နောက်ဆုံးသတင်း/ဆောင်းပါးများ

မောင်တော မြို့မကညင်တန်းမှ ဒေသခံအမျိုးသမီးနှစ်ဦးကို တဖက်နိုင်ငံမှ ပြန်လည်ခိုးဝင်လာသူများဟု စွပ်စွဲကာ ဖမ်းဆီးချုပ်နှောင်ထား

Rohingya Eye
RB News
19.5.2018

မောင်တော ။ ။ ရခိုင်ပြည်နယ်၊ မောင်တောမြို့နယ် မြို့မကညင်တန်းကျေးရွာအုပ်စုမှ ဒေသခံအမျိုးသမီးနှစ်ဦးကို တဖက်နိုင်ငံမှ ပြန်လည် ခိုးဝင်လာသူများဟု စွပ်စွဲကာ ဖမ်းဆီးချုပ်နှောင် ထားသည်။

၂၀၁၂ ခုနှစ်မှစ၍ နိုင်ငံတော်အစိုးရက မောင်တောခရိုင်အတွင်းရှိ ရိုဟင်ဂျာများကို စစ်တွေနှင့် ရန်ကုန်မြို့များသို့ သွားရောက်၍ အရေးပေါ်ဆေးကုသခွင့် ပိတ်ပင်ထားခဲ့သည်။ မောင်တောခရိုင်ရှိ ဆေးရုံများတွင် ကုသ၍ မရနိုင်သည့် နာတာရှည်ရောဂါသည်များ၊ အရေးပေါ် ခွဲစိတ်ခံရယူရမည့်သူများသည် စစ်တွေနှင့် ရန်ကုန်မြို့များသို့ သွားရောက် ဆေးကုသခွင့်မရသောကြောင့် တဖက်နိုင်ငံသို့သာ သွားရောက်ဆေးကုသကြရသည်။

မောင်တောမြို့နယ် မြို့မကညင်တန်းကျေးရွာအုပ်စု၊ မောင်နီရွာမှ ဦးမာမတ်နော်ဆိမ်း၏ သမီးဖြစ်သူ မဆူဖိုက်ရာ (အသက် ၂၂ နှစ်) သည် လက်တဖက်ကျိုးသွားသဖြင့် တဖက်နိုင်ငံသို့ သွားရောက်၍ သံမဏိတစ်ချောင်းအစားထိုး၍ ဆေးကုသမှု ခံယူခဲ့သည်။ ဆရာဝန်ဖြစ်သူက (၄) လ အကြာတွင် သံမဏိချောင်းကို ပြန်လည် ထုတ်ယူရမည်ဟု မှာကြားခဲ့သောကြောင့် မဆူဖိုက်ရာတို့ ညီအစ်မနှစ်ဦးသည် တဖက်နိုင်ငံသို့ သွားရောက်၍ ဆေးကုသမှု ခံယူပြီး မေလ (၁၂) ရက်နေ့တွင် မောင်နီရွာသို့ ကားဖြင့် ပြန်လာခဲ့သည်။

၎င်းတို့နှစ်ဦး ပြန်လာနေစဉ် ရွှေဇားတံတားပေါ်တွင် အသင့်စောင့်နေသည့် ရဲအုပ်စံမင်း ဦးဆောင်သည့် လူကုန်ကူးမှုတားဆီးရေးအဖွဲ့က တဖက်နိုင်ငံမှ တရားမ၀င် ခိုးဝင်လာသည်ဟု မဟုတ်မမှန် လုပ်ကြံ စွပ်စွဲ၍ ကားနှင့် အတူ အမျိုးသမီးနှစ်ဦးကို ဖမ်းဆီး၍ မြို့မရဲစခန်းတွင် ချုပ်နှောင်ထားသည်။

ရဲအုပ်စံမင်းက ကားပိုင်ရှင်ထံမှ ငွေကျပ်တစ်သိန်းယူ၍ ကားကို ပြန်လည် ပေးလိုက်သော်လည်း အမျိုးသမီးနှစ်ဦးကို ဆက်လက်ချုပ်နှောင် ထားကြောင်း ဒေသခံများက RB News သို့ပြောပါသည်။

ဖမ်းဆီးချုပ်နှောင်ခံထားရသည့် အမျိုးသမီးနှစ်ဦးသည် တဖက်နိုင်ငံရှိ ဒုက္ခသည်စခန်းများတွင် သွားရောက် ခိုလှုံနေရမှ တရားမ၀င် ပြန်လည် ၀င်ရောက်လာသူများ မဟုတ်ဘဲ၊ ဆေးကုသရန် သွားရောက်ခဲ့သူများသာ ဖြစ်သည်။ ၎င်းတို့သည် ၂၀၁၈ ခုနှစ် ဆွဲ၊ တင်၊ စစ် တွင် စစ်ဆေးမှု ခံယူခဲ့သူများလည်း ဖြစ်ကြသည်။

ဆရာဝန်ထံ အချိန်မီ သွားရောက်၍ ဆေးကုသမှု ခံယူရန် လိုအပ်သောကြောင့် သွားရောက်၍ ဆေးကုသမှု ခံယူခဲ့ခြင်းသာ ဖြစ်သည်ဟု ဒေသခံများက ဆိုသည်။

အလားတူ မြို့မတောင်ရပ်ကွက်မှ ဦးအီနုစ် (ဘ) ဆရာဦးခင်မောင် (အသက် ၄၈ နှစ်) နှင့် အိမ်နီးချင်း ဦးလာလားယား (အသက် ၃၃ နှစ်) တို့နှစ်ဦးသည် လွန်ခဲ့သည့် အပတ်က တဖက်နိုင်ငံသို့ သွားရောက်၍ ဆေးကုသမှု ခံယူပြီး ပြန်လာခဲ့ရာ နှစ်ရက်အကြာတွင် ရဲအုပ်စံမင်းက ခိုးဝင်လာသည်ဟု စွပ်စွဲ၍ ငွေကျပ် ၃ သိန်းခွဲစီ ညှစ်ယူခဲ့သည်။

“ဒီလူတွေက တရားမ၀င် ခိုးဝင်နေတာလည်း မဟုတ်ဘူး။ ဆွဲတင်စစ် မှာ ပါဝင် စစ်ဆေးခံခဲ့သူတွေပါ။ အရေးပေါ် ဆေးကုသမှု ခံယူဖို့ လိုလို့ သွားခဲ့တာ။ နိုင်ငံတော် အစိုးရက ပြည်တွင်းမှာ ဆေးကုသခွင့် မပေးလို့ သူတို့အသက်ကယ်ဖို့အတွက် ဆေးကုသမှု ခံယူဖို့ တဖက်နိုင်ငံကို သွားခဲ့ရတာပါ။ ဒေသဆိုင်ရာ အာဏာပိုင်တွေက သိသိကြီးနဲ့ မတရားစွပ်စွဲပြီး ဖမ်းဆီး ငွေညှစ်နေတာ” ဟု မောင်တောမြို့နယ်မှ တက်ကြွလှုပ်ရှားသူ တစ်ဦးက ပြောပါသည်။




Comment ရေးရန်

Rohingya Exodus