နောက်ဆုံးသတင်း/ဆောင်းပါးများ

ရသေ့တောင်မြို့နယ်အပိုင် ကမ်းခြေတွင် စက်လှေပျက်၍ သောင်တင်ခဲ့သော ရိုဟင်ဂျာများကို သက်ဆိုင်ရာ ကျေးရွာအုပ်ချုပ်ရေးမှူးများထံ အပ်နှံ

MYARF
RB News
18.6.2018

မောင်တော ။ ။ ရခိုင်ပြည်နယ်၊ ရသေ့တောင်မြို့နယ် အပိုင် ကမ်းခြေတွင် စက်လှေပျက်၍ သောင်တင်ခဲ့သည့် ရိုဟင်ဂျာများကို သက်ဆိုင်ရာ ကျေးရွာအုပ်ချုပ်ရေးမှူးများထံ အပ်နှံလိုက်သည်။

ဘင်္ဂလားဒေ့ရ်ှနိုင်ငံ၊ ကော့ဇ်ဘဇားခရိုင်ရှိ ရိုဟင်ဂျာဒုက္ခသည်စခန်းမှ အမျိုးသား၊ အမျိုးသမီးများနှင့် ကလေးများ ၉၂ ဦးနှင့် ဘင်္ဂလားဒေ့ရ်ှနိုင်ငံသား ၁၂ ဦးတို့သည် စက်လှေတစ်စီးဖြင့် မလေးရှားနိုင်ငံသို့ သွားနေစဉ် လမ်းခရီး၌ စက်လှေပျက်၍ ရသေ့တောင်မြို့နယ်အပိုင် ကမ်းခြေတွင် ဇွန်လ (၁၁) ရက်နေ့က သောင်တင်ခဲ့သည်။ 

ကမ်းခြေတွင် ခိုလှုံနေသူ (၁၀၄) ဦးကို ရခိုင်ရွာသားများက တွေ့ရှိခဲ့ပြီးနောက် တုတ်၊ ဓါးများဖြင့် ၀န်းရံထားခဲ့သည်။ ထို့နောက် ၎င်းတို့အား အာဏာပိုင်များက ယင်းနေ့တွင် မောင်တောမြို့နယ် မြောက်ပိုင်း ငါးခူရကျေးရွာရှိ ပြန်လည် လက်ခံရေးစခန်းသို့ ခေါ်ဆောင်သွားခဲ့သည်။ 

၎င်းတို့ကို ပြန်လည်လက်ခံရေး စခန်းတွင် စိစစ်ပြီးနောက် အသက် (၁၀) နှစ်အထက် ရိုဟင်ဂျာများကို NVC ထုတ်ပေးခဲ့ကြောင်း ဒေသခံများက RB News သို့ပြောသည်။ 

ဇွန်လ (၁၅) ရက်နေ့တွင် မောင်တောမြို့နယ် အုပ်ချုပ်ရေးမှူးက ရိုဟင်ဂျာကျေးရွာ အုပ်ချုပ်ရေးမှူးများကို ခေါ်၍ ရိုဟင်ဂျာ ၉၂ ဦးကို ကျေးရွာအလိုက် သက်ဆိုင်ရာအုပ်ချုပ်ရေးမှူးထံ အပ်နှံခဲ့ကြောင်း သိရှိရသည်။ 

ကျေးရွာမီးရှို့ခံရပြီး အုပ်ချုပ်ရေးမှူးမရှိသော ရွာများမှ ရွာသားများကို နီးစပ်ရာ ဆွေမျိုးသားချင်းများ ရှိသည့် ကျေးရွာအုပ်ချုပ်ရေးမှူးများထံ အပ်နှံခဲ့သည်။ 

အပ်နှံစဉ် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဦးစီးဌာနမှ လူကြီးများကို တစ်ဦးလျှင် ဆန် ၇ ပြည်ခန့်၊ ထမင်းနှင့်ဟင်းအိုး တစ်စုံ၊ ပလတ်စတစ်ဖျာ တစ်ချပ်စီ ထောက်ပံ့ပေးခဲ့သည်ဟု ဒေသခံများက ဆိုသည်။ 

ရိုဟင်ဂျာ ၉၂ ဦးအား ငါးခူရကျေးရွာ၊ မြောတောင်၊ ကျောက်လှေကား၊ ပေါင်းဇား၊ မြို့မတောင်ရပ်ကွက်၊ မြို့မရွာသစ်ကေရပ်ကွက်နှင့် မြို့မကညင်တန်းကျေးရွာများမှ အုပ်ချုပ်ရေးမှူးများထံ အပ်နှံခဲ့ခြင်း ဖြစ်သည်။

အဆိုပါ ရိုဟင်ဂျာ ၉၂ ဦးကို ဘင်္ဂလားဒေ့ရ်ှနိုင်ငံတွင် ခိုလှုံနေသည့် မိသားစုများကို ပြန်ခေါ်လာရန်၊ မောင်တောခရိုင်သည် အေးချမ်းသည့် နယ်မြေဖြစ်သွားကြောင့် မည်သည့်ရွာတွင်မဆို နေထိုင်နိုင်သည်ဟု အာဏာပိုင်များက မှာကြားခဲ့ကြောင်း သိရှိရသည်။ 



Comment ရေးရန်

Rohingya Exodus