နောက်ဆုံးသတင်း/ဆောင်းပါးများ

နိုင်ငံတကာက ဘင်္ဂလားဒေ့ရ်ှတွင် ခိုလှုံနေသည့် ရိုဟင်ဂျာများကို နေရပ်ပြန်ပို့ရေး အာရုံစိုက်နေစဉ် ပြည်တွင်းမှ ရိုဟင်ဂျာများကို အာဏာပိုင်များက မောင်းထုတ်လျက်ရှိ

RB News
29.1.2018

ဘူးသီးတောင် ။ ။ ဘင်္ဂလားဒေ့ရ်ှနိုင်ငံတွင် ခိုလှုံနေသော ရိုဟင်ဂျာများအား နေရပ်ပြန်ပို့ရေးကိစ္စကို နိုင်ငံတကာက အာရုံစိုက်နေချိန်တွင် မြန်မာပြည်တွင်းရှိ ရိုဟင်ဂျာများမှာ မြန်မာအာဏာပိုင်များ၏ အတင်းအဓမ္မ မောင်းထုတ်ခြင်းကို ခံနေရသည်ဟု ခိုင်မာသည့် သတင်းရင်းမြစ်များက ပြောဆိုနေကြသည်။ 

ဘူးသီးတောင်မြို့နယ် မြောက်ပိုင်းရှိ ဦးလှဖေကျေးရွာတွင် ဇန်န၀ါရီလ (၁၆) ရက်နေ့မှစ၍ မြန်မာစစ်တပ်နှင့် နယ်ခြားစောင့်ရဲတပ်ဖွဲ့တို့ ပူးပေါင်း၍ တိတ်ဆိတ်စွာ ရှင်းလင်းရေး လုပ်ဆောင်နေမှုကြောင့် ရွာသား အများအပြား ဘင်္ဂလားဒေ့ရ်ှနိုင်ငံသို့ ထွက်ပြေး ခိုလှုံနေကြရသည်။

“အခုဆောင်းရာသီမှာ အရမ်းအေးတယ်။ ဒီလိုအခြေအနေမှာ ညတွေကို အိမ်အပြင်မှာ ဖြတ်သန်းရတာ မလွယ်ဘူး။ စစ်သားတွေနဲ့ လုံထိန်းတွေက အိမ်တွေထဲဝင်ပြီး အတင်းအဓမ္မ လုယက်တယ်။ အမျိုးသမီးတွေကို ဒုက္ခပေးတယ်။

“သူတို့က ကလေးငယ်တွေ အပါအ၀င် အမျိုးသားတွေ အားလုံးကို အသက်အရွယ်မခွဲခြားဘဲ ရိုဟင်ဂျာ လက်နက်ကိုင်အဖွဲ့နဲ့ ဆက်နွယ်နေတယ် ဆိုပြီး ပစ်မှတ်ထားတယ်။ အပြစ်မဲ့ ရွာသား အချို့ကိုလည်း ဖမ်းထားတယ်။ သူတို့ကို အချုပ်ခန်းထဲမှာ ရက်ရက်စက်စက် ညှဉ်းပန်းနှိပ်စက်နေတယ်” ဟု ရွာပြင်တွင် တိမ်းရှောင်နေသည့် ရွာသားတစ်ဦးက RB News သို့ပြောသည်။

၂၀၁၇ ခုနှစ် သြဂုတ်လ (၁၀) ရက်နေ့တွင် ဘူးသီးတောင်မြို့နယ် မြောက်ပိုင်း အတွင်းငှက်သေကျေးရွာမှ အစိုးရ သတင်းပေးသူ ဦးမိုဟာမတ်ဟာဆန် (ဘ) ဦးမိုဟာမတ်အက်ဘာရ် ကို အမည်မသိသူများက သတ်ဖြတ်ခဲ့ပြီးနောက် သြဂုတ်လ (၁၇) ရက်နေ့တွင် စစ်တပ်နှင့် နယ်ခြားစောင့်ရဲတပ်ဖွဲ့ ပူးပေါင်းအဖွဲ့က ရွာကို ၀င်ရောက် စီးနင်း၍ ရွာသား ၄၉ ဦးကို လက်လွတ်စပယ် ဖမ်းဆီးခဲ့သည်။ ဖမ်းဆီးခံရသူ အများစုမှာ လယ်သမားများ ဖြစ်ကြပြီး လယ်များတွင် စိုက်ပျိုးနေစဉ် ဖမ်းဆီးသွားခဲ့ခြင်း ဖြစ်သည်။

ဘူးသီးတောင်မြို့နယ်ရှိ နယ်ခြားစောင့်ရဲတပ်ဖွဲ့ စခန်း အမှတ် (၂၁) တွင် ၎င်းတို့ကို ထိန်းသိမ်းထားခဲ့ပြီး ညှဉ်းပန်းနှိပ်စက်ပြီးနောက် သြဂုတ်လ (၁၈) ရက်နေ့တွင် ၂၅ ဦးထံမှ ငွေအဆမတန် ညှစ်ယူ၍ ပြန်လည် လွှတ်ပေးခဲ့သော်လည်း ကျန်သည့် အပြစ်မဲ့ ၂၄ ဦးကို မတရားအသင်း ဆက်သွယ်မှု ပုဒ်မ (၁၇) (က) (ခ) တို့ဖြင့် ဆက်လက်၍ ချုပ်နှောင်ထားသည်။

အဆိုပါကိစ္စနှင့် ပတ်သက်၍ ယခုနှစ် ဇန်န၀ါရီလ (၁၈) ရက်နေ့ထိ အခြေအနေ တည်ငြိမ်နေခဲ့သော်လည်း အသတ်ခံရသူ၏ ယောက္ခထီး ဖြစ်သူ မော်လ၀ီ အလီဟူစိန်း (ဘ) ဦးလာလ်မျာ ၏ အလောင်းကို ဦးလှဖေကျေးရွာတွင် ဓါးဒဏ်ရာများဖြင့် တွေ့ရှိပြီးနောက် စစ်တပ်နှင့် နယ်ခြားစောင့်ရဲတပ်ဖွဲ့ တို့က ၎င်းအား ဦးလှဖေရွာသားများ သတ်သည်ဟု စွပ်စွဲကို ရွာကို စီးနင်းဝင်ရောက်ခြင်း စတင်ခဲ့သည်။

ဇန်န၀ါရီလ (၂၀) ရက်နေ့ နေ့လည်ပိုင်းတွင် မော်လ၀ီအလီဟူစိန်း၏ အလောင်းကို ဦးလှဖေကျေးရွာနှင့် ဝေးကွာသော တောင်အနီးတွင် စွန့်ပစ်ထားသည်ကို တွေ့ရှိခဲ့သည်။ လုံခြုံရေးတပ်ဖွဲ့ဝင်များက တစ်စုံတစ်ရာ သက်သေခိုင်ခိုင်မာမာ မရှိဘဲ ဦးလှဖေကျေးရွာသားများကို ပစ်မှတ်ထားပြီး ရွာထဲသို့ ၀င်ရောက်စီးနင်း၍ တွေ့သမျှကို ဖမ်းဆီးခြင်း၊ ရိုက်နှက်ခြင်း၊ ငွေညှစ်ခြင်းနှင့် နေအိမ်များ အတွင်းမှ လုယက်ခြင်း တို့ကြောင့် ရွာအတွင်း အထိတ်တလန့်ဖြစ်ကာ ရွာသူရွာသားများ ကြောက်ရွံလာခဲ့ကြသည်။

ယနေ့ ဇန်န၀ါရီလ (၂၉) ရက်နေ့ သတင်းများအရ ဇန်န၀ါရီလ (၂၇) ရက်နေ့မှစ၍ အာဏာပိုင်များက ဆွဲ၊ တင်၊ စစ် စစ်ဆေးလျက်ရှိပြီး၊ ညပိုင်းတွင် ၀င်ရောက်စီးနင်းခြင်းများ ပြုလုပ်လျက် ရှိသည်ဟု ဒေသခံများက ဆိုသည်။ အပြစ်မဲ့ (၅) ဦးကို ဖမ်းဆီးထိန်းသိမ်းထားသည်။

ဖမ်းဆီးခံထားရသူများမှာ --

(၁) ဦးမောင်ဖြူ (ရွာညိုတောင်ကျေးရွာမှ ကျေးရွာအုပ်ချုပ်ရေးအဖွဲ့ဝင်) ဇန်န၀ါရီလ (၂၁) ရက်နေ့တွင် ဖမ်းဆီးခံရသည်။

(၂) ဦးမိုဟာမတ်အာမီးန် (ဘ) ဦးအဗ်ဒူဂျဘာရ် (ဦးလှဖေကျေးရွာမှ) ဇန်န၀ါရီလ (၂၃) ရက်နေ့တွင် ဖမ်းဆီးခံရသည်။

(၃) ဟာဖီးဇ် ရာဟ်မတ်အုလ္လာ (ဘ) ဦးကာဒိရ်ဟူစိန်း (အသက် ၂၂ နှစ်) (ဦးလှဖေကျေးရွာမှ) ဇန်န၀ါရီလ (၂၉) ရက်နေ့တွင် ဖမ်းဆီးခံရပြီး၊ နယ်ခြားစောင့်ရဲတပ်ဖွဲ့ စခန်း (၂၁) တွင် ထိန်းသိမ်းထားသည်)

(၄) မော်လ၀ီယာစီးန်အာနီးစ် (ဘ) ဟာဖီးဇ် ဦးမိုဟာမတ်အာလာမ် (အသက် ၂၄ နှစ်) (ဦးလှဖေကျေးရွာမှ) ဇန်န၀ါရီလ (၂၉) ရက်နေ့တွင် ဖမ်းဆီးခံရပြီး၊ နယ်ခြားစောင့်ရဲတပ်ဖွဲ့ စခန်း (၂၁) တွင် ထိန်းသိမ်းထားသည်)

(၅) မော်လ၀ီ အဗ်ဒူလ္လာဟ် (ဘ) မော်လ၀ီ ဦးနအီးမ် (အသက် ၂၅ နှစ်) (ဦးလှဖေကျေးရွာမှ) ဇန်န၀ါရီလ (၂၉) ရက်နေ့တွင် ဖမ်းဆီးခံရပြီး၊ နယ်ခြားစောင့်ရဲတပ်ဖွဲ့ စခန်း (၂၁) တွင် ထိန်းသိမ်းထားသည်)

လုံခြုံရေးတပ်ဖွဲ့ဝင်များ၏ လူမဆန်စွာ ပြုမှုနေခြင်းတို့ကြောင့် အနည်းဆုံး မိသားစု ၁၀၀ ခန့် တဖက်နိုင်ငံတွင် ခိုလှုံရန် ထွက်ခွာသွားသည်ဟု ဒေသခံများက ဆိုသည်။

“အခုလို အခြေအနေမျိုး ဆက်ဖြစ်နေမယ် ဆိုရင် ရွာက အနည်းဆုံး သုံးပုံနှစ်ပုံလောက် ကုန်သွားလိမ့်မယ်။ ကုလသမဂ္ဂနဲ့ နိုင်ငံတကာ အသိုင်းအ၀ိုင်းအနေနဲ့ ဘင်္ဂလားဒေ့ရ်ှမှာ ခိုလှုံနေတဲ့ ကျွန်တော်တို့ ညီအစ်ကိုတွေကို အချိန်မတန်သေးခင် ပြန်လာဖို့ လိုက်မပြောခင်မှာ မြန်မာအစိုးရကို ဖိအားပေးပြီး ကျွန်တော်တို့ ဒီမှာရှိနေတဲ့ လူတွေအတွက် တည်ငြိမ်အေးချမ်းတဲ့ နေရာတစ်ခု ဖန်တီးပေးဖို့ တောင်းဆိုတယ်” ဟု ရွာပြင်တွင် ပုန်းနေသည့် ရွာသားက ဆက်လက်ပြောပါသည်။

လုံခြုံရေးတပ်ဖွဲ့ဝင်များ ၀င်ရောက်စီးနင်း၍ မတရားသဖြင့် ဖမ်းဆီးခြင်း ညှဉ်းပန်းနှိပ်စက်ခြင်းတို့ကြောင့် ယခုသတင်းရေးသားသည့် အချိန်တွင် ရွာသူရွာသားများသည် လယ်ကွင်းများ၊ တောတောင်များနှင့် မြစ်ကမ်းနားဘေးတွင် ခိုလှုံ၍ ညများ ဖြတ်သန်းနေရသည်။




Comment ရေးရန်

Rohingya Exodus