နောက်ဆုံးသတင်း/ဆောင်းပါးများ

ဘူးသီးတောင်တွင် အစ္စလာမ်ဘာသာဝင်များ အီးဒ်နေ့၌ စုပေါင်း ၀တ်ပြုခွင့် ပိတ်ပင်ခံရ

MYARF
RB News
16.6.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်တွင် အစ္စလာမ်ဘာသာဝင်များ၏ နေ့ထူးနေ့မြတ်တွင်ပင် စုပေါင်းဝတ်ပြုခွင့် ပိတ်ပင်ခံရသည်။ 

ဘူးသီးတောင်မြို့နယ် မြို့ပေါ်ရပ်ကွက်နှင့် အနီးတ၀ိုက်ကျေးရွာများတွင် လူစုလူဝေးဖြင့် အီးဒ်နေ့၌ ၀တ်ပြုခြင်း မပြုရန် ဘူးသီးတောင်မြို့နယ် အုပ်ချုပ်ရေးမှူး ဦးကျော်မင်းထွန်း က ဇွန်လ (၁၅) ရက်နေ့တွင် ကျေးရွာအုပ်ချုပ်ရေးမှူးရုံးများသို့ အမိန့်စာပေးပို့၍ တားမြစ်ခဲ့ကြောင်း ဒေသခံများက RB News သို့ပြောသည်။ 

ဘူးသီးတောင်မြို့နယ် မြို့ပေါ်ရပ်ကွက်များနှင့် အနီးတ၀ိုက် ကျေးရွာများရှိ ဗလီဝတ်ကျောင်းတော်များတွင် ၀တ်ပြုခွင့် ပိတ်ပင်ထားသည်မှာ ၂၀၁၂ ခုနှစ် ဇွန်လမှစ၍ ဖြစ်သည်။ 

ဗလီဝတ်ကျောင်းတော်များတွင် ၀တ်ပြုခွင့်မရသောကြောင့် ဒေသခံများက မိသားစု ၅ စုခန့် စုပေါင်း၍ နေအိမ်များတွင် ၀တ်ပြုလေ့ရှိသော်လည်း ထိုကဲ့သို့ ၀တ်ပြုခြင်း မပြုလုပ်ရန် မြို့နယ်အုပ်ချုပ်ရေးမှူးရုံးမှ တားမြစ်ခဲ့သည်။ 

ဇွန်လ (၁၃) ရက်နေ့တွင် ဒေသခံရိုဟင်ဂျာများက ဘူးသီးတောင်မြို့နယ် အမှတ် (၁) ရပ်ကွက်ရှိ သင်္ချိုင်းသို့ သွားရောက်၍ ဆုတောင်းရန် ကြိုးစားခဲ့သော်လည်း ရဲတပ်ဖွဲ့ဝင်များက တားမြစ်ခဲ့သည်။ 

ပြည်ထောင်စုအစိုးရက မြန်မာနိုင်ငံတွင် ဘာသာရေးလွတ်လပ်ခွင့်ရှိသည်ဟု ပြောဆိုနေသော်လည်း မောင်တောခရိုင်တွင် ဘာသာရေးလွတ်လပ်ခွင့် ဆုံးရှုံးနေသည်မှာ ၆ နှစ်ကျော်နေပြီ ဖြစ်သည်။ 



Comment ရေးရန်

Rohingya Exodus