နောက်ဆုံးသတင်း/ဆောင်းပါးများ

သန်းခေါင်စာရင်း ကောက်ယူမှုကို ဗြိတိန်မှ အနီးကပ် စောင့်ကြည့် နေဟုပြော



ကျော်စွာဝင်း
RB News
20.3.2014

စစ်တွေ ။ ။ ရန်ကုန်မြို့ အခြေစိုက် ဗြိတိန် သံရုံးမှ မြန်မာနိုင်ငံ ဆိုင်ရာ ဗြိတိန် သံအမတ်ကြီးနှင့် အဖွဲ့သည် ရခိုင်ပြည်နယ်၊ စစ်တွေမြို့ရှိ ရိုဟင်ဂျာ ဒုက္ခသည် စခန်းများနှင့် အောင်မင်္ဂလာ ရပ်ကွက်သို့ သွားရောက်၍ ဒေသခံ ရိုဟင်ဂျာများနှင့် တွေ့ဆုံ ခဲ့ကြောင်း သတင်း ရရှိပါသည်။

ဗြိတိန်သံအမတ်ကြီး မစ္စတာ အင်ဒရူး ပက်ထရစ်နှင့် အဖွဲ့သည် ယနေ့ နံနက်ပိုင်းတွင် စစ်တွေမြို့ရှိ ရိုဟင်ဂျာ ဒုက္ခသည် စခန်းများသို့ သွားရောက် ကြည့်ရှုပြီး၊ နေ့လည်ပိုင်းတွင် အောင်မင်္ဂလာ ရပ်ကွက်သို့ သွားရောက်၍ ဒေသခံ ရိုဟင်ဂျာများနှင့် တွေ့ဆုံခဲ့ကြောင်း ဒေသခံ တစ်ဦးက RB News သို့ပြောပါသည်။

သံအမတ်ကြီးနှင့် အဖွဲ့ ဒေသခံများကို လက်ရှိ အခြေအနေများကို မေးမြန်းပြီး သန်းခေါင်စာရင်းနှင့် ပတ်သက်သည် များကို မေးမြန်းရာ ဒေသခံ ရိုဟင်ဂျာများက သန်းခေါင်စာရင်း ကောက်ယူရာတွင် ရိုဟင်ဂျာ စာရင်းကောက်များ မထားသည့် အတွက် စိုးရိမ်ကြောင်း၊ စာရင်းကောက် ဆရာ/မများက မိမိတို့ ပြောသည့် အတိုင်း မရေးမည်ကို စိုးရိမ်ကြောင်း၊ မိမိတို့က ကုဒ်နံပါတ် ၉၁၄ ဘေးတွင် ရိုဟင်ဂျာဟု ဖြည့်မည် ဖြစ်ကြောင်း၊ မိမိတို့ ပြောသည့် အတိုင်း စာရင်းကောက်များက မရေးပါက ပြဿနာ တစ်စုံတစ်ရာ ဖြစ်ပေါ် လာမည်ကို စိုးရိမ်ကြောင်း၊ မိမိတို့သည် ဘိုးစဉ် ဘောင်ဆက် ရိုဟင်ဂျာများ ဖြစ်ပြီး၊ မိမိတို့ သဘော ဆန္ဒမပါဘဲ ဘင်္ဂလီဟု ဖြည့်သွားမည်ကို လုံးဝ မလိုလားကြောင်း စသည်ဖြင့် သန်းခေါင်စာရင်းနှင့် ပတ်သက်သည်များကို အသေးစိတ် တင်ပြခဲ့သည်။

ဗြိတိန် သံအမတ်ကြီးနှင့် အဖွဲ့က သန်းခေါင်စာရင်းတွင် ရိုဟင်ဂျာဟု လွတ်လပ်စွာ ဖြည့်ခွင့် ရှိကြောင်း၊ သန်းခေါင် စာရင်းကို အေးချမ်းစွာ ပါဝင်ရန် တိုက်တွန်းကြောင်း၊ ဗြိတိန်နိုင်ငံနှင့် သံရုံးမှ အနီးကပ် စောင့်ကြည့်နေကြောင်း၊ သန်းခေါင်စာရင်း ကောက်ယူသည့် ကာလတွင်လည်း အနီးကပ် စောင့်ကြည့် သွားမည် ဖြစ်ကြောင်း ပြောကြား သွားသည်ဟု ဒေသခံ တစ်ဦးက RB News သို့ပြောပါသည်။



Comment ရေးရန်

Rohingya Exodus