​တို့အဖွဲ့ကလည်း တစ်​ခါတ​လေ အမှားကျူးလွန်​တတ်​တာ ရိုးရိုးသားသားပဲ ဝန်​ခံပါရ​စေ ... ဒါ​ပေမယ့်​ အဲ့ဒီ လူနည်းစု ရိုဟင်​ဂျာအ​ကြောင်း အများဆုံးနဲ့ အမှန်​ဆုံး​တွေ အ​ရေးများတဲ့ လူတစ်​​ယောက်​ကို ကျုပ်​တို့က Blue Mark ​တောင်​​ပေးပြီး authentic ဖြစ်​​အောင်​ လုပ်​​ပေးတယ်​​လေ... "

သူ ဘယ်​သူ့အ​ကြောင်း ​ပြော​နေသည်​ဆိုတာကို ကျွန်​​တော်​တပ်​အပ်​သိ​နေ၍ ပြန်​ပြီး ​မေးခွန်းမထုတ်​ဖြစ်​။

"ဒါနဲ့ ... ​ပြောလက်​စ ပြဿနာအ​ကြောင်း ဆက်​​ပြောပြမယ်​​ဗျာ ... အဲ့​ဒီ ရခိုင်​ဒေသက ရိုဟင်​ဂျာ​တွေ ​နေ့တိုင်း မတရား အသတ်​ခံရတာတို့ ... မတရား ဖမ်းဆီးခံရတာတို့ ... ဒီသတင်း​တွေကို တစ်​ချို့လူတွေက ခက်​ခက်​ခဲခဲလိုက်​ပြီး ကျုပ်​စင်​မြင့်​​ပေါ်က​နေ ကမ္ဘာကို သိ​စေချင်​တာ​လေ ... ကျုပ်​လည်း ကမ္ဘာကြီးလက်​ခံ​စေနိုင်​တဲ့ သတင်းအမှန်​လား သတင်းအမှားလား ဆိုတာ​တွေ verify လုပ်​​ပေးရတယ်​ဆိုပါ​တော့ ... ခက်​​တော့ ခက်​သား​ဗျ ... တစ်​ဖက်​က ဒီလူ​တွေကို မျိုးတုံး​အောင်​ ရည်​ရွယ်​ချက်​ရှိရှိ သတ်​​ဖြတ်​​နေတဲ့ လူသတ်​သမား​တွေ ကိုယ်​တိုင်​က လုပ်​ကြံဇတ်​လမ်းအမျိုးမျိုးနဲ့ ကမ္ဘာကြီးကိုြေ​ဗာင်​လိမ်​ဖို့ကြိုးစား​နေတယ်​​လေ ... ခင်​​ဗျားတို့ စကားနဲ့​ပြောရရင်​ ဂျင်းထည့်​​နေတယ်​​ပေါ့​ဗျာ ... အဲ့ဒါ​တွေကို ​ကျော်​ပြီး ခံ​နေရသူ​တွေရဲ့ သတင်းကို လူအများကယုံ​အောင်​ လုပ်​ရတာကလည်း တကယ်​မလွယ်​ဘူး​ဗျာ ..."

သူက စီကာပတ်ကုံး ​ပြောပြ​နေသည်​။

"ဒါနဲ့ ... ကွမ်းတစ်​ယာလောက်ရှိရင် ​​ကျွေးပါအုံး ..."

"ကွမ်းဖြတ်​ထားတာ ကြာပြီ​ဗျာ ... ​ရေ​နွေးကြမ်း​လေး ​သောက်​ပါလား .... "

"ဒါဆို ​စီးကရက်​ တစ်​လိပ်​​လောက်​ ...​ ရေ​နွေးကြမ်းနဲ့ ​စီးကရက်​တွဲလိုက်​ရင်​ ​​တကယ်​အရသာ​ဗျာ ... အချမ်းလည်း​ပြေ​စေတယ်​​လေ ... ဟားဟား ..."

သူက ပြောပြီး သူ့ဘာသာသူ ရယ်​လိုက်​သည်​။

"​အားနာပါတယ်​​ဗျာ ... ကျုပ်​က စီးကရက်​သမားမဟုတ်​​တော့ ..."

" အို့ ... ​ဆော​ရီး​နော်​ ..."

သူအားနာသွားသည်​။ ကျွန်​​တော်​လည်း အားနာသွားပြန်​သည်​။ ရှက်​လည်းရှက်​မိသွား၏။ သူက ကျွန်​​တော့်ဆီ လာလည်​​သော ဧည့်​သည်​။ တစ်​ခုခုနှင့်​ တည်​ခင်းဧည့်​ခံသင့်​သည်​ မဟုတ်​လား။

"ခဏ​ဗျာ ... ကျုပ်​​ စီးကရက်​ သွားယူမယ်​" ဆိုပြီး အခန်းထဲက ကျွန်​​တော်​ ထွက်​လာခဲ့သည်​။ အိမ်းနားက ဆိုင်​ရှင်​က အိပ်​​နေပြီ။ အ​တော်​​ခေါ်ယူခဲ့ရ၏။ ပရီမီယားဂုလ်​စီးကရက်​တစ်​ဗူး ဝယ်​လာသည်​။

"ရော့ ... ​သောက်​​ပါအုံး ... ကျုပ်​လည်း ​သောက်​မယ်​​ဗျာ ... ခင်​​ဗျားနဲ့ စကား​ပြောရတာ အားရတယ်​ ..."

"ဟား ဟား ... ဟား ဟား ..."

သူက ခွက်​ထိုးခွက်​လှန်​ ရယ်​သည်​။ ​စီးကရက်​တစ်​လိပ်​ကို မီးညှိပြီး ဖွာလိုက်​ရင်း ...

"တ​လောက ​မောင်​​တော အင်းဒင်​ဆိုတဲ့ရွာက လူဆယ်​​ယောက်​ အသတ်​ခံရပြီး အစုလိုက်​အပြုံလိုက်​မြုပ်​ထားတယ်​ဆိုတဲ့ သတင်းတက်​လာတာ ခင်​​ဗျား ဖတ်​ပြီးပြီ ထင်​တယ်​ ..."

"အင်း ... ဖတ်​လိုက်တယ်​​လေ ... အဲ့အ​လောင်းတွေကို အစိုးရက သွား​ဖော်​တယ်​လို့ ဖတ်​လိုက်​ရတယ်​ ... ဘယ်​သူသတ်​လဲ ဆိုတာ​တော့ ​သေ​သေချာချာ ​ရေးမထားဘူး ... ကျွန်​​တော်​ ဖတ်​ဖူးတာ တစ်​လ​လောက်​က ရှိမယ်​ထင်​တယ်​ ... အခုတ​လော သိပ်​ ​online မတက်​ဖြစ်​တာနဲ့ ... "

"ဪ ... ခင်​​ဗျားက update နဲ့ ပြတ်​​နေတယ်​​ပေါ့​လေ ... ကျုပ်​​ပြောပြမယ်​​ဗျာ ... အဲ့လူဆယ်​​ယောက်​ကို ဘယ်​သူသတ်​လဲ ဆိုတာထက်​ အဲ့အ​လောင်း​တွေကို အစိုးရက ဘာလို့ သွားတူး​ဖော်​သလဲဆိုတာ အ​တော်​စိတ်​ဝင်းစားဖို့ ​ကောင်းတယ်​ ... မနှစ်​က ဩဂုတ်​လ ၂၅ ရက်​​နေ့ကစပြီး ရိုဟင်​ဂျာ​ ထောင်​​ပေါင်းများစွာကို အစိုးရကိုယ်​တိုင်​က သတ်​တယ်​လို့ နိုင်​ငံတကာအစိုးရက​ရော လူ့အခွင့်​အ​ရေး ​စောင့်​ကြည့်​​ရေးအဖွဲ့​တွေက​ရော ခိုင်​ခိုင်​မာမာ သက်​​သေ​တွေနဲ့ ​ပြော​နေတယ်​​လေ ... ဒီလို အ​ပြောခံ​နေရတဲ့ အစိုးရကိုယ်​တိုင်​က သူတို့သတ်​တယ်​လို့ စွပ်​စွဲခံရတဲ့ အ​လောင်း​တွေကို သူတို့ကိုယ်​တိုင်​ သွား​တူးဖော်​တာ အ​ကြောင်းရှိတယ်​​ဗျာ ... "

သူက ကုန်​လက်​စ စီးကရက်​က​နေ မီးကို ​နောက်​တစ်​လိပ်​မှာ ကူးပြီး ဆက်​ဖွာလိုက်​သည်​။ ကျွန်​​တော်​က ​မ​သောက်​တတ်​​သောက်​တတ်​နှင့်​ စီးကရက်​ကို ဖွာ​နေ​​လေတော့ သိပ်​အရသာမ​တွေ့။ အချမ်း​တော့ နည်းနည်း​ပြေ​စေတာ သတိပြုမိသည်​။ သူက ဆက်​​ပြောပြလာ၏။

"ဒီအ​လောင်းကိစ္စနဲ့ ရိုက်​တာ သတင်း​ထောက်​နှစ်​​ယောက်​အဖမ်းခံရတာနဲ့လည်း တိုက်​ရိုက်​ပတ်​သက်​​နေတယ်​​ဗျာ ... ပြီး​တော့ အင်းဒင်​က ​ရခိုင်​ ကျောင်းဆရာတစ်​ချို့နဲ့ ရခိုင်​ရွာသားတစ်​ချို့ အဖမ်းခံရတာနဲ့ပါ​ပေါ့ ... ဒီ​တော့ အစိုးရက သူတို့သတ်​တာ မဖုံးနိုင်​တဲ့အဆုံး လိုက်​​ဖော်​လိုက်​တာ​လေ ... "

သူက ​​ရေ​နွေးကြမ်း တစ်​ငုံ​သောက်​ပြီး စီးကရက်​ကို ဆက်​ဖွာ​နေ၏။ စိတ်​ဝင်းစာစရာ​ကောင်း​သော သူ၏ ​ပြောပြချက်​များကို ကျွန်​​တော်​ အ​သေအချာ နား​ထောင်​​နေသည်​။

"အဲ့တုန်းက ရိုဟင်​ဂျာ အက်​တီ​ဗစ်​ ကို​ Ro Nay San Lwin က ဒီလူ​တွေကို ဘယ်​​နေ့ ဘယ်​​နေရာက​နေ ဖမ်းပြီး ဘယ်​မှာ သတ်​လိုက်​တယ်​ဆိုတာ ဓာတ်​ပုံသက်​​သေနဲ့တကွ အတိအလင်း ​ပြောပြသွားတာ ... ကို​နေဆန်းလွင်​ကလည်း တကယ်​​ FBI ​ဗျာ ... လျှို့ဝှက်​ချက်​​တွေ သိပ်​​ဖော်​တတ်​တယ်​ ... ဟားဟား ..."

သူက သူ့ဘာသာသူ သ​ဘောကျပြီး သူဘာသာသူ ရယ်​မိပြန်​သည်​။

"ကျွန်​​တော်​လည်း သတိပြုမိတယ်​ ... ကို​နေဆန်းလွင်​က ဒီ​လောက်​အ​ဝေးကြီးမှာ​နေပြီး ရခိုင်​က သတင်းအ​တော်​များများကို လိုက်​ပြီး အမှန်​အတိုင်း ​ဖော်​​ရေးတတ်​တယ်​​နော်​ ... "

"ဟုတ်​တယ်​​ဗျာ ... ဒီအစိုးရကလည်း သူ့ကြောင့်​ ​ဗျာများရတာ​တွေ မနည်းဘူး ... အခုကိစ္စမှာ​လည်း ဒီအစိုးရ တပ်​မ​တော်​ကာကွယ်​​ရေးဦးစီးချုပ်​ရုံးက သတင်းဘယ်​လို ထုတ်​ပြန်​တယ်​လို့ ထင်​လဲ ... "

သူက ကျွန်​​တော့်​ကို ​မေးလိုက်​သည်​။ ကျွန်​​တော်​ ​သေ​သေချာချာ မသိ။ အစိုးရ လုပ်​​နေကျ "အမည်​မသိ လူအုပ်​စုက သတ်​တယ်​လို့ပဲ ထုတ်​ပြန်​တာလား ..." ဆိုပြီး ပြန်​​မေးခွန်းထုတ်​လိုက်​၏။

"ဒီတစ်​ခါ အဲ့လို ဘယ်​ရမလဲ​ဗျာ ... ရိုက်​တာသတင်း​ထောက်​နှစ်​​ယောက်​​ကြောင့်​ရယ်​ ... အင်းဒင်​ ရွာသားအချို့​ကြောင့်​ရယ်​​ ... ပြီး​တော့ ကို​နေဆန်းလွင်​ကြောင့်​ရယ်​​ပေါ့ ... "

သူက စီးကရက်​ကိုသာ တစ်​လိပ်​ပြီးတစ်​လိပ်​ ဖွာ​နေ၏။

"ဒီ​တော့ ..."

"ဒီ​တော့ ... ဒီတစ်​ခါ သူတို့ တပ်​မ​တော်​ကိုယ်​တိုင်​က သတ်​တယ်​လို့ ဝန်​ခံရတာ​ပေါ့​ဗျာ ..."

"ဟာ ... တကယ်​လား​ဗျာ ... ထူးဆန်းလိုက်​တာ ... ဒါဟာ လူသတ်​တယ်​ဆိုပြီး တပ်​မ​တော်​က ပထမဆုံးအကြိမ်​ ဝန်​ခံတာရှိမယ်​ ..."

ကျွန်​​တော်​က တအံတဩ ​ပြောလိုက်​သည်​။

"ဒါ​ပေမယ့်​ ... ဇတ်​လမ်းကို မိတ်​ကပ်​လိမ်းပြီး စိတ်​ကူးနဲ့ ထွင်​တယ်​​​လေဗျာ ... ဒီလူဆယ်​​ယောက်​က ရခိုင်​ရွာ​တွေကို တိုက်​ဖို့ သွားတယ်​ ... ထိန်းမနိုင်​တဲ့အဆုံး လုံခြုံ​ရေးတပ်​ဖွဲ့​တွေက ရှင်းလိုက်​ရတယ်​ သ​ဘောနဲ့ ​ရေးထားတယ်​​လေ ... အကြမ်းဖက်​သမား​တွေကို ရှင်းလိုက်​တဲ့သ​ဘောနဲ့ သတင်းထုတ်​ပြန်​လိုက်​တာ​ပေါ့​ဗျာ ..."

"ဒါက ​ဒေသခံရခိုင်​နဲ့ ရိုဟင်​ဂျာ​တွေကြား သက်​သက်​ကို မသင့်​မတင့်​ဖြစ်​​အောင်​ ပြဿနာမီး​မွှေး​ပေးတာ​ ... အကြမ်းဖက်​သမားဖြစ်ဖြစ်​ ဘာသမားပဲဖြစ်​ဖြစ်​ လူ​တွေကို အဲ့လို လက်​လွတ်​စပယ်​ သတ်​လို့မှ မရတာ ... သတ်​​တုန်းက သတင်းထုတ်​ပြန်​တာလည်း မရှိဘူး ... ဒီအစိုးရက ​တော်​​တော်​ တစ်​​ဇောက်​ထိုး လိမ်​ရဲတယ်​​ဗျာ ..."

ကျွန်​​တော့်​အသံမှာ ​ဒေါသထွက်​လာသံက မသိမသာ ရောထွေး​လာ​၏။

"ခင်​​ဗျား​ပြောသလိုပဲ ... ကို​နေဆန်းလွင်​ကလည်း ​ပြောတယ်​ ... ပြီး​တော့ နိုင်​ငံတကာ အစိုးရက​ရော လူ့အခွင့်​အ​ရေး ​စောင့်​ကြည့်​​ရေးအဖွဲ့​တွေက​ရော အဲ့ဒီလို ​မေးခွန်းထုတ်​​နေပြီ ... ဒီတစ်​ခါ​တော့ ဒီအစိုးရမိပြီ​ဗျာ ... ICC အတွက်​ ကုန်​ကြမ်း​တွေ သူတို့ကိုယ်​တိုင်​ ထုတ်​​ပေးသလို ဖြစ်​​နေတယ်​​လေ ... ဟားဟား ...."

သူက ​ပြောပြီး ရယ်​ပြန်​သည်​။ စကား​ပြော​ကောင်း​နေသည်​နှင့်​ စီးကရက်​​ဗူးကလည်း တစ်​ဝက်​​လောက်​ ကုန်​ခဲ့ပြီ။ အချိန်​ကလည်း ညသန်း​ခေါင်​​ကျော်​လာပြီ။ ကျွန်​​တော့ မျက်​လုံးတွင်​ အိပ်​​ရေးက တွဲခိုလာ​စပြု​နေ၏။

"ဟို​ကြောင်း ဒီ​ကြောင်း​တွေ​ပြောရင်းနဲ့ ခင်​​ဗျားဆီ​ရောက်​လာတဲ့ အဓိက အ​ကြောင်​​ရင်း​တောင်​ လွဲကုန်​ပြီ​ဗျာ ... "

"​ပြောပါ ခင်​​ဗျား"

"ခင်​​ဗျား ကျုပ်​ဆီမလာတာကြာ​လေ​တော့ ​ဖျားများဖျားနေသလား ဆိုပြီး စုံစမ်းချင်​တာနဲ့ ဝင်​လာမိတာ ... ပြီး​တော့ ခင်​​ဗျားရဲ့ "သူ​လေး" က​ဗျာ​တွေ၊ "နှလုံးသားအတိုအထွာ​"တွေ ဆက်​ဖတ်​ချင်​တယ်​​လေ... အဲ့ဒါ​လေ ​ရေးဖို့ ​တောင်းဆိုမလို့ ... "

သူက ရွှင်​ရွှင်​ပြပြ ​​ပြုံးလျက်​ တောင်းဆိုလိုက်​သည်​။ ကျွန်​​တော်​က ​ပြန်​​ပြောစရာမရှိသလို​ ငြိမ်​​နေမိ၏။ အမျိုးအမည်​မသိ​သော ခံစားချက်​များ၊ ​ခေါင်းစဉ်​မရှိ​သော အလွမ်းများ ကျွန်​​တော့် ကိုယ်​ထဲသို့ မသိမသာ ဝင်​ပူးလာ​နေသည်​။

"ခင်​​ဗျားကို တစ်​ခုဝန်​ခံရမယ်​​ဗျာ ... သူ​လေးအတွက်​ ​ရေး​ရေးပြီး only me နဲ့ တင်​​နေတဲ့ ခင်​​ဗျားရဲ့ အလွမ်းစာ​တွေ သတိရစာ​တွေ သူ​လေးကိုဘယ်​​လောက်​ချစ်​​ကြောင်း ​ခံစားချက်​​တွေ ချ​ရေးတဲ့စာ​တွေကို ကျုပ်​ ဝင်​ဝင်​ပြီး ခိုးဖတ်​တယ်​​ဗျာ ...ဟားဟား ..."

သူက လျှို့ဝှက်​ချက်​တစ်​ခုကို ရင်​ဖွင့်​လိုက်​ပြီး​နောက်​ စိတ်​​ပေါ့ပါးသွားသည့်​ဟန်​ပန်​ဖြင့်​ တဟားဟား ရယ်​လိုက်​သည်​။ ကျွန်​​တော့် စိတ်​ထဲ ထင့်​ခနဲ ဖြစ်​သွား​၏။ သူ​လေးနှင့်​ ပတ်​သက်​ပြီး မည်​သူ့ကိုမျှ ကျွန်​​တော်​ မသိ​စေလို။ သူ​လေး ဂုဏ်​သိက္ခာကျစရာ​တွေ ကျွန်​​တော့်ဖက်​က မည်​သည့်​အခါမှ မည်​သည့်​အ​ခြေအ​နေ​ကြောင့်​မှ မကျူးလွန်​စေရ။ ဤသည်​မှာ သူ​လေးနှင့်​ ပတ်​သက်​ပြီး ကျွန်​​တော့၏ ရိုးသား​သော ခံယူချက်​ပင်​ဖြစ်​သည်​။

သို့​သော်​ ကျွန်​​တော့အတွက်​ only me ဆို​သော်​လည်း သူ့အတွက်​ မဟုတ်​။ သည်​စင်​မြင့်​​ပေါ်မှာ ဘယ်​သူ့မှမမြင်​​အောင်​ တက်​လည်း စင်​မြင့်​ကိုယ်​တိုင်​က သူပဲ မဟုတ်​လား။ ကျွန်​​တော့ only me ​တွေ သူက ခိုးဖတ်​တယ်​ဆိုတာ ကျွန်​​တော့ဖက်​က စိတ်​ဆိုးခွင့်​ နည်းနည်း ရှိ​သော်​လည်း ​စောဒကတက်​စရာ မရှိ။ သို့​သော်​ ...

"social media ကျင့်​ဝတ်​​နဲ့​တော့ နည်းနည်း လွဲ​နေမှာ​ပေါ့​နော်​ ... "

အတန်​ကြာမှ ​ပြော​သော ကျွန်​​တော့် စကား​ကြောင့်​ သူက ကုန်​လက်​စ စီးကရက်​ကို မီးသတ်​လိုက်​ပြီး _

"ခင်​​ဗျားသာ မကြိုက်​ဘူးဆိုရင်​ ကျုပ်​ အနူးအညွှတ်​ ​တောင်းပန်ပါတယ်​​ဗျာ ... ဒါ​ပေမယ့်​ ကျုပ်​က ခင်​​ဗျားရဲ့ စာဖတ်​ပရိသတ်​ဆို​တော့ တစ်​ခါတ​လေ စိတ်​ဝင်​စားလို့ ဝင်​ဖတ်​ရုံပါပဲ ... privacy ပိုင်းမှာ​တော့ လုံးဝစိတ်​ချလို့ရပါတယ်​​ ... "

ပြုံးစိစိနှင့်​ ​ပြောပြ​နေ​သော သူ့ကိုကြည့်​ပြီး စိတ်​ဆိုးရမလား ကိုယ့်​ကိုယ်​ကိုယ်​ ဂုဏ်​ယူရမလား ကျွန်​​တော်​ မ​ခွဲ​ဝေတတ်​။

"ဖြစ်​နိုင်​ရင်​ ခုနက ​တောင်းဆိုသလိုပဲ "သူ​လေး" က​ဗျာ​တွေ၊ "နှလုံးသားအတိုအထွာ"​တွေ ဆက်​​ရေးပါ​ဗျာ ... ပရိသတ်​ကလည်း ​မျှော်​​လောက်​​ရောပေါ့ ... ပြီး​တော့ ခင်​​ဗျားရဲ့ သူ​လေးကလည်း သူ့ကို သတိမရဘူးဆိုပြီး ​တွေး​ကောင်း​တွေးနိုင်​တယ်​ ... ကျုပ်​လည်း ဖတ်​ချင်​လှပြီ ..."

ပြောချင်​ရာ​ပြောပြီး​ သူက ထိုင်​ရာက ထလိုက်​သည်​။ ပြန်​သွားရန်​ ဟန်​ပြင်​​နေခြင်းဖြစ်​နိုင်​သည်​။

"ခဏ​လေး ... သူ​လေးကို ​တွေ့ရင်​ ဒီက​ဗျာ​လေး ​ပေးလိုက်​ပါ​ဗျာ ... ​နေ့လည်​က သတိရတုန်း သူ့ပုံ​လေးကို ထုတ်​ကြည့်​ပြီး ​ရေးလိုက်​တာ ... "

ကျွန်​​တော်​က ဒိုင်​ယာရီထဲ​ရေးထားသည့်​ သူ​လေး (၈) က​ဗျာ၏ စာမျက်​နှာကို ဆုတ်​ပြီး သူ့ကိုကမ်း​ပေးလိုက်​လျှင်​ သူက လှမ်းယူပြီး အသံထွက်​၍ ရွတ်​ဆို​နေသည်​။

"သူ​လေး (၈)"

နှစ်​​တွေကား အလီလီပြောင်းလဲလို့
ရက်​​ကြွေး​တွေလည်း ​ဟောင်းနွမ်းသွားခဲ့။

ကျွန်​​တော့မျက်​လုံးမှာ​တော့ သူ​လေး​က
အလှမပျက်​ အနုမပျက်​နဲ့။

ကျွန်​​တော့ အ​တွေးထဲမှာလည်း
သူ​လေး အနုကြမ်းစီးဝင်မြဲ။

တကယ်​ပါ ...
သူ​လေးကို ကျွန်​​တော်​ မေ့ရခက်​​နေဆဲ။

ယျာတင်​ (ရိုဟင်းသား)

"တကယ်​ မိုက်​တယ်​​ဗျာ ... ခင်​​ဗျာ စာ​ရေးဆရာ လုပ်​စားလို့ရပြီ ... စာ​ရေးဆရာ လုပ်​​ဗျာ ..."

သူက ကျွန်​​တော့ကို အကွက်​​ကောင်း​ကောင်းနှင့်​ ​မြှောက်​ထိုးပင့်​​ကော်​ လုပ်​​နေသည်​။

"ဟားဟား ... ခင်​​ဗျားက ကျုပ်​ကို ငမွဲဖြစ်​​စေချင်​​နေပြီနဲ့ တူတယ်​ ... "

"ဘာဆိုင်​လို့တုန်း ... စာ​ရေးတာနဲ့ င​မွဲ ဖြစ်​ရတာ ဘာဆက်​စပ်​မှု ရှိတာတုန်း ...."

သူက မ​ကျေမနပ်​သံဖြင့်​ ​မေးခွန်းထုတ်​သည်​။

"တစ်​​နေ့က ဆရာကြီး မြသန်းတင့်​ရဲ့ စာအုပ်​တစ်​အုပ်​မှာ ဖတ်​ဖူးတယ်​​ဗျာ ... ပီမိုးနင်းတို့ အင်္ဂလိပ်​ စာရေးဆရာကြီး ​အော်​လစ်​​ဗာဂိုးစမစ်​တို့ကို ဥပမာ​ပေးပြီး ​ပြောသွားတာ​လေ ... တကယ့်​ စာ​ရေးဆရာကြီး​တွေက ဘဝအဆင်​မ​ပြေမှု​တွေနဲ့ ကြုံ​တွေ့ခဲ့ရ​တယ်​တဲ့ ... အဲ့လို အဆင်​မ​ပြေမှု​တွေကပဲ သူတို့ကို ခံစားချက်​​တွေ ဖြစ်​​စေပြီး စာ​ကောင်း​ပေ​ကောင်း​တွေ ထွက်​လာ​စေတတ်​တာတဲ့ ... ဟားဟား ... ကျုပ်​လည်း ​သေချာမသိဘူး​ဗျာ ... ဖတ်​မိတာ​လေး ​ပြောပြတာပါ ..."

သူက သက်​ပြင်းရှည်​တစ်​ခုကို ချပြီး တစ်​ခုခု​ပြောရန်​ အားယူလိုက်​သည်​။ ပြီးလျှင်​ ......။

သူ ဆက်​​ပြီး ဘာ​တွေပြောခဲ့သနည်း။ သူဘယ်​အချိန်​ ပြန်သွားခဲ့သနည်း။ ကျွန်​​တော်​ မမှတ်​မိ​တော့။ ​နေအ​တော်​မြင့်​မှ ကျွန်​​တော်​ မနက်​အိပ်​ရာက နိုးလာ​တော့သည်​။

ဪ ... ဟိုလူနှင့်​ စကား​ပြောရင်း ညက ကျွန်​​တော်​ အိပ်​​ပျော်​သွားသည်​ကိုး။

Comment ရေးရန်

Rohingya Exodus