MYARF
RB News
11.4.2015

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း လောင်းဒုံ ကျေးရွာ အခြေစိုက် နယ်ခြားစောင့် ရဲတပ်ဖွဲ့ တပ်ကြပ် တစ်ဦးနှင့် ရခိုင်ရွာသား တစ်ဦး တို့ပူးပေါင်း၍ အပြစ်မဲ့ ဒေသခံ ရိုဟင်ဂျာ တစ်ဦးကို ဖမ်းဆီး ရိုက်နှက်ပြီး ငွေကျပ် ၃ သိန်း ညှစ်ယူခဲ့ကြောင်း သတင်း ရရှိပါသည်။

မောင်တော မြို့နယ် မြောက်ပိုင်း လောင်းဒုံ ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ တပ်ကြပ် တစ်ဦးသည် ၎င်းကျေးရွာအုပ်စု စေတီပြင် ရခိုင်ရွာမှ ဇေယျာအောင် (ဘ) ဦးအောင်မြင့်နှင့် ပူးပေါင်း၍ ဧပြီလ (၉) ရက်နေ့ ည ၇ နာရီ အချိန်တွင် လောင်းဒုံ ကျေးရွာအုပ်စု စေတီပြင်ရွာမှ ဦးဇာဖော်ရ်အာလောမ် (ဘ) ဦးမာမတ်ဟူစိန်းကို လမ်းသွားနေစဉ် အကြောင်းမဲ့ ဖမ်းဆီး၍ ကင်းစခန်းသို့ ခေါ်ဆောင်သွားပြီး ချုပ်နှောင် ထားခဲ့သည်။ ထို့နောက် ၎င်းအား ၂၀၁၂ ခုနှစ် ဇွန်လ အရေးအခင်းတွင် ပါဝင်ခဲ့သည်ဟု လုပ်ကြံ စွပ်စွဲကာ ညလုံးပေါက် လူမဆန်စွာ ရိုက်နှက်ခဲ့သည်။

၎င်းကို ရိုက်နှက် နေစဉ် နယ်ခြားစောင့် ရဲတစ်ဦးက “ငါတို့ တပ်ထဲဝင်တာ လစာရဖို့ အတွက် မဟုတ်ဘူး။ မင်းတို့ ကုလားတွေကို ဒီနိုင်ငံထဲက မောင်းထုတ်ဖို့သာ ဖြစ်တယ်” ဟု ပြောဆိုခဲ့ကြောင်း သိရသည်။ ဧပြီလ (၁၁) ရက်နေ့ နံနက် (၄) နာရီ အချိန်တွင် ၎င်းထံမှ ငွေကျပ် ၃ သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။

နယ်ခြားစောင့် ရဲများ၏ လူမဆန်စွာ ရိုက်နှက်မှုကြောင့် ဦးဇာဖောရ်အာလောမ်၏ မျက်နှာနှင့် ဦးခေါင်းတို့တွင် ပြင်းထန်စွာ ဒဏ်ရာ ရရှိခဲ့ပြီး၊ လည်ပင်းလည်း လှုပ်မရဖြစ်နေသည့် အပြင် စကားပင် ကောင်းမွန်စွာ မပြောနိုင်တော့ကြောင်း အဆိုပါ ဒေသခံက ပြောပါသည်။

ဇေယျာအောင် ဆိုသည့် ရခိုင်ရွာသားသည် လောင်းဒုံ ကျေးရွာ နယ်ခြားစောင့် ရဲကင်းစခန်းတွင် နယ်ခြားစောင့် ရဲများနှင့် အမြဲအတူ နေထိုင်ပြီး နယ်ခြားစောင့် ရဲများနှင့် ပူးပေါင်း၍ ဒေသခံ ရိုဟင်ဂျာများကို မတရား ညှဉ်းပန်း နှိပ်စက်မှုများတွင် အမြဲ ပါဝင်နေသူ တစ်ဦး ဖြစ်သည်ဟု ဆိုသည်။

MYARF
RB News
11.4.2015

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ညောင်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့နှင့် စ.ရ.ဖ တို့က အပြစ်မဲ့ ဒေသခံများ ထံမှ အကြောင်းမဲ့ ငွေညှစ်ခဲ့ကြောင်း သတင်း ရရှိပါသည်။

ဧပြီလ (၁၀) ရက်နေ့ ည ၁၂း၃၀ နာရီ အချိန်တွင် ဘူးသီးတောင် မြို့နယ်၊ ညောင်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့မှ ရဲအုပ်အပါဝင် နယ်ခြားစောင့်ရဲ (၇) ဦးတို့သည် ၎င်းကျေးရွာအုပ်စု၊ ရွှေထား ကျေးရွာသို့ သွားရောက်ပြီး နံနက် ၁ နာရီထိ ကင်းလှည့်၍ အပြစ်မဲ့ ဒေသခံများကို ဖမ်းဆီးရန် ကြိုးစားသော်လည်း တစ်ဦးကိုမှ ဖမ်းဆီး မရနိုင်ခဲ့ပေ။ ထို့နောက် နံနက် ၁း၃၀ နာရီခန့် အချိန်တွင် အဆိုပါ နယ်ခြားစောင့်ရဲ များသည် ဒုအိုးသည်မ ကျေးရွာသို့ သွားရောက်ပြီး ဦးဟိုက်ရုလ်အာမီးန် (ဘ) ဦးဇာဖောရ် (အသက် ၃၀ နှစ်) ၏ နေအိမ်သို့ ၀င်ရောက်၍ ဦးဟိုက်ရုလ်အာမီးန်ကို အကြောင်းမဲ့ ဖမ်းဆီး ခေါ်ဆောင် သွားပြီး လူမဆန်စွာ ရိုက်နှက်ကာ ငွေကျပ် တစ်သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။

ဧပြီလ (၁၀) ရက်နေ့ ညနေ ၄ နာရီ အချိန်တွင် ဘူးသီးတောင် မြို့နယ် ညောင်ချောင်း ကျေးရွာတွင် တာဝန်ကျ နေသည့် စ.ရ.ဖ တပ်ဆွယ်မှူး ဇော်ဇော်နိုင်သည် ဘုရားပြင်အောင်ပ ကျေးရွာအုပ်စု၊ ရပ်ကွက် (၈) မှ ရာအိမ်မှူး ဦးရှာကဲရ် (ဘ) ဦးမူဇဲရ် (အသက် ၄၀ နှစ်) နှင့် ပူးပေါင်း၍ ဘုရားပြင်အောင်ပ ကျေးရွာအုပ်စု၊ ရပ်ကွက် (၈) မှ ဦးအဒူရော်မန် (ဘ) ဦးဟာဘီ (အသက် ၃၀ နှစ်) ကို ဖမ်းဆီးပြီး တစ်ဖက်နိုင်ငံသို့ တရားမ၀င် သွားရောက်ခဲ့သည်ဟု လုပ်ကြံ စွပ်စွဲကာ ငွေကျပ် တစ်သိန်း ညှစ်ယူခဲ့ကြောင်း ဒေသခံ တစ်ဦးက ပြောပါသည်။ ဦးအဒူရော်မန်သည် တစ်ဖက်နိုင်ငံသို့ သွားရောက်ခဲ့ခြင်း မရှိဘဲ မောင်တောမြို့သို့သာ သွားရောက်၍ အလုပ်လုပ်ခဲ့ခြင်း ဖြစ်သည်ဟု သိရသည်။

သိဂီထိုက်

ဗွီအိုအေမြန်မာပိုင်း

11.4.2015

မနေ့တုန်းက ကျင်းပခဲ့တဲ့ ထိပ်သီး ခေါင်းဆောင် ၆ ဦးရဲ့ ဆွေးနွေးပွဲ အတွင်း မှာတော့ ဖွဲ့စည်းပုံပါ အချက်အလက် အချို့ ပြင်ဆင်ရေး ကိစ္စရပ်တွေကို ဆွေးနွေးနိုင် ခဲ့ကြတာမို့ နောက်တကြိမ် လုပ်မယ့် ဆွေးနွေးပွဲဟာ ပိုပြီး အရေးကြီး လိမ့်မယ်လို့ ဆွေးနွေးပွဲ တက်ရောက်သူ တဦးဖြစ်တဲ့ တိုင်းရင်းသား ကိုယ်စားလှယ် ဒေါက်တာ အေးမောင်က ဗွီအိုအေကို ပြောပါတယ်။ မသိဂီထိုက်က တင်ပြ ပေးထားပါတယ်။

လက်ရှိ ပဋိပက္ခတွေ လျှော့ချဖို့နဲ့ ရွေးကောက်ပွဲ အောင်မြင်ဖို့ နိုင်ငံရေး တည်ငြိမ်မှု ရဖို့ ဆွေးနွေးကြရင်း၊ ဖွဲ့စည်းပုံပါ အချက်အလက် အချို့ ပြင်ဆင်ဖို့ လိုအပ်ချက်တွေ ရှိ်တယ် ဆိုတာကို အပြန်အလှန် ဆွေးနွေး ခဲ့ကြတယ် လို့ ဒေါက်တာအေးမောင် က ပြောပါတယ်။ ပြင်ဆင်ရာမှာ နှစ်ဘက် စလုံးက အလျှော့အတင်း လုပ်သွားဖို့ လိုအပ်ချက် ကိုလည်း ဆွေးနွေး ပြောဆို ခဲ့ကြတယ်လို့ ဆိုပါတယ်။

“တိုင်းရင်းသား အများစု လိုလားတဲ့ ကိုယ်ပိုင် ပြဌာန်းခွင့်နဲ့ အုပ်ချုပ်ခွင့် ဆိုတဲ့ ကဏ္ဍကို ဖွဲ့စည်းပုံက ဘယ်လောက် အထိ ဖြေလျှော့ ပေးနိုင်မလဲ ဆိုတဲ့ ကဏ္ဍကို ကာကွယ်ရေး ဦးစီးချုပ် တို့ဘက်က စဉ်းစားတဲ့ အခါ မှာတော့ဖြင့်- အရေးကြီး အဆိုမှာ ပါခဲ့တဲ့ အတိုင်းပါပဲ၊ ဇယား (၁) က ပြည်ထောင်စုရဲ့ ဥပဒေပြုပိုင်ခွင့် တော်တော်များများကို ဇယား (၂) ကို ပြောင်းပေး။ နောက် Resourcing Sharing လုပ်သင့်သလောက်ကို လုပ်ပေး။ နောက် …တနည်းအားဖြင့် ဇယား (၁) နဲ့ (၅) ကို အခြေခံဥပဒေပုဒ်မ ၄၃၆ (ခ) ပါအတိုင်း referendum မလုပ်ဘဲနဲ့ decentralize လုပ်သင့်သလောက်လုပ်ပြီး အချိန်ကာလကလည်း အင်မတန် တိုတောင်းတာမို့လို့ ဆောင်ရွက်ပေးရုံနဲ့ ကျနော်တို့လိုလားတဲ့ ဖွဲ့စည်းပုံကြီးတခုဟာ အကျိုးရှိရှိနဲ့ အားလုံးအတွက် အဆင်ပြေနိုင်တယ်ဆိုတဲ့ သဘောမျိုးနဲ့ ချဉ်းကပ်တဲ့အခါမှာ ကျနော်တို့အားလုံးကတော့ ထပ်မံဆွေးနွေးပြီးမှ ၄၃၆ (က) ပါ အချို့ပုဒ်မများကိုလည်း အသေးစိတ်နီးပါးလောက် သူ့ဘက် ကိုယ့်ဘက် ပြောင်းလဲဖို့ ညှိနှိုင်းပြီးမှ ကိုယ်တောင်းချင်တာ- ကိုယ်ပြောင်းချင်ပေမယ့်လို့ ပြောင်းသင့်မှပြောင်း၊ ကိုယ်မပြောင်းချင်ပေမယ့်လည်း ပြောင်းသင့်ရင်ပြောင်း စသဖြင့်ပေါ့- ကိုယ့်ဘက် သူ့ဘက်ကို အလျှော့အတင်းနဲ့ ဆွေးနွေးဖို့လိုအပ်တယ်၊ အထွေထွေသဟဇာတဖြစ်ရေး မူဘောင်တခုအောက်မှာ သွားသင့်တယ်ဆိုတာမျိုးနဲ့ အပြန်ပြန်အလှန်လှန် ဆွေးနွေးကြတာ နှစ်နာရီ မိနစ်နှစ်ဆယ်လောက် ရောက်ပါတယ်။”

တက်ရောက်သူ ခေါင်းဆောင်တွေအကြား ပိုပြီး ရင်းနှီးနွေးထွေးအောင်လို့ ဆွေးနွေးပွဲပုံစံကို ပြောင်းလဲသွားဖို့၊ ဆွေးနွေးပွဲမူဘောင်ချမှတ်ဖို့ ကိစ္စတွေကို ဒေါ်အောင်ဆန်းစုကြည်ဘက်က ဆွေးနွေးခဲ့တယ်လို့လည်း သိရပါတယ်။

“ဒေါ်အောင်ဆန်းစုကြည်အခြမ်းဘက်ကို ရောက်တဲ့အခါမှာ ဆွေးနွေးပွဲ မူဘောင်တခုတော့လိုပါတယ်၊ ဆွေးနွေးပွဲ ပုံသဏ္ဍန်လေးကလည်း အလှမ်းကွာဝေး နေတဲ့အခါမှာ ပိုပြီး ရင်းနှီးချစ်ကြည်ပြီးမှ နွေးထွေးတဲ့ပုံစံလေးဖြစ်အောင် နီးနီးကပ်ကပ် ဆွေးနွေးတဲ့ပုံစံလေး ဖန်တီးပေးပါ၊ အဲဒါမျိုးလေးနဲ့ချဉ်းကပ်မှ ဆွေးနွေးမှုရဲ့ frame-work တခု ပုံစံလေးနဲ့ ဘာပြီးရင်ဘာဆွေးနွေးမယ်၊ ဘာအကြောင်းအရာကို အဓိကထားမယ်-စသဖြင့် ပိုပြီး ထိထိရောက်ရောက် လေးနဲ့ အကွက်စိတ်စိတ်လေး ဆွေးနွေးသွားကြရအောင်ဆိုတဲ့သဘောနဲ့ တင်ပြပါတယ်။”

အခုဆွေးနွေးပွဲဟာ ဦးတည်ချက်ကို ခြုံငုံအောင် ဆွေးနွေးနိုင်ခဲ့ပြီး အကျိုးရှိတဲ့ဆွေးနွေးမှု၊ အောင်မြင်တဲ့ ဆွေးနွေးမှုတရပ်ဖြစ်တယ်လို့လည်း ဒေါက်တာ အေးမောင်က သူ့အမြင်ကို ပြောခဲ့ပါတယ်။

“ကျနော်တို့သုံးသပ်တာက ဒီ ဒုတိယတကြိမ်ဆွေးနွေးပွဲဟာ အင်မတန် အရေးကြီးပါတယ်။ ပထမတကြိမ် ဆွေးနွေးပွဲကနေ ဦးရဲထွဋ်တင်ပြသလိုပါပဲ၊ ယုံကြည်မှုနဲ့ နွေးထွေးမှု ခံစားကြရပါတယ်။ အပြန်အလှန် ပွင့်ပွင့်လင်းလင်း တင်ပြကြတာပါ။”

ဖွဲ့စည်းပုံပြင်ရေးအပါအ၀င် နိုင်ငံရေးပြဿနာရပ်တွေကို ဖြေရှင်းဖို့ သမ္မတ၊ ပြည်ထေင်စုလွှတ်တော်နာယက၊ ကာကွယ်ရေးဦးစီးချုပ်တို့နဲ့ လေးပွင့်ဆိုင် ဆွေးနွေးလိုကြောင်း ဒေါ်အောင်ဆန်းစုကြည်က ကနဦး တင်ပြတောင်းဆိုခဲ့တာပါ။ ပြည်ထောင်စုလွှတ်တော်ကတော့ ၆ ပွင့်ဆိုင် ဆွေးနွေးဖို့ လူထပ်တိုး အဆိုပြုခဲ့ပေမယ့် ဒီမတိုင်ခင်ကတော့ ၄၈ ဦးတဲ့၊ ၄၄ ဦးပါ စတဲ့ နိုင်ငံရေးဆွေးနွေးမှုတွေကိုပဲ အစိုးရဘက်က ပြင်ဆင် လုပ်ခဲ့တာပါ။ အခု ၆ ပွင့်ဆိုင် ဆွေးနွေးမှုအတွင်းမှာလည်း ဒီထက်လူတိုးဖို့ သမ္မတဘက်က အဆိုပြုတာတွေရှိခဲ့ပါတယ်။

“တိုင်းရင်းသားကဏ္ဍနဲ့ပတ်သက်လို့ ညှိနှိုင်းတင်ပြကြတဲ့အခါမှာ ပြည်ထောင်စု လွှတ်တော်နာယကကြီးတို့ဘက်ကတော့ဖြင့် လက်ရှိ (၆) ဦးပါ အခြေအနေဟာ အင်မတန် ကျစ်လျစ်ပြီးမှ ထိရောက်တဲ့ဆွေးနွေးဘက်ဖြစ်ကြောင်းနဲ့ ဒီထက်မက တိုးချဲ့လာရင်လည်းပဲ ဒီကဏ္ဍ၊ ဒီ frame အတွင်းမှာပဲ ဆွေးနွေးမှာဖြစ်တဲ့အကြောင်း၊ သမ္မတကြီးတို့ဘက်က အထူးသဖြင့် တိုင်းရင်းသားကဏ္ဍမှာ ထပ်မံတိုးချဲ့စေချင်တဲ့သဘော ဒေါ်အောင်ဆန်းစုကြည်တို့ဘက်ကလည်း ခြောက်ဦးပဲ ထိရောက်စွာ ဆွေးနွေးနိုင်မယ့်သဘောကို တင်ပြပါတယ်။”

ဖွဲ့စည်းပုံနဲ့ပတ်သက်လို့ ကာကွယ်ရေးဦးစီးချုပ်ရဲ့သဘောထားမှာတော့ မပြင်သင့်တဲ့ ကာလမှာ မပြင်ဘဲ ဆက်သွားသင့်တယ်ဆိုတဲ့ အမြင်ရှိပေမယ့် လိုအပ်ရင် ပြင်ရမယ် ဆိုတာကိုလည်း သဘောပေါက်နားလည်တာ တွေ့ရတယ် လို့ ဒေါက်တာအေးမောင်က ပြောပါတယ်။ ဆွေးနွေးပွဲအသေးစိတ်နဲ့ ပတ်သက်လို့ ခေါင်းဆောင်တွေအကြား အပြန်အလှန် လျှိ့ဝှက်ထားမယ်ဆိုပေမယ့်လည်း ပွင့်လင်းမြင်သာမှုရှိတဲ့ ဆွေးနွေးပွဲဖြစ် ပါတယ်လို့ ဒေါက်တာ အေးမောင်က ပြောခဲ့ပါတယ်။

“ဒေါ်အောင်ဆန်းစုကြည်လည်း တင်ပြပါတယ်။ ‘ဦးအေးမောင်က ၁၂ ပါတီရဲ့ mandate နဲ့ ဒီဆွေးနွေးပွဲကို ပါလာတဲ့ပုဂ္ဂိုလ်ဖြစ်တဲ့အခါမှာ ဒီဆွေးနွေးပွဲရဲ့ ရလဒ် အသေးစိတ်နီးပါးလောက်ကို ၁၂ ပါတီကို ပြန်တင်ပြရမယ့်တာဝန် သူ့မှာရှိတယ်။ အဲဒါကြောင့် ဆွေးနွေးပွဲမှာ တကယ်တန်း ပေါက်ကြားနိုင်တာဟာ ဦးအေးမောင် တစ်ယောက်ပဲ ရှိတယ်။ သို့သော်လည်းပဲ ဦးအေးမောင်ဘက်က ပေါက်ကြားတာဟာ တာဝန်အရ ပေါက်ကြားတာဖြစ်တယ်၊ မပေါက်ကြားပါနဲ့လို့ ပိတ်လို့လည်းမရဘူး။ ဒါမျိုးသူ ဆွေးနွေးပါတယ်။ အဲဒီအခါမှာ ဒိထက်မက လူပုဂ္ဂိုလ်များလာလို့ ရှိရင် ပေါက်ကြားတဲ့လမ်းကြောင်းဟာ ပိုပြီးတော့ရှိမယ်။ ကျမတို့ကတော့ ကျမတို့ပါတီရဲ့ mandate အရ ဆွေးနွေးတာဖြစ်တဲ့အခါမှာ လုံးဝ မပေါက်ကြားဘူး၊ အာမခံရဲတယ်။’ - အဲဒါမျိုး ကျနော်တို့ အမြင်ချင်းဖလှယ်ကြတဲ့အခါမှာ ဒီ ခြောက်ဦးပါ ဆွေးနွေးပွဲရဲ့ ပွင့်ပွင့်လင်းလင်း ပြောရလို့ရှိရင် အခြေအနေအကြောင်းအရပ်ရပ်ကို ပြည်သူသိအောင် ကျနော်တို့ ဆွေးနွေးပွဲကြီးရလဒ်၊ ဆွေးနွေးပွဲကြီး အောင်မြင်နိုင်ခြေ အားလုံးကို ပြန်လှန်သုံးသပ်နိုင်အောင် ကျနော်တို့ဘက်က ပွင့်လင်းမှု ရှိလာပါတယ်။”

ဆွေးနွေးပွဲကိုတော့ သမ္မတ ဦးသိန်းစိန်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားလွှတ်တော် ဥက္ကဋ္ဌ ဦးခင်အောင်မြင့်နဲ့ လွှတ်တော်တွင်း တိုင်းရင်းသားပါတီတွေကို ကိုယ်စား ပြုတဲ့ ဒေါက်တာအေးမောင်တို့ ၆ ဦး ဟာ ဧပြီလ (၁၀) ရက်နေ့က နှစ်နာရီကျော်လောက် အပြန်အလှန် ဆွေးနွေးခဲ့ကြတာပါ။ နောက်တကြိမ် ဆွေးနွေးပွဲကိုတော့ သင်္ကြန်အပြီး လွှတ်တော်တွေ ပြန်စမယ့်ကာလမှာ ထပ်လုပ်ဖို့ စီစဉ်ထားကြပါတယ်။

ဗွီအိုအေမြန်မာပိုင်း

10.4.2015

အများ စောင့်မျှော်နေကြတဲ့ ခြောက်ပွင့်ဆိုင် ထိပ်သီး ဆွေးနွေးပွဲ မကြာခင်ကပဲ ပြီးဆုံးသွား ခဲ့ပါတယ်။ နောက်တကြိမ် ဆွေးနွေးပွဲ အတွက် မူဘောင် ချမှတ် ခဲ့ကြတယ်လို့ သိရပါတယ်။ ထိပ်သီး ဆွေးနွေးပွဲ ပြုလုပ်နေရာ နေပြည်တော် သမ္မတ အိမ်တော်ဝင်း အတွင်း ခန်းမမှာ ကိုယ်တိုင် သတင်းရယူနေတဲ့ ဗွီအိုအေ သတင်းထောက် ကိုစည်သူကို ဆွေးနွေးပွဲနဲ့ ပတ်သက်လို့ ကိုသားညွန့်ဦးက ဆက်သွယ် မေးမြန်း ထားပါတယ်။

ကိုသားညွန့်ဦး။ ။ ကိုစည်သူရေ ဒီခြောက်ပွင့်ဆိုင် ထိပ်သီးဆွေးနွေးပွဲပေါ့။ ဒီဆွေးနွေးပွဲက အခုပြီးသွားပြီ ဆိုတော့ ကိုစည်သူကလည်း အဲ့ဒီ့သတင်းယူနေတော့ သူတို့ဆွေးနွေးပွဲ ဘာတွေ ဆွေးနွေးဖြစ်လဲ။ နောက် သတင်းစာရှင်းလင်းပွဲ လုပ်တယ်လည်း ကြားပါတယ်။ ဘာတွေများ ထူးခြားတဲ့အချက်တွေ တွေ့ရလဲ။

ကိုစည်သူ။ ။ ဟုတ်ကဲ့ဗျ။ ဒီနေ့ ခြောက်ပွင့်ဆိုင် ဆွေးနွေးပွဲ အပြီးမှာ ပြန်ကြားရေး ဝန်ကြီး ဦးရဲထွဋ်က သတင်းစာရှင်းလင်းပွဲ လုပ်ပါတယ်။ သူကတော့ ဆွေးနွေးပွဲ အသေးစ်ိတ်ကိုတော့ သူပြောပိုင်ခွင့်မရှိလို့ မပြောသွားပါဘူး။ အဲ့တော့ ချုပ်ပြီးပြောရရင် ဒီဆွေးနွေးပွဲက မပြီးပြတ်သေးဘူး။ လာမယ့် သင်္ကြန်အပြီးမှာ ဆွေးနွေးပွဲတွေကို ဆက်ပြီးတော့ လုပ်သွားဦးမယ်လို့ ဦးရဲထွဋ်က ဒီလိုပြောသွားပါတယ်ဗျ။

ပြန်ကြားရေးဝန်ကြီးဦးရဲထွဋ်

"ဒီဆွေးနွေးပွဲအတွင်းမှာ တက်ရောက်လာတဲ့ ပုဂ္ဂိုလ်များ၊ ပါဝင်ဆွေးနွေးတဲ့ ပုဂ္ဂိုလ်များ အနေနဲ့ အချက်သုံးချက်ကို ကျနော်တို့ ဆွေးနွေးပြီးတော့မှ သဘောတူခဲ့ပါတယ်။ တစ်ကတော့ ဆွေးနွေးပွဲ ရဲ့ framework ပေါ့ ဆွေးနွေးပွဲ အပေါ် အခြေခံပြီး ဆွေးနွေးရမယ့် အကြောင်းအရာတွေ အပေါ်မှာ သဘောတူခဲ့ပါတယ်။ ဒုတိယ အချက်ကတော့ ကျနော်တို့ ဆွေးနွေးပွဲ ကျင်းပမယ့် ပုံစံ Format ကို သဘောတူခဲ့ပါတယ်။ တတိယအချက်ကတော့ နောက်တကြိမ် ထပ်ပြီးတော့ တွေ့ဆုံမယ့် အချိန်သတ်မှတ်ချက်ကို ကျနော်တို့ သဘောတူခဲ့ပါတယ်။

ဆွေးနွေးမယ့်အကြောင်းအရာတွေကတော့ Framework ကိုတော့ အသေးစိတ် ကျနော် ပြောလို့မရပါဘူး။ အဓိကအားဖြင့် အကြောင်းအရာ အရ ပြောရမယ်ဆိုရင်တော့ ကျနော်တို့ ဖွဲ့စည်းပုံ အခြေခံဥပဒေ ပြင်ဆင်ရေး၊ နောက်တခါ ငြိမ်းချမ်းရေး ကိစ္စနဲ့ လွတ်လပ်ပြီး တရားမျှတတဲ့ ရွေးကောက်ပွဲ ကျင်းပခြင်းနဲ့ ရွေးကောက်ပွဲလွန် ကာလ တည်ငြိမ်အေးချမ်းရေး ကိစ္စများနဲ့ပတ်သက်ပြီးတော့မှ ဒါဆွေးနွေးဖို့ ကျနော်တို့ သဘောတူခဲ့ကြပါတယ်။ အသေးစိတ် Framework ကတော့ ကျနော် ပြောလို့မရပါဘူး။

ဒုတိယတချက်က နောက်တကြိမ် ကျနော်တို့ ပြန်လည်တွေ့ဆုံဖို့ကိုတော့ သင်္ကြန်ကာလအတွင်း လွှတ်တော်များ ရပ်နားထားပြီးနောက်ပိုင်း လွှတ်တော်များ ပြန်လည်စတင်ချိန်မှာ အားလုံးအဆင်ပြေတဲ့အချိန်ကို သတ်မှတ်ပြီးတော့မှ တွေ့ဆုံဖို့ ကျနော်တို့ သဘောတူခဲ့ကြပါတယ်။

အဲ့ဒီ့တော့ နှစ်နာရီကျော် တွေ့ဆုံတဲ့ ဆွေးနွေးမှုအတွင်းမှာ ပါဝင်တက်ရောက်တဲ့ ပုဂ္ဂိုလ်များအနေနဲ့ ညီအကို မောင်နှမ စိတ်ဓာတ်နဲ့ လွတ်လွတ်လပ်လပ် ပွင့်ပွင့်လင်းလင်း ဆွေးနွေးခဲ့ပါတယ်။ ဆွေးနွေးပွဲပြီးတဲ့အခါမှာလည်း ဒီဆွေးနွေးပွဲဟာ အောင်မြင်တဲ့ ဆွေးနွေးပွဲဖြစ်တယ်လို့ အားလုံးက သဘောတူခဲ့ကြပါတယ်။ ဒီလောက်ပါပဲ။"

ဒါကတော့ ပြန်ကြားရေးဝန်ကြီးဦးရဲထွဋ် သတင်းစာရှင်းလင်းပွဲမှာ ပြောဆိုသွားတာပါ။

ကိုသားညွန့်ဦး။ ။ အဲ့တော့ ကိုစည်သူရေ။ ဒီဆွေးနွေးပွဲကျင်းပပြီး သတင်းစာ ရှင်းလင်းပွဲ လုပ်တဲ့အခါမှာ ကိုစည်သူတို့ သတင်းထောက်တွေအနေနဲ့ ခန်းမအတွင်း ဝင်ပြီး သတင်းယူခွင့်၊ သတင်းဓာတ်ပုံရိုက်ခွင့်၊ ရတယ်ဆိုတော့ ဆွေးနွေးပွဲရဲ့ အခင်းအကျင်း အနေအထား၊ သူတို့ခေါင်းဆောင်တွေချင်း ဆက်ဆံရေး အနေအထား ဘယ်လိုမြင်ရလဲ ခင်ဗျ။

ကိုစည်သူ။ ။ ဟုတ်ကဲ့ပါ။ ဒီနေ့ ခြောက်ပွင့်ဆိုင်ဆွေးနွေးပွဲ က နေ့လည် နှစ်နာရီလောက် မှာ စပါတယ်။ နေ့လည် နှစ်နာရီ မတိုင်ခင်မှာ ခြောက်ပွင့် ခေါင်းဆောင်တွေက ရောက်လာပါတယ်။ တစ်ယောက်ချင်း၊ တစ်ဦးချင်းစီ လာတဲ့ သဘောပါ။ ပြီးတော့ နောက်ဆုံးမှာ သမ္မတ ဦးသိန်းစိန် ရောက်လာတယ်။ သမ္မတဦးသိန်းစိန် ရောက်လာပြီးတာနဲ့ သူတို့က အခန်းတခုထဲ ကနေပြီးတော့ ဆွေးနွေးပွဲ လုပ်မယ့်အခန်းထဲ ဝင်သွားပါတယ်။

ဆွေးနွေးပွဲ လုပ်တဲ့ အခန်းပုံစံကတော့ ထိုင်ခုံတွေက တယောက်နဲ့တယောက် အတော်လေးကို အလှမ်းဝေးတဲ့ အနေအထားမျိုးနဲ့ ဒီစက်ဝိုင်းပုံစံ စီထားတာ ကို တွေ့ရပါတယ်။ သေချာတာကတော့ သူတို့က သိပ်ပြီး နီးနီးကပ်ကပ် ဆွေးနွေး တာမျိုး မဟုတ်ပဲနဲ့ ခပ်လှမ်းလှမ်းကနေ ဆွေးနွေးတဲ့ သဘောမျိုးပါခင်ဗျ။

ဒါပေမဲ့ ဒီဆွေးနွေးပွဲက ဦးရဲထွဋ်ကတော့ သတင်းစာရှင်းလင်းပွဲမှာ ဆွေးနွေးပွဲမှာ ပါဝင်တဲ့သူတွေဟာ တယောက်နဲ့တယောက် ညီအကို မောင်နှမတွေလိုပဲ ရင်းရင်းနှီးနှီး နွေးနွေးထွေးထွေး ဆက်ဆံရေး ရှိခဲ့တယ်လို့ ဦးရဲထွဋ် ကတော့ ပြောသွား ပါတယ်။ ဒါပေမဲ့ တကယ်တမ်း ဆွေးနွေးတဲ့ အခင်းအကျင်းပုံစံ ကတော့ လူတယောက်နဲ့ တယောက်က အတော်လေးကို အလှမ်းဝေးတဲ့ သဘောမျိုး ကျနော်တို့ တွေ့ခဲ့ရပါတယ်ခင်ဗျ။

ကိုသားညွန့်ဦး။ ။ အခု ဒီဆွေးနွေးပွဲလည်း ပြီးသွားပြီ ဆိုတော့ ခေါင်းဆောင်ခြောက်ဦး ထဲက တချို့ခေါင်းဆောင်တွေများ သတင်းစာ ရှင်းလင်းပွဲ လုပ်တာ။ သတင်းထောက်တွေကို လက်ခံတွေ့ဆုံတာ နောက် ဒီဆွေးနွေးပွဲနဲ့ပတ်သက်လို့ ပြောတာ ဆိုတာရော ရှိလားခင်ဗျ။

ကိုစည်သူ။ ။ သမ္မတပြောရေးဆိုခွင့်ရှိတဲ့ ဦးရဲထွဋ်ကတော့ သူ အကြမ်းဖျင်းပြောလို့ရတဲ့ ခြုံငုံပြီးပြောလို့ရတာတွေကို သတင်းစာရှင်းလင်းပွဲ လာလုပ်တာကလွဲရင် ကျန်တာ မရှိပါဘူးခင်ဗျ။ ဒေါ်အောင်ဆန်းစုကြည်ရဲ့ အိမ်ကိုတော့ သတင်းထောက်တချို့ သွားပြီးတော့ စောင့်နေကြတယ်လို့သိရတယ်။ ဒါပေမဲ့ ဒေါ်အောင်ဆန်းစုကြည် က ရောက်လာပြီးတော့ တစုံတရာ ဘာမှ ပြောသွားတာ မရှိပါဘူးခင်ဗျ။ ဒီတိုင်းရင်းသား ကိုယ်စားလှယ် အနေနဲ့ ဆွေးနွေးပွဲကို လာတက်တဲ့ ဒေါက်တာအေးမောင်ကလည်း ဒီဆွေးနွေးပွဲရဲ့ ရလာဒ်ကို တိုင်းရင်းသားတွေကို ပြန်ပြီးတင်ပြရမှာမို့ ဒီသတင်းမီဒီယာတွေကို သူအခု မပြောနိုင်သေးပါဘူးလို့ သူက ပြောထားပါတယ်ဗျ။ ဆိုတော့ သတင်းစာ ရှင်းလင်းပွဲသဘောမျိးကတော့ ဦးရဲထွဋ် တယောက်တည်းကပဲ ဆွေးနွေးပွဲ အကြောင်းကို ခြုံငုံပြီးပြောတာ ရှိပါတယ်ခင်ဗျ။ ကျန်တာ မရှိပါဘူးဗျ။

ထိပ်သီးဆွေးနွေးပွဲ ပြုလုပ်နေရာ နေပြည်တော် သမ္မတ အိမ်တော်ဝင်း အတွင်း ခန်းမမှာ ကိုယ်တိုင် သတင်းရယူနေတဲ့ ဗွီအိုအေသတင်းထောက် ကိုစည်သူကို ဆွေးနွေးပွဲနဲ့ ပတ်သက်လို့ ကိုသားညွန့်ဦးက ဆက်သွယ်မေးမြန်းထားတာပါ။

ဗွီအိုအေမြန်မာပိုင်း

9.4.2015

မြန်မာနိုင်ငံ အစိုးရ ပညာရေး ၀န်ကြီးဌာန အောက်မှာရှိတဲ့ အဝေးသင် တက္ကသိုလ်တွေကို အသိအမှတ် မပြုတဲ့ သဘော အစိုးရ တာဝန်ရှိသူတွေဘက်က ပြောဆိုမှုကို AHRC အာရှ လူ့အခွင့် အရေး ကော်မရှင်က ကန့်ကွက် လိုက်ပါတယ်။

ပညာရေး ဥပဒေ ပြင်ဆင် ရေးဆွဲရေး အတွက် ဆန္ဒပြ တောင်းဆိုမှုတွေမှာ ပါဝင်မှုနဲ့ ဖမ်းဆီးခံ ထားရသူတွေ ထဲမှာ ပါဝင်တဲ့ အဝေးသင် တက္ကသိုလ် ကျောင်းသား တွေဟာ ကျောင်းသား မဟုတ်ဘူးလို့ အစိုးရ တာဝန်ရှိသူ တွေက ပြောဆိုခဲ့တဲ့ အပေါ် AHRC က ကန့်ကွက် လိုက်တာ ဖြစ်ပါတယ်။ အပြည့်အစုံ ကိုတော့ ကိုဇော်ဝင်းလှိုင်က တင်ပြထား ပါတယ်။

မြန်မာနိုင်ငံရဲ့ ပညာရေး စနစ်အရ စီးပွားရေး အခြေအနေ၊ ငွေကြေး အခြေအနေနဲ့ ပထ၀ီ အနေအထား အရ သွားလာရေး ခက်ခဲမှုတွေ ရှိနေကြတဲ့ ကျောင်းသားတွေ အတွက် အဆင်ပြေအောင် လုပ်ဆောင်တဲ့ အနေနဲ့ အဝေးသင် ပညာရေးစနစ်ကို လွန်ခဲ့တဲ့ နှစ်ပေါင်းများစွာ ကတည်းက စတင် ဖွင့်လှစ် ထားခဲ့တာ ဖြစ်ပါတယ်။

ဒါပေမဲ့ ပညာရေး ဥပဒေ ပြင်ဆင် ရေးဆွဲရေး အတွက် ငြိမ်းချမ်းစွာ ဆောင်းဆို ဆန္ဒပြကြတဲ့ ကျောင်းသားတွေကို မတ်လ ၁၀ ရက်နေ့က ပဲခူးတိုင်း၊ လက်ပံတန်းမြို့နယ်အတွင်းမှာ ဖမ်းဆီး ထိန်းသိမ်းလိုက်တဲ့အထဲမှာပါတဲ့ အဝေးသင်တက္ကသိုလ် ကျောင်းသားတွေဟာ ကျောင်းသားမဟုတ်ဘူးလို့ အစိုးရ တာဝန်ရှိသူတွေဘက်က ပြောဆိုလိုက်တဲ့အပေါ် AHRC အာရှ လူ့အခွင့်အရေးကော်မရှင်က ဗုဒ္ဓဟူးနေ့မှာ ကြေညာချက်ထုတ်ပြန် ကန့်ကွက်လိုက်ခြင်းဖြစ်ကြောင်း AHRCH က ရှေ့နေ ဦးမင်းလွင်ဦးက ပြောပါတယ်။

“ဒီပညာရေးဥပဒေမူကြမ်းကို ပြင်ဆင်ဖို့အတွက် ဆန္ဒထုတ်ဖော်ကြတဲ့အခါမှာ ကျနော်တို့ အဝေးသင်တက္ကသိုလ် ကျောင်းသားတွေလည်း ပါတယ်။ ၀န်းရံတဲ့သူတွေထဲမှာလည်း အဝေးသင်တက္ကသိုလ် စာပေးစာယူတက်နေတဲ့ ကျောင်းသားတွေ တော်တော်များများလည်း ပါပါတယ်။ အဲဒါတွေကို ကျောင်းသူကျောင်းသားတွေအဖြစ် မသတ်မှတ်ဘူးလို့ အစိုးရအာဏာပိုင်တွေ ကိုယ်တိုင်က ထုတ်ဖော်ပြောဆိုခြင်းဟာ ကျနော်တို့ တက္ကသိုလ်ဝန်ကြီးဌာနအောက်မှာရှိတဲ့ စာပေးစာယူ အဝေးသင်ဌာနကို လုံးဝ အသိအမှတ်မပြုတဲ့ သဘောမျိုးဖြစ်နေတဲ့အတွက် ဒါတွေဟာ မဖြစ်သင့်ဘူးဆိုပြီးတော့ ကျနော်တို့ ဒီကနေ့ ကြေညာချက်ထုတ်ပြန်ရခြင်း ဖြစ်ပါတယ်။ ဒီအဝေးသင်တက္ကသိုလ်ပညာ စာပေးစာယူသင်တန်းနဲ့ ကျောင်းပြီးကြတဲ့သူ တော်တော်များများ ရှိတယ်ဆိုတာကို မနေ့က ကာကွယ်ရေးဦးစီးချုပ် မင်းအောင်လှိုင်ကိုယ်တိုင်ပြောသွားတဲ့ အထဲမှာလည်း ပါပါတယ်။”

ပညာရေးဥပဒေ ပြင်ဆင်ရေးဆွဲရေးအတွက် ဦးဆောင်ဆန္ဒပြတဲ့သူတွေဟာ ကျောင်းသားမဟုတ်ဘဲ အပြင်လူတွေ ဖြစ်တယ်ဆိုတာကို ပြသချင်တဲ့အတွက် အစိုးရဘက်က အဲဒီလို ပြောဆိုခြင်း ဖြစ်နိုင်တယ်လို့ ဦးမင်းလွင်ဦးက ဆက်ပြောပါတယ်။

“ကျောင်းသားဆိုတာကိုလည်း ကျောင်းသားလို့ သတ်မှတ်သင့်တယ်။ နောက်ပြီးတော့ ကျနော်ဆိုလိုတာက ၀န်းရံတဲ့သူတွေထဲမှာလည်း တက္ကသိုလ် စာပေးစာယူ အဝေးသင်သင်တန်း တက်နေတဲ့သူတွေလည်းပါတယ်။ ဒါတွေကိုလည်း ကျောင်းသားလို့ ကျနော်တို့က သတ်မှတ်ရမှာ ဖြစ်တယ်။ အဲတော့ ဒီ ငြိမ်းချမ်းစွာ ဆန္ဒထုတ်ဖော်တဲ့ပွဲတွေမှာ ဦးဆောင်တဲ့သူတွေက လက်ရှိ တက္ကိသိုလ်တွေမှာ တက်ရောက် သင်ကြားနေကြတဲ့သူတွေ မဟုတ်ဘူးဆိုတာကို အာဏာပိုင်တွေက လက်ညှိုးထိုးပြောချင်တဲ့အတွက် ဒီလိုမျိုးကျောင်းသားမဟုတ်ဘူး ဆိုတဲ့အချက်ကို ထုတ်ဖော် ပြောဆိုလာတာဖြစ်တယ်။”

ပြစ်မှုဆိုင်ရာ ကျင့်ထုံးဥပဒေနဲ့ ဆန့်ကျင်ပြီး ဖမ်းဆီးထားတဲ့ ကျောင်းသူလေးတွေကို လက်ထိပ်ခတ် ရုံးထုတ်လာတာကို ကြည့်ခြင်းအားဖြင့် ဒီအမှုဟာ ဥပဒေလမ်းကြောင်းအတိုင်း မျှမျှတတ တရားစီရင်မှုမျိုး ဖြစ်လာမှာ မဟုတ်ဘူးဆိုတာ ထင်ဟပ် ပေါ်လွင်နေတယ်လို့ ဦးမင်းလွင်ဦးက ဆက်ပြောပါတယ်။

“ကျနော်တို့ ဒီ ပြစ်မှုဆိုင်ရာ ကျင့်ထုံးဥပဒေမှာလည်း ပါတယ်။ ရဲလက်စွဲ ဥပဒေ မှာလည်းပါတယ်။ ဒီအမှုစွဲတင်ရုံနဲ့ စွဲတင်ခံရတဲ့သူတွေကို အပြစ်ရှိတယ်လို့ ကျနော်တို့ သတ်မှတ်လို့ မရပါဘူး။ ဥပဒေမှာ အတိအလင်း ဆိုပြထားတာက စွပ်စွဲခံရသူ အဆင့်မှာပဲ ရှိပါတယ်။ အဲဒီလိုလူတွေကို ရုံးထုတ်တယ်ဆိုရင် စောစောက အမျိုးသမီးများဆိုရင် လက်ထိပ်ခတ်ခြင်း၊ ကြိုးဖြင့်ချည်ခြင်း စတာတွေ မလုပ်ရပါဘူး။ လုံခြုံရေးအနေနဲ့ ရဲမေတွေကနေ အတူပူးတွဲပြီးတော့ ခေါ်ဆောင်လာရမှာဖြစ်တယ်။ အဲတော့ အခု ကျနော်တို့ ကျောင်းသူကျောင်းသားတွေကို လက်ထိပ်ခတ်ပြီးတော့ ရုံးထုတ်တယ်ဆိုတဲ့ကိစ္စက တော်တော်ကြီးကို ဆိုးဆိုးရွားရွား ဖြစ်တယ်ဆိုတာကို ကျနော်တို့ပြောချင်တယ်။ ဥပဒေပြဌာန်းချက်တွေ မည်သို့ပင်ရှိစေကာမူ ငါတို့လုပ်ချင်ရင် လုပ်လို့ရတယ်ဆိုတဲ့ သဘောမျိုး ဆောင်နေတယ်ဆိုတာကို ကျနော်တို့ မြင်ရတယ်။ ဒါတွေဟာ ကျနော်တို့ မြန်မာနိုင်ငံရဲ့ အနာဂတ်အတွက် မကောင်းတဲ့ အလားအလာတွေ ဖြစ်တယ်လို့ပဲ ကျနော်တို့ ပြောချင်ပါတယ်။ စွပ်စွဲခံရတဲ့သူတွေကို တရားရုံးတင် စစ်ဆေးတဲ့အခါမှာလည်း တရားရုံးအနေနဲ့ အာဏာပိုင်တွေရဲ့ ညွှန်ကြားချက်တွေကိုပဲ လိုက်နာ ဆောင်ရွက်နေရဦးမယ်ဆိုတာကို ကျနော်တို့ ယခင်ဖြစ်ခဲ့ဖူးတဲ့ အမှုတွေအရ သိနေရတာဖြစ်တယ်။ လွတ်လပ်တဲ့ တရားစီရင်ရေး မဖြစ်နိုင်ဘူးဆိုတာကို ကျနော်တို့ အာရှလူ့အခွင့်အရေးကော်မရှင်က ပြောနိုင်ပါတယ်။”

ဖမ်းဆီခံထားရတဲ့ ကျောင်းသူ၊ ကျောင်းသား ၇၀ ကို ဧပြီလ ၇ ရက်နေ့က ရုံးထုတ် စစ်ဆေးခဲ့ပြီး အမှုကို ဧပြီလ ၉ ရက်၊ ဒီကနေ့မှာ ပြန်လည် စစ်ဆေးဖို့အတွက် အမိန့်ချလိုက်ပါတယ်။ ဒီအတောအတွင်း ပညာရေးဥပဒေ ပြင်ဆင်ရေး တောင်းဆို ဆန္ဒပြပွဲတွေမှာ ပါဝင်ခဲ့တဲ့ ဗကသ အဖွဲ့ဝင်တွေကို အာဏာပိုင်တွေက ဖမ်းဝရမ်းထုတ်ပြီး လိုက်လံ ဖမ်းဆီးနေတာမှာ မနေ့ ဗုဒ္ဓဟူးနေ့ကတော့ ဗကသ ကျောင်းသူ မပိုပို (ခေါ်) မရတနာဆုပိုပိုင်ကို သံလျင်မြို့နယ်အတွင်းမှာ ဖမ်းဆီးပြီး အခု ကမာရွတ်မြို့နယ် ရဲစခန်းမှာ ထိန်းသိမ်းထားတယ်လို့ သိရပါတယ်။

မပိုပိုကို ပုဒ်မ ၁၄၃ - ဥပဒေနှင့်ဆန်ကျင်သော အစုအဝေးတွင် ပါဝင်မှု၊ ပုဒ်မ ၁၄၅ - ဥပဒေနှင့် ဆန့်ကျင်သော အစုအဝေးကို လူစုခွဲရန် ထုတ်ပြန်ထားသည့်အမိန့်ကို မလိုက်နာမှု၊ ပုဒ်မ ၁၄၇ - ရုန်းရင်းဆန်ခတ်မှု၊ ပုဒ်မ ၅၀၅ (ခ) - နိုင်ငံတော် ငြိမ်ဝပ်ပိပြားရေးကို ထိခိုက်စေမှု စတဲ့ စွဲချက်တွေနဲ့ ဖမ်းဝရမ်း ထုတ်ထားတာ ဖြစ်ပါတယ်။

ကိုစည်သူ

ဗွီအိုအေမြန်မာပိုင်း

9.4.2015

ရွေးကောက်ပွဲကို သပိတ်မှောက်မယ် ဆိုတဲ့ ကိစ္စဟာ နိုင်ငံရေးမှာ မမျှော်လင့်တဲ့ အခြေအနေ တရပ်ရပ် ကြုံလာရမှာသာ ထည့်သွင်း စဉ်းစားမယ့် နည်းလမ်း တရပ် ဖြစ်တယ်လို့ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က ပြောလိုက်ပါတယ်။ အခုလာမယ့် ခြောက်ပွင့်ဆိုင် ထိပ်သီး ဆွေးနွေးပွဲနဲ့ ပတ်သက် လို့လည်း ဒါဟာ ကောင်းမွန်တဲ့ ခြေလှမ်းဖြစ်ပြီး၊ နိုင်ငံအတွက် အကျိုးရှိမယ့် ရလာဒ်တွေ ရလာဖို့ ပို အရေးကြီးမယ်လို့ လွှတ်တော် အဆောက်အဦး မှာ ဒီကနေ့ ပြုလုပ်တဲ့ သတင်း မီဒီယာနဲ့ တွေ့ဆုံပွဲ မှာ ပြောဆို သွားပါတယ်။ နေပြည်တော် မှာ သတင်းယူနေတဲ့ ဗွီအိုအေ သတင်းထောက် ကိုစည်သူက တင်ဆက် ပေးမှာပါ။

လာမယ့်၂၀၁၅ ရွေးကောက်ပွဲမှာ မမျှော်လင့်တဲ့ နိုင်ငံရေး အခြေအနေ အပြောင်းအလဲ တစ်ရပ် ဖြစ်ပေါ် လာခဲ့ရင် ရွေးကောက်ပွဲကို သပိတ်မှောက်တဲ့ နည်းလမ်း တခုကို ထည့်သွင်း စဉ်းစား ထားတယ်လို့ ဒေါ်အောင်ဆန်းစုကြည်က အခုလို ပြောဆို လိုက်တာပါ။

"အန်တီပြောတာ ရှင်းရှင်းလေးပဲ သူတို့က ရွေးကောက်ပွဲကို သပိတ်မှောက် နိုင်တဲ့ အခြေအနေမျိုး ဖြစ်နိုင်လား ဆိုတော့ ဒါ ပြောလို့မရဘူးလို့။ နိုင်ငံရေးမှာ ဆိုရင် ဟိုဟာ လုံးဝ မဖြစ်နိုင်ဘူး။ ဒီဟာ လုံးဝ မဖြစ်နိုင်ဘူး ဘယ်တော့မှ အပြတ်ပြောလို့ မရဘူးလို့။ ဒါပါပဲ။ နိုင်ငံရေး အခြေအနေ ဆိုတာ တွက်လို့ရတာ မဟုတ်ဘူးနော်။ ဒီနေ့နဲ့ မနက်ဖြန် ဘာဖြစ်မယ်လို့ ပြောလို့ ရတာ မဟုတ်ဘူး။ ဥပမာ အားဖြင့် အစွန်းရောက်တဲ့ ဥပမာ တခုပြောရမယ် ဆိုရင် သဘာဝ ဘေးအန္တရာယ်ကြီး ဆိုတာ ကိုယ်မထင်မှတ်ပဲနဲ့ နေ့ခြင်းညခြင်း ဖြစ်သွားနိုင်တယ်။ တခါတလေ အဲ့သလို ကိစ္စတွေကိုက ဒါ လူတွေ ဖန်တီးတာ မဟုတ်ဘူး။ သဘာဝ အရဖြစ်သွားတာ။ ဘယ်အဖွဲ့အစည်းကမှ ဖန်တီးတာ မဟုတ်ဘူး။ အဲ့တာတွေကတောင်မှ နိုင်ငံတခုရဲ့ လမ်းကြောင်းတခုကို ပြောင်းသွားစေတာမျိုးတွေ ဖြစ်တတ်တယ်လေ။ အဲ့တာကြောင့်မို့လို့ နိုင်ငံရေး လုပ်တဲ့အခါမှာ ဟိုဟာတော့ လုံးဝ မလုပ်ဘူး။ ဒီဟာတော့ လုံးဝ မဖြစ်ဘူးဆိုတာကို အဲ့ဒီ့လို အန်တီက ဘယ်တော့မှ အပြတ်မပြောချင်ဘူး။ ဘာဖြစ်လို့ဆိုတော့ နောက်တော့မှ ဒီလိုမှားသွားပါတယ်။ ဒီလိုပြောချင်လို့ မဟုတ်ပါဘူးလို့ ပြန်ပြီးတော့ စကားကို ပြင်ရတဲ့ အနေအထားမျိုး မဖြစ်စေချင်ဘူး။ တတ်နိုင်သမျှတော့ ဖြစ်နိုင်ခြေရှိတာ မဖြစ်နိုင်ခြေရှိတာ မသေချာလို့ရှိရင် မသေချာတဲ့အတိုင်းပဲ ပြောတယ်။ သေသေချာချာ အပြတ်မပြောဘူး။"

ဒီကနေ့ကျင်းပတဲ့ ပြည်ထောင်စုလွှတ်တော်အစည်းအဝေးအပြီး သတင်းမီဒီယာတွေ နဲ့ တွေ့ဆုံစဉ်မှာ အခုလိုပြောဆိုလိုက်တာပါ။ လွှတ်တော်မှာ ဆွေးနွေးနေတဲ့ အမျိုးသားပညာရေး ဥပဒေနဲ့ ပတ်သတ်လို့လည်း အဖွဲ့အစည်းတစ်ခုရဲ့ အကြံပြုဆွေးနွေးချက်တွေကို အားမပြုပဲ အားလုံး ၀ိုင်းဝန်း ဆောင်ရွက်နိုင်ကြ ဖို့ ဒေါ်အောင်ဆန်းစုကြည်က တိုက်တွန်း ပြောဆိုလိုက်ပါတယ်။

" ဘယ်အဖွဲ့က တင်တာနဲ့ ကောင်းတယ်။ မကောင်းဘူးဆိုတာ အဖွဲ့ပေါ်မှာ မူတည်တာ မဟုတ်ဘူး။ ပုဂ္ဂိုလ်ပေါ်မှာ တည်တာမဟုတ်ဘူး။ အကြောင်းအရာပေါ် မှာ တည်တာ။ အဲ့တော့ အဖွဲ့တဖွဲ့က သူတို့တင်တာ အားလုံးကောင်းတယ်။ ဒါဟာ NNER ပဲဖြစ်ဖြစ် အစိုးရဌာနပဲဖြစ်ဖြစ် အမျိုးသား လွှတ်တော် ပဲဖြစ်ဖြစ် ကျောင်းသားတွေပဲ ဖြစ်ဖြစ် သူတို့ တင်သမျှဟာ အားလုံး ကောင်းပါတယ် ဆိုလို့ရှိရင် ဒီအမြင်ကိုက မမှန်တော့ဘူး။ ဒါ ကောင်းတယ် မကောင်းဘူးဆိုတာ ကိုယ် တင်တာ ကောင်းရင် ကောင်းမယ်။ ဒါထက်ကောင်းတာလည်း ရှိရင် ရှိမယ်။ အဲ့ဒီ့ဟာကိုတော့ အမြဲတစေ ခေါင်းထဲမှာ ထားရမယ်။ ငါတို့ တင်တာထက် ကောင်းတာ မရှိနိုင်ဘူး ဆိုတဲ့ အမြင်ကတော့ မှားပြီဆိုတာတော့ ဒီအတိုင်းပဲ ဆင်ခြင်ရမှာပဲ။ အန်တီတို့ တင်တာလည်း ရှိတယ်။ အဖွဲ့ချုပ်ကနေ တင်တာတွေရှိတယ်။ တချို့ဟာတွေကို လက်မခံဘူး။ လွှတ်တော်က အဲ့ဒီ့ဟာကို။ လက်မခံဘူး။ လက်မခံတဲ့ဟာမှာ အန်တီတို့အနေနဲ့ ဒေါသထွက်တာတို့၊ မကျေနပ်တာတို့ မရှိပါဘူး။ အပေးအယူဆိုတာတော့ ရှိတာပေါ့။ ယေဘူယျ အားဖြင့်ဆိုရင်တော့ တော်တော်ညှိညှိနှိုင်းနှိုင်းနဲ့ အကောင်းဆုံးကို ဦးတည်ပြီးတော့ ဘယ်သူ့ကိုမှ ချွေးသိပ်ဖို့ မဟုတ်ဘူး။ အကောင်းဆုံးထင်တဲ့ အချက်တွေကို ယူပြီးတော့ ဒီဥပဒေကြမ်းကို ဆွဲနိုင်ခဲ့တယ်လို့ ဒီလိုပဲ အန်တီယုံကြည်တယ်။"

မနက်ဖြန် ဧပြီလ(၁၀) ရက်နေ့မှာ ပြုလုပ်မယ့် (၆) ပွင့်ဆိုင်ဆွေးနွေးပွဲအကြောင်းနဲ့ ပတ်သတ်လို့တော့ ဆွေးနွေးပွဲကို လက်ခံကြိုဆိုကြောင်းနဲ့ အနာဂတ်ဆွေးနွေးပွဲတွေ အတွက် အလားအလာကောင်းဖြစ်ကြောင်း အခုလိုပြောပါတယ်။

"ဒီလို စ လိုက်တာ ကောင်းပါတယ်။ ဒါဟာ ပြည်ထောင်စု လွှတ်တော်ရဲ့ တောင်းဆိုချက် ပါပဲ။ ဒါ ကျမ တောင်းဆိုချက်နဲ့ မဆိုင်ပါဘူး။ ကျမ တောင်းထားတာ ဟိုး ၂၀၁၃နှစ်ပေါ့။ နှစ်နှစ် ကျော်ကျော် ကတည်းက တောင်းထားတာက လေးပွင့်ဆိုင်ပါ။ ဒါပေမဲ့လည်း ပြည်ထောင်စု လွှတ်တော်ကနေပြီးတော့ ခြောက်ဦးပေါ့နော်။ တွေ့ဆုံပွဲ တောင်းတော့လည်း ကျမတို့အနေနဲ့ သဘောတူပါတယ်။ ဘာဖြစ်လို့လဲဆိုတော့ လွှတ်တော် ဥက္ကဋ္ဌ နှစ်ယောက်စလုံး ပါတယ်။ တိုင်းရင်းသားပါတီတွေရဲ့ ကိုယ်စားလှယ် ပါတယ် ဆိုတော့ ဒါ ဘာမှ ကျမတို့ ကန့်ကွက်စရာလည်း မရှိပါဘူး။ ဒါ ပြည်ထောင်စု လွှတ်တော်ရဲ့ အဆိုပြုချက်ကို သမ္မတက လက်ခံပြီးတော့ စတင်တွေ့ဆုံတယ် ဆိုတာ ကောင်းပါတယ်။ ဒါပေမဲ့ အရေးကြီးတာက ဆက်လက်ပြီးတော့ တွေ့ဆုံဖို့၊ နောက်ပြီးတော့ ဒီတွေ့ဆုံပွဲတွေဟာ တကယ်ပဲ နိုင်ငံအတွက် အကျိုးဖြစ်စေမယ့် သဘောတူညီချက်တွေ ရနိုင်ဖို့ ဒါကသာ အရေးကြီးတာပါ။"

ဒါပေမယ့် ဆွေးနွေးပွဲမှာ ဆွေးနွေးမယ့်အချက်တွေကို ကြိုတင်ပြောကြားခြင်းတော့ မပြုခဲ့ပါဘူး။ သတင်းစာ ရှင်းလင်းပွဲအတွင်း ငြိမ်းချမ်းရေးဖြစ်စဉ် အပြောင်းအလဲပေါ် မူတည်ပြီး လာမယ့် ၂၀၁၅ ရွေးကောက်ပွဲ ရွှေ့ဆိုင်းနှောင့်နှေးတာမျိုးမဖြစ်စေလိုတဲ့ အကြောင်းလည်း ဒေါ်အောင်ဆန်းစုကြည်က ထည့်သွင်းပြောကြားပါတယ်။ အဲဒါအပြင် ဖွဲ့စည်းပုံအခြေခံဥပဒေ ပြင်ဆင်ရေး ကြိုးစားအားထုတ်မှုတွေလည်း အမျိုးသားဒီမိုကရေစီအဖွဲ့ချုပ်က ဆက်လက် ကြိုးစားနေကြောင်း ထည့်သွင်းပြောကြားခဲ့ပါတယ်။

ကိုစည်သူ

ဗွီအိုအေမြန်မာပိုင်း

8.4.2015

ငွေညှစ်ခံရသူများမှာ --

(၁) ဦးရှော်ဖိခ် (ဘ) ဦးအဒူရော်ဟိမ်း -- ရပ်ကွက် (၁၂) မှ -- ညှစ်ခံရသည့် ငွေကျပ် ၃ သိန်း
(၂) ဦးအာဘူတာရ် (ဘ) ဦးအာဘူရှာမား -- ရပ်ကွက် (၃) မှ -- ညှစ်ခံရသည့် ငွေကျပ် ၁ သိန်း ၅ သောင်း
(၃) ဦးအာဘူကာလာမ် (ဘ) ဦးအေဟာယာ -- ရပ်ကွက် (၃) မှ -- ညှစ်ခံရသည့် ငွေကျပ် ၁ သိန်း
(၄) ဦးကာလာယာ (ဘ) ဦးမော်ဇူလူဆောင်း -- ရပ်ကွက် (၁) မှ -- ညှစ်ခံရသည့် ငွေကျပ် ၂ သိန်း
(၅) ဒေါ်နော်ဆီမာ (ဘ) ဦးနူရ်အာမတ် -- ရပ်ကွက် (၁) မှ -- ညှစ်ခံရသည့် ငွေကျပ် ၂ သိန်း -- တို့ဖြစ်သည်။

5.4.2015

ချင်းပြည်နယ် ပလက်ဝမြို့နယ်မှာ ပြီးခဲ့တဲ့ မတ်လ ၂၉ ရက်နေ့က ဖြစ်ပွားခဲ့တဲ့ အစိုးရ တပ်မတော်နဲ့ ရခိုင်တပ်မတော် AA တို့ရဲ့ တိုက်ပွဲတွေမှာ ရခိုင်ပြည် လွတ်မြောက်ရေးပါတီ ALP က တပ်ဖွဲ့ဝင် ၈ ဦး ပါဝင် ပတ်သက်မှု ရှိနေတယ်ဆိုပြီး ရခိုင်ပြည်နယ် အစိုးရ အဖွဲ့က ALP ခေါင်းဆောင်တွေကို ခေါ်ယူ စစ်ဆေးခဲ့ ပါတယ်။

ရခိုင်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးထိန်လင်း ဦးဆောင်တဲ့ အဖွဲ့က မနေ့က ခေါ်ယူ စစ်ဆေးမေးမြန်းတာဖြစ်ပြီး ပြည်နယ်အစိုးရအဖွဲ့ရဲ့ စွပ်စွဲမှုဟာ မမှန်ကန်ကြောင်း ပြန်လည်ဖြေကြားခဲ့တယ်လို့ ALP ပါတီရဲ့ တွဲဘက် အထွေထွေ အတွင်းရေးမှူး ဦးခိုင်အောင်စိုးသန်းက ပြောပါတယ်။

"အဓိက ကတော့ ၂၉ ရက်နေ့က တိုက်ပွဲဖြစ်သွားခဲ့တာ၊ အဲ့ဒီကိစ္စကိုမေးတာပေါ့၊ မေးတော့ကျနော်တို့တပ်ဖွဲ့ ကလူ ၈ ယောက်ပါတယ်ဆိုပြီးတော့ ကျနော် တို့ကို စွပ်စွဲတဲ့ သဘောရှိတာပေါ့၊ ကျနော်တို့က ကျနော်တို့ လမ်းကြောင်းနဲ့ ကျနော်တို့သွားနေတာဆို တော့ တစ်ခါတလေကျတော့ ကျနော်တို့နဲ့ ဘာမှ ပတ်သက်မှု မရှိဘူး၊ ဒီလိုငြိမ်းချမ်းရေး လမ်းကြောင်းပေါ်မှာသွားနေတော့ ဒီလိုသံသယဝင်တာတွေကမကောင်းဘူးပေါ့"

ရခိုင်ပြည်လွတ်မြောက်ရေးပါတီ ALP အနေနဲ့ ရခိုင်တပ်မတော် AA နဲ့ ပတ်သက်မှု မရှိကြောင်း ဖြေရှင်းချက်ပေးဖို့ အစိုးရဘက်က တောင်းဆိုထားတဲ့အပြင် AA က ဖမ်းဆီး ထားတဲ့ တပ်မတော်သား ၂ ဦးကို ပြန်လွှတ်ပေးဖို့ လည်း တောင်းဆိုထားတယ်လို့ ဦးခိုင်အောင်စိုးသန်းက ပြောပါတယ်။

ALP ပါတီခေါင်းဆောင်တွေကို ရခိုင့်တပ်မတော် AA နဲ့ ပတ်သက်မှုရှိ၊ မရှိကို အခုလို ခေါ်ယူစစ်ဆေးတာ ဒုတိယ အကြိမ်မြောက်ဖြစ်ပါတယ်။

အစိုးရတပ်မတော်နဲ့ ရခိုင်တပ်မတော် AA တို့ဟာ ချင်းပြည်နယ် ပလက်ဝမြို့နယ် ပြိုင်ဆိုကျေးရွာအနီးမှာ ပြီးခဲ့တဲ့ မတ်လ ၂၉ ရက်နေ့က တိုက်ပွဲ ၂ ကြိမ်ဖြစ်ပွား ခဲ့ပါတယ်။

အဲဒီတိုက်ပွဲမှာ အစိုးရတပ်မတော်အရာရှိတစ်ဦး ကျဆုံးခဲ့ပြီး တပ်သား ၂ ဦး ဖမ်းဆီး ခံထားရပါတယ်။

ရခိုင်ပြည်လွတ်မြောက်ရေးပါတီ ALP ဟာ ပြီးခဲ့တဲ့ ၂ဝ၁၂ ခုနှစ်ကစပြီး အစိုးရနဲ့ ပြည်နယ်အဆင့် အပစ်ခတ်ရပ်စဲရေး လက်မှတ်ရေးထိုးထားတဲ့ တိုင်းရင်းသား လက်နက်ကိုင် အဖွဲ့အစည်းတစ်ခု ဖြစ်ပါတယ်။