တောင်ပြို ဘော်တလီ ၁၊ ၂ နှင့် ရွာဟောင်းများသို့ နယ်ခြားစောင့်ရဲများနှင့် အစွန်းရောက်များ နေ့စဉ်ရက်ဆက် ၀င်ရောက် သောင်းကျန်းလျက်ရှိ

RB News
5.7.2017

တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင်၊ တောင်ပြိုလက်ဝဲမြို့ ဘော်တလီရွာ ၁၊ ၂ နှင့် ရွာဟောင်းရွာ များသို့ ဇွန်လ (၂၄) ရက်နေ့မှစ၍ နယ်ခြားစောင့်ရဲများ၊ အစွန်းရောက် စိတ်ဓါတ် တက်ကြွနေကြသည့် ရခိုင်ရွာသားများ ၀င်ရောက်၍ နေ့စဉ် ရက်ဆက် လုယက်ခြင်း၊ အပြစ်မဲ့များကို ဖမ်းဆီး ညှဉ်းပန်းနှိပ်စက်ခြင်းများ ပြုလုပ်လျက်ရှိကြောင်း သတင်းရရှိပါသည်။

ဇွန်လ (၂၆) ရက်နေ့ နံနက် ၁၁ နာရီ အချိန်တွင် ကြိမ်ချောင်းကျေးရွာ အခြေစိုက် နယ်ခြားစောင့်ရဲတပ်ဖွဲ့မှ နယ်ခြားစောင့်ရဲ ၅၀ ဦးကျော်နှင့် ရခိုင်ရွာသား ၁၀၀ ကျော်တို့သည် ကျွန်းပေါက်ပြုစု ဘော်တလီ ၁၊ ၂ နှင့် ရွာဟောင်းတို့ကို ၀န်းရံပိတ်ဆို့ပြီး ရွာထဲသို့ဝင်ရောက်၍ နေအိမ်များတွင် လူ ရှိ/မရှိ စစ်ဆေးခဲ့သည်။ ထို့နောက် လူမရှိသည့် နေအိမ်များမှ ပစ္စည်းများ လုယက်ခဲ့သည်။ ဥပုသ်လတွင် တရားထိုင်နေသည့် ဦးအဒူလော်တီ (ဘ) ဦးဆိဒိခ် နှင့် ဦးအဒူရော်ဟိမ်း (ဘ) ဦးနာဇိရ်ဟူဆောင်း တို့ကို တရားခံများသဖွယ် ဖမ်းဆီး ခေါ်ဆောင်သွားခဲ့သည်။

ယင်းနေ့တွင်ပင် တူရိန်းရခိုင်ရွာမှ အစွန်းရောက်များသည် ကျွန်းပေါက်ပြုစု ဘော်တလီရွာမှ အသက် ၈၀ ကျော်အရွယ် လူမမာ ဦးအဘူဆိဒိတ်ကို သတ်ဖြတ်ရန် ကြိုးစားခဲ့သော်လည်း လုံခြုံရေးတပ်ဖွဲ့များ၏ တားဆီးမှုကြောင့် သတ်ဖြတ်ခွင့် မရခဲ့ပေ။ သို့သော်လည်း အဆိုပါ အဖိုးအိုကို နယ်ခြားစောင့်ရဲ လက်ထဲသို့ အပ်နှံခဲ့သောကြောင့် နယ်ခြားစောင့်ရဲများက နှစ်ရက်တိုင်တိုင် ညှဉ်းပန်းနှိပ်စက်ပြီး ဇွန်လ (၂၇) ရက်နေ့တွင် ပြန်လည် လွှတ်ပေးခဲ့ကြောင်း ဒေသခံတစ်ဦးက RB News သို့ပြောပါသည်။

ကျွန်းပေါက်ပြုစု ရွာဟောင်းရွာမှ အသက် ၇၀ ကျော်အရွယ် ဦးကာလာမျာ (ဘ) ဦးကူလ္လာမျာ ကိုလည်း ဇွန်လ (၂၄) ရက်နေ့တွင် ဖမ်းဆီးခေါ်ဆောင်သွားပြီး လူမဆန်စွာ ညှဉ်းပန်းနှိပ်စက်ခဲ့သည်။

နယ်ခြားစောင့်ရဲများက အစွန်းရောက် စိတ်ဓါတ် တက်ကြွနေသည့် ရခိုင်ရွာသားများကို သွေးထိုးပေး၍ ပြဿနာ ကြီးထွားလာအောင် ပြုလုပ်ခဲ့ပြီး၊ နယ်ခြားစောင့်ရဲများက တရားခံရှာဖွေသည့် ပုံစံဖြင့် ရွာများထဲသို့ ၀င်ရောက်၍ ၎င်းတို့နှင့် အတူပါလာသည့် အစွန်းရောက် ရခိုင်ရွာသားများကို ဥပဒေမဲ့ ရမ်းကားခွင့် ပေးခဲ့သည်ဟု ဆိုသည်။

ဇွန်လ (၂၇) ရက်နေ့ နံနက် ၁၀ နာရီအချိန်တွင်လည်း နယ်ခြားစောင့်ရဲများ အပါအ၀င် ရခိုင်ရွာသား ၄၀ နီးပါးက ရွာကို ပိတ်ဆို့၍ ရှာဖွေမှုများ ပြုလုပ်ခဲ့သည်။ ၎င်းတို့၏ မျက်စိရှေ့တွင် တွေ့ရှိသမျှ ရိုဟင်ဂျာရွာသားများကို လူသတ်တရားခံများအဖြစ် စွပ်စွဲ၍ ရိုက်နှက်မှုများ ပြုလုပ်ခဲ့သည်။

ဇွန်လ (၂၄) ရက်နေ့မှစ၍ ယနေ့အချိန်ထိ ရွာများထဲသို့ ကြိမ်ချောင်းနှင့် ဇီးပင်ချေင်းမှ နယ်ခြားစောင့်ရဲများ နေ့စဉ်ရက်ဆက် ၀င်ရောက်၍ နေအိမ်များ အတွင်းမှ အသုံးအဆောင် ပစ္စည်းများ၊ စားသောက်ဖွယ်ရာများ လုယက်ခြင်း၊ နေအိမ်များ ဖျက်ဆီးခြင်း၊ အ၀တ်အစားများ လုယက်ခြင်းများ ပြုလုပ်နေခြင်းကြောင့် ရွာသားများ ရွာထဲတွင် မနေရဲတော့သည့် အခြေအနေ ဖြစ်လာပြီး၊ စားဝတ်နေရေးလည်း ခက်ခဲလာသည်ဟု ဒေသခံများက ပြောပါသည်။

ဇွန်လ (၃၀) ရက်နေ့တွင်လည်း ဇီးပင်ချောင်းမှ နယ်ခြားစောင့်ရဲ (၁၄) ဦးရောက်ရှိလာပြီး ကျွန်းပေါက်ပြုစု ဘော်တလီ ၁၊ ၂ နှင့် ရွာဟောင်းရွာများရှိ နေအိမ်များမှ လုယက်ခဲ့သည်။ ရွာသားများကို ရွာပြင်သို့ထုတ်၍ ရွာထဲသို့ မ၀င်ရဟု နယ်ခြားစောင့်ရဲများက တားမြစ်ထားပြီး စိတ်တိုင်းကျ လုယက်ခဲ့ကြောင်း ဒေသခံများက RB News သို့ပြောပါသည်။

“ဇီးပင်ချောင်းက နယ်ခြားစောင့်ရဲတွေ နေ့တိုင်းလာပြီး နှောက်ယှက်တယ်၊ လုယက်တယ်။ ကျွန်တော်တို့ရဲ့ အခြေအနေကလည်း ဒုက္ခသည်တွေလို ဖြစ်နေပြီ။ နေ့စဉ်နေ့တိုင်း အမျိုးသမီးတွေကိုလည်း နည်းမျိုးစုံနဲ့ ဒုက္ခပေးနေတယ်” ဟု ဒေသခံတစ်ဦးက ပြောပါသည်။

ဇူလိုင်လ (၃) ရက်နေ့တွင်လည်း ဇီးပင်ချောင်းမှ နယ်ခြားစောင့်ရဲ ၃ ဦးသည် ရွာဟောင်းရွာသို့ ၀င်ရောက်၍ အမျိုးသမီး ၂၀ ကျော်ကို နေအိမ်များမှ ခေါ်ထုတ်၍ မိုးရွာထဲတွင် နှစ်နာရီကျော် ထိုင်ခိုင်းထားပြီး ညှဉ်းပန်းနှိပ်စက်ခဲ့သည်။

ဇူလိုင်လ (၄) ရက်နေ့ နေ့လည်ပိုင်းတွင်လည်း ဇီးပင်ချောင်းမှ နယ်ခြားစောင့်ရဲ ၁၆ ဦးသည် ကျွန်းပေါက်ပြုစု ဘော်တလီ ၁၊ ၂ နှင့် ရွာဟောင်းရွာများမှ အမျိုးသမီးများကို နေအိမ်များ အပြင်သို့ ခေါ်ထုတ်၍ နှစ်နာရီကျော်ကျော် ထိန်းသိမ်းထားခဲ့ကြောင်း၊ ထို့နောက် မဖွယ်မရာ ပုံစံဖြင့် ဓါတ်ပုံရိုက်ယူ၍ ပြန်လည် လွှတ်ပေးခဲ့ကြောင်း၊ နောက်နေ့တွင် ဓါတ်ပုံတွင် ပါသူများကို ဖမ်းချုပ်၍ ဘူးသီးတောင် ထောင်သို့ ပို့မည်ဟု ပြောဆို၍ ခြိမ်းခြောက်ခဲ့သဖြင့် အမျိုးသမီးများ နေအိမ်များတွင် မနေရဲတော့ဘဲ နေအိမ်စွန့်ခွာ၍ တစ်ဖက်နိုင်ငံသို့ ထွက်ပြေးရန် စီစဉ်လျက်ရှိကြောင်း ဒေသခံများ၏ ပြောကြားချက်များအရ သိရှိရသည်။