ICRC နှင့် UNICEF တို့မှ ထောက်ပံ့သည့် ပစ္စည်းများကို ကျေးရွာအုပ်ချုပ်ရေးမှူးနှင့် အဖွဲ့က ခေါင်းပုံဖြတ်
Rohingya Eye
RB News
10.5.2018
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကျောက်လှေကား ကျေးရွာအုပ်ချုပ်ရေးမှူးနှင့် အဖွဲ့က နိုင်ငံတကာမှ ထောက်ပံ့နေသည်များကို ရွာသားများအား အပြည့်အ၀ မပေးဘဲ ကိုယ်ကျိုးအတွက် သုံးစွဲနေသည်ဟု ဒေသခံများက ဆိုသည်။
ကျောက်လှေကား ကျေးရွာအုပ်ချုပ်ရေးမှူး ဦးရှောမီးန်ဂျူဟာရ် (ဘ) ဦးအီဒီရီစ် (အသက် ၃၂ နှစ်) နှင့် ဦးဆော်လိမ် (ဘ) ဦးဘတင် (အသက် ၂၈ နှစ်) တို့ ပူးပေါင်း၍ သဲချောင်းရွာ အတွက် ICRC နှင့် UNICEF တို့မှ ထောက်ပံ့နေသည်များကို ရွာသားများအား အပြည့်အ၀ မပေးကြောင်း၊ ဧပြီလ (၁၀) ရက်နေ့တွင် ICRC မှ ထောက်ပံ့သော နှစ်လအတွက် ဆန်၊ ပဲ၊ ဆီနှင့် အမျိုးသမီးသုံး ပစ္စည်းများကို ရွာသားများအတွက် ကျေးရွာ အုပ်ချုပ်ရေးမှူးမှ တဆင့် ထောက်ပံ့ခဲ့သော်လည်း ကျေးရွာအုပ်ချုပ်ရေးမှူးနှင့် အဖွဲ့က ဆန်အိတ် (၁၅၀) ကို ၎င်းတို့ ကိုယ်ကျိုးအတွက် ချန်ထား၍ ကျန်သည့် ပစ္စည်းများကိုသာ ပေးအပ်ခဲ့ကြောင်း ဒေသခံများက RB News သို့ပြောသည်။
ဧပြီလ (၂၄) ရက်နေ့တွင်လည်း UNICEF မှ ဆပ်ပြာများနှင့် အလှကုန်ပစ္စည်းများကို ရွာသားများအား ဝေပေးရန် ကျေးရွာအုပ်ချုပ်ရေးမှူးနှင့် အဖွဲ့ကို ပေးအပ်ခဲ့သော်လည်း အချို့တစ်ဝက်ကိုသာ ပေးအပ်ခဲ့ပြီး ကျန်ပစ္စည်းများကို ၎င်းတို့ ကိုယ်ကျိုးအတွက် ယူထားလိုက်ကြောင်း ဒေသခံများက ဆိုသည်။
ထို့အပြင် မေလ (၅) ရက်နေ့တွင်လည်း ICRC မှ တစ်အိမ်လျှင် ၀ါးနှစ်ရာစီပေးအပ်ခဲ့သော်လည်း ကျေးရွာအုပ်ချုပ်ရေးမှူးနှင့် အဖွဲ့က ရွာသူရွာသားများအား အပြည့်အ၀ ပေးအပ်ခဲ့ခြင်း မရှိဟု သိရှိရသည်။
ထိုသို့ ခေါင်းပုံဖြတ်နေခြင်းနှင့် ပတ်သက်၍ မြို့နယ် အုပ်ချုပ်ရေးမှူး ရုံးသို့ ရွာသူရွာသားများက သွားရောက် တိုင်ကြားခဲ့သော်လည်း အရေးယူ ဆောင်ရွက်ပေးခြင်း မရှိဟု ဒေသခံများက ပြောပါသည်။
