တပ်မ ၁၅ က ဘူးသီးတောင်မှ ဒေသခံများအား အတင်းအဓမ္မ ခိုင်းစေလျက်ရှိ

MYARF
RB News
25.7.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်ရှိ ကျေးရွာအချို့မှ ဒေသခံရိုဟင်ဂျာများကို တပ်မ (၁၅) က အတင်းအဓမ္မ ခိုင်းစေလျက်ရှိသည်။

ဘူးသီးတောင်မြို့နယ် တောင်ပိုင်း ကကျက်ဘက်ကံပြင်အုပ်စုရှိ ရိုဟင်ဂျာပိုင် လယ်မြေ ဧက (၆၀) ကျော်ကို လွန်ခဲ့သည့် (၁၅) နှစ်ခန့်က တပ်မ (၁၅) က အတင်းအဓမ္မ သိမ်းဆည်းခဲ့သည်။

ရိုဟင်ဂျာများကို နှစ်စဉ်နှစ်တိုင်း ဆင့်ခေါ်၍ လုပ်အားခ အနည်းငယ်ပေးကာ ယင်းလယ်မြေများတွင် စိုက်ပျိုးလေ့ရှိသည်။ 

ယခုအခါ အလယ်ချောင်းကျေးရွာ၊ မြောင်းနားကျေးရွာ၊ ကကျက်ဘက်ကျေးရွာနှင့် ဘဂုံးနားကျေးရွာ စသည့် ကျေးရွာအုပ်စု (၄) ခုမှ ဒေသခံရိုဟင်ဂျာများကို ဆင့်ခေါ်၍ ယင်းလယ်မြေများတွင် လုပ်အားခတစ်ပြားမှ မပေးဘဲ အတင်းအဓမ္မ ခိုင်းစေလျက်ရှိကြောင်း ဒေသခံများက RB News သို့ပြောပါသည်။

တပ်မ (၁၅) က အတင်းအဓမ္မ ခိုင်းစေရာတွင် ရိုဟင်ဂျာများကိုသာ ရွေးချယ်၍ စိုက်ပျိုးခိုင်းပြီး၊ ဗုဒ္ဓဘာသာဝင်များကို ခိုင်းစေခြင်း လုံးဝမရှိကြောင်း ဒေသခံများက ပြောပါသည်။

ရိုဟင်ဂျာများကို သွားလာလှုပ်ရှားမှုအားလုံး ကန့်သတ်ထားသောကြောင့် ၀မ်းစာအတွက် ရှာဖွေရန်ပင် ခက်ခဲနေချိန်တွင် လူမျိုးဘာသာခွဲခြား၍ အတင်းအဓမ္မ ခိုင်းစေနေခြင်းမှာ နိုင်ငံတွင်းက ထွက်သွားသွားရန် တမင် ပြုလုပ်နေခြင်း ဖြစ်သည်ဟု ဒေသခံများက ဝေဖန်နေကြသည်။