နောက်ဆုံးသတင်း/ဆောင်းပါးများ

မောင်တော ပညောင်ပင်ကြီး ကမ်းခြေတွင် ပိတ်မိနေသည့် ရသေ့တောင်မှ ရိုဟင်ဂျာများကို နေရပ်ပြန်ရန် နယ်ခြားစောင့်ရဲများက စည်းရုံးနေ

MYARF
RB News
20.4.2018

မောင်တော ။ ။ ကုလသမဂ္ဂ လုံခြုံရေးကောင်စီမှ ကိုယ်စားလှယ်များ လာရောက်တော့မည် ဖြစ်၍ ရခိုင်ပြည်နယ်၊ မောင်တောမြို့နယ် ပညောင်ပင်ကြီးကျေးရွာရှိ ကမ်းခြေတွင် ပိတ်မိနေသော ရိုဟင်ဂျာများကို နေရပ်သို့ ပြန်ပို့ပေးမည်ဟု ဆိုကာ ကမ်းခြေစောင့် နယ်ခြားစောင့်ရဲများက စည်းရုံးနေသည်။

ဧပြီလ (၁၉) ရက်နေ့တွင် ကမ်းခြေစောင့် နယ်ခြားစောင့်ရဲများသည် မောင်တောမြို့နယ် ပညောင်ပင်ကြီးကျေးရွာ အနောက်ဘက် ကမ်းခြေသို့ သွားရောက်၍ ကမ်းခြေတွင် ပိတ်မိနေသော ရသေ့တောင်မြို့နယ် ရိုဟင်ဂျာများကို အိမ်ပြန်ပို့ပေးမယ်၊ ဖျက်ဆီးခံရတဲ့ အိမ်တွေကို ပြန်ဆောက်ပေးမယ်၊ စားနပ်ရိက္ခာ အပြည့်အ၀ ပေးမယ်၊ မကြာခင် မိုးရာသီရောက်တော့မယ်၊ မိုးရာသီမှာ ကမ်းခြေမှာ ဘယ်လို နေကြမလဲ၊ ရေကြီးမယ်၊ လေပြင်းတိုက်မယ်၊ အဲလိုဆိုရင် ကလေးတွေသေမယ်၊ စားဝတ်နေရေး အခက်အခဲဖြစ်မယ်၊ အဲဒါကို စိုးရိမ်လို့ လာပြောတာပါ၊ နောက်နေ့ ကားနဲ့ လာခေါ်မယ် ဟု ပြောဆိုခဲ့သည်။

ယနေ့ ဧပြီလ (၂၀) ရက်နေ့တွင်လည်း နယ်ခြားစောင့်ရဲတပ်ဖွဲ့မှ ရဲအုပ်တစ်ဦးက ထပ်မံ၍ လာရောက် ပြောဆိုခဲ့ကြောင်း ဒေသခံများက RB News သို့ပြောပါသည်။

ဧပြီလ (၂၁) ရက်နေ့တွင် မောင်တောမြို့နယ် အုပ်ချုပ်ရေးမှူးနှင့် အဖွဲ့လာရောက်၍ ထပ်မံ၍ စည်းရုံးမည် သိရှိရသည်။

ကမ်းခြေရှိ ရိုဟင်ဂျာများထဲမှ အကျိုးအကြောင်း ဆီလျော်စွာ နားမလည်သူ အချို့က မိုးရာသီဒဏ်ကို စိုးရိမ်ကြောင့်ကြ၍ ပြောသည့်အတိုင်း ဖြည့်ဆည်းပေးလျှင် ပြန်ပါမည်ဟု ပြောကြားခဲ့သည်။

ယခုကဲ့သို့ ရိုဟင်ဂျာများ နေရပ်ပြန်ရေးအတွက် အပူတပြင်း စည်းရုံးနေခြင်းမှာ စာနာထောက်ထား၍ မဟုတ်ဘဲ မကြာခင် ရောက်ရှိလာမည့် ကုလသမဂ္ဂ လုံခြုံရေးကောင်စီ ကိုယ်စားလှယ်များကြောင့်သာ ဖြစ်သည်ဟု ဒေသခံများက သုံးသပ်နေကြသည်။

(ဓါတ်ပုံ - Syed Zakir Hossain/Dhaka Tribune)

Comment ရေးရန်

Rohingya Exodus