မောင်တော သရက်အုပ် နယ်ခြားစောင့်ရဲ ကင်းစခန်းမှူးက လူငယ်တစ်ဦးက ထောင်ချောက်ဆင် ဖမ်းပြီး ငွေ ၁၅ သိန်း ညှစ်

Rohingya Eye
RB News
25.4.2018

မောင်တော ။ ။ ရခိုင်ပြည်နယ်၊ မောင်တောမြို့နယ် သရက်အုပ်ကျေးရွာ အခြေစိုက် နယ်ခြားစောင့်ရဲတပ်ဖွဲ့ ကင်းစခန်းမှ ကင်းစခန်းမှူးက ရိုဟင်ဂျာလူငယ်တစ်ဦးကို ထောင်ချောက်ဆင်၍ ဖမ်းဆီးပြီး ငွေကျပ် ၁၅ သိန်း ညှစ်ယူခဲ့သည်။

ဧပြီလ (၂၁) ရက်နေ့ နံနက် (၁၀) နာရီ အချိန်တွင် သရက်အုပ်ကျေးရွာမှ ရိုဟင်ဂျာလူငယ်တစ်ဦးသည် ဆိုင်ကယ်တစ်စီးဖြင့် နေအိမ်မှ ထွက်ခွာလာရာ သရက်အုပ်ကျေးရွာ အခြေစိုက် နယ်ခြားစောင့်ရဲတပ်ဖွဲ့ ကင်းစခန်းမှ ကင်းစခန်းမှူးက တွေ့ရှိသွားပြီး ရပ်တန့်ခိုင်းခဲ့သည်။

ထို့နောက် ကင်းစခန်းမှူးက ၎င်းအား ဆိုင်ကယ်ခဏငှားရမ်းရန် ပြောဆိုရာ ဆိုင်ကယ်ပိုင်ရှင် လူငယ်ကလည်း ကင်းစခန်းမှူးက ငှားရမ်းနေသဖြင့် ငြင်းဆန်၍ မရသောကြောင့် ငှားရမ်းခဲ့သည်။ ကင်းစခန်းမှူးသည် ဆိုင်ကယ်ကို ယူ၍ ကင်းစခန်းသို့ စီးနင်းသွားခဲ့သည်။

နာရီအနည်းငယ် အကြာတွင် ကင်းစခန်းမှူးက ၎င်း၏ ဆိုင်ကယ်ကို ပြန်လာယူရန် အကြောင်းကြားခဲ့သည်။ လူငယ်ဖြစ်သူက ဆိုင်ကယ်ကို သွားယူသည့်အခါ ကင်းစခန်းမှူးက ဆိုင်ကယ်ထဲတွင် WY စာတမ်းပါ စိတ်ကြွဆေးပြားများ ဖမ်းဆီးရမိသည်ဟု စွပ်စွဲ၍ ဖမ်းဆီးခဲ့သည်။

ဖမ်းဆီးခံရသည့် အပြစ်မဲ့ ဆိုင်ကယ်ပိုင်ရှင်မှာ ဖူသီယာ (ဘ) ဦးအဗ်ဒူရှရီးဖ် (အသက် ၃၀ နှစ်) ဖြစ်ပြီး၊ ကင်းစခန်းမှူးက ၎င်းထံမှ ငွေကျပ် (၁၅) သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံများက RB News သို့ပြောပါသည်။