နောက်ဆုံးသတင်း/ဆောင်းပါးများ




တော်လှန်ရေး ကောင်စီခေတ်က စစ်ဆေးခံပြီးမှ တိုင်းရင်းသား သတ်မှတ်ခံရသည့် ရိုဟင်ဂျာ (၇) ဦး

RB News
9.7.2015

၁၉၆၃ ခုနှစ်က မေယု နယ်ခြား ခရိုင်က အမျိုးသား မှတ်ပုံတင် ကိုင်ဆောင်သူ ရိုဟင်ဂျာ (၇) ဦးကို တိုင်းရင်းသား ဟုတ်/မဟုတ် စစ်ဆေး ခဲ့ရာမှာ စစ်ဆေးခံ ရသူများက နိုင်ငံသားများ ဖြစ်ကြတဲ့ အပြင် တိုင်းရင်းသားများပါ ဖြစ်တယ်လို့ ဘူးသီးတောင်မြို့က နယ်ခြား ခရိုင် တရားသူကြီးက ဆုံးဖြတ်ချက် ချခဲ့တယ်။

အထောက် အထား မူရင်းနဲ့ မိတ္တူကို လေ့လာ ဖတ်ရှုနိုင်ပြီး စစ်ဆေး ခံရသူများရဲ့ အမည်များနဲ့ အမျိုးသားမှတ်ပုံတင်နံပါတ် များလည်း တွေ့ရမှာ ဖြစ်ပါတယ်။

မြန်မာနိုင်ငံ လွတ်လပ်ရေး ရပြီးနောက်မှာ ရခိုင်ပြည်နယ်တွင်းက ရိုဟင်ဂျာများက မြန်မာနိုင်ငံရဲ့ မူရင်းဌာနေ တိုင်းရင်းသား လူမျိုးဖြစ်လို့ နိုင်ငံသား လျှောက်ထားဖို့ မလိုခဲ့ဘဲ၊ နိုင်ငံသားဟုတ်/မဟုတ် သံသယ ဖြစ်ခံရသူ အချို့ကို စစ်ဆေးခဲ့တာမျိုး ရှိခဲ့တယ်။ အဲလို စစ်ဆေးပြီးတဲ့နောက်မှာ နိုင်ငံသားလက်မှတ်များ ထုတ်ပေးခဲ့တယ်။

၁၉၅၀ နောက်ပိုင်းမှာ မြန်မာတစ်နိုင်ငံလုံးမှာ အမျိုးသားမှတ်ပုံတင်ကဒ်ပြားနဲ့ နိုင်ငံခြားသား မှတ်ပုံတင်ကဒ်ပြားများ စတင်ထုတ်ပေးခဲ့တယ်။ နိုင်ငံသားဖြစ်သူများက ဂဏန်း ၆ လုံးပါ အမျိုးသားမှတ်ပုံတင်ကဒ်ပြားများ ကိုင်ဆောင်ရပြီး၊ နိုင်ငံခြားသား သတ်မှတ်ခံရသူများက ဂဏန်း ၅ လုံးပါ နိုင်ငံခြားသားမှတ်ပုံတင်ကဒ်ပြား ကိုင်ဆောင်ခဲ့ရပါတယ်။

ရခိုင်ပြည်နယ်မှာရှိတဲ့ ရိုဟင်ဂျာတိုင်းရင်းသားများ အားလုံးက အခြားသော တိုင်းရင်းသား၊ နိုင်ငံသားများနဲ့ တန်းတူ အမျိုးသားမှတ်ပုံတင်ကဒ်ပြားများ ကိုင်ဆောင်ခဲ့တယ်။ ၁၉၈၉ ခုနှစ်ကစပြီး တစ်နိုင်ငံလုံးမှာ နိုင်ငံသား စီစစ်ရေး ကဒ်ပြား (ပန်းရောင်) များထုတ်ပေးမယ်ဆိုတော့လည်း ရိုဟင်ဂျာများကို အများနည်းတူ လျှောက်လွှာများ တင်ခိုင်းခဲ့တယ်။ ဒါပေမယ့် တိုင်းရင်းသား ဖြစ်ခြင်း၊ နိုင်ငံသား ဖြစ်ခြင်း ရာဇ၀င်ကို ဖျောက်ပစ်ဖို့ ၁၉၇၄ ခုနှစ်ကတည်းက ရေရှည်စီမံကိန်း ရှိနေတဲ့အတွက် ရိုဟင်ဂျာများကို ပန်းရောင် ကဒ်ပြားများ မထုတ်ပေးဘဲ၊ အဖြူရောင်ကဒ်ပြားများ (၀ှိုက်ကဒ်) ထုတ်ပေးပြီး မျိုးဆက်တစ်ခုမက ကိုင်ဆောင်ခိုင်းပြီး ယခုအခါမှာတော့ အဖြူရောင်ကဒ်များကို သိမ်းပြီး ယာယီနေထိုင်ခွင့် လက်မှတ်လို သဘောရတဲ့ အစိမ်းနုရောင် ကဒ်ပြားများ အတင်းအဓမ္မ ကိုင်ဆောင်ခိုင်းဖို့ ဖိအားပေးနေပါတယ်။

အစိုးရအနေနဲ့ ဘယ်လိုလုပ်လုပ် .. ရိုဟင်ဂျာသည် အာရ်ကာန်ဒေသရဲ့ မူရင်းဘူတ တိုင်းရင်းသား ဆိုတာ သမိုင်းကနေ ဘယ်တော့မှ ဖျောက်ပစ်လို့ ရမှာ မဟုတ်ပါဘူး။
ပထ၀ီသင်ရိုး ညွှန်းတမ်း ထဲက ရိုဟင်ဂျာ သမိုင်း

သမိုင်း သင်တယ် ဆိုတာ " မအ " အောင်လို့သင်ရတာ

(ဒေါက်တာသန်းထွန်း - သမိုင်းပညာရှင်)

မွန်းတည့်နေ ဂျာနယ်မှ ဖော်ပြသော မြေးချစ်ညို၏ ဆောင်းပါး။

(၁)မန္တလေး တက္ကသိုလ်ဝင်းထဲရှိ ဆရာမများ အဆောင် ၊ အချိန်ကညဖက် ။ ထိုအဆောင် အောက်ထပ်ရှိ ဧည့်ခန်း ထဲတွင် ကျနော် အပါအ၀င် လူလေးဦးက ဧည့်သည်များ ထိုင်သည့် စားပွဲတွင်ထိုင် နေကြသည်။ အ၀ါရောင် အောက်ခံပေါ်တွင် ရန်ကုန် အဝေးသင် တက္ကသိုလ် ဓါတ်ပုံ ရိုက်နှိပ် ထားသည့် ပထမနှစ် သမိုင်း ဘာသာတွဲမှ မိုင်နာ ဘာသာ ဖြစ်သည့် ပထ၀ီ စာအုပ်လေးက ကျနော့်အရှေ့က စားပွဲပေါ်တွင် ရှိနေပြီး ထိုစာအုပ်ကို လက်ရှိသင်ကြား ပေးနေသည့် ဆရာမများက အံသြစွာ တစ်ရွက်ချင်း လှန်ကြည့် နေသည်။

ဆောင်းညသည် အေးလွန်းလှသည်။ မရောက် ဖြစ်တာ ကြာပြီ ဖြစ်သည့် မန်းတက္ကသိုလ်ဝင်းထဲ ၀င်လိုက်သည်နှင့် ကျောင်းတက်ခဲ့သည့် အချိန်များက သတိရစရာ။ ခုလို ဆောင်းရာသီ ညမျိုးတွေသည် ကျနော်တို့ သူငယ်ချင်းတွေ တက္ကသိုလ် ပင်မဆောင် နောက်ကျောက လှေခါးထစ် များတွင် စကားထိုင် ပြောနေကြ ၊ ညမိုးချုပ်ပြီဆိုမှပြန်နေ ကြဖြစ်သည်။

(၂) ကျနော်နှင့် မျက်နှာချင်းဆိုင် ထိုင်နေသည့် သမိုင်းသင်သည့် အဆင့်မြင့် ဆရာမ တစ်ဦးက ကျနော် ထုတ်ပြထား သည့် Module No.Geog – 1004 – Geography of Myanmar ( For History Students ) Code No.(19) ပထ၀ီ ဖတ်စာအုပ်ကို ကြည့်ရင်း မေးသည်။ " ဟုတ်တယ်လေ ၊ ဒါအခုလက်ရှိ သင်နေတဲ့စာအုပ်ပဲ ၊ ဘာဖြစ်လို့လဲ " ဟု ဆရာမကမေးသည်။

ရိုဟင်ဂျာ အကြောင်းပါနေလို့ ဆရာမဟု ပြောလိုက်သည်။ ဒီအထိ ဆရာမက မသိသေး။ ခုသင်ရိုး ညွှန်းတမ်း ထဲမှာ နိုင်ငံတော် သမ္မတကတောင် မြန်မာနိုင်ငံမှာ ရိုဟင်ဂျာ မရှိပါဘူးလို့ ပြောထားတဲ့ ရိုဟင်ဂျာ အကြောင်းပါ နေတယ် ဆရာမလို့ပြောပြီး Chapter 4 အောက်ရှိ Culture Base ခေါင်းစဉ် စာမျက်နှာ (၈၃) တွင် Ancient Culture သင်ခန်းစာကို ဖွင့်ပြလိုက်သည် ၊ ပြီးတော့ စာမျက်နှာ (၉၄) ထိလှန်လိုက်ပြီး ပထ၀ီ သင်ရိုးညွှန်းတမ်းတွင် ပုံနှိပ် ဖော်ပြထားသော စာတစ်ပိုဒ်ကို ကျနော် ဖတ်ပြ လိုက်သည်။

ထိုခေါင်းစဉ် အောက်ရှိ နောက်ဆုံး စာပိုဒ်တွင် မြန်မာနိုင်ငံ အတွင်း တိုင်းရင်းသား လူမျိုးများ ပျံ့နှံ့ နေထိုင်ပုံကို ရေးသားထားရာ၌ မြန်မာနိုင်ငံ နယ်စပ် နယ်နမိတ် အတွင်း လူနည်းစုများ နေထိုင် တွေ့ရှိရပုံတွင် ထိုင်းနိုင်ငံ မြောက် ပိုင်း ၊ လာအိုနှင့် ဗီယက်နမ် မြောက်ပိုင်း တို့တွင် နေထိုင်သည့် " ယောင် " လူမျိုးများကို ရှမ်းပြည် တောင်ပိုင်း ကျိုင်းတုံ မြို့နယ်ဖက်တွင် တွေ့ရှိရကြောင်း ၊ ထို့ပြင် ကိုးကန့် တရုတ် လူမျိုးများကိုလည်း သံလွင်မြစ် အရှေ့ ဖက်ခြမ်းရှိ ကိုးကန့် ဒေသ အတွင်း၌နေထိုင်ကြောင်း ရေးသား ထားပြီး အလားတူစွာ ရခိုင်ပြည်နယ် မြောက်ပိုင်း ဘင်္ဂလားဒေရှ့်နှင့် ဆက်စပ်လျှက်ရှိသော ဘူးသီးတောင် မောင်းတောတွင်လည်း ရိုဟင်ဂျာများနှင့် စစ်တကောင်းသားများ နေထိုင်ကြကြောင်း ရေးသား ဖော်ပြ ထားသည်။

ထိုအခါကျမှ ဆရာမက နောက်တစ်ကြိမ် အစအဆုံး ပြန်ဖတ်သည် ၊ ပြီးတော့မှ သူမသိကြောင်း ပြောသလို အရင်ကလည်း မသင်ဘူးကြောင်း ပြောသည်။ တက္ကသိုလ်မှာ သူတို့သင်တာက အခန်း ရွေးချယ်ပြီး သင်ကြားခဲ့ သည်ဟု သူကပြောသည်။ သို့သော် ထိုသင်ရိုး ညွှန်းတမ်းတွင် ရိုဟင်ဂျာများ နေထိုင်ကြောင်း ပါဝင် နေသည်ကို သူမသိ ၊ သမိုင်း ဆရာမများ ကိုယ်တိုင် မသိ။

(၃) သို့ပေမယ့် ဂျပန်နိုင်ငံ Kanda University ၏ သမိုင်း ပါမောက္ခ ဒေါက်တာအေးချမ်းနှင့် ရခိုင်ပြည်နယ် ကိုယ်စားပြု ရခိုင် လူမှုရေး အသင်းအဖွဲ့များကတော့ ပြီးခဲ့သည့် ၂၀၁၂ ခုနှစ် မတ်လ ၁၄ ရက်နေ့က ရန်ကုန်မြို့၊ MICT Park (လှိုင်တက္ကသိုလ်ဝင်း) ၌တွေ့ဆုံခဲ့ ကြပြီး သမိုင်းတွင် ရိုဟင်ဂျာ မရှိကြောင်း အတိ အလင်း ကြေညာ ခဲ့သလို ရိုဟင်ဂျာ ရှိပါသည်ဟု ပြောနိုင်သူ ရှိလျှင် ပြောနိုင်ကြောင်း စိန်ခေါ် ခဲ့သည်။

ဒေါက်တာအေးချမ်းက "ရိုဟင်ဂျာ လူမျိုး ဆိုတာ မြန်မာနိုင်ငံ သမိုင်းမှာ ဘယ်တုန်း ကမှ မရှိခဲ့ပါဘူး။ ဒီအတိုင်း ကျွန်တော် အမြဲ ကြေညာ ခဲ့ပါတယ်။ ဒါပေမယ့် ကျွန်တော် လူ့အခွင့် အရေးကို မလေးစားတဲ့သူ မဟုတ်ပါဘူး။ လူ့အခွင့် အရေးကို မလေးစားတဲ့ စကားလည်း တစ်ခွန်းမှ မပြောပါဘူး။ ကျွန်တော့်မှာ အထောက် အထား ခိုင်လုံစွာ ရှိပါတယ်"ဟု အဆိုပါပွဲတွင် ပြောခဲ့သည်။

ရိုဟင်ဂျာတွေ မြန်မာနိုင်ငံမှာ မရှိဘူး ဆိုတဲ့ စကားက သမိုင်း ပညာရှင်ကြီးပါ ဆိုတဲ့ ဒေါက်တာအေးချမ်းတင် မဟုတ်ပဲ နိုင်ငံတော် သမ္မတကြီး ကပါ ပြောခဲ့ဘူး ပါသည်။ ထိုသို့ဆိုလျှင် လက်ရှိ မြန်မာနိုင်ငံတွင် သင်ကြားနေသည့် သင်ရိုးညွှန်းတမ်းကြီးက မေးခွန်းထုတ် စရာ ဖြစ်လာပြီ ၊ ဒါကိုတော့ မန္တလေး တက္ကသိုလ်က သင်ကြားရေး ဆရာမများက မေးခွန်းထုတ်စရာ မလိုရန် အတည်ပြုသည်။ ဟုတ်သည် စာအုပ်က (၂၀၁၂) ခုနှစ် ထုတ်စာအုပ် ဖြစ်ပြီး ထိုစာအုပ်ကို ပြုစုထားသည့် ပညာရှင် ဆရာမကြီး များမှာ ပါမောက္ခ ဒေါ်မေ၀င်းရီ ၊ ဒေါ်ဌေးဌေး (အငြိမ်းစား) ပထ၀ီပါမောက္ခ ရန်ကုန် အဝေးသင် တက္ကသိုလ် တို့မှ ဖြစ်ကြောင်း စာအုပ်၏ နိဒါန်းဖြစ် သော စကားချီးတွင် ပါမောက္ခ ဖြစ်သူ ဒေါက်တာ သန်းသန်းဌေးက ရေးသား ထား၍ သိရသည်။

ဒါဆိုလျှင် ဒီထက် ခိုင်မာသည့် သက်သေ အထောက် အထား မရှိတော့ ၊ ဟိုးအရင် မြန်မာ့အသံ ကနေ တိုင်းရင်း သားဘာသာ အစီအစဉ်တွင် ရိုဟင်ဂျာ ဘာသာစကားဖြင့် အသံလွှင့်ခဲ့ဘူးခြင်း ၊ မြန်မာ့ စွယ်စုံကျမ်းတွင် ရိုဟင်ဂျာ များအကြောင်း ရေးသား ဖော်ပြ ထားခြင်း ၊ ၁၉၇၀ နှစ်များ ကျော်စီက မြန်မာနိုင်ငံ အထက်တန်း ပထ၀ီ ကျောင်းသုံး စာအုပ် များတွင်လည်း ရိုဟင်ဂျာများ နေထိုင်ခြင်း သင်ကြား ခဲ့ဘူးတာလည်း မလိုတော့ ခုလက်ရှိ တက္ကသိုလ် သင်ရိုး ညွှန်းတမ်းကိုပဲ အတည်ပြု ပြောရမည် ဖြစ်သည်။

ဒေါက်တာအေးချမ်း ကတော့ ရိုဟင်ဂျာ မရှိကြောင်းပြောသည်။ လူ့အခွင့်အရေးကို မလိုက်နာတာ မဟုတ်ဘူးလည်း ပြောသည်။ သို့ပေမယ့် ဒေါက်တာအေးချမ်းသည် ကမ္ဘာ့ ကုလသမဂ္ဂကြီးမှ ထုတ်ပြန် ထားသည့် လူ့အခွင့်အရေး ကြေညာ စာတမ်းကို အစအဆုံး တစ်ခေါက် လောက်မျှ ဖတ်ကြည့်ဖူးဟန် မတူပေ ၊ လူမျိုးစု တစ်စု လူအုပ်စု တစ်စု က သူတို့ဟာ ရိုဟင်ဂျာများ ဖြစ်ကြောင်း ပြောဆိုနေ ပါလျှက် မရှိကြောင်း ပြောဆို နေသူက လူ့အခွင့် အရေးကို ချိုးဖောက်ရာ ရောက်နေပြီ ဖြစ်သည်။

လူ့အခွင့်အရေး ကြေညာ စာတမ်း၏ အပိုဒ်(၂)တွင် လူမျိုးနွယ်အားဖြင့် ဖြစ်စေ ၊ အသား အရောင် အားဖြင့်ဖြစ်စေ ၊ ကျားမ သဘာဝ အားဖြင့် ဖြစ်စေ ၊ ဘာသာ စကား အားဖြင့် ဖြစ်စေ ၊ ကိုးကွယ်သည့် ဘာသာအားဖြင့် ဖြစ်စေ ၊ နိုင်ငံရေး ယူဆချက် ၊ သို့တည်းမဟုတ် အခြား ယူဆချက် အားဖြင့် ဖြစ်စေ ၊ နိုင်ငံနှင့် ဆိုင်သော ၊ သို့တည်းမဟုတ် လူမှု အဆင့်အတန်းနှင့် ဆိုင်သော ဇစ်မြစ် အားဖြင့် ဖြစ်စေ ၊ ပစ္စည်းဥစ္စာ ဂုဏ်အားဖြင့် ဖြစ်စေ ၊ မျိုးရိုး ဇာတိ အားဖြင့် ဖြစ်စေ ၊ အခြား အဆင့် အတန်း အားဖြင့် ဖြစ်စေ ခွဲခြားခြင်း မရှိစေရဟု ဖော်ပြထား ပါသည်။

ထို့အပြင် အပိုဒ်(၂)တွင် ဆက်လျှက် ဖော်ပြထားသည်မှာ လူတစ်ဦး တစ်ယောက် နေထိုင်ရာ နိုင်ငံ၏ သို့တည်းမဟုတ် နယ်မြေဒေသ၏ နိုင်ငံရေး ဆိုင်ရာ ဖြစ်စေ ၊ စီရင် ပိုင်ဆိုင်ခွင့် ဆိုင်ရာ ဖြစ်စေ ၊ တိုင်းပြည် အချင်းချင်း ဆိုင်ရာ ဖြစ်စေ အဆင့် အတန်း တစ်ခုခုကို အခြေပြု၍ လည်းကောင်း ၊ ဒေသ နယ်မြေ တစ်ခုသည် အချုပ်အခြာ အာဏာပိုင် လွတ်လပ်သည့် နယ်မြေ သို့တည်း မဟုတ် ကုလသမဂ္ဂ ထိန်းသိမ်း စောင့်ရှောက် ထားရသည့် နယ်မြေ စသဖြင့် သို့တည်း မဟုတ် ကိုယ်ပိုင် အုပ်ချုပ်ခွင့် အာဏာတို့ တစ်စိတ် တစ်ဒေသ လောက်သာ ရရှိသည့် နယ်မြေ စသဖြင့် ယင်းသို့သော နယ်မြေများ ဖြစ်သည် မဖြစ်သည် ဟူသော အကြောင်းကို အထောက်ထား ပြု၍သော် လည်းကောင်း ခွဲခြားခြင်း လုံးဝ မရှိစေရဟု ဖော်ပြထား ပါသည်။

ဒါဆိုလျှင် ရခိုင်ပြည်နယ် ကြီးတွင် ရိုဟင်ဂျာနှင့် စစ်တစ်ကောင်းများ နေထိုင် ပါသည်ဟု မြန်မာနိုင်ငံ၏ ပညာရေး သင်ရိုးညွှန်းတွင် အတိ အလင်း ဖော်ပြ သင်ကြား နေပါလျှက် ၊ လူမျိုးစု တစ်စုက သူတို့ကို သူတို့ ရိုဟင်ဂျာပါလို့ ကြေညာနေ ပါလျှက် နှင့် ထိုဒေသတွင် ရိုဟင်ဂျာ လုံးဝ မရှိပါဟု ပြောဆို နေမှု များသည် ကုလသမဂ္ဂ၏ လူ့အခွင့် အရေး ကြေညာ စာတမ်းကို ချိုးဖောက်ရာ ရောက်နေပါသည်။

ဒီနိုင်ငံသား မဟုတ်ဘူး ဟူသည့် ပြောဆို နေခြင်း များသည် လူ့အခွင့်အရေး ကြေညာ စာတမ်း အပိုဒ်(၅)တွင် ဖော်ပြ ထားသည့် မည်သူ့ကိုမျှ ညှင်းပန်း နှိပ်စက်ခြင်း သို့တည်း မဟုတ် ရက်စက် ကြမ်းကြုတ်စွာ ၊ လူမဆန်စွာ ဂုဏ်ငယ် စေသော ဆက်ဆံမှု မပြုရ သို့တည်းမဟုတ် အပြစ်ဒဏ် ပေးခြင်း မပြုရဟု ကြေညာ ထားသည်နှင့် ဆန့်ကျင် နေပါသည်။ အဘယ့်ကြောင့် ဆိုသော် နေစရာ နိုင်ငံ မရှိပဲ မောင်းထုတ် ခံနေရခြင်း သည်ကိုက ရိုဟင်ဂျာ လူမျုိုးများ အတွက် ဂုဏ်သိက္ခာ ညှိုနွမ်းစေ နေသောကြောင့် ဖြစ်ပါသည်။

သမိုင်း ပညာရှင်ကြီး ဒေါက်တာသန်းထွန်း ကတော့ သမိုင်းသင်တာ မအအောင်လို့ သင်ခိုင်းတာဟု ပြောပါသည်။ ထိုသို့ မအအောင်လို့ သင်ကြားနေ ပါလျှက်နှင့် အသိဥာဏ် အမှောင်ဖုံးနေမှု ကတော့ အတော် အံသြဖို့ ကောင်း ပါသည်။ ဒီနိုင်ငံတွင် ဘိုးစဉ် ဘောင်ဆက် နေထိုင်ခဲ့ ပါလျှက်နှင့် ဒီနိုင်ငံသား မဟုတ်ဘူးဟု ပြောဆို နေခြင်းကိုက လူ့အခွင့် အရေး ကြေညာ စာတမ်း အပိုဒ် (၁၅) ဖြစ်သည့် လူတိုင်းသည် နိုင်ငံတစ်နိုင်ငံ၏ နိုင်ငံသား အဖြစ်ခံယူ ခွင့်ရှိသည် ဆိုသည်ကို မျက်ကွယ် ပြုရာ ရောက်ပါသည်။

စကား အရာ ကြွယ်ဝသူ မောင်ပေါ်ဦးကို ဘုရင်က ပညာ စမ်းခြင်သောကြောင့် တစ်ရက်တွင် ခေါ်မေး ပါသည်။ ဟဲ.. ပေါ်ဦး မရှိတာထက် မသိတာခက်တယ် ဆိုတာ ဟုတ်သလား ၊ ဟုတ်ပါတယ် ဘုရား ၊ ဒါဆို မသိတာထက် ခက်တဲ့ဟာကို ရှိသေးလား ဆိုတော့ ဦးပေါ်ဦးက ဘုရင်ကို ပြန်လျှောက်ပါတယ် ၊ မှန်ပါ့ဘုရား ၊ မရှိတာကို ရှိအောင် လုပ်လို့ရပါတယ် ၊ မသိတာ ကိုလည်း သိအောင် လုပ်လို့ ရပါတယ် ဘုရား ၊ အဲ... အဲဒါ တွေထက် ခက်တာ ကတော့ မလုပ်တာပါ ဘုရားလို့ ပြန်လျှောက်တော် မူတယ်လို့ ဦးပေါ်ဦး စာအုပ်တွေမှာ ဖတ်ဘူး ပါတယ်။

သို့ဆိုလျှင်တော့ လူ့အခွင့်အရေး ကြေညာချက်တွေ ၊ လက်ရှိ ပညာရေး သင်ရိုးညွှန်းတမ်း တွေကို သိနေ ပါလျှက် ၊ လူမျိုးစုတစ်စု သို့တည်း မဟုတ် လူသား တစ်ယောက်ကို ဒီနိုင်ငံသား အဖြစ် မဟုတ်ပါဘူးဟု ပြောဆိုပြီး နိုင်ငံသား ဖြစ်ဖို့ လုပ်ဆောင် မပေးတာကို လုပ်ပေးခိုင်းဖို့က ပိုခက် နေပါတယ် လို့သာ ဆိုပါရစေ။

ကိုမင်းမင်းလတ် Facebook မှ ကူးယူတင်ပြသည်။









RB News
10.1.2014

ရခိုင်တိုင်း၊ မောင်တောမြို့နယ်၊ မြို့မငါးခူရကျေးရွာမှ မူလတန်းကျောင်းအုပ်ဆရာကြီး ဦးမောင်နက်၏ ၀န်ထမ်းကဒ်ပြားတွင် "ရိုဟင်ဂျာ" လူမျိုးဟု တရားဝင်သုံးစွဲထားသည်။


RB News
5.1.2014

၁၉၈၄ ခုနှစ်က လုပ်သက်ပြည့် အငြိမ်းစား ယူခဲ့သည့် မူလတန်းပြ ဆရာ ဦးဖော်ဇောလ်ဟောက် ၏ အငြိမ်း စား လက်ခံ စာအုပ်တွင် "ရိုဟင်ဂျာ" လူမျိုးဟု တရားဝင် သုံးနှုန်းထားသည်။ 



RB News
20.12.2013

၁၈၂၃-ခုနှစ်တွင်အာရ်ကာန်ဒေသမှရိုဟင်ဂျာများအိုလမာအဖွဲ့တွင်အဖွဲ့ဝင်ရန်လျှောက်ထားရ သည့်လျှောက် လွှာ ဖြစ်သည်။

အထက်ပုံ ပါလျှောက်လွှာ တွင်လျှောက်ထားသူသည် မြန်မာနိုင်ငံ၊ အာရ်ကာန်ဒေသမှ ရိုဝန်ဂျာ Rowangya ဖြစ်ရမည်ဟု ရေးသား ထားသည်။ ရိုဟင်ဂျာ ဝေါဟာရကို ၁၇၉၉ တွင် Dr. Francis Buchanan က Rooinga ဟု ရေးသား ခဲ့ပြီး၊ Rowangya ဟုလည်း ရေးသား သုံးစွဲ ခဲ့သည့် အခြား မှတ်တမ်း များရှိ ခဲ့သည်။ ယ ခုခေတ်တွင် Rohingya ဟုသာ ရေးသား သုံးစွဲ ကြသည်။ 

ဤ အထောက် အထားသည် ၁၈၂၃ ခုနှစ်တွင် အာရ်ကာန် ဒေသတွင် ရိုဟင်ဂျာ လူမျိုး များရှိခဲ့ပြီး၊ ရိုဝန်ဂျာ ဟုခေါ်ဝေါ် ခဲ့သည် ဟူသော အထောက် အထား တစ်ခု ဖြစ်သည်။


RB News
2.12.2013

လွန်ခဲ့သည့် ၂၃ နှစ် - ၁၉၉၀ ခုနှစ် မေလ (၁) ရက်နေ့တွင် ရန်ကုန်တိုင်း၊ မင်္ဂလာ တောင်ညွန့် မြို့နယ်၊ လူဝင်မှု ကြီးကြပ် ရေးနှင့် ပြည်သူ့ အင်အား ဦးစီး ဌာန ဦးစီးမှူး ကိုယ်တိုင် လက်မှတ် ရေးထိုး၍ ရိုဟင်ဂျာ လူမျိုးဟု ထုတ်ပေး ထားသည့် နိုင်ငံသား စီစစ်ရေး ကဒ်ပြား ဖြစ်သည်။ 

Document Credit: Bandah N Ummat


RB News
1.12.2013

၁၉၈၉ ခုနှစ် ဇွန်လ - နိုင်ငံတော်ငြိမ်ဝိပိပြားမှုတည်ဆောက်ရေး အဖွဲ့ -စစ်အစိုးရလက်ထက်တွင် ရခိုင်ပြည် နယ်၊ မောင်တော မြို့နယ်၊ လူဝင်မှု ကြီးကြပ်ရေးနှင့် ပြည်သူ့ အင်အား ဦးစီးဌာနမှ ထုတ်ပေး ထားသည့် အိမ်ထောင်စု လူဦးရေ စာရင်း ဖြစ်သည်။

အိမ်ထောင်စု အတွင်းရှိသူ များသည် ရိုဟင်ဂျာ လူမျိုးများ ဖြစ်ပြီး၊ မြန်မာ နိုင်ငံသား များဟု ရေးသား ထည့် သွင်း ထားသည်။ 



RB News
28.11.2013

၁၉၆၀ ခုနှစ် နှောင်းပိုင်းတွင် မေယု နယ်ခြား ခရိုင်၊ မောင်တော မြို့တွင် "ရိုဟင်ဂျာ အမျိုးသား ညီညွတ်ရေး အဖွဲ့" သည် တရားဝင် အဖွဲ့ အစည်း တစ်ခု အဖြစ် ရပ်တည် ခဲ့သည်။ 



RB News
27.11.2013
အမျိုးသား မှတ်ပုံတင် ကဒ်ပြား ထုတ်ပေးရန် လူဝင်မှု ကြီးကြပ်ရေး ဌာနမှ ရေးသွင်းသည့် ပုံစံ ဖြစ်သည်။ 

ဤပုံစံကို ၁၉၅၉ ခုနှစ် ဧပြီလ (၂၈) ရက်နေ့တွင် လှုဝင်မှု ကြီးကြပ်ရေး ဌာနမှ ရေးသွင်း ခဲ့ခြင်း ဖြစ်သည်။ 

"ဤပုံစံတွင် -- 

လူမျိုး - ရခိုင် 
ကိုးကွယ်သည့်ဘာသာ - မဟာမေဒင်
တိုင်းရင်းသား သို့မဟုတ် မည်သည့် နိုင်ငံခြားသည် ဖြစ်သည် -- တိုင်းရင်းသား ---

ဟုရေးသား၍ မှတ်တမ်း တင်ထားသည်။"

ဦးမူဟာမတ် ချိုဖီရ်ကို မြန်မာ သက္ကရာဇ် ၁၂၇၅ ခုနှစ် နတ်တော် လဆန်း (၉) ရက်တွင် မောင်တော မြို့ နယ်၊ စစ်တွေ ခရိုင်တွင် မွေးဖွား ခဲ့သည်။ 

၁၇၉၉ ခုနှစ်၌ Dr. Francis Buchanan ရေးသား ခဲ့သည့် အစီရင် ခံစာတွင် အာရ်ကာန် ဒေသရှိ ဒေသခံ Mohammedan (မဟာမေဒင်) များကို Rooinga (ယခု Rohingya ဟုရေးသားသည်) ဟုခေါ်သည် ဟု ရေးသား ဖော်ပြ ထားသည်။

(Photo Credit: Bandah N Ummat)

RB News
22.11.2013

ဦးအဒူမာလစ် သည် အမှတ် (၆၄) ခြေလျင် တပ်ရင်းတွင် ၁၉၆၆ ခုနှစ် ဇန်န၀ါရီလ (၂၇) ရက်နေ့မှ ၁၉၇၇ ခုနှစ် စက်တင်ဘာလ (၂၈) ရက်နေ့ အထိ တပ်ကြပ် ရာထူးဖြင့် တာဝန် ထမ်းဆောင် ခဲ့သည်။ 

ထိုအချိန်တွင် စစ်အာဏာရှင် ဦးနေ၀င်း အုပ်ချုပ် ခဲ့သည့် အချိန် ဖြစ်ပြီး၊ ၁၉၇၈ ခုနှစ်တွင် ထုတ်ဝေ ခဲ့သည့် ကျောင်းသုံး ပထ၀ီဝင် စာအုပ် များတွင်လည်း ရိုဟင်ဂျာ လူမျိုးများ နေထိုင်သည့် ဒေသကို မြေပုံတွင် ပြသ၍ ကျောင်းသား များကို သင်ကြား ခဲ့သည်။ 

ဦးအဒူမာလစ်၏ စစ်မှုထမ်း ကဒ်ပြားကို အမှတ် (၆၄) ခြေလျင် တပ်ရင်းမှ တရားဝင် ထုတ်ပေး ခဲ့ခြင်း ဖြစ်ပြီး၊ လူမျိုး နေရာတွင် ရိုဟင်ဂျာဟု တရားဝင် သုံးနှုန်း ခဲ့သည်ကို မှတ်တမ်း အဖြစ် တွေ့ရှိ ရပါသည်။ 

Rohingya Exodus