နောက်ဆုံးသတင်း/ဆောင်းပါးများ

ဈေးတွင် ကင်းစောင့်နေသူများကို ညမထွက်ရအချိန်တွင် ရခိုင် (၄) ဦးက လူမဆန်စွာ ရိုက်နှက်

RB News
22.2.2018

ဘူးသီးတောင် ။  ။ ရခိုင်ပြည်နယ်၊ ဘူးသီးတောင်မြို့နယ် ကကျက်ဘက်ကံပြင် ကျေးရွာအုပ်စုတွင် ကင်းစောင့်နေသည့် ကင်းသမားနှစ်ဦးကို ရခိုင်လူမျိုး (၄) ဦးက ညမထွက်ရ အချိန်တွင် လူမဆန်စွာ ရိုက်နှက်ခဲ့ကြောင်း သတင်းရရှိပါသည်။

ဖေဖော်ဝါရီလ (၂၁) ရက်နေ့ ည ၁၀ နာရီ အချိန်တွင် ဘူးသီးတောင်မြို့နယ် အမှတ် (၅) ရပ်ကွက်၊ မြို့မအားကစားကွင်း အနီးမှ စာရေးကိရိယာအမျိုးမျိုးနှင့် To me (တိုမီ ကွန်ပျူတာ မိတ္တူ) ဆိုင်ပိုင်ရှင်၏ သားဖြစ်သူနှင့် အခြား (၃) ဦးတို့သည် ညမထွက်ရ အမိန့်ကို ကျူးလွန် ဖောက်ဖျက်၍ အငူမော်လမ်းမအတိုင်း အိုးသည်ရွာသို့ ကားဖြင့် သွားရောက် လည်ပတ်ခဲ့သည်။ အပြန်လမ်းတွင် ကကျက်ဘက်ကံပြင်ကျေးရွာအုပ်စု၊ တပ်ရာရွာကြားရှိ အငူမော်လမ်းမမှ ဇော်ဘော်ဖာရာဈေးတွင် ကင်းစောင့်နေသော တပ်ရာရွာသား (၈) ဦးထံမှ ဆေးလိပ်တောင်းခဲ့သည်။ ကင်းသမားများက ၎င်းတို့ထံတွင် ဆေးလိပ်မရှိဟု ကောင်းမွန်စွာ ပြန်လည် ဖြေကြားသည်ကို မကျေနပ်ဟု ဆိုကာ ကင်းစောင့်နေသူများထဲမှ မောင်အောင်မြင့် (ခ) ရှော်ဘီအုလ္လာ (ဘ) ဦးမာမတ်ဟူးဆောင်း (အသက် ၂၅ နှစ်) နှင့် ကင်းမှူး ဦးမာမတ်ဇာဘေရ် (အသက် ၃၅ နှစ်) ကို ရိုက်နှက်ခဲ့သည်။ ၎င်းတို့နှစ်ဦးအား ရိုက်နှက်နေစဉ် ကျန်သည့် ကင်းသမား (၆) ဦး ကြောက်ရွံ၍ ထွက်ပြေးသွားခဲ့ကြောင်း ဒေသခံများက RB News သို့ပြောပါသည်။

ဆေးလိပ်တောင်းသည့် ရခိုင်လူမျိုး (၄) ဦးတို့က ကင်းသမား နှစ်ဦးကို လဲကျသွားသည့်အထိ လူမဆန်စွာ ရိုက်နှက်ပြီး ထွက်သွားခဲ့သည်။

ထို့နောက် ကြောက်ရွံ၍ ထွက်ပြေးသွားသည့် ကင်းသမား (၆) ဦး ပြန်လည်ရောက်ရှိလာပြီး၊ လဲကျနေသူနှစ်ဦးကို ကင်းစခန်းထဲသို့ သွင်းကာ ကျေးရွာအုပ်ချုပ်ရေးမှူး မောင်ကျော်သာ ထံ ဖုန်းဆက် အကြောင်းကြားခဲ့သည်။

အုပ်ချုပ်ရေးမှူးက ရဲကိုအကြောင်းကြားမည်ကို ပြောဆိုပြီး ခဏအကြာတွင် ရဲများ ရောက်ရှိလာပြီး အကြောင်းစုံ မေးမြန်းသွားသော်လည်း နောက်ဆက်တွဲ အရေးယူဆောင်ရွက်မှုနှင့် ပတ်သက်၍ တစ်စုံတစ်ရာ မသိရှိရဟု ဒေသခံများက ဆိုသည်။

ဘူးသီးတောင်မြို့နယ် ညမထွက်ရ အမိန့် ထုတ်ပြန်ထားသော်လည်း အဆိုပါ အမိန့်ကို ရိုဟင်ဂျာများသာ လိုက်နာရန် လိုအပ်ပြီး ရခိုင်လူမျိုးက လိုက်နာရန် လိုအပ်မှု မရှိသည်ကို တွေ့ရသည်။ လွန်ခဲ့သည့်ရက်ပိုင်းကလည်း ရခိုင်အစွန်းရောက် အချို့က အမှတ် (၄) ရပ်ကွက်မှ ရိုဟင်ဂျာနေအိမ် အချို့ကို ည ၉ နာရီကျော် အချိန်တွင် မီးရှို့ဖျက်ဆီးခဲ့သည်။

ရိုက်နှက်ခံရသည့် ကင်းသမားနှစ်ဦးမှာ လမ်းပင် မလျှောက်နိုင်သည့် အခြေအနေ ဖြစ်နေသည်ဟု သိရှိရသည်။




Comment ရေးရန်

Rohingya Exodus