နောက်ဆုံးသတင်း/ဆောင်းပါးများ

စစ်တွေမြို့ ဆိုင်ကလုန်းစင်တာတွင် ရိုဟင်ဂျာဒုက္ခသည်တစ်ဦး၏ အလောင်းတွေ့ရှိ

ဦးမိုဟာမတ်ဟာနီးဖ် (အသက် ၄၈ နှစ်) ၏ အလောင်းကို တွေ့ရှိရစဉ် (ဓါတ်ပုံ Saed Arakani/RB News)


RB News
1.5.2018

စစ်တွေ ။ ။ ရခိုင်ပြည်နယ်၊ စစ်တွေမြို့တွင် အိုးအိမ်မဲ့ ဖြစ်နေသည့် ရိုဟင်ဂျာ ဒုက္ခသည်တစ်ဦး၏ အလောင်းကို ယနေ့ မေလ (၁) ရက်နေ့ ညနေပိုင်းတွင် တွေ့ရှိထားသည်။

တွေ့ရှိထားသည့် လူသေအလောင်းမှာ ဦးမိုဟာမတ်ဟာနီးဖ် (ဘ) ဦးဂိုနီမျာ (အသက် ၄၈ နှစ်) ဖြစ်ပြီး ယနေ့ ည (၆) နာရီအချိန်ခန့်တွင် အသတ်ခံရခြင်း ဖြစ်သည်။ ၎င်း၏ ဦးခေါင်းမှ သွေးများယိုစီး၍ သေဆုံးနေသည်ကို မန်စီရဲစခန်း အနီးရှိ  ဆိုင်ကလုန်းစင်တာတွင် တွေ့ရှိခဲ့ခြင်းဖြစ်သည်။

“သူက အုန်းတောကြီး ဒုက္ခသည်စခန်းမှာ နေတဲ့ ဒုက္ခသည်တစ်ဦးပါ။ သူ့ရဲ့ အလောင်းကို ည (၆) နာရီလောက်မှာ ဆိုင်ကလုန်းစင်တာမှာ တွေ့တယ်။ အဲဒီနေရာက မန်စီရဲစခန်းနားမှာ ဖြစ်ပြီး ဘယ်သူ့မှ သွားလာလုပ်တဲ့နေရာမဟုတ်ဘူး။

“ရဲစခန်းက ရဲတွေက တစ်ခါတစ်ရံ ဖြတ်သန်းသွားလာတဲ့ ရိုဟင်ဂျာတွေကို လူမဆန်စွာ ရိုက်နှက်လေ့ရှိတယ်” ဟု မျက်မြင်သက်သေတစ်ဦးက RB News သို့ပြောသည်။

ယခုတွေ့ရှိသော အလောင်းနှင့်ပတ်သက်၍ စုံစမ်းမှုများ ပြုလုပ်ခဲ့ရာ မန်စီရဲစခန်းမှ ရဲတပ်ဖွဲ့ဝင်များက သတ်ပစ်လိုက်ခြင်းဖြစ်ကြောင်း ယူဆရသည်။

အလောင်းတွေ့ရှိသည့်နေရာကို ပိတ်ဆို့ထားသည်ကို တွေ့ရစဉ် (ဓါတ်ပုံ - Saed Arakani/RB News)

ရဲတပ်ဖွဲ့ဝင်များက လူသေအလောင်းတွေ့ရှိသည့် နေရာကို ၀င်ရောက်ကြည့်ရှုခွင့် ပိတ်ပင်ထားပြီး၊ ည ၇း၃၀ နာရီအချိန်တွင် အလောင်းကို ခွဲစိတ်စစ်ဆေးရန်အတွက် စစ်တွေဆေးရုံကြီးသို့ ပို့ဆောင်လိုက်သည်။ 

(Saed Arkani သတင်းပေးပို့သည်။)

Comment ရေးရန်

Rohingya Exodus