နောက်ဆုံးသတင်း/ဆောင်းပါးများ



နိဂြောဓ (MYARF)
RB News
29.8.2015

ယခု ကြိမ်ချောင်း ဆိုသော ရွာသည် ၁၉၇၅ ခုနှစ် မတိုင်ခင် အချိန်ထိ 'ဘော်လီဘာဇား' ဟု ခေါ်ဆိုခဲ့ကြသော ရွာကြီး ဖြစ်ပြီး တစ်ချိန်က နိဗ္ဗာန်ဟု တင်စားလောက်အောင် အေးချမ်းသာယာ ပြည့်ဝလှသည်။ ရွာ၏ အရှေ့ဘက်တွင် စိမ်းလန်သော တောင်တန်းကြီး၊ တောင်ဘက်တွင် လောင်းဒုံးကျေးရွာ၊ မြောက်ဘက်တွင် အောင်စစ်ပြင်ကျေးရွာ နှင့် အနောက်ဘက်တွင် အထက်စွန်း မမှန်းနိုင်သော ပြူးမချောင်းကြီး တည်ရှိနေသည်။ ၎င်းရွာရှိ ဈေးကြီးသည် မောင်တော မြို့နယ်တွင် မြို့ပေါ်မှအပ အကြီးမားဆုံးနှင့် အရောင်းရဆုံး ဈေးကြီး ဖြစ်ပြီး အနီးပတ်ဝန်းကျင်ရှိ ရွာပေါင်း (၁၀၀) နီးပါးလောက်က ပြည်သူလူထုများသည် ၎င်းဈေးတွင် အရောင်းအဝယ် ပြုလုပ်၍ အသက် မွေးဝမ်ကျောင်း ပြုကြသည်။ ရွာရှိ အခြေခံပညာ အထက်တန်း ကျောင်းသည်လည်း မြို့ပေါ်မှအပ ကျောင်းသား ကျောင်းသူ ဦးရေ အများဆုံးသော စာသင်ကျောင်းကြီး ဖြစ်သည်။

ရွာ၏ အနောက်ဘက်တွင် တည်ရှိနေသော ပြူးမချောင်းကြီး၏ ချောင်းကမ်းနားတွင် ရွာရှိ လူဦးရေ အနက် (၂၀) ရာခိုင်နှုန်းလောက်သော ရွာသူ ရွာသားများ နေထိုင်ကြ၍ ရေလုပ်ငန်းဖြင့် အသက်မွေးဝမ်းနေကြသည်။ ကားလမ်း မရှိသေးသည့် အချိန်က ကြိမ်ချောင်း ဈေးကြီးသို့ ဈေးနေ့များတွင် စက်လှေ၊သဗ္ဗာန်၊လှေများနှင့် ၎င်းချောင်းကြီးကို အသုံးပြု၍ လာရောက် ရောင်းဝယ်ဖောက်ကားသည့် ရေလမ်းသုံး ချောင်းကြီး ဖြစ်ပြီး ဝါးဖောင်၊ ထင်းဖောင်၊ ကုန်တင် စက်လှေများနှင့် သဗ္ဗာန်များအတွက် အဆင်အပြေဆုံးပင် ဖြစ်သည်။ ၎င်းချောင်းကြီးသည် ပြည်သူ အများအပြား အတွက် 'အသက်သွေးကြော' ဖြစ်သည်ဟု တချို့က ဆိုချင် ဆိုကြသော်လည်း ၎င်းသည် အစေခံကောင်း ဖြစ်သလို သခင်ဆိုးလည်း ဖြစ်သည်။

မိုးရာသီ တစ်လျှောက်လုံး၌ ၎င်းချောင်းကြီး အထက်စွန်းကစ၍ တောင်ကျမိုးရေသည် ဒလဟော စီးဆင်းလာပြီး ကြိမ်ချောင်းရွာ ကမ်းနားသို့ ရောက်သောအခါ ရေစီးရေလျှံ ပြင်းထန်လာကာ ကြိမ်ချောင်း ကမ်းပါးကို တိုက်ရိုက် စီးဝင် တိုက်စားလေ့ရှိသည်။ မိုးသည်းထန်လျှင် အလွယ်တကူ ရေကြီးလေ့ ရှိပြီး ရေကြီးလျှင် ရေစီးရေလျှံနှုန်း ပိုမို ပြင်းထန်လာပြီး စုန်းမကဲ့သို့ 'အော့အော့' မြည်ကာ ရေတိုက်စားမှု အားလည်း ပိုမို မြင့်တက်လာသည်ကို အံ့သြ၍ မဆုံးနိုင်ပါ။ ၎င်း ရေတိုက်စားမှုသည် အဓိကအားဖြင့် ကြိမ်ချောင်း ဟိန္ဒူရွာက စကာ အလယ်ရွာနှင့် တောင်ရွာထိ ကမ်းပါးကို အမြင့်ဆုံးနှင့် အများဆုံး ရိုက်ခတ်၍ နှစ်စဉ် နှစ်တိုင်း ပျမ်းမျှ ပေပေါင်း (၃၀) ကျော်ကျော် လူနေအိမ်မြေ တိုက်စား ကမ်းပြိုသွားလေ့ရှိသည်။ ၎င်းကြောင့် နှစ်စဉ်လိုလို ကြိမ်ချောင်းရွာ ကမ်းနားက အိမ်ခြေပေါင်း (၂၀) ကျော်ကျော် ရွှေ့ပြောင်း ကြရသည်။ ဤဖြစ်ရပ်မှာ လွန်ခဲ့သည့် ဆယ်စုနှစ်ပေါင်းများစွာက စ၍ ယနေ့အချိန်ထိ ဖြစ်ပွားနေသော သဘာဝ ဘေးအန္တရာယ်ကြီးဖြစ်ပြီး တစ်ချိန်က မြို့မိချောင်းရွာ တောင်ခြေနားတွင် တည်ရှိခဲ့သော ကြိမ်ချောင်းရွာသည် ယနေ့ မောင်တောသွား ကားလမ်း အရှေ့ဘက်က တောင်တန်းနားသို့ ကမ်းပြို၍ တွန်းပို့ရောက်ရှိနေပြီ ဖြစ်သည်။ ဤသည်များထက် ပိုမို ဆိုးရွားလှသည်မှာ မိုးရာသီ၌ ရေတိုက်စားခံရ၍ ကမ်းပြိုသွားမှုမှာ အိုးအိမ် ပါသွားသော မိသားစုများ နေထိုင်ကြရန် နောက်ဆုတ်၍ ယာယီ တဲထိုး ကြရန် လည်းကောင်း၊ အနီး ဘေးပတ်ဝန်းကျင်ရှိ နေရာလပ်၌ တဲထိုး နေထိုင်ကြရန် လည်းကောင်း သက်ဆိုင်ရာ အာဏာပိုင်းများသို့ အကြောင်းကြား တဲထိုးဆောက်လုပ်ခွင့် သွားတောင်းလျှင် ကြိမ်ချောင်း အုပ်ချုပ်ရေးမှူးရုံး စာရေး ဦးထွန်းဝင်းက (၁) သိန်း၊ အုပ်ချူပ်ရေးမှူး ဦးကိုကိုအောင်က (၁) သိန်း၊ ဘိနယ်တာဝန်ခံ အရာရှိက (၁) သိန်း၊ အနည်းဆုံး ငွေကျပ် (၃) သိန်းကျော် ကုန်ကျခံရသည်။ မတတ်နိုင်သော မိသားစုများမှာ အိမ်တစ်ဝက် ချောင်းဘက်၌ နောက်တစ်ဝက် ကမ်းမြေ၌ ဖြစ်ရသော အိမ်ပျက်တွင် မိုးရာသီ တစ်လျှောက်လုံး အသက်အိုးအိမ် ဘေးအန္တရာယ် စိုးရိမ်မှုဖြင့် ဆက်လက်နေထိုင်ကြရသည်ကို ရှုမြင်ကြသူတိုင်း အော့နှလုံး နာသွားလောက်အောင် ခံစားမိရသည်မှာ အမှန်ပင် ဖြစ်သည်။ ထို့အပြင် တစ်အိမ်လုံး ချောင်းထဲ ပြိုကျသွားပြီး ငွေကြေး မတတ်နိုင်သော မိသားစုများမှာလည်း မိမိတို့နှင့် ပတ်သက်ရာ ပတ်သက်ကြောင်း အိမ်များတွင် တစ်ညစီ လှည့်ပတ်၍ စိတ်ဆင်းရဲစွာ နေထိုင်ကြရသည်မှာ သနားဖွယ်ရာ ကောင်းလှသည်။ ဤကဲ့သို့ သဘာဝ ဘေးအန္တရာယ် သောကပေါင်းစုံ ရင်ဆိုင်ကြုံတွေ့ရပြီးနောက် မိုးရာသီ ကုန်ဆုံးသွားလျှင် တတ်နိုင်သူများက သံယောဇဉ် မပြတ်နိုင်သော်ငြားလည်း မိမိ ဘေးပတ်ဝန်းကျင်နှင့် အိမ်နီးချင်းများအား စွန့်ခွာသွား၍ နောက်ပတ်ဝန်းကျင်သစ် တစ်ခုသို့ သိုက်ပျက် ဥကွဲကာ နေထိုင်ကြရသည်။

ထိုကဲ့သို့ ယခုနှစ် မိုးရာသီကာလတွင်လည်း ရာသီဥတု ပြင်းထန်လာမှုကြောင့် ရေတိုက်စားမှုနှုန်းလည်း ယခင်ကထက် ပိုမို မြင့်တက်လာပြီး လူနေအိမ်မြေ ကမ်းပြိုမှုလည်း ပိုမို များပြားလာသည်။ ဆိုရလျှင် ယခုနှစ် မိုးရာသီကစ၍ ဇူလိုင်လ နောက်ဆုံးပိုင်းတွင် ဖြစ်ပွားတိုက်ခိုက်ခဲ့သော ကိုမင်း ဆိုင်ကလုန် မုန်တိုင်းပြီးနောက် ၎င်းရွာ ကမ်းနားက လူနေအိမ်ပေါင်း (၃၀) လုံးကျော် ရေတိုက်စား ကမ်းပြိုမှုကြောင့် ပျက်စီးခဲ့ရပြီး ၎င်းပြူးမချောင်း၏ ရေတိုက်စား ကမ်းပြိုမှု သမိုင်းတွင် အဆိုးရွားဆုံးပင် ဖြစ်သည်။ ဤကဲ့သို့ ဆက်လက် ဖြစ်ပွားသွားမည့် ဆိုပါက လာမည့် ၂၀၂၀ ပြည့်နှစ်အတွင်း ကြိမ်ချောင်းရွာ မြေပုံက ယခု ကြိမ်ချောင်း တိုက်နယ်ဆေးရုံကြီး၊ ဈေးကြီးနှင့် ရဲစခန်းများ တည်ရှိနေသော ရွာရှိ အလယ်နှင့်တောင်ရွာ နှစ်ခုစလုံးသည် လုံဝ ပျောက်ကွယ်သွားမည်မှာ သေချာပါသည်။

၂၀၀၅ ခုနှစ်ကစပြီး ကြိမ်ချောင်းကျေးရွာက ဟိန္ဒူဘာသာဝင်များ၏ အိမ်ခြေပေါင်း (၁၀) လုံးကျော် ကမ်းပြိုမှုကြောင့် ပျက်စီး ဆုံးရှုံးခဲ့ရပြီး မြောက်ရွာတွင် အစ္စလာမ် ဘာသာဝင်များနှင့် အတူ ရောနှော ရွှေ့ပြောင်း နေထိုင်ကြရသည်။ ထို့အပြင် ၂၀၀၉ ခုနှစ်ကစပြီး ကြိမ်ချောင်း အလယ်နှင့် တောင်ရွာမှ အစ္စလာမ်ဘာသာဝင် များ၏ အိမ်ခြေပေါင်း (၁၃၀) ကျော်သည် ရွာ၏ မြောက်ဘက်တွင် တည်ရှိနေသော ဝေးတမြေ တောင်ပေါ်ဒေသ၌ ရွှေ့ပြောင်း နေထိုင် ခဲ့ကြရသည်။ ၎င်းတို့ နေထိုင်ကြသော လယ်မြေများမှာ ရွာရှိ အစ္စလာမ်ဘာသာဝင် လယ်ပိုင်ရှင် အချို့က လှူဒါန်းကြခြင်း ဖြစ်ပြီး အချို့ကို ဈေးချိုချိုဖြင့် ဝယ်ယူ၍ တဲထိုးနေထိုင်ကြခြင်း ဖြစ်သည်။ ၎င်းတို့သည် ယခင်ကမ်းနားတွင် ရေလုပ်ငန်းဖြင့် အသက်မွေးဝမ်းကျောင်း ပြုသူများ ဖြစ်ကြပြီး ယခု ချောင်းနှင့် ဝေးလျက်ရှိသော တောင်ပေါ်ဒေသတွင် စီးပွားပျက် နေကြပြီး လူသူ ကင်းဝေးရာလည်းဖြစ် ရာသီဥတု ဒဏ်လည်းကြမ်း စားဝတ်နေရေး ဖူလုံမှု မရှိခြင်းကြောင့် ယခင်က ပိုင်ဆိုင်ခဲ့ကြသော စိတ္တနှင့်ကယာဗလ ဆုံးရှုံး၍ ရုပ်ပျက် ကျန်းမာရေး ချို့တဲ့နေသည်ကို မြင်တွေ့ရသည်။ ထို့အပြင် ၎င်းဒေသတွင် မိုးရာသီ တောင်ကျချောင်းရေ ဘေးအန္တရာယ်ကြောင့် ယခင်က မိမိတို့၏ သားသမီးများအား ပညာသင်လိုစိတ် ရှိကြခဲ့သော မိဘများက ကျောင်းနေရန် အရွယ်ရောက်သော သားသမီးများကို ကျောင်းမထားတော့ဘဲ တောဝင် သစ်ခုတ်ခိုင်းကြရပြီး ကြိမ်ချောင်း ဈေးကြီး၌ သယ်ယူရောင်းချကြရသည်။ ၂၀၁၃ ခုနှစ်တွင် ၎င်းတို့ ယာယီ ဆောက်လုပ်၍ နာမာဇ်ဝတ်ပြုသော ဗလီကျောင်းတော်ကိုလည်း ကြိမ်ချောင်း အုပ်ချုပ်ရေးမှူး ရုံးစာရေး ဦးထွန်းဝင်းက သွားရောက်၍ ပြိုဖျက်လိုက်သောကြောင့် ယခုအခါ ၎င်းတို့မှာ ဘာသာရေး ကျောင်းမဲ့ဘဝနှင့် အမှောင်ငရဲပြည်ထဲ နေရသလို ဖြစ်နေကြသည်။

ကြိမ်ချောင်းရွာတွင် နှစ်စဉ် ခံစားနေရသည့် ဤအကြောင်းအရာနှင့် ပတ်သက်ပြီး လွှတ်တော် ကိုယ်စားလှယ်လောင်းများ ကြိမ်ချောင်းမြေပေါ်တွင် မဲဆွယ်နေသည့် အချိန်တွင် လည်းကောင်း၊ ပုံးအပြည့် မဲကောက်ယူခဲ့ကြပြီး အမတ်များ ဖြစ်ကြပြီးနောက် ကြိမ်ချောင်းမြေသို့ ခရီးစဉ် ရောက်လာခဲ့သည့် အချိန်တွင်လည်းကောင်း ယုံကြည်အားကိုး၍ မဲဆန္ဒရှင်များက လိုအပ်သလို ဆောင်ရွက်ပေးရန် တောင်းဆိုရာ 'အစီစဉ်များ ရှိနေပြီ မကြာမှီ လုပ်ဆောင်သွားမည်' ဟု ပြောဆိုသွားသော စကားချိုချိုများကြောင့် မဲဆန္ဒရှင်များ ဆီးချိုရောဂါ ခံစားသွားရလောက်အောင်ပင် ဖြစ်ခဲ့ရသည်။ သို့သော်လည်း အမတ်ကြီးများ ပြန်သွားပြီးနောက် ရွာသားများက အားကိုးမိသည်ကိုပင် နောင်တ ရနေခဲ့ကြသည်။

အဆိုပါ ဖြစ်ရပ်နှင့် ပတ်သက်ပြီး ခေတ်အဆက်ဆက်က ၎င်းရွာတွင် အုပ်ချုပ်ခဲ့ကြသော ကျေးရွာ ကောင်စီ၊ ကျေးရွာ အေးချမ်းသာယာရေးနှင့် ဖွံ့ဖြိုးရေး ကောင်စီ ဥက္ကဌများ၊ ၎င်းရွာတွင် တာဝန်ကျခဲ့ကြသော အစိုးရ ဝန်ထမ်းများ မောင်တောမြို့ မဲဆန္ဒနယ်များက လွှတ်တော် ကိုယ်စားလှယ်များ စသည်တို့က မည်သည့် အခါကမှ တစ်စုံတစ်ရာ အရေးတယူ ဆောင်ရွက် ပေးခဲ့ခြင်း မရှိသည်ကို လေ့လာ တွေ့ရှိရသည်။

လျစ်လျူရှုခြင်း ခံထားရသည့် အတွက် ယခုလာမည့် နိုဝင်ဘာလ (၈) ရက်နေ့တွင် ကျင်းပမည့် ရွေးကောက်ပွဲ ကာလတွင် မဲဆွယ်၊ မဲယူရန် လာရောက်မည့် လွှတ်တော် ကိုယ်စားလှယ်လောင်းများက ချောင်းရေ တိုက်စားမှုကြောင့် ကြိမ်ချောင်း ကျေးရွာအုပ်စုမှ ရွာအချို့ မြေပုံက ပျောက်ကွယ် သွားနေသည်နှင့် ပတ်သက်၍ ခိုင်မာသည့် သဘောတူညီချက် တစ်စုံတစ်ရာ မပေးလျှင် မိမိတို့၏ ဇာတိမြေကို မြတ်နိုးကြသော ကြိမ်ချောင်း ရွာသူရွာသား ၈၁၈၅ ဦးမှ သတိကြီးစွာ မဲပေးကြရန် တိုက်တွန်းအပ်ပါသည်။




မြင်းလွတ်ဈေး စစ်ဆေးရေးဂိတ် (ဓါတ်ပုံ - RB News)


RB News
29.8.2015

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ အလယ်သံကျော် ကျေးရွာတွင် သြဂုတ်လ (၁၄) ရက်နေ့ ည (၈) နာရီကျော် အချိန်တွင် နယ်ခြားစောင့် ရဲများနှင့် ကျေးရွာ အုပ်ချုပ်ရေးမှူး၏ တပည့် ဖြစ်သူ ကျော်ဇေယျာဦး သေနတ်ဖြင့် ပစ်ခံရပြီး နောက်တွင် အလယ်သံကျော်နှင့် ပတ်ဝန်းကျင် ကျေးရွာများမှ ငါးဖမ်း စက်လှေများနှင့် လောင်းလှေများကို ပင်လယ်ပြင်သို့ ငါးဖမ်း မထွက်ရန် နယ်ခြားစောင့် ရဲများက ပိတ်ပင် လိုက်သဖြင့် ငါးဖမ်းလုပ်ငန်းဖြင့် အသက်မွေးဝမ်းကျောင်း ပြုနေသူများ စားဝတ်နေရေး အခက်အခဲ ကြုံနေရသည်ဟု ဒေသခံများက RB News သို့ပြောပါသည်။

အလယ်သံကျော် တောင်ပိုင်း ကျေးရွာများမှ ငါးဝယ်ယူလာသည့် ဆိုင်ကယ် ကယ်ရီသမားများနှင့် မောင်တောသို့ ဈေးဝယ်ရန် သွားနေသူများအား မြင်းလွှတ်စခန်းမှ မ.က.ဖ (လ.၀.က) ဦးစီးအရာရှိ ဦးခင်ဇော်မြင့်က မြင်းလွှတ် ဈေးဂိတ် စခန်းတွင် စစ်ဆေးပြီး အစိမ်းနုရောင်ကဒ် မရှိဟု ဆိုကာ တစ်ဦးထံမှ ငွေကျပ် နှစ်ထောင်စီ ယူ၍ လွှတ်ပေးသော်လည်း၊ ကျောင်းတောင်နှင့် ဥဒေါင်း ကျေးရွာ ကြားရှိ နယ်ခြားစောင့် ရဲတပ်ဖွဲ့ ကင်းစခန်းမှ စခန်းမှူး ဒုရဲအုပ် မျိုးမြင့်ဇော်က ထပ်မံ၍ ငွေကျပ် နှစ်ထောင်စီ ယူသည့်အပြင် ငါးဝယ်ယူလာသူများအား ပင်လယ်ပြင်သို့ မထွက်ရန် တားမြစ်ထားသည်ကို မလိုက်နာဘဲ ဖမ်းလာသည့် ငါးများမှာ တရားမ၀င်ဟု ဆိုကာ ပါလာသည့် ငါးများအားလုံး သိမ်းဆည်း ခဲ့ကြောင်း ဒေသခံများက ပြောပါသည်။ 

ငါးရောင်း၍ အသက်မွေးဝမ်းကျောင်း ပြုနေသူများမှာ ၎င်းတို့၏ ငါးများအားလုံး ဓါးပြတိုက်ခံရသကဲ့သို့ သိမ်းဆည်းခံလိုက်ရသဖြင့် အရင်းအနှီးမဲ့သွားကာ လုပ်ကိုင် စားသောက်ရန်ပင် ခက်ခဲလျက် ရှိသည်ဟု ဆိုသည်။ 

အလယ်သံကျော် ကျေးရွာ အုပ်ချုပ်ရေးမှူး ဦးမောင်သက်နိုင်၏ တပည့်များ ဖြစ်သည့် အလယ်သံကျော် လေယာဉ်ကွင်း ကျေးရွာမှ ဦးမောင်ဇူရ် (ဘ) ဦးအူမောတ်အလီနှင့် ဦးလာလူး (ဘ) ဦးဆာလေ တို့သည် နယ်ခြားစောင့် ရဲများ၊ ဦးမောင်သက်နိုင်တို့နှင့် ပူးပေါင်း၍ ယခုလ (၁၈) ရက်နေ့တွင် အလယ်သံကျော် လေယာဉ်ကွင်း ကျေးရွာနှင့် ကံပူး ကျေးရွာမှ စက်လှေ ပိုင်ရှင် (၄) ဦးအား ပင်လယ်ပြင်သို့ ငါးဖမ်းထွက်သည်ဟု လုပ်ကြံ မတရား စွပ်စွဲ၍ ငွေညှစ်ခဲ့သည်။ 

ငွေညှစ်ခံရသူများမှာ -- 

(၁) ဦးအစ္စမိုင်လ် (ညှစ်ခံရငွေ ၂၆၅၀၀၀ ကျပ်)
(၂) ဦးဖယာဇူလ္လာ (ဘ) ဦးနူရို (ညှစ်ခံရငွေ ၂၇၅၀၀၀ ကျပ်)
(၃) ဦးဖာရုခ် (ဘ) ဦးလာလ်မာမတ် (ညှစ်ခံရငွေ ၂၇၅၀၀၀ ကျပ်)
(၄) ဦးဆော်ယောဒူလ္လာ (ဘ) ဦးမာမတ်ဆလာမ် (ညှစ်ခံရငွေ ၂၇၅၀၀၀ ကျပ်) -- တို့ဖြစ်သည်။ 

သြဂုတ်လ (၂၀) ရက်နေ့တွင် ကံပူးကျေးရွာမှ ဟာဖီးဇ် ဦးရှော်ရိဖ်ဟူစိန်းနှင့် အတူ ဒေသခံ (၄) ဦးကို အုပ်ချုပ်ရေးမှူးသို့ ဆင့်ခေါ်၍ ၎င်းတို့၏ သားသမီးများ ဆော်ဒီအာရေဗျာ နိုင်ငံသို့ ထွက်ခွာသွားသည်ကို အုပ်ချုပ်ရေးမှူးထံ အကြောင်းမကြားဟု ဆိုကာ ငွေကျပ် တစ်သိန်း ညှစ်ယူခဲ့ကြောင်း ဒေသခံ တစ်ဦးက ပြောပါသည်။ 


29.8.2015

မုတ်သုံမိုးရာသီ မကုန်ဆုံးခင် ဘင်္ဂလား ပင်လယ်အော်ကို ဖြတ်ပြီး ထွက်ပြေး လာကြမယ့် လှေစီးပြေး ဒုက္ခသည်တွေ အရေး အရေးပေါ် ဆောင်ရွက်ကြဖို့ UNHCR ဒုက္ခသည်များ ဆိုင်ရာ မဟာမင်းကြီးရုံးက သြဂုတ်လ ၂၈ ရက်နေ့ ရက်စွဲနဲ့ ကြေညာချက် ထုတ်ပြန် တောင်းဆို လိုက်ပါတယ်။

အခုနှစ် ပထမ ၆ လအတွင်း လူမှောင်ခိုကူးသူတွေက ရိုဟင်ဂျာနဲ့ ဘင်္ဂလားဒေ့ရှ် နိုင်ငံသား စုစုပေါင်း ၃၁,၀၀၀ ခန့်ကို ဘင်္ဂလား ပင်လယ်အော်ကို ဖြတ်သယ်ခဲ့တယ်လို့ UNHCR က ထုတ်ပြန်တဲ့ အစီရင်ခံစာအသစ်မှာ ဖော်ပြထားပါတယ်။ ဒါဟာ မနှစ် အဲဒီအချိန်ကထက်စာရင် ထွက်ပြေးလာတဲ့ ဒုက္ခသည်အရေအတွက် ၃၄% တိုးလာတာ ဖြစ်ပြီး ၂၀၁၄ ခုနှစ်ကစလို့ အန္တရာယ် များလှတဲ့ ဒီရေကြောင်းခရီးကို ဖြတ်ကျော် ထွက်ပြေးလာသူ ခန့်မှန်းခြေ ၉၄,၀၀၀ လောက် ရှိသွားပြီလို့ ဆိုပါတယ်။

အဲဒီအထဲမှာ ၂၀၁၅ ခုနှစ်အတွင်း သေဆုံးသွားတဲ့ ၃၇၀ အပါအ၀င် ၂၀၁၅ ခုနှစ်ကစလို့ သေဆုံး အရေအတွက် ၁,၁၀၀ ကျော် ရှိသွားပြီလို့လည်း အစီရင်ခံစာမှာ ဖော်ပြထားပါတယ်။

ထိုင်းနဲ့ မလေးရှားနယ်စပ်တွေမှာရှိတဲ့ လူမှောင်ခိုကူးတဲ့သူတွေအသုံးပြုတဲ့ ယာယီခစန်းတွေအနီး ဒုက္ခသည်တွေကို လူမှောင်ခို ကူးသူတွေက ညှဉ်းပန်းနှိပ်စက်သတ်ဖြတ်ပြီး အစုလိုက် အပြုံလိုက် မြေမြုပ်ထားတာကို အခုနှစ် မေလတုန်းက တွေ့ရှိခဲ့ပြီးတဲ့အပေါ် UNHCR ရဲ့ အစီရင်ခံစာက အခြေခံထားတာ ဖြစ်ပါတယ်။

ပြီးခဲ့တဲ့ သီတင်းပတ်ကုန်ပိုင်းတုန်းက မလေးရှားနိုင်ငံ အနောက်မြောက်ပိုင်း ဒေသမှာ နောက်ထပ် အလောင်း ၂၄ လောင်း တွေ့ရှိခဲ့တာဟာလည်း လူမှောင်ခိုကူးသူတွေရဲ့ ရက်စက် ကြမ်းကြုတ်မှုကို ပြသလိုက်တာဖြစ်တယ်လို့ ဆိုပါတယ်။



MYARF
RB News
28.8.2015

တောင်ပြိုလက်ဝဲ ။ ။ ရခိုင်ပြည်နယ်၊ မောင်တော ခရိုင်၊ တောင်ပြိုလက်ဝဲ မြို့နယ်ခွဲ၊ ဇီးပင်ချောင်း ကျေးရွာ ချောင်းဝရှိ နယ်ခြားစောင့် ရဲတပ်ဖွဲ့ ကင်းစခန်းတွင် နယ်ခြားစောင့် ရဲများက ခွေးနှစ်ကောင် မွေးမြူထားသည်။ နယ်ခြားစောင့် ရဲများက ခွေးနှစ်ကောင်နှင့် အတူ ကလေးငယ်များ ဆိတ်ကျောင်းသော စားကျက် နေရာများသို့ သွားရောက်၍ ခွေးနှစ်ကောင်အား ဆိတ်များကို ကိုက်ခိုင်းသည်။ ခွေးကိုက်၍ သေဆုံးသွားသော ဆိတ်များကို ၎င်းတို့က စခန်းသို့ ယူဆောင် သွားပြီး စားသုံးလေ့ ရှိသည်ဟု ဒေသခံများက RB News သို့ပြောပါသည်။ 

ယနေ့ သြဂုတ်လ (၂၈) ရက်နေ့ နေ့လည်ပိုင်းတွင် အဆိုပါ စခန်းမှ နယ်ခြားစောင့် ရဲနှစ်ဦးသည် ခွေးနှစ်ကောင်နှင့် အတူ ကလေးငယ်များ ဆိတ်ကျောင်းရာသို့ သွားရောက်ပြီး ခွေးများအား ဆိတ်များကို ကိုက်စေခဲ့ရာ ခွေးများက ဆိတ်ကိုးကောင်ကို ကိုက်ခဲ့သည်။ ခွေးကိုက်ခံရသည့် ဆိတ်ကိုးကောင်မှ ဆိတ်သုံးကောင် ချက်ချင်း သေဆုံးခဲ့သည်။ ဒဏ်ရာပြင်းထန်စွာ ရရှိသည့် ကျန်ဆိတ်ခြောက်ကောင်ကို ဆိတ်ကျောင်းသည့် ကလေးငယ်များက အိမ်များသို့ ခေါ်သွားခဲ့သည်။ အိမ်သို့ရောက်သည်နှင့် ဆိတ်သုံးကောင် ထပ်မံ သေဆုံးခဲ့သည်။ ကျန်သုံးကောင်မှာ ဒဏ်ရာများဖြင့် အသက်ရှင်လျက် ရှိကြသည်။ 

ဆိတ်များမှာ ရေတွင်းပြင် ကျေးရွာအုပ်စု တောင်ရွာမှ ဦးရှောမ်ရှုအာလောမ် (ဘ) ဦးဘူဇူရုခ်မျာ၏ ဆိတ်လေးကောင် နှင့် မုဆိုးမ တစ်ဦးဖြစ်သူ ဒေါ်ဒိလ်ဘာရ်၏ ဆိတ်ငါးကောင် တို့ဖြစ်သည်။ 

အဆိုပါ နယ်ခြားစောင့် ရဲများသည် ခွေးများကို အသုံးချ၍ ဒေသခံ ရိုဟင်ဂျာများ၏ ဆိတ်များကို နေ့စဉ်လိုလို သတ်ဖြတ် စားသုံးလျက် ရှိသည်။ ထို့အပြင် အနီးအနား ကျေးရွာများမှ လာ၍ ချောင်းတွင် ငါးဖမ်း၍ အသက်မွေးဝမ်းကျောင်း ပြုနေသည့် ငါးဖမ်းသမား များထံမှ ငါးများ လုယက်ခြင်း၊ အကြောင်းမဲ့ ရိုက်နှက်ခြင်း၊ ပိုက်ကွန်များ သိမ်းယူခြင်း မကြာခဏ ပြုလုပ်လျက် ရှိသည်ဟု ဒေသခံများက ပြောပါသည်။



MYARF
RB News
28.8.2015

မောင်တော ။ ။ ရခိုင်ပြည်နယ်၊ မောင်တော မြို့နယ်၊ မြို့မ ကညင်တန်း ကျေးရွာနှင့် မြို့သူကြီး ကျေးရွာကြားရှိ တံတား ကင်းစခန်းမှ ရဲများသည် သြဂုတ်လ (၂၅) ရက်နေ့က နွားရုံတောင် ကျေးရွာမှ မောင်တော မြို့ပေါ်သို့ လာနေသည့် ဦးမာမတ်ဂျူဟာရ် (ဘ) ဦးအာဘုလ်ကာဆိမ်အား စစ်ဆေးရာ ဦးမာမတ်ဂျူဟာရ်က ရောင်းချရန် ယူလာသည့် ရွှေဆွဲကြိုး တစ်ကုံးကို တွေ့ရှိပြီး “ကုလားများ ရွှေသယ်ယူခွင့် မရှိသဖြင့် သိမ်းဆည်းမည်” ဟု ခြိမ်းခြောက်ပြီး ငွေကျပ် နှစ်သောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။

အလားတူ သြဂုတ်လ (၂၂) ရက်နေ့က မောင်တော မြို့နယ် တောင်ပိုင်း၊ ဘဂုံးနား ကျေးရွာအုပ်စု မာဇိလ္လာဖာရာမှ ဦးအာဘုလ်ဟာရှိမ်ကို မောင်တော မြို့မ ရဲစခန်းမှ ရဲများက မောင်တော ဈေးမှ ဖမ်းဆီးပြီး ၂၀၁၂ ခုနှစ် ဇွန်လ အရေးအခင်းတွင် ရခိုင်အိမ်များ မီးရှို့ခဲ့သည်ဟု လုပ်ကြံ စွပ်စွဲ၍ ငွေကျပ် ငါးသောင်း ညှစ်ယူခဲ့သည်။ 

မောင်တော မြို့မ ရဲစခန်းမှ ရဲများသည် မြို့မ အလယ်ရပ်ကွက် (အမှတ် ၄ ရပ်ကွက်) အုပ်စု ရွာသစ်ရှိ အမျိုးသမီး အိမ်တွင်းမှု သင်တန်းကျောင်းရှေ့ ဗိုလ်မှူးရွာ လမ်းအ၀ရှေ့ရှိ ရခိုင်အိမ် တစ်အိမ်တွင် တစ်နေကုန် ထိုင်စောင့်ကာ နယ်ကျေးရွာ များမှ မြို့ပေါ် တက်လာသော ရိုဟင်ဂျာများကို စစ်ဆေးကာ ငွေ၊ ပစ္စည်းများ လုယက်ခြင်း၊ လူများအား ရိုက်နှက်ခြင်းများ မကြာခဏ ပြုလုပ်လျက် ရှိသည်ဟု ဒေသခံများက ပြောပါသည်။



MYARF
RB News
27.8.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ အမှတ် (၅) နယ်မြေ၊ ငါးခူရ ကျေးရွာ အခြေစိုက် နယ်ခြားစောင့် ရဲတပ်ဖွဲ့ စခန်းမှ စခန်းမှူး အပါအ၀င် တပ်ဖွဲ့ဝင် (၁၅) ဦးခန့်သည် သြဂုတ်လ (၂၂) ရက်နေ့ နေ့လည်ပိုင်းတွင် စံပယ်ကုံး ကျေးရွာသို့ သွားရောက်ပြီး ဥက္ကဌဟောင်း ဦးအဘူဂျော်မိလ် (ဘ) ဦးမုခ်တာရ်အာမတ် (အသက် ၄၂ နှစ်) ကို နေအိမ်မှ ဖမ်းဆီးပြီး၊ လူကုန်ကူး ပွဲစားဟု စွပ်စွဲကာ ငါးခူရ စခန်း၌ ချုပ်နှောင် ထားသည်။ 

ထို့နောက် အဆိုပါ နယ်ခြားစောင့် ရဲများသည် ဖားဝပ်ချောင်း ကျေးရွာသို့ သွားရောက်ပြီး ကျေးရွာ အုပ်ချုပ်ရေး တာဝန်ခံ ဦးကာမာလ်ဟူစိန်းကို ဖမ်းဆီး၍ ခေါ်ဆောင် သွားခဲ့သည်။ ဦးကာမာလ်ဟူစိန်းကို ဖားဝပ်ချောင်း ကျေးရွာမှ ဦးဆာလေအာမတ်နှင့် အမျိုးသမီး တစ်ဦးတို့ သတ်ဖြတ်ခံရမှုနှင့် ဆက်နွယ်မှု ရှိသည်ဟု ဆိုကာ လူသတ်မှုနှင့် စွပ်စွဲ၍ ဖမ်းဆီးခဲ့ဖြစ်ခြင်းသည်ဟု သိရသည်။ 

ဖမ်းဆီးခံရသူ နှစ်ဦးလုံးကို သြဂုတ်လ (၂၃) ရက်နေ့တွင် မောင်တော ရဲစခန်းသို့ ပို့ဆောင်၍ ဆက်လက် ချုပ်နှောင် ထားသည်။ 

သြဂုတ်လ (၂၂) ရက်နေ့တွင် အထက်ပြူးမ ကျေးရွာမှ ဦးမောင်ကျော်သာ (ဘ) ဦးအောင်ပိုက် (ရခိုင်လူမျိုး) သည် ဆိုင်ကယ်စီး၍ ငါးခူရ ကျေးရွာမှ ဖြတ်သန်း သွားနေစဉ် နယ်မြေ (၅) စခန်းမှ နယ်ခြားစောင့် ရဲများက မသင်္ကာ၍ ခေါ်ယူ စစ်ဆေးခဲ့ရာ WY မူးယစ်ဆေးဝါး ၅၀၀၀ လက်ဝယ် တွေ့ရှိခဲ့သဖြင့် ဖမ်းဆီး၍ ငါးခူရ စခန်းတွင် တစ်ည ချုပ်နှောင် ထားက သြဂုတ်လ (၂၃) ရက်နေ့တွင် ဘူးသီးတောင် အကျဉ်းထောင်သို့ ပို့ဆောင် လိုက်ကြောင်း ဒေသခံ တစ်ဦးက RB News သို့ ပြောပါသည်။ 

ငါးခူရနှင့် ကံပြင် ကျေးရွာသည် မောင်တောမှ ဘင်္ဂလားဒေ့ရ်ှသို့ WY မူးယစ်ဆေးဝါး ပို့ဆောင်သော အဓိက ဆိပ်ကမ်းများ ဖြစ်သည်။ ငါးခူရနှင့် ကံပြင်ကျေးရွာ (ရခိုင်ရွာ) သားများသည် ယခင်က ဂဏန်း ရှာဖွေ ရောင်းစားသူများသာ ဖြစ်ကြသည်။ ယခုအခါ WY မူးယစ်ဆေးဝါး လုပ်ငန်းဖြင့် ငွေကြေးချမ်းသာ လာကြသည်။ တာဝန်ကျ လုံခြုံရေး တပ်ဖွဲ့ဝင်များနှင့် အုပ်ချုပ်ရေးမှူးများက WY မူးယစ်ဆေးဝါး လုပ်ငန်း လုပ်ကိုင်နေသည်ကို သိရှိသော်လည်း ဖမ်းဆီးခြင်း မရှိဘဲ လာဘ်ငွေရယူပြီး မသိဟန်ဆောင် နေကြသည်ဟု ဒေသခံများက ပြောပါသည်။ လာဘ်ငွေ မပေးသူများကိုသာ လိုက်လံ ဖမ်းဆီးလေ့ ရှိသည်ဟု ဆိုသည်။



MYARF
RB News
27.8.2015

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ်၊ မြို့နယ် ရဲတပ်ဖွဲ့မှူး ရဲမှူး အောင်ဘာလေ၊ ဘုရားပြင်အောင်ပ ကျေးရွာနှင့် ဖရုံချောင်း ကျေးရွာ အုပ်ချုပ်ရေးမှူးတို့ ပူးပေါင်း၍ ဒေသခံ တစ်ဦးထံမှ ငွေညှစ်ခဲ့ကြောင်း သတင်း ရရှိပါသည်။ 

ဘူးသီးတောင် မြို့နယ်တွင် သားသတ်လိုင်စင် ယူထားသည့် ဦးရော်ဖိခ်သည် ရောင်းချရန် ယူလာသည့် ကျွဲများကို မြို့ပေါ်တွင် ထားရန် ခက်ခဲသဖြင့် သြဂုတ်လ (၂၂) ရက်နေ့ ညနေပိုင်းတွင် ဖရုံချောင်း ကျေးရွာမှ ဦးအာယုဖ် (ဘ) ဦးဟာလာထံ ကျွဲများကို ကျေးရွာသို့ ယူဆောင်၍ ထိန်းသိမ်းထားရန် လွှဲပြောင်း ပေးခဲ့သည်။

ဦးအာယုဖ်က လူအချို့ ငှားရမ်း၍ ကျွဲအကောင် (၁၀၀) ကျော်ကို ဖရုံချောင်း ကျေးရွာသို့ ယူဆောင်သွားရာ လမ်းတွင် နေ၀င်သွားသည့် အခါ ဓါတ်မီးထိုး၍ ဘုရားပြင်အောင်ပ ကျေးရွာကို ဖြတ်သန်း သွားခဲ့သည်။ သြဂုတ်လ (၂၃) ရက်နေ့တွင် ဖရုံချောင်း ကျေးရွာ အုပ်ချုပ်ရေးမှူး ဦးမောင်သန်းဌေးနှင့် ဘုရားပြင်အောင်ပ ကျေးရွာ အုပ်ချုပ်ရေးမှူး ဦးမောင်ချမ်းသာ တို့က သြဂုတ်လ (၂၂) ရက်နေ့ညတွင် ဦးအာယုဖ် ဦးဆောင်သည့် ဖရုံချောင်း ကျေးရွာသားများက ဘုရားပြင်အောင်ပ ကျေးရွာအုပ်စုရှိ န.တ.လ ရွာကို တိုက်ခိုက်ရန် ကြိုးစားခဲ့သည်ဟု လုပ်ကြံ၍ ဘူးသီးတောင် မြို့နယ် ရဲတပ်ဖွဲ့မှူး ရဲမှူး အောင်ဘာလေ ထံတိုင်တန်းခဲ့သည်။ 

ထိုသို့ လုပ်ကြံ တိုင်တန်းမှုကြောင့် ဘူးသီးတောင် မြို့နယ် ရဲတပ်ဖွဲ့မှူး ရဲမှူးအောင်ဘာလေက ဦးအာယုဖ်ကို ဆင့်ခေါ်ပြီး အမျိုးမျိုး ခြိမ်းခြောက်ကာ ငွေကျပ် ၁၅ သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။



မေခ
August 27, 2015

ပထမ အကြိမ် ပြည်သူ့ လွှတ်တော် (၁၂) ကြိမ်မြောက် ပုံမှန် အစည်းအဝေး ကို ဒီကနေ့မှာ ရပ်နား လိုက်ပြီဖြစ်ပါတယ်။ လာမယ့် သောကြာနေ့ မှာလည်း ပြည်ထောင်စု လွှတ်တော်ကို ရပ်နားတော့မှာပါ။ ဒီလိုရပ်နားတာဟာ ပြီးခဲ့တဲ့ ရက်ပိုင်းက လွှတ်တော် ပုံမှန် အစည်းအဝေး တွေကို ရပ်ဆိုင်း ပေးဖို့ ပြည်သူ့ လွှတ်တော် နဲ့ အမျိုးသား လွှတ်တော်မှာ အရေးကြီး အဆိုတွေ တင်သွင်းကာ ရပ်နားဖို့ လုပ်ဆောင်တာမှာ အမျိုး လွှတ်တော် ဘက်က ရပ်နား လိုက်တဲ့ အတွက် အခုလို ဒီတလ အတွင်း မှာတင် ကျန်လွှတ်တော် နှစ်ခု လုံးပါ ရပ်နား လိုက်တာ ဖြစ်တယ် လို့လည်း လွှတ်တော် အမတ်တွေက သုံးသပ်နေ ကြပါတယ်။ ဒီသတင်း အပြည့်အစုံကို ဗွီအိုအေ မြန်မာပိုင်းက မေခ ကပေးပို့ ထားပါတယ်။

ဒီကနေ့ ပြည်သူ့လွှတ်တော် အစည်းအဝေး ၈၉ ရက်မြောက်နေ့မှာ ရပ်နားကြောင်း ပြည်သူ့ လွှတ်တော် ဥက္ကဋ္ဌ သူရဦးရွှေ မန်းက အခုလို ကြေညာခဲ့တာပါ။

"ပထမအကြိမ်ပြည်သူ့လွှတ်တော် ၁၂ ကြိမ်မြောက် ပုံမှန် အစည်းအဝေး အောင်မြင်စွာကျင်းပပြီးစီးကြောင်း ကြေညာပါတယ်"

လွှတ်တော်သက်တမ်းဟာ လာမယ့် နှစ် ဇန်နဝါရီမှ ကုန်ဆုံးမှာဖြစ်တဲ့အတွက် လွှတ်တော် ရပ်နားပေမယ့် လွှတ်တော်က ဖွဲ့စည်း ထားတဲ့ ကော်မတီ၊ ကော်မရှင် အစည်းဝေးတွေကနေ ဥပဒေပြုလုပ်ငန်းများ ဆက်လုပ်ဖို့ လွှတ်တော်ဥက္ကဌ သူရဦးရွှေမန်းက တိုက်တွန်းထားပါတယ်။ လာမယ့် ရွေးကောက်ပွဲမှာ တရားမျှတဖို့ အတွက်လည်း လွှတ်တော်ကိုယ်စားလှယ်တွေအနေနဲ့ ကူညီလုပ် ဆောင်ဖို့လည်း တိုက်တွန်းခဲ့ပါတယ်။

"လွတ်လပ်၍တရားမျှတပြီး တရားမျှတပြီး ပွင့်လင်းမြင်သာမှု ရှိအောင် ရွေးကောက်ပွဲကော်မရှင်တွင်သာ တာဝန်ရှိတာ မဟုတ်ဘဲ နိုင်ငံတော် အစိုးရ ဥပဒေပြုအဖွဲ့ တရားစီရင်ရေးအဖွဲ့ ပါတီများ ရွေးကောက်ပွဲဝင် ကိုယ်စားလှယ်လောင်းများနဲ့ ပြည်သူတရပ်လုံးမှာပါ တာဝန်ရှိသည်ဟု ခံယူပြီးဆောင်ရွက်ကြရမှာဖြစ် ပါတယ်။ ရွေးကောက်ပွဲ အကြိုကာလ ရွေးကောက်ပွဲ ကာလ နှင့် ရွေးကောက်ပွဲ အပြီးကာလတွေမှာ နိုင်ငံတော် တည်ငြိမ်အေးချမ်းရေး ရရှိအောင် အားလုံး ပါဝင်ဆောင်ရွက်နေကြရမှာဖြစ်ပါတယ်။ ဒီလို မဆောင်ရွက်နိုင်လျှင် မြန်မာနိုင်ငံ၏ ဒီမိုကရေစီပြုပြင်ပြောင်းလဲရေးကို ထိခိုက်နာကျင်မှု ခံစားရမှာက ပြည်သူများသာဖြစ်ပါလိမ့်မယ်။"

သြဂုတ်လ ၁၈ရက်နေ့က ပြန်လည်ကျင်းပခဲ့တဲ့ ဒီလွှတ်တော် အစည်းအဝေးတွေ တိုင်ခင်မှာ အများက စိတ်ဝင် စားနေကြ တဲ့ ပြည်ခိုင်ဖြိုးခေါင်းဆောင်ပိုင်း အပြောင်းအလဲ ကိစ္စနဲ့ပတ်သက်လို့ လွှတ်တော်တွင်းကိုပါ ဂယက်ရိုက် လာမှာကို လွှတ်တော်ကိုယ်စားလှယ်အချို့ စိုးရိမ်မှုတွေ ဖြစ်ခဲ့ကြပါတယ်။

အာဏာရ ပြည်ခိုင်ဖြိုးပါတီ ဌာနချုပ်မှာ သြဂုတ်လ ၁၂ ရက်နေ့ ညနဲ့ သြဂုတ်လ ၁၃ ရက်နေ့ အဖြစ်အပျက်တွေကြောင့် စိုးရိမ်မကင်း ဖြစ်ခဲ့ကြတာပါ။ လွှတ်တော်ပြန် စစချင်း မှာပဲ ရေဘေးနဲ့ လာမယ့်ရွေးကောက်ပွဲပြင်ဆင်ဖို့ အတွက် ဟုဆိုကာ ပြည်ခိုင်ဖြိုး ပါတီဝင်အချို့က လွှတ်တော်ပုံမှန်အစည်းအဝေးတွေကို ရပ်ဆိုင်းပေးဖို့ ပြည်သူ့လွှတ်တော်နဲ့ အမျိုးသားလွှတ်တော်မှာ အရေးကြီးအဆိုတွေ တင်သွင်းခဲ့ကြပါတယ်။ ဒါပေမယ့် လွှတ်တော်ကို ချက်ချင်း မရပ်နိုင်ကြောင်း ပြည်သူ့လွှတ်တော် ဥက္ကဋ္ဌက အဆိုအပေါ်ချေပခဲ့ပေမယ့် အမျိုးသား လွှတ်တော်ကတော့ အဆိုကိုလက်ခံကာ သြဂုတ် ၁၉ရက်က လုံးဝ ရပ်နားလိုက်ပါတယ်။

ဒီလိုအမျိုးသားလွှတ်တော် ရပ်နားမှုကြောင့် ပြည်သူ့ လွှတ်တော်နဲ့ ပြည်ထောင်စု လွှတ်တော်လည်း အခုလို မြန်မြန်ဆန်ဆန် ရပ်နားလိုက်ရတာဖြစ်တယ်လို့ လွှတ်တော်ကိုယ်စား လှယ်တွေအချို့က သုံးသပ်နေကြပေမယ့် အချို့ကတော့ ရွေးကောက်ပွဲနီးတဲ့အတွက် ရပ်နားတာဖြစ်တယ် လို့မြင်ကြတာဖြစ်ပါတယ်။

ဒီအပေါ် အမျိုးသားဒီမိုကရေစီအဖွဲ့ချုပ်က ပြည်သူ့လွှတ်တော်ကိုယ်စား လှယ် ဦးဝင်းထိန်ကတော့ သူ့အမြင်ကို ခုလိုပြောပါတယ်။

"အမျိုးသားလွှတ်တော်ရပ်ဖို့ ပြည်သူ့လွှတ်တော်ရပ်ဖို့ဆိုတာ ပြည်ခိုင်ဖြိုးလွှတ်တော်ကိုယ်စားလှယ်တွေကတင်တာ။ ပြည်ခိုင်ဖြိုးလွှတ်တော်ကိုယ်စားလှယ်တွေ ဘာကြောင့်တင်ရသလဲဆိုရင်တော့ မှန်းဆကြည့်ရတာ သူတို့ ဥက္ကဌ ဦးဌေးဦးက တင်ခိုင်းလို့ လို့ယူဆရတယ်။ ဦးဌေးဦးကို ဘယ်သူကခိုင်းသလဲဆိုတာက ဒါက နိုင်ငံရေးပြင်ပကနေ စဉ်းစားပြီးမှ အဖြေထုတ် လို့ရတာပေါ့။ ရွေးကောက်ပွဲ နီးပြီဆို ဒီ လွှတ်တော်က ရပ်ကိုရပ်ရတော့မှာ။ သို့သော်လည်းပဲ သူတို့ ဗြုန်းစားကြီး ရပ်စရာ မလိုဘူး"

ပြည်ထောင်စုကြံခိုင်ရေးနဲ့ဖွံ့ဖြိုးရေးပါတီက ပြည်သူ့လွှတ်တော်ကိုယ်စားလှယ် ဦးဝင်းမြင့်ကတော့ လွှတ်တော်နဲ့ပတ်သတ်ပြီး သူ့အမြင်ကို အခုလိုပြောပါတယ်။

"လွှတ်တော် ကိုယ်စားလှယ်ဆိုတာ ကတော့ ပြည်သူက ရွေးချယ် တင် မြှောက် လိုက်တာလေ။ လွှတ်တော်ကိုယ်စားလှယ် ရဲ့ အဓိကတာဝန်ကတော့ ဥပဒေပြုဖို့ပေါ့။ နံပါတ် ၂ က တော့ Check and Balances လုပ်ဖို့ ပေါ့။ Check and Balances လုပ်ဖို့ဆိုတာက မဏ္ဍိုင်ကြီး ၃ ခုကို တခုနဲ့တခု Check and Balances လုပ်ဖို့ပေါ့။ နံပါတ် ၃ ကတော့ ကျနော်တို့ဒေသအတွက် ကျနော်တို့ရွေးချယ်ပေး လိုက်တဲ့ပြည်သူတွေ ကိုယ့်နယ်ဒေသကို ပြန်ပြီးတော့ အကျိုးပြု တဲ့ မေးခွန်းတွေပေါ့လေ ကျနော်တို့ဒီမှာ လုပ်ပေးဖို့ ကျနော်တို့ အများကြီး လုပ်ပေးနိုင်ခဲ့ပါတယ်။ ဥပဒေအနေနဲ့ နံပါတ်တစ် ဥပဒေနဲ့ ပြောရင် လွှတ်တော်ကြီး တစ်ခုလုံးအနေနဲ့ ဥပဒေပေါင်း ၁၈၀ လောက်ပြီးပါတယ်။ တခုလုံးခြုံကြည့်ရင်တော့ ရာနှုန်းပြည့်တော့မပြီးဘူး။ ၈၀ ရာခိုင်နှုန်းလောက်တော့ပြီး တယ်လို့ပြောရတယ်။ ကျေနပ်ပါတယ် ကျနော်တို့"

အခု ကျင်းပခဲ့တဲ့ ပထမအကြိမ် ပြည်သူ့လွှတ်တော်(၁၂)ကြိမ်မြောက် ပုံမှန် အစည်းအဝေးဟာ လွှတ်တော် ကျင်းပခဲ့တဲ့ သက်တမ်း တလျှောက်လုံးမှာ အဆိုများ တင်သွင်းခြင်း နဲ့ ဥပဒေကြမ်းများ စိစစ်ခြင်း တို့အား အများဆုံး ပြုလုပ်ခဲ့တာကြောင့် အစည်း အဝေးကာလ အရှည်ဆုံးဖြစ်ခဲ့ပါတယ်။ ဒီအစည်းအဝေးကျင်းပမှုဟာ ၇လကျော် ကြာမြင့်ခဲ့ပါတယ်။

ဒီအစည်းအဝေးမှာ ကြယ် ပွင့်ပြနဲ့ ကြယ်ပွင့်မပြမေးခွန်း စုစုပေါင်း ၁၇၀၀ ကျော် အနက် ၁၆၀၀ကျော် ဖြေဆိုနိုင်ခဲ့ပါတယ်။ အဆို ၂၅အနက်မှာ အရေး ကြီးအဆိုတခုတင်နိုင်ခဲ့ပါတယ်။ ဥပဒေကြမ်း ၉၀ကျော်မှာ ၈၀ကျော် ဆွေးနွေးနိုင်ခဲ့ပါတယ်။ ပြည်သူ့လွှတ်တော် ကို ၂၀၁၁ ဇန်နဝါရီလ ၃၁ရက်နေ့က စတင်ခေါ်ယူခဲ့တာဖြစ်ပါတယ်။

ထုတ်ပြန်ထားချက်များအရ လွှတ်တော်သက်တမ်း ၅နှစ်အတွင်း ပြင်ဆင်ဖြည့်စွက် အသစ်ရေးနိုင်ခဲ့တဲ့ ဥပဒေပေါင်း ၁၈၀ကျော် ရှိခဲ့တယ်လို့ ဖော်ပြထားပါတယ်။ ပထမအကြိမ် ပြည်သူ့လွှတ်တော် အစည်းအဝေးတွေကို လာမယ့်ရွေးကောက်ပွဲ အပြီး လွှတ်တော်သက်တမ်းသက်တမ်းကုန်ဆုံးမယ့် လာမယ့် နှစ် ဇန်နဝါရီမှာ နောက်ဆုံးထပ်မံခေါ်ယူ ဦးမှာဖြစ်တယ်လို့ လွှတ်တော်အမတ်တွေကပြောပါတယ်။



ကိုမိုးဇော်
27.8.2015

ကရင်ပြည်နယ် ဝန်ကြီးချုပ်နဲ့ ရခိုင်ပြည်နယ် ဝန်ကြီးချုပ်တွေကို တပ်မတော်က အငြိမ်းစား ပေးခဲ့ပြီးနောက် ဝန်ကြီးချုပ် တာဝန်ကပါ အငြိမ်းစား ယူခွင့် ပြုကြောင်း ကြေညာချက်ကို မနေ့ထုတ် သတင်းစာတွေ ဖော်ပြပါတယ်။ သူတို့နှစ်ဦးဟာ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီကနေ ရွေးကောက်ပွဲ ဝင်ဖို့ ရှိနေတာလည်း ဖြစ်ပါတယ်။ ဒီလို တပ်မတော် အရာရှိကြီးတွေကို အငြိမ်းစားပေးပြီး ပြည်ခိုင်ဖြိုး ပါတီမှာ ရွေးကောက်ပွဲ ဝင်နေတဲ့ အခြေ အနေကြောင့် ၂၀၁၅ ရွေးကောက်ပွဲမှာ တပ်မတော်က ကြားနေပါ မလား ဆိုပြီး မေးခွန်းထုတ် တာတွေ ရှိနေပါတယ်။ ဒီအပေါ် အမြင် သဘောထား တွေကို ဗွီအိုအေ မြန်မာပိုင်းက ကိုမိုးဇော်က စုစည်း တင်ပြ ထားပါတယ်။

ကရင်ပြည်နယ် ဝန်ကြီးချုပ် ဦးဇော်မင်းနဲ့ ရခိုင်ပြည်နယ် ဝန်ကြီးချုပ် ဦးမောင်မောင်အုန်း တို့ဟာ တပ်မတော်ကိုယ်စားလှယ် အဖြစ်ကနေ ဝန်ကြီးချုပ် တာဝန်ကို ခန့်အပ်ထားသူတွေ ဖြစ်ပါတယ်။ ၂၀၁၅ ရွေးကောက်ပွဲ နီးကပ်လာချိန်မှာတော့ သူတို့ နှစ်ဦးကို တပ်မတော်နဲ့ ပြည်နယ်ဝန်ကြီးချုပ်တာဝန်ကပါ အငြိမ်းစား ပေးပြီး ပဲခူးတိုင်းဒေသကြီး၊ ကဝမြို့နယ် ပြည်သူ့လွှတ်တော်နဲ့ရခိုင်ပြည်နယ်၊ အမ်းမြို့နယ် အမျိုးသားလွှတ်တော်တွေကနေ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ကိုယ်စားလှယ်လောင်းတွေအဖြစ် ရွေးကောက်ခံဖို့ ရှိနေပါတယ်။

ရခိုင်ပြည်နယ်ဝန်ကြီးချုပ် ဦးမောင်မောင်အုန်းက အခုလိုပြောပါတယ်။

“ကျနော်လည်း အခုဆိုရင်တော့ အမ်းမြို့နယ်၊ ပြည်နယ်လွတ်တော်မှာယှဉ်ပြိုင်ဖို့ အမည်စာရင်းတင်သွင်းထားပါတယ်။ ကျနော် ဒုတိယဝန်ကြီးဘဝက တိုင်းရင်းသားရေးရာတာဝန်တွေ ထမ်းဆောင်ခဲ့ရပါတယ်။ တိုင်းရင်းသားရေးရာ Sub ကော်မတီ ဥက္ကဋ္ဌပါ။ တိုင်းရင်းသားအားလုံးကိုယ်စား ပြည်ထောင်စု လွှတ်တော်၊ ပြည်သူ့လွှတ်တော်မှာ သွားရောက်ဖြေရှင်းဖို့ နိုင်ငံတော်က တာဝန်ပေးခဲ့ပြီးတော့မှ တိုင်းရင်းသားအားလုံးအတွက် ဆောင်ရွက်နေတာကနေ ယနေ့တော့ ရခိုင်အမျိုးသားတခုအတွက်ပဲ အရေးကြီးလို့ ကျနော်တာဝန်ထမ်းဆောင်နေတာပါ။ ရခိုင်ပြည်နယ်ရဲ့ တည်ငြိမ်မှုကတော့ ယနေ့ ပြည်သူတွေပေါ်မှာ မှုတည်နေပါတယ်။ ပြည်သူတွေက တည်ငြိမ်မှုလိုချင်ရင် တည်ငြိမ်မှာပေါ့။ တည်ငြိမ်မှုကို မလိုဘူးဆိုရင်လည်း ယနေ့ Message တည့်တည့်ပဲပြောပါတယ်။ စကားကို လှအောင်မပြောဘူး။ အနာဂတ်က လူထုလက်ထဲမှာရှိတယ်။ ဘာဖြစ်ချင်တာလဲ။ ကျနော်တို့အစိုးရနဲ့ ပူးပေါင်း ဆောင်ရွက်ပါလို့ ကျနော်ဒီလိုပဲ Message ပေးပါတယ်။”

ပြီးခဲ့တဲ့သီတင်းပတ်တွေအတွင်းကလည်း ဗိုလ်ချုပ်ကြီး၊ ဒုတိယဗိုလ်ချုပ်ကြီးအဆင့်ရှိ ထိပ်ပိုင်းခေါင်းဆောင်တွေ အပါအဝင် တပ်မတော်သား လွှတ်တော် ကိုယ်စားလှယ်လောင်း ၆၀ နီးပါး ရွေးကောက်ပွဲဝင်ဖို့ရှိကြောင်း ပြည်ခိုင်ဖြိုးပါတီက သတင်းထုတ်ပြန်ခဲ့ပါတယ်။

ဒီလို တပ်မတေ်ာအရာရှိကြီးတွေ ရွေးကောက်ပွဲဝင်ဖို့ ပြင်ဆင်လာတာဟာ ပြည်ထောင်စုလွှတ်တော်မှာ ပြည်ခိုင်ဖြိုးပါတီက ဦးဆောင်ပြီး ဖွဲ့စည်းပုံ အခြေခံဥပဒေ ပြင်ဆင်ရေး အဆိုတင်သွင်းပြီးချိန်မှာ ဖြစ်ပေါ်လာတာဖြစ်ပါတယ်။ လောလောဆယ် တပ်မတော် ထိပ်ပိုင်း ခေါင်းဆောင်တွေ ရွေးကောက်ပွဲဝင်ဖို့ ပြင်ဆင်လာတဲ့အပေါ်မှာတော့ နိုင်ငံရေးအကျဉ်းသားဟောင်းလည်းဖြစ်၊ သတင်းစာဆရာတဦးလည်းဖြစ်တဲ့ ဦးဇော်သက်ထွေးက အခုလို ပြောပါတယ်။

“ဖွဲ့စည်းပုံအခြေခံဥပဒေပြောင်းလဲဖို့ကြိုးပမ်းနေတဲ့ USDP ထဲက အင်အားစုတချို့က ပါတီရဲ့ထိပ်ပိုင်းနေရာ ဖယ်ရှားခံလိုက်ရပြီးနောက်မှာ တပ်မတော်နဲ့ USDP ပါတီက ပိုပြီးကျောချင်းကပ်သွားပြီလို ကျနော့်အနေနဲ့တွေ့မြင်နေရပါတယ်။ အဲဒီလို ကျောချင်းကပ်သွားတဲ့အခြေအနေမှာ ပါတီကိုယ်စားပြု ဝင်ရောက်ဖို့အတွက် ကိုယ်စားလှယ်တွေရွေးချယ်တဲ့အခါမှာ တပ်မတော်က အငြိမ်းစားယူတဲ့ ဗိုလ်ချုပ်ကြီးတွေ၊ ဒုတိယ ဗိုလ်ချုပ်ကြီးတွေ၊ ဗိုလ်ချုပ်တွေ အတော်များများကို ပါတီ Flag နဲ့ဝင်နိုင်အောင်လို့ ကြိုးပမ်းဆောင်ရွက်ခဲ့တာတွေ့ရတယ်။ အခုဆိုရင် လက်ရှိဝန်ကြီးချုပ်တွေကို အနားယူပြီး ဝင်ခိုင်းတာ၊ နောက် တပ်မတော်က အငြိမ်းစား ဒုတိယဗိုလ်ချုပ်ကြီးတွေ၊ ဗိုလ်ချုပ်တွေကို ဝင်ခိုင်းတာတွေက နောက်လာမယ့် အစိုးရသက်တမ်းမှာ တပ်မတော်က လွမ်းမိုးတဲ့ အုပ်ချုပ်ရေးမဏ္ဍိုင် နဲ့ ဥပဒေပြုရေးမဏ္ဍိုင်ကို ဖြစ်ဖို့ကြိုးစားတဲ့ ကိစ္စတွေပဲလို့ ကျနော့်အနေနဲ့ ယူဆပါတယ်။”

တပ်မတော်အရာရှိကြီး အငြိမ်းစားယူပြီးပြည်ခိုင်ဖြိုးပါတီကနေ ဝင်ရောက်အရွေးခံတာကြောင့် တပ်မတော်က ရွေးကောက်ပွဲမှာ သမာသမတ်ရှိရှိ ကြားနေပါ့မလားဆိုတဲ့ စိုးရိမ်မှုတွေလည်း ရှိလာပါတယ်။

ပြည်ထောင်စုကြံ့ခိုင်ရေးနဲ့ ဖွံဖြိုးရေးပါတီဟာ ၂၀၁၀ ခုနှစ်မှာ တပ်မတော်ကခေါင်းဆောင်တွေ ဦးစီးတည်ထောင်ခဲ့တဲ့ပါတီ ဖြစ်ပါတယ်။ လာမယ့် ရွေးကောက်ပွဲမှာတော့ လက်ရှိ အတိုက်အခံပါတီဘက်က အခြေအနေကို တွက်ဆပြီး အင်အားဖြည့်တဲ့သဘောလို့ ယူဆကြောင်း စာရေးဆရာ ဒေါက်တာခင်မောင်ညိုက ပြောပါတယ်။

“တဘက်က NLD က အင်အားကြီးနေတယ်။ ပြည်သူကလည်း NLD ကို ယုံကြည်တဲ့အချက်လေးတွေက ရှိနေတော့ သူတို့လည်းပြင်ဆင်မှုတွေ အများကြီး ဖြစ်လာစရာအကြောင်းရှိတာပေါ့လေ။”

တပ်မတော်ခေါင်းဆောင်တွေ အခုလို ပါတီနိုင်ငံရေးမှာ ပါဝင်လာတဲ့အပေါ်မှာတော့ -

“တပ်မတော်အုပ်ချုပ်ရေးက တရားမျှတမှုဘက်ကို သွားနိုင်တယ်လို့တော့ မဆိုနိုင်ဘူးပေါ့လေ။ ကျန်တဲ့ဟာကတော့ လျှော့မယ်လို့တော့ ကျနော် မထင်သေးဘူး။ တချို့လူတွေကတော့ သူတို့လက်ထဲကို မရသေးတဲ့ အာဏာတွေကို ဆက်ပြီးတော့ လိုချင်တယ်။ အာနာကနေပြီးတော့ ကျန်တဲ့ စီးပွားရေးကပါ ရယူချင်တဲ့ဆန္ဒတွေနဲ့ တိုးလုပ်မယ်ဆိုရင်တော့ ဆက်ပြီးတော့ တိုင်းပြည်ကြီးက ဒုက္ခရောက်မယ် ထင်ပါတယ်။”

အမျိုးသားဒီမိုကရေစီအင်အားစုပါတီဥက္ကဋ္ဌ ဦးခင်မောင်ဆွေကလည်း ပြည်ခိုင်ဖြိုးပါတီဟာ အရင်ချမှတ်ထားတဲ့ မူဝါဒတွေက ပြောင်းလဲမယ့် အခြေအနေ မရှိကြောင်းလည်း သုံးသပ်ပြောဆိုပါတယ်။

“ကြံ့ခိုင်ဖြိုးပါတီနဲ့ တပ်မတော်သားတွေဟာ ဘောင်းဘီချွတ်ပြီးဝင်ကြတာဟာ ကြံ့ခိုင်ဖြိုးပါတီကို ပြန်ပြီးတော့ သူတို့ မူဝါဒ တည့်မှန်အောင်ဖန်တီးဖို့ ရည်ရွယ်ချက်နဲ့လုပ်တယ်ဆိုတာကို ကျနော်တို့ ထင်သာမြင်သာရှိပါတယ်။”

ဒီလို တပ်မတော်က နိုင်ငံရေးအပေါ်မှာ ဆက်လက်လွှမ်းမိုးမယ့် အခြေအနေတွေကြောင့် လာမယ့်အထွေထွေရွေးကောက်ပွဲဟာ ကြီးမားတဲ့ အပြောင်းအလဲတွေကို ဖော်ဆောင်ဖို့ ခက်ခဲမယ်လို့ သုံးသပ်တာတွေလည်း ရှိနေပါတယ်။ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကတော့ တပ်မတော်ဟာ ရွေးကောက်ပွဲမှာဝင်ရောက်စွက်ဖက်မှာ မဟုတ်ကြောင်းနဲ့ ရွေးကောက်ပွဲရလဒ်ကို အသိအမှတ်ပြုလက်ခံမှာဖြစ်ကြောင်း သတင်းမီဒီယာတွေကနေတဆင့် အာမခံ ပြောဆိုထားပါတယ်။

RFA မြန်မာပိုင်း
26.8.2015

တသီး ပုဂ္ဂလ အနေနဲ့ ရခိုင်ပြည်နယ် ဘူးသီးတောင် မဲဆန္ဒနယ်ကနေ လာမယ့် ရွေးကောက်ပွဲမှာ ယှဉ်ပြိုင်ဖို့အတွက် အမည် စာရင်း တင်သွင်း ထားသူ ဦးရွှေမောင် ကိုမွေးဖွားချိန်က မိဘနှစ်ပါးဟာ နိုင်ငံသား မဖြစ်သေးတဲ့ အတွက် ဆိုပြီး မောင်တောခရိုင် ရွေးကောက်ပွဲ ကော်မရှင် အဖွဲ့ခွဲက ကိုယ်စားလှယ်လောင်း အဖြစ်ကနေ ပယ်ချလိုက်ပါတယ်။

လွန်ခဲ့တဲ့ ၂၀၁၀ ရွေးကောက်ပွဲတုန်းက ဦးရွှေမောင်ဟာ ရခိုင်ပြည်နယ် ဘူးသီးတောင် မြို့နယ်ကနေ ပြည်ခိုင်ဖြိုးပါတီကို ကိုယ်စားပြုပြီး ပြည်သူ့လွှတ်တော်ကနေ ယှဉ်ပြိုင်ခဲ့ရာမှည အနိုင်ရခဲ့ပြီး လက်ရှိပြည်သူ့လွှတ်တော်ကိုယ်စားလှယ်ဖြစ်ပါတယ်။

ဦးရွှေမောင်ကို RFA သတင်းထောက် မရွှေရည်မဉ္ဇူက ဆက်သွယ်မေးမြန်းထားပါတယ်။





အောင်ကိုဦး
26.8.2015

မန္တလေး ။ ။ မန္တလေး ခရိုင် ရွေးကောက်ပွဲ ကော်မရှင်က ကိုယ်စားလှယ်လောင်း အဖြစ် ပယ်ချခဲ့သည့် အမျိုးသား ဒီမိုကရေစီ အဖွဲ့ချုပ် (NLD) လွှတ်တော် ကိုယ်စားလှယ်လောင်း ဒေါက်တာ ၀င်းမြင့် ကကော်မရှင်သို့ ထပ်မံ အယူခံ ၀င်ခဲ့ရာ ပယ်ချခံ ခဲ့ရသည်ဟု မန္တလေးတိုင်း ဒေသကြီး ရွေးကောက်ပွဲ ကော်မရှင် အဖွဲ့ခွဲမှ ရွေးကောက်ပွဲ အရာရှိ ဦးကျော်ကျော်က မဇ္ဈိမ ကိုပြောသည်။

ဒေါက်တာ ၀င်းမြင့်ကို တိုင်းဒေကြီးရွေးကောက်ပွဲ ကော်မတီက သြဂုတ်လ ၂၆ ရက်တွင် ပယ်ချ ခဲ့ခြင်းဖြစ် သည်ဟုလည်း ဦးကျော်ကျော် က မဇ္ဈိမ ကိုပြောသည်။ ဦးကျော်ကျော် က “ဘယ်လိုမှလက်ခံ လို့မရပါဘူး။ တိုင်းအဆင့်က နောက်ဆုံးအယူခံပဲ။ ဘယ်မှထပ်တက်လို့ မရတော့ပါဘူး။ “ဟု ပြောသည်။

မန္တလေးတိုင်းဒေသကြီး လွှတ်တော်ကိုယ်စားလှယ်လောင်း ဒေါက်တာဝင်းမြင့်အား မန္တလေးခရိုင် ရွေးကောက်ပွဲ ကော်မရှင်က သြဂုတ် ၁၈ ရက်တွင် ရွေးကောက်ပွဲဆိုင်ရာ ဥပဒေ ၁၀(င)ဖြင့်ငြိသည် ဟုဆိုကာပယ်ချလိုက်ခြင်းဖြစ်သည်။

အဆိုပါ ဥပဒေတွင် မွေးဖွားစဉ်က နိုင်ငံသား မဖြစ်သေးသော မိဘ တစ်ပါးပါးမှ ဖြစ်စေ၊ နှစ်ပါးလုံးမှ ဖြစ်စေ မွေးဖွားသည့် နိုင်ငံသားသည် ရွေးကောက်ပွဲတွင် ရွေးကောက် တင်မြှောက်ခံရခြင်း မရှိစေရဟု ပါဝင်သည်။

ပယ်ချခံထားရသည့် NLD တိုင်းဒေသကြီးလွှတ်တော်ကိုယ်စားလှယ်လောင်း ဒေါက်တာဝင်းမြင့်၏ ရှေ့နေ ၊ တရားလွှတ်တော်ရှေ့နေ တော်ဝင် ဦးခင်မောင်သန်း က “ဘာကိုနားလည်ရမှန်း မသိ တော့ဘူး။ ဒီအတိုင်းဆို သူတို့ပြဌာန်းထားတဲ့ ၂၀၀၈ ခုနှစ်ဖွဲ့စည်းပုံ က မြောင်းထဲသွားတော့ပဲ။ “ဟု ပြောသည်။

ဖွဲ့စည်းပုံ အခြေခံ ဥပဒေ အခန်း (၈ ) ၊ ပုဒ်မ ၃၄၅ တွင် ဖွဲ့စည်းပုံ အခြေခံဥပဒေ အတည်ပြု ပြဌာန်းသည့်နေ့တွင် နိုင်ငံသားဖြစ်ပြီးသူသည် ပြည်ထောင်စု မြန်မာနိုင်ငံတော်၏ နိုင်ငံသားများ ဖြစ်ကြသည်ဟု ပါဝင်သည်။

ထိုသို့ကိုယ်စားလှယ်လောင်းအား ပယ်ချရန်မှာ နိုင်ငံတော်ဖွဲ့စည်းပုံ အခြေခံဥပဒေ ခုံရုံးကသာလျှင် အဖြေထုတ်ခွင့်ရှိသောကြောင့် ဖွဲ့စည်းပုံ အခြေခံဥပဒေခုံရုံးသို့ ဆက်လက်တင်သွားမည်ဟု ဦးခင်မောင်သန်းက ဆိုသည်။

မန္တလေးမြို့မှ အသက် ၇၈ နှစ်အရွယ်ရှိ သမိုင်းသုတေသီ ဦးအောင်ကျော်မိုး က “ဖွဲ့စည်းပုံက သပ်သပ် ရွေးကောက်ပွဲဥပဒေက သပ်သပ် ခွဲခြားသွားလို့မရဘူး။ ဒီလိုတွေ ဥပဒေကို တစ်မျိုးစီနဲ့ အမျိုးမျိုး လုပ်နေမယ်ဆိုရင်တော့ ရွေးကောက်ပွဲ ပိုပြီးစဉ်းစားစရာတွေဖြစ်နေလိမ့်မယ်။ “ဟု သုံးသပ် ပြောဆိုသည်။

မန္တလေးတိုင်းပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ အမည်မလိုသည့် တိုင်းပါတီဝင် တစ်ဦးကမူ “ကျွန်တော်တို့ပါတီက ပါလာရင်လည်း အခုလိုအပယ်ခံရမှာပဲ။ ဥပဒေကရှိနေတယ်လေ။ ဥပဒေ ကိုကျော်လို့တော့ မရဘူး။ “ဟုပြောသည်။

ကိုယ်စားလှယ်လောင်းပယ်ချခံရသည်နှင့်ပတ်သက်၍ မန္တလေးတိုင်းဒေသကြီး NLD အဖွဲ့ချုပ်မှ တစ်စုံတစ်ရာ သုံးသပ်လိုခြင်း မရှိဟု တာဝန်ရှိသူ တစ်ဦးက ဆိုသည်။



မဇ္ဈိမ/DMG
26.8.2015

ရခိုင်ပြည်နယ် ဝန်ကြီးချုပ် နေရာ ပြည်နယ် စီးပွား / စီမံဝန်ကြီး ဦးမြအောင်ကို ခန့်အပ်

စစ်တွေ ။ ။ အငြိမ်းစား ယူသွားသော ရခိုင်ပြည်နယ် ဝန်ကြီးချုပ် ဦးမောင်မောင်အုန်း နေရာတွင် ခေတ္တ ဝန်ကြီးချုပ် အဖြစ် စီးပွားရေး/ စီမံကိန်း ပြည်နယ် ဝန်ကြီး ဦးမြအောင်က တာဝန်ယူ သွားမည် ဖြစ်ကြောင်း ရခိုင်ပြည်နယ် အစိုးရအဖွဲ့ သတင်းနှင့် ပြန်ကြားရေး အဖွဲ့ဝင် ဦးလှသိန်းက ပြောကြားသည်။

ဝန်ကြီးချုပ် တစ်ဦးကို လတ်တလော ရွေးချယ် ခန့်အပ်မည် ဆိုပါက ပြည်နယ် လွှတ်တော် ခေါ်ရပါမည်ပြီး အစိုးရ သက်တမ်း မှာလည်း သိပ်မကျန်တော့သည့် အတွက် ခေတ္တ ဝန်ကြီးချုပ် အဖြစ်သာ တာဝန်ယူပါက လွှတ်တော်ခေါ်ရန် မလိုအပ်တော့ကြောင်း ဦးလှသိန်းက ရှင်းပြသည်။

ရခိုင်ပြည်နယ် တပ်မတော်သား လွှတ်တော်ကိုယ်စားလှယ် ဗိုလ်ချုပ် မောင်မောင်အုန်းကို ၂၀၁၄ ခုနှစ် ဇူလိုင်လ ၁ ရက်နေ့က ရခိုင်ပြည်နယ် ဝန်ကြီးချုပ်အဖြစ် နိုင်ငံတော်သမ္မတမှ တိုက်ရိုက်ခန့်အပ်ခဲ့ပြီး ဦးမောင်မောင်အုန်းသည် သြဂုတ်လ ၂၅ ရက်တွင် ဝန်ကြီးချုပ် တာဝန်မှ အငြိမ်းစားယူလိုက်ပြီ ဖြစ်ကြောင်း နိုင်ငံတော် သမ္မတရုံးက သတင်းထုတ်ပြန်လိုက်သည်။

ပြည်နယ်ဝန်ကြီးချုပ်(ငြိမ်း) ဦးမောင်မောင်အုန်းသည် အငြိမ်းစားယူခဲ့ပြီး ၂၀၁၅ ရွေးကောက်ပွဲတွင် ရခိုင်ပြည်နယ်၊ အမ်းမြို့နယ် မဲဆန္ဒနယ် အမှတ်(၁)မှ ပြည်နယ်လွှတ်တော် ကိုယ်စားလှယ်အဖြစ် အရွေးခံရန် သက်ဆိုင်ရာ ရွေးချယ် တင်မြှောက်ရေးဆိုင်ရာ ဥပဒေများနှင့်အညီ အမည်စာရင်း တင်သွင်းထားပြီးဖြစ်ကြောင်းလည်း သိရသည်။


မခင်ဖြူထွေး
25.8.2015

ပြီးခဲ့တဲ့ မေလက မြန်မာ့ ရေပိုင်နက် တွင်းမှာ ရှာဖွေ တွေ့ရှိ ကယ်တင် ထားခဲ့တဲ့ တရားမ၀င် လှေစီးပြေး ၀င်ရောက်သူ တွေထဲက အယောက် ၁၀၀ ကျော်ကို ဘင်္ဂလားဒေ့ရှ် နိုင်ငံသားတွေ ဟုတ် မဟုတ် ဆိုတာ စိစစ်ပြီး ဒီကနေ့ပဲ ဘင်္ဂလားဒေ့ရှ် အာဏာပိုင် တွေထံ လွှဲပြောင်းပေး လိုက်ပါတယ်။

နောက်ထပ် ကျန်နေတဲ့လူ ၁၀၀ ကျော်ကိုလည်း စိစစ်နေပြီး ထပ်မံ လွှဲပြောင်းပေးသွားမယ့်အကြောင်း ဘင်္ဂလားဒေ့ရှ်-မြန်မာ နယ်ခြားစောင့်အဖွဲ့က တာဝန်ရှိသူတဦးက ပြောပါတယ်။ ဆက်သွယ် မေးမြန်းထားတဲ့ မခင်ဖြူထွေးက ပြောပြပါမယ်။

ပြီးခဲ့တဲ့ မေလတုန်းက မြန်မာနိုင်ငံ ရေပိုင်နက်တွင်းမှာ လှေစီး ရွှေ့ပြောင်း ၀င်ရောက်သူ ရာနဲ့ချီကို နှစ်ကြိမ် ရှာဖွေ တွေ့ရှိခဲ့ပြီးတဲ့နောက် မြန်မာနိုင်ငံသား မဟုတ်သူတွေကို စိစစ်ပြီး သူတို့ရဲ့ နေရပ်ရင်း တိုင်းပြည်ကို ပြန်ပို့ပေးနေတာ ဖြစ်ပါတယ်။ လှေစီးပြေး ၀င်ရောက်သူ အများစုဟာ ဘင်္ဂလားဒေ့ရ်ှနိုင်ငံက လာသူတွေ ဖြစ်တာမို့ ဘင်္ဂလားဒေ့ရ်ှအစိုးရနဲ့ ပူးပေါင်းပြီး နေရပ်ရင်း ပြန်ပို့မှုတွေကို စီစဉ်ဆောင်ရွက် နေတာမှာ ဒီကနေ့ အင်္ဂါနေ့မှာတော့ နောက်ထပ် ဘင်္ဂလားဒေ့ရ်ှနိုင်ငံသား ၁၂၅ ယောက်ကို ဘင်္ဂလားဒေ့ရှ် အာဏာပိုင်တွေထံ လွှဲပြောင်း ပေးလိုက်တဲ့အကြောင်း မြန်မာ-ဘင်္ဂလားဒေ့ရှ် နယ်ခြားစောင့် အထူးတပ်ဖွဲ့ ရဲမှူးကြီး မျိုးဆွေက ဗွီအိုအေကို ပြောပါတယ်။

“ဟုတ်ကဲ့။ ပို့လိုက်ပါပြီခင်ဗျ။ ဟိုဟာ ၁၂၅ ယောက် လွှဲလိုက်ပါတယ်ခင်ဗျ။ အားလုံး။”

ဒီမတိုင်ခင်ကတော့ ပြီးခဲ့တဲ့ ဇွန်လထဲမှာ နှစ်ကြိမ်၊ ဇူလိုင်နဲ့ သြဂုတ်လတွေမှာ တကြိမ်စီနဲ့ စုစုပေါင်း လေးကြိမ် ပြန်ပို့ခဲ့သလို၊ လှေစီးပြေး ၅၀၀ ကျော်ကို မြန်မာနိုင်ငံကနေ ဘင်္ဂလာ့ဒေ့ရှ် နိုင်ငံဘက်ကို လွှဲပြောင်းပေးခဲ့ပြီး ဖြစ်ပါတယ်။ အခုနောက်ဆုံး စိစစ်ဆဲ လူ ၁၀၀ ကျော်သာ ကျန်တော့ပြီး ဒီလူတွေ နေရပ်ပြန်ပို့နိုင်ဖို့ကိုလည်း ဘင်္ဂလားဒေ့ရှ် အာဏာပိုင်တွေနဲ့ ပူးပေါင်း ဆောင်ရွက်နေတဲ့အကြောင်း ရဲမှူးကြီး မျိုးဆွေက ပြောပါတယ်။

“လက်ရှိ ကျန်တာက ၁၀၁ ယောက် ကျန်ပါတယ်။ အဲဒီမှာ အမျိုးသမီးနဲ့ ကလေးက ၁၈ ယောက် ပါပါတယ် ခင်ဗျ။ သူတို့ကတော့ စိစစ်ပြီးတော့ လက်ခံပေးမယ်လို့ ပြောသွားပါတယ်။ စိစစ်တာ မပြီးသေးလို့ပါ။ သူတို့က သူတို့ရဲ့ ဇာတိ၊ သူတို့ရဲ့ ရပ်ရွာတွေမှာ နေထိုင်သူတွေ မှန်သလား ဆိုတာ စိစစ်ပြီး အဲဒါတွေ ရှာနေတာပါ။ ပြီးရင် လက်ခံပေးသွားမယ်လို့ ပြောပါတယ်။”

ပြီးခဲ့တဲ့ မေလ ၂၂ ရက်နေ့က ရခိုင်ကမ်းလွန် ပင်လယ်ပြင်မှာ လှေစီးပြေး ၂၀၈ ယောက်ကို မြန်မာရေတပ်က တွေ့ရှိ ကယ်တင်ခဲ့ပြီး၊ အဲဒီနောက် ဧရာဝတီတိုင်း ဟိုင်းကြီးကျွန်းအနီးမှာ နောက်ထပ် ၇၀၀ ကျော်ကို တွေ့ရှိခဲ့တာဖြစ်ပါတယ်။ သူတို့ကို ရခိုင်ပြည်နယ် တောင်ပြို လက်ဝဲစခန်းမှာ ထိန်းသိမ်း စောင့်ရှောက်ထားခဲ့တာ ဖြစ်ပါတယ်။ ဒီလှေစီးပြေးသူတွေထဲမှာ ပါတဲ့ မြန်မာနိုင်ငံသား ၂၀၀ နီးပါးကိုတော့ ပြီးခဲ့တဲ့ ဇွန်လထဲမှာ ရခိုင်ပြည်နယ် မောင်တော၊ ဘူးသီးတောင်၊ စစ်တွေ၊ ပေါက်တော စတဲ့ သူတို့ မူရင်းနေထိုင်ရာ အရပ်တွေဆီကို သက်ဆိုင်ရာကနေ ပြန်လည် ပို့ပေးခဲ့ပါတယ်။

တိုင်းပြည်တွင်း ဆင်းရဲနွမ်းပါးမှုနဲ့ ဖိနှိပ်ခံရမှု အခြေအနေတွေကြောင့် အခုလို လှေစီးပြေးသူတွေဟာ နေရပ်ကိုစွန့်ပြီး အရှေ့တောင်အာရှဒေသမှာ စီးပွားရေး အခွင့်အလမ်း ပိုမိုကောင်းမွန်တဲ့ မလေးရှား၊ အင်ဒိုနီးရှားနဲ့ ထိုင်း နိုင်ငံတွေကို သွားရောက်ဖို့ ကြိုးစားကြသလို၊ မကြာခဏ ဆိုသလိုပဲ သူတို့ဟာ လူမှောင်ခိုကူးသူတွေရဲ့ သားကောင်တွေ ဖြစ်လေ့ရှိပါတယ်။ ဒီလှေစီးပြေးတွေဟာ များသောအားဖြင့် ထိုင်းနိုင်ငံမှာ တထောက်နားပြီးတော့မှ အဲဒီကနေတဆင့် တခြား တတိယနိုင်ငံတွေကို သွားလေ့ရှိကြတာပါ။ ဒါပေမဲ့ နောက်ပိုင်း ထိုင်းအစိုးရက လူမှောင်ခိုကူးမှု လုပ်ငန်းတွေကို ထိုင်းနိုင်ငံတွင်း ပြင်းပြင်းထန်ထန် နှိမ်နင်းမှုတွေ လုပ်လာခဲ့ပြီးတဲ့နောက်မှာတော့ မြန်မာ့ရေပိုင်နက်ထဲ ဖြတ်သန်း သွားလာမှုတွေ ပိုရှိလာခဲ့တာ ဖြစ်ပါတယ်။



မသိင်္ဂီထိုက်
25.8.2015

အပြီးသတ် မဲဆန္ဒရှင် စာရင်းတွေကို လာမယ့် စက်တင်ဘာလ ထဲမှာ ထုတ်ပြန် နိုင်မယ်လို့ ပြည်ထောင်စု ရွေးကောက်ပွဲ ကော်မရှင်က အတည်ပြု ပြောဆိုပါတယ်။ မူလက သြဂုတ်လကုန်ပိုင်းမှာ အတည်ပြု မဲစာရင်းတွေကို ထုတ်ပြန်ဖို့ လျာထားပေမဲ့ မဲစာရင်း ပြုစုမှုတွေ မပြီးပြတ်သေး တာကြောင့် ထုတ်ပြန်မယ့်ရက် နောက်ဆုတ် လိုက်ရတာ ဖြစ်ပါတယ်။

နိုင်ငံတ၀ှမ်း ရေဘေးကြောင့် မဲစာရင်း ပြုစုမှုတွေမှာရော မဲစာရင်း စိစစ်မှုတွေပါ ပိုပြီး အချိန်ယူ လုပ်ဆောင်နေကြရတဲ့ အခြေအနေတွေကိုတော့ မသိင်္ဂီထိုက် က စုစည်း တင်ပြထားပါတယ်။

ပြည်ထောင်စု ရွေးကောက်ပွဲ ကော်မရှင်က အတည်ပြု မဲစာရင်းတွေကို မူလက သြဂုတ်လ ကုန်ပိုင်းမှာ အသိပေး ထုတ်ပြန်မယ်လုိ့ ဒီလ ၄ ရက်နေ့က ကြေညာခဲ့ပေမဲ့ အခုတော့ နောက်လ စက်တင်ဘာလထဲမှာမှ ထုတ်ပြန်နိုင်မှာ ဖြစ်တယ်လို့ ပြည်ထောင်စု ရွေးကောက်ပွဲ ကော်မရှင်က အတည်ပြုပါတယ်။ နိုင်ငံတ၀ှမ်း ရေဘေးသင့်ခဲ့ကြသူ အတော်များများက မဲပေးခွင့် ရဖို့ အတွက် အရေးကြီးတဲ့ နိုင်ငံသားစိစစ်ရေး ကတ်ပြားတွေနဲ့ အိမ်ထောင်စု စာရင်းတွေ ပျောက်ဆုံး ပျက်ဆီးခဲ့ကြရသလို ရေဘေးဆိုးဆိုးရွားရွား သင့်ခဲ့ပြီး အရေးပေါ် ကြေညာခဲ့ရတဲ့ စစ်ကိုင်းတိုင်း အတွင်းမှာလည်း မဲစာရင်း စိစစ်မှုတွေမှာ အခက်အခဲ တချို့ ရှိခဲ့တယ်လို့ စစ်ကိုင်းတိုင်း ရွေးကောက်ပွဲ ကော်မရှင် ဥက္ကဌ ဦးတင်ဦးက ပြောပါတယ်။

“ပြီးခဲ့တဲ့နေရာကတော့ စောစောပိုင်းကတော့ ယင်းမာပင်ခရိုင်ထဲမှာ ကနီ တို့ဘာတို့မှာ ကျေးရွာအုပ်စု ၅ အုပ်စုလောက် နည်းနည်း အခက်အခဲ ရှိတာပေါ့။ ကလေးမှာလည်း ၈ အုပ်စု၊ ၁၀ အုပ်စုလောက်တော့ အခက်အခဲရှိတယ်။ ဒါပေမဲ့ အခုတော့ အဆင်ပြေသွားပါပြီ၊ စာရင်းတွေ အားလုံးရပါတယ်။ ကျနော်တို့က ပထမတော့ လကုန်အပြီး၊ ပစ်မှတ်ထားပြီး လုပ်နေတာပေါ့နော်။ လုပ်နေတော့ ခုနပြောတဲ့ ကလေးတို့၊ ဘာတို့တော့ နည်းနည်းလေး အခက်အခဲရှိတော့ သူတို့ကတော့ ပထမတော့ နည်းနည်းလေး နောက်ကျမယ်။ ဒါပေမဲ့ ကျနော်ထင်ပါတယ်၊ လကုန်ရက်ပိုင်းလောက်တော့ ပြီးကောင်းပြီးသွားပါလိမ့်မယ်။ ကျနော်တို့ စာရင်းယူထားတာက စောစောပိုင်းကတည်းက ယူထားတာလေ။ မဲဆန္ဒအခြေခံစာရင်းကလည်း စောစောရထားတယ်။ နောက်ထပ် အဲဒီမှာ ကျန်ခဲ့တဲ့ စာရင်းတွေကလည်း စောစောပိုင်းက ယူထားတာဆိုတော့၊ ရေမကြီးခင်က ယူထားတဲ့ စာရင်းတွေဆိုတော့ ပြဿနာ မရှိပါဘူး။”

ပြည်ထောင်စု ရွေးကောက်ပွဲ ကော်မရှင်က ထုတ်ပြန်ထားတဲ့ အခြေခံ မဲဆန္ဒရှင် စာရင်းမှာလည်း ဆိုးဆိုးရွားရွား မှားယွင်းမှုတွေကြောင့် အမျိုးသား ဒီမိုကရေစီ အဖွဲ့ချုပ် NLD ပါတီက လုပ်ဆောင်နေတဲ့ နိုင်ငံတ၀ှမ်း မဲစာရင်းစိစစ်ရေး လုပ်ငန်းတွေဟာလည်း ရေဘေးကြောင့် နှောင့်နှေးခဲ့ရပေမဲ့ ဆက်ပြီး လုပ်ဆောင်နေတယ်လို့ NLD ဗဟိုအလုပ်အမှုဆောင် တဦးဖြစ်တဲ့ ဦးထွန်းထွန်းဟိန် က ပြောပါတယ်။

“ဟုတ်တယ်၊ ကျနော်တို့ မဲစာရင်း စိစစ်တာတော့ လုပ်ပါတယ်ခင်ဗျ၊ လုပ်နေတုန်းပါပဲ။ သဘာဝဘေးအန္တရာယ် ဖြစ်လာတဲ့အခါကျတော့ အဲဒီနေရာတွေမှာက မဲစာရင်းတွေက ကျနော်တို့က တချို့စစ်ဆေးပြီးသား နယ်တွေပေါ့ခင်ဗျာ။ စစ်ဆေးပြီးသား နယ်တွေမှာပဲ ရေကြီးတာတွေ၊ ဘာတွေ ဖြစ်သွားတော့ သူတို့က ဘာဖြစ်သွားလဲဆိုတော့ ဒုက္ခသည်စခန်းတွေ ရောက်သွားကြတာပေါ့နော်။ ရွေးကောက်ပွဲ ကော်မရှင်နဲ့ ကျနော်တို့ အဆင်ပြေပါတယ်ခင်ဗျ၊ တတ်နိုင်သလောက်ပေါ့လေ၊ သူတို့လည်း တတ်နိုင်သလောက်တော့ ကူညီပါတယ်ခင်ဗျ၊ မဲစာရင်းစိစစ်တာကို။”

နိုင်ငံတ၀ှမ်း ပြည်နယ်နဲ့ တိုင်းဒေသကြီး ၁၂ ခုတို့မှာ ၂ လ နီးပါးကြာ ကြုံတွေ့ခဲ့ရတဲ့ ရေဘေးကြောင့် မှတ်ပုံတင် အထောက်အထားတွေ ပျောက်ဆုံး ပျက်စီးခဲ့ရသူ ဘေးသင့်ပြည်သူ ၁ သန်းခွဲကျော်အတွက် ရွေးကောက်ပွဲ မကျင်းပမီ သီတင်းတပတ် အလိုလောက်မှာ မဲဆန္ဒရှင် သက်သေခံ လက်မှတ်တွေကို ရပ်ကွက်၊ ကျေးရွာ ရွေးကောက်ပွဲ ကော်မရှင်တွေထံက ထုတ်ယူပြီး မဲပေးနိုင်တယ်လို့လည်း ပြည်ထောင်စု ရွေးကောက်ပွဲ ကော်မရှင်က အသိပေးထားပါတယ်။



MYARF
RB News
25.8.2015

မောင်တော ။ ။ ရခိုင်ပြည်နယ်၊ မောင်တော မြို့နယ်တွင် နယ်ခြားစောင့် ရဲတပ်ဖွဲ့၊ စစ်တပ်နှင့် မ.က.ဖ တို့က ရိုဟင်ဂျာများ၏ နေအိမ်များကို ရှောင်တခင် စစ်ဆေး၍ မတရားသဖြင့် ညှဉ်းပန်း နှိပ်စက် ငွေညှစ်ခြင်းများ ပြုလုပ်ပြီး အစိမ်းနုရောင်ကဒ်ကို လက်ခံလာအောင် ပြုလုပ်နေကြောင်း သတင်း ရရှိပါသည်။ 

သြဂုတ်လ (၂၂) ရက်နေ့ ညပိုင်းတွင် မောင်တော မြို့နယ် တောင်ပိုင်း၊ အမှတ် (၇) နယ်မြေ၊ အလယ်သံကျော် စခန်းမှ နယ်ခြားစောင့် ရဲများနှင့် မ.က.ဖ (၅၀) ဦးခန့် တို့သည် အလယ်သံကျော် ကျေးရွာ အုပ်စု၊ ဈေးကုန်တန်းရွာသို့ သွားရောက်ပြီး ရိုဟင်ဂျာအိမ် များကို ရှောင်တခင် ၀င်ရောက် စစ်ဆေးခဲ့သည်။ မည်သည့် အိမ်တွင်မှ တရားမ၀င် ပစ္စည်း တစ်စုံတစ်ရာ မတွေ့ရှိခဲ့ပေ။ 

ကွယ်လွန်သူ မော်လ၀ီ ဆော်ယာဒ်ကာဆိမ်း၏ နေအိမ်သို့ နယ်ခြားစောင့်ရဲ (၅) ဦး ၀င်ရောက် ရှာဖွေပြီး အပြစ်ပေးရန် တစ်စုံတစ်ရာ ရှာမတွေ့သည့် အခါ နယ်ခြားစောင့် ရဲတစ်ဦးက မော်လ၀ီ ဆော်ယာဒ်ကာဆိမ်း၏ အသက် ၁၄ နှစ် အရွယ်သား ရီယာဇူ၏ အင်္ကျီအိတ်ထဲသို့ ဘင်္ဂလား တာကာငွေ ၁၀ တန် တစ်ရွက်ထည့်ပေးကာ ဘင်္ဂလားငွေ မိသည်ဟု လုပ်ကြံ၍ ခြိမ်းခြောက်ပြီး ငွေကျပ် ၅ သောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။

သြဂုတ်လ (၁၉) ရက်နေ့ ညပိုင်းတွင် မောင်တော မြို့နယ် တောင်ပိုင်း၊ အမှတ် (၇) နယ်မြေ၊ စခန်း ၁၅ (မန်ကျည်းချောင်း စခန်း) နှင့် ဂေါ်ဒူသာရ တံတား ကင်းစခန်းမှ နယ်ခြားစောင့် ရဲများ၊ မ.က.ဖ များ၊ မောရ၀တီ စခန်းမှ စစ်သားများသည် ဇော်မတက် ကျေးရွာအုပ်စု၊ လာမ်ဘာဇဂုံနားရွာသို့ သွားရောက်၍ စစ်ဆေးကာ ဒေသခံ ရွာသား (၄) ဦးကို ဘင်္ဂလား ဆင်းမ်ကဒ် မိသည်ဟု ဆို၍ ဖမ်းဆီးကာ မန်ကျည်းချောင်း စခန်း၌ ချုပ်နှောင် ထားသည်။ 

သြဂုတ်လ (၂၀) ရက်နေ့ ညပိုင်းတွင်လည်း အဆိုပါ နယ်ခြားစောင့် ရဲများ၊ စစ်သားများသည် ဂေါ်ဒူသာရ ကျေးရွာသို့ ၀င်ရောက် စစ်ဆေးကာ ဘင်္ဂလား ဖုန်းမိသည်ဟု ဆိုကာ ဒေသခံ ရွာသား ၅ ဦးကို ဖမ်းဆီး၍ နှစ်ဦးထံမှ ငွေညှစ်ပြီး ပြန်လည် လွှတ်ပေးခဲ့သော်လည်း ကျန် ၃ ဦးကို မန်ကျည်းချောင်း စခန်း၌ ချုပ်နှောင် ထားသည်။ 

သြဂုတ်လ (၂၁) ရက်နေ့ ညပိုင်းတွင် မောင်တော မြို့နယ် မြောက်ပိုင်း အမှတ် (၆) နယ်မြေ ကျောက်လှေကား စခန်းမှ နယ်ခြားစောင့် ရဲများနှင့် မ.က.ဖ များသည် မင်္ဂလာကြီး ကျေးရွာသို့ ၀င်ရောက်၍ တစ်ရွာလုံး စစ်ဆေးခဲ့သည်။ သို့သော် တရားမ၀င် ပစ္စည်း တစ်စုံတစ်ရာ မတွေ့ရှိသလို၊ အဖမ်းဆီးလည်း မပြုလုပ်ခဲ့ကြောင်း သိရသည်။ 

ယခုကဲ့သို့ မကြာခဏ အကြောင်းမဲ့ စစ်ဆေး နှောက်ယှက်၍ ငွေညှစ်နေခြင်းမှာ ရိုဟင်ဂျာများ လက်မခံသော အစိမ်းနုရောင်ကဒ်ကို အတင်းအဓမ္မ လက်ခံစေလိုသော ရည်ရွယ်ချက်ဖြင့် ပြုလုပ်လျက် ရှိသည်ဟု ဒေသခံများက ပြောပါသည်။ သို့သော်လည်း မည်သို့ပင် နှောက်ယှက် ညှင်းပန်း နှိပ်စက်သည် ဖြစ်စေ ယင်းအစိမ်းနုရောင်ကဒ်ကို လက်ခံမှာ မဟုတ်ကြောင်း ဒေသခံ ရိုဟင်ဂျာများက အခိုင်အမာ ပြောဆိုလျက် ရှိကြသည်။

(ဓါတ်ပုံ - သီတဂူစတား Facebook)


MYARF
RB News
25.8.2015

မောင်တော ။ ။ သီတဂူ ဆရာတော်သည် ရခိုင်ပြည်နယ်၊ မောင်တောမြို့မှ ရေဘေးသင့် ဒုက္ခသည်များကို ကူညီရန် အတွက် သြဂုတ်လ (၂၄) ရက်နေ့က ရခိုင်ပြည်နယ် ၀န်ကြီးချုပ် ဦးမောင်မောင်အုန်းနှင့် အတူ မောင်တောမြို့သို့ ရောက်ရှိခဲ့သည်။

သီတဂူ ဆရာတော် မကြွရောက်မှီ မောင်တောမြို့နယ် အုပ်ချုပ်ရေးမှူးက ဆန်အိတ် ၃၀၀၊ Family Kits ၊ ရေသန့်ဘူးများ၊ ခေါက်ဆွဲထုတ်များ၊ ဘီစကွတ်မုန့်များ၊ အိုးခွက် စသည့် ကယ်ဆယ်ရေး ပစ္စည်းများကို မြို့မကညင်တန်းရှိ ကယ်ဆယ်ရေး ရုံးမှ ထုတ်ယူပြီး မြို့သူကြီး ကျေးရွာရှိ စာသင်ကျောင်းတွင် သြဂုတ်လ (၂၃) ရက်နေ့က စုစည်းထားခဲ့သည်။ 

သြဂုတ်လ (၂၄) ရက်နေ့တွင် ရခိုင်ပြည်နယ် ၀န်ကြီးချုပ် ဦးမောင်မောင်အုန်းနှင့် အတူ သီတဂူဆရာတော်တို့ မောင်တောမြို့သို့ ရောက်ရှိလာပြီး၊ မောင်တော ခရိုင် အုပ်ချုပ်ရေးမှူး၊ မြို့နယ် အုပ်ချုပ်ရေးမှူးနှင့် သံဃာတော်များနှင့် အတူ မြို့သူကြီး ကျေးရွာသို့ သွားရောက်ပြီး၊ ယင်းကျေးရွာ အစ္စလာမ် ဘာသာရေး ဆရာ မော်လ၀ီများနှင့် ရေဘေးသင့် ပြည်သူများကို ခေါ်ယူကာ အစည်းအဝေး တစ်ရပ် ကျင်းပခဲ့သည်။ 

အဆိုပါ အစည်းအဝေးတွင် ရခိုင်ပြည်နယ် ၀န်ကြီးချုပ်က မြို့နယ်အုပ်ချုပ်ရေးမှူး စုစည်းထားသည့် ကယ်ဆယ်ရေး ပစ္စည်းများမှာ အစည်းအဝေး တက်ရောက်လာသည့် ရေဘေးသင့် ပြည်သူများကို ထောက်ပံ့ရန် အတွက် သီတဂူ ဆရာတော်မှ ယူလာသည့် ပစ္စည်းများ ဖြစ်သည်ဟု ပြောကြားခဲ့သည်။ 

ထို့နောက် မော်လ၀ီ ငါးပါးကို ကျောင်းထဲသို့ ခေါ်သွင်းကာ သံဃာတော်များနှင့် မျက်နှာချင်းဆိုင် ထိုင်စေပြီး လက်ဆွဲ နှုတ်ဆက် စေခဲ့သည်။ ထို့နောက် သံဃာတော်များက ဆန် နှစ်ပြည်ခွဲစီ ပါသော အထုတ် တစ်ထုတ်စီကို မော်လ၀ီ ငါးပါးကို ကမ်းပေးခဲ့သည်။ 

အခမ်းအနားကို နေ့လည် ၁း၁၅ မိနစ်တွင် ရုတ်သိမ်းခဲ့ပြီး၊ အခမ်းအနား အစအဆုံးကို ဓါတ်ပုံ၊ ဗီဒီယိုဖြင့် မှတ်တမ်းတင်ခဲ့သည်။ 

အခမ်းအနား အပြီးတွင် ကယ်ဆယ်ရေး ပစ္စည်းများကို ရေဘေးသင့် ပြည်သူများအား ဖြန့်ဝေ ပေးခြင်း မရှိဘဲ ကားပေါ်တင်၍ ကယ်ဆယ်ရေးရုံးသို့ ပြန်လည် သယ်ဆောင် သွားခဲ့ကြောင်း အစည်းအဝေး တက်ရောက်ခဲ့သည့် ရေဘေးသင့် ပြည်သူများက RB News သို့ပြောပါသည်။ 

သီတဂူ ဆရာတော်နှင့် အဖွဲ့သည် အခမ်းအနား အပြီးတွင် မောင်တော ပြည်သူ့ ဆေးရုံသို့ သွားရောက်ပြီး လူနာများ၊ သူနာပြုဆရာမများ၊ ဆေးရုံ အကူများ၊ လုံခြုံရေး တပ်ဖွဲ့ဝင်များအား ငွေကျပ် တစ်သောင်းစီ လှူဒါန်းခဲ့သည်။ 

သြဂုတ်လ (၁၅) ရက်နေ့ကလည်း မောင်တော မြို့နယ် အုပ်ချုပ်ရေးမှူးသည် ကယ်ဆယ်ရေး စခန်းမှ ဆန်အိတ် ၁၅၀ ခရေမြိုင် ကျေးရွာသို့ ယူဆောင်သွားပြီး ဆန်အိတ် ၂၀ ကို ဖြန့်ဝေကာ ကျန်သည့် ဆန်အိတ် ၁၃၀ ကို ကယ်ဆယ်ရေး စခန်းသို့ ပြန်လည် သယ်ဆောင် သွားခဲ့သည်။ အလှူရှင်များက ရေဘေးသင့် ပြည်သူများကို ကူညီလျက် ရှိသော်လည်း အာဏာပိုင်များက ဖြတ်စားလျက် ရှိနေသည်ကို မျက်ဝါးထင်ထင် မြင်တွေ့နေရပါသည်။

သီတဂူဆရာတော်၏ လူမှုကွန်ယက် စာမျက်နှာတွင် ရခိုင်ပြည်နယ် အတွင်း သိန်းငါးထောင် လှူဒါန်းသည်ဟု ရေးသားထားပြီး၊ မောင်တောမြို့မှ ရေဘေးသင့် ပြည်သူများအတွက် သိန်း ၃၀၀ ဟု ရေးသား ထားပါသည်။ ဆရာတော်၏ မောင်တောမြို့ အလှူ သိန်း ၃၀၀ မှ ရိုဟင်ဂျာ ပြည်သူများ ဆန် ၁၂ ပြည်ခွဲ ရရှိခဲ့သည်။ 



Rohingya Eye
RB News
25.8.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျားခေါင်းတောင် ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ ကျားခေါင်းတောင် ကျေးရွာ ရပ်မိရပ်ဖ များကို အစိမ်းနုရောင် ကဒ်ပြားနှင့် ပတ်သက်၍ သြဂုတ်လ (၁၈) ရက်နေ့က အစည်းအဝေး ခေါ်ခဲ့ရာ၊ ယင်းကျေးရွာမှ ဆရာအာမီရာ (ဘ) ဦးမုစ်တာဖာ ကာမာလ် (အသက် ၃၈) နှစ်ကို အစည်းအဝေး တက်ရန် ပျက်ကွက်ခဲ့သည်ဟု ဆိုကာ ရွက်ညိုတောင် ကျေးရွာ အခြေစိုက် စစ်တပ်မှ တပ်ရင်းမှူးက ဖမ်းဆီးရန် ၎င်း၏ ဆေးဆိုင်ကို ဖျက်၍ ၀င်ရောက် ရှာဖွေသော်လည်း မတွေ့ရှိခဲ့ပေ။ 

သို့သော်လည်း နောက်ဆုံးတွင် ဆရာအာမီရာ၏ နေအိမ်မှ ဆရာအာမီရာနှင့် ဇနီးတို့ကို ဖမ်းဆီး ခေါ်ဆောင်သွားရာ ရေတွင်းကျွန်း ကျေးရွာသို့ ရောက်သည့်အခါ ဖမ်းဆီးသည့် တပ်ရင်းမှူးက အစည်းအဝေး တက်ရောက်ရန် ပျက်ကွက် ခဲ့သည်ကို အကြောင်းမပြဘဲ ကျားခေါင်းတောင် ကျေးရွာ အုပ်ချုပ်ရေးမှူးနှင့် လယ်မြေကိစ္စ ပြဿနာ ဖြစ်ပွားခဲ့သည်ကို အကြောင်းပြကာ ငွေကျပ် တစ်သိန်းငါးသောင်း ညှစ်ယူခဲ့သည်ဟု ဒေသခံ တစ်ဦးက RB News သို့ပြောပါသည်။ ထို့အပြင် ငွေညှစ်ရုံသာမက စစ်သားများက တုတ်ဖြင့် ရိုက်နှက်သောကြောင့် ကြောဘက်တွင် ဒဏ်ရာပြင်းထန်စွာ ရရှိခဲ့ကြောင်း အဆိုပါ ဒေသခံက ပြောပါသည်။ 

တပ်ရင်းမှူး အကြောင်းပြသည့် အုပ်ချုပ်ရေးမှူးနှင့် လယ်မြေကိစ္စမှာ ဆရာအာမီရာနှင့် အုပ်ချုပ်ရေးမှူး တို့နှစ်ဦး နှစ်ဘက် သဘောတူညီယူ ရရှိသော ကိစ္စရပ် ဖြစ်သည်။ အဆိုပါ ကိစ္စကို အကြောင်းကို အကြောင်းပြ၍ အစည်းအဝေး မတက်ရောက်ခဲ့သည်ကို မကျေနပ်၍ တမင် ရက်စက် ငွေညှစ်ခဲ့ခြင်း ဖြစ်သည်။ 

အလားတူ ကျေးရွာသားများက အစိမ်းနုရောင် ကဒ်ပြားကို လက်ခံလာအောင် သြဂုတ်လ (၂၀) ရက်နေ့တွင် ရွက်ညိုတောင် အခြေစိုက် နယ်ခြားစောင့် ရဲများနှင့် မ.က.ဖ တို့ပူးပေါင်းပြီး ကျားခေါင်းတောင် ကျေးရွာသို့ ညအချိန်တွင် ၀င်ရောက်၍ အိမ် (၅) အိမ်ကို ရှောင်တခင် စစ်ဆေးပြီး ခြိမ်းခြောက်ခဲ့သည်ဟု ကျေးရွာသားများက ပြောပါသည်။



24.8.2015

ရန်ကုန်  ။ ။ ရခိုင်ပြည်နယ်၊ မောင်တော ခရိုင်မှ ရွေးကောက်ပွဲ ဝင်ရန် အမည် စာရင်း တင်ထားသည့် အမတ်လောင်း နှစ်ဦးကို ရခိုင် အမျိုးသား ပါတီ (ANP) မှ အမတ်လောင်း များက ထပ်မံ ကန့်ကွက် သွားမည်ဟု ယင်းအမတ်လောင်း များက သြဂုတ် ၂၄ ရက်တွင် မဇ္ဈိမကို ပြောသည်။

ရခိုင်အမျိုးသားပါတီ ကိုယ်စားပြု၊ မောင်တောမြိုနယ် ပြည်သူ့လွှတ်တော် ကိုယ်စားလှယ် လောင်းအဖြစ် ဝင်ရောက်ရွေးချယ်ခံမည့် ဦးအောင်သောင်းရွှေက " ဦးရွှေမောင် အတိုင်းပဲ၊ မောင်တောကပဲ ပြိုင်မယ့် ဦးကျော်မင်းရယ်၊ အဘူဟာမန်ရယ်က နိုင်ငံသားမိဘနှစ်ပါးက မွေးဖွားတဲ့သူတွေ မဟုတ်လို့ ကျွန်တော် ထပ်ကန့်ကွက်မယ်" ဟု မဇ္ဈိမကို ပြောသည်။

၎င်းတို့နှစ်ဦးအပြင် ရခိုင်ပြည်နယ် ဒီမိုကရေစီနှင့် လူ့အခွင့်အရေးပါတီ ကိုယ်စားပြု အမျိုးသား လွှတ်တော် မဲဆန္ဒနယ်အမှတ် ၉ မှ အမတ်လောင်းအဖြစ် ဝင်ရောက်မည့် ဦးထွန်းမင်းကိုလည်း ယင်းမဲ ဆန္ဒနယ် အတွင်းပင် ANP မှ ဝင်ရောက်မည့် ဦးမောင်ကျော်ဇင် က ကန့်ကွက်မည်ဟု သိရသည်။

ဦးထွန်းမင်း (ဒီမိုကရေစီနှင့် လူ့အခွင့်အရေးပါတီ၊ အမျိုးသား လွှတ်တော် အမတ်လောင်း)၊ ဦးကျော်မင်း (ဒီမိုကရေစီနှင့် လူ့အခွင့်အရေးပါတီ၊ ပြည်သူ့လွှတ်တော်)နှင့် အဘူဟာမန် (တစ်သီး ပုဂ္ဂလ၊ ပြည်သူ့ လွှတ်တော်အမတ်လောင်း)တို့ကို သြဂုတ် ၂၅ ရက် နှင့် ၂၆ ရက်တို့တွင် ကိုယ်စား လှယ်လောင်းအဖြစ် လာရောက်စိစစ်ခံရန် မောင်တောခရိုင် ရွေးကောက်ပွဲကော်မရှင်က အကြောင်း ကြားထားသည်ဟု ခရိုင်ဥက္ကဋ္ဌက ဦးအောင်ကျော်ညွှန့် က ပြောသည်။
ယင်းနေ့တွင်ပင် ANP ပါတီမှ ဝင်ရောက်မည့် အမတ်လောင်းများ ဖြစ်သည့် ဦးအောင်သောင်းရွှေ (ပြည်သူ့ လွှတ်တော်အမတ်လောင်း)၊ ဦးမောင်ကျော်ဇင်(အမျိုးသားလွှတ်တော်အမတ်လောင်း) များက ကန့်ကွက်ရန် ပြင်ဆင်နေခြင်း ဖြစ်သည်။

ဒီမိုကရေစီနှင့် လူ့အခွင့်အရေးပါတီ ဒုတိယဥက္ကဋ္ဌ ဦးခင်ဇော်က "ကျွန်တော်တို့က အထောက်အထား အပြည့်အစုံနဲ့ တင်ခိုင်းထားတယ်။ သူတို့ကန့်ကွက်ခဲ့ရင်လည်း ကျွန်တော်တို့ကတော့ ဆက်ပြီး အယူခံဝင်မယ်၊ ဒီနေ့ပဲ ဦးကျော်မင်းတို့က ရခိုင်ကို သွားနေပါပြီ" ဟု ဆိုသည်။

မောင်တောခရိုင် ရွေးကောက်ပွဲကော်မရှင်သည် သြဂုတ် ၁၉ ရက်တွင် ဦးရွှေမောင်ကို စိစစ် ကာ သြဂုတ်၂၂ ရက်တွင် သက်ဆိုင်ရာ ရွေးကောက်ပွဲဥပဒေပုဒ်မ ၂၇(ဂ) ပါ နိုင်ငံသား မိဘနှစ်ပါးမှ မွေးသူ မဟုတ်ခြင်းဟူသည့် အချက်ဖြင့် အမတ်လောင်းအဖြစ် ဝင်ရောက်ယှဉ်ပြိုင်ခြင်းကို ပယ်ချခဲ့ခြင်း ဖြစ်သည်။

မောင်တောခရိုင် ရွေးကောက်ပွဲကော်မရှင် ဥက္ကဋ္ဌ ဦးအောင်ကျော်ညွှန့်က "သူတို့ကို (ဦးရွှေမောင်၊ ဒေါ်ခင်ခင်လွင်) ကန့်ကွက်တဲ့သူ ရှိလို့ စိစစ်တဲ့အခါ တွေ့တဲ့အတိုင်း ပယ်ချခဲ့တာ၊ ကျန်တဲ့သူ တွေကိုတော့ ၂၅၊ ၂၆ မှာ ထပ်ပြီး စစ်မှာပါ။ စစ်တဲ့အချိန်မှာမှ ကန့်ကွက်တဲ့သူတွေက အသိပေး ကန့်ကွက်ရမယ်" ဟု မဇ္ဈိမကို ပြောသည်။

ယင်းတစ်နေ့တည်းမှာပင် အမျိုးသား လွှတ်တော်မဲဆန္ဒနယ် ၉ မှ တစ်သီးပုဂ္ဂလ အမတ် လောင်းအဖြစ် ဝင်ရောက်ရန် စာရင်းသွင်းခဲ့သည့် ဒေါ်ခင်ခင်လွင် ကိုလည်း စိစစ်ကာ သက်ဆိုင်ရာ ရွေးကောက်ပွဲ ဥပဒေ ပုဒ်မ၂၇(ဂ)ဖြင့် ပယ်ချခဲ့သေးသည်။

မောင်တောခရိုင် ပြည်ခိုင်ဖြိုး ဥက္ကဋ္ဌ ဦးထွန်းလှစိန် က " ဦးရွှေမောင်က ၂၀၁၀ တုန်းကတော့ ပြည်ခိုင်ဖြိုးကနေ ဝင်ပြိုင်ခဲ့တာ ဟုတ်ပါတယ်။ အဲဒီတုန်းကလည်း အမျိုးသားမှတ်ပုံတင် (သုံးခေါက် ချိုး) နဲ့ဝင်တာ၊ အခုတော့ ၂၀၁၃ တုန်းက ပြင်လိုက်တဲ့ ဥပဒေကြောင့် နိုင်ငံသား မိဘနှစ်ဦး မဟုတ်လို့ ပယ်ချခံလိုက်ရတယ်လို့ သိရတယ်" ဟု ဆိုသည်။

ပြည်ထောင်စု ရွေးကောက်ပွဲကော်မရှင်၏ ခရိုင်အဖွဲ့ခွဲ အဆင့်ဆင့်က အမတ်လောင်းစိစစ်ရေး လုပ်ငန်းများကို သြဂုတ်လ ၁၈ ရက်မှ ၃၁ ရက်ထိ ပြုလုပ်မည် ဖြစ်သည်။



ဗွီအိုအေမြန်မာပိုင်း
24.8.2015

မြန်မာနိုင်ငံမှာ လက်ထပ် ထိမ်းမြားခြင်း ဆိုင်ရာ ဥပဒေနဲ့ ဘာသာ ကူးပြောင်းခြင်း ဆိုင်ရာ ဥပဒေ တို့ဟာ အခြေခံ အခွင့်အရေးကို ချိုးဖောက်မှု ဖြစ်လို့ လက်မှတ် မရေးထိုးဖို့ သမ္မတ ဦးသိန်းစိန်ကို HRW လူ့အခွင့်အရေး စောင့်ကြည့်ရေး အဖွဲ့ကြီးက ဒီကနေ့ပဲ တိုက်တွန်း သွားပါတယ်။

မျိုးစောင့် ဥပဒေ လေးခုထဲက နှစ်ခုဖြစ်တဲ့ တလင်တမယားစနစ် ကျင့်သုံးရေး မူကြမ်းနဲ့ ဘာသာကူးပြောင်းမှုဆိုင်ရာ ဥပဒေမူကြမ်းတို့ကို လွှတ်တော်နှစ်ရပ်က သြဂုတ်လ ၂၀ ရက်နေ့က အတည်ပြုပေးခဲ့တာ ဖြစ်ပါတယ်။ အဲဒီဥပဒေတွေဟာ ကိုးကွယ်ရာဘာသာကို အခြေခံပြီး ခွဲခြားမှု ပြုလုပ်ရာ ရောက်တယ်၊ နိုင်ငံတကာမှာ အကာအကွယ်ပေးထားတဲ့ တသီးပုဂ္ဂလ လွတ်လပ်ခွင့်နဲ့ ဘာသာရေးဆိုင်ရာ လွတ်လပ်ခွင့်တွေကို ချိုးဖောက်ရာ ရောက်တယ်လို့ HRW က ပြောပါတယ်။

အဲဒီဥပဒေမူကြမ်းနှစ်ခုကို ခွင့်ပြုပေးလိုက်တာဟာ လွှတ်တော်အနေနဲ့ အခြေခံလူ့အခွင့်အရေးကို မျက်ကွယ်ပြုပြီး မြန်မာနိုင်ငံမှာ ရှိထားတဲ့ လူ့အသိုင်းအဝိုင်း အချင်းချင်းကြား တင်းမာနေတဲ့ ဆက်ဆံရေးကို မီးထိုးပေးသလို ဖြစ်စေတယ် မြန်မာနိုင်ငံအတွက် အရေးကြီးလှတဲ့ ရွေးကောက်ပွဲ မတိုင်ခင် အတိမ်းစောင်းမခံတဲ့ အသွင်ကူးပြောင်းမှု အခြေအနေကို ခြိမ်းခြောက်မှုဖြစ်တယ်လို့ HRW ရဲ့ အာရှဒေသဆိုင်ရာ ဒုညွန်ကြားရေးမှူး Phil Robertson က ပြောပါတယ်။

နိုဝင်ဘာရွေးကောက်ပွဲနဲ့ နီးကပ်လာနေတဲ့အချိန်မှာ လူ့အခွင့်အရေးစံနှုန်းတွေနဲ့ မကိုက်ညီတဲ့ ဥပဒေတွေကို ပွင့်လင်းမြင်သာမှုမရှိဘဲ လွှတ်တော်က အတည်ပြုတာကြောင့် မြန်မာနိုင်ငံက ဥပဒေပြသူတွေအနေနဲ့ ဒီမိုကရေစီနဲ့ အခွင့်အရေး လေးစားမှုအပေါ် ဘယ်လောက် အလေးအနက်ရှိလဲဆိုတာ မေးခွန်းထုတ်စရာ ဖြစ်လာတယ်လို့ Phil Robertson က ဆိုပါတယ်။

မြန်မာနိုင်ငံကို အဓိက ထောက်ပံ့ပေးနေတဲ့ ဂျပန်၊ ဥရောပသမဂ္ဂ၊ ဗြိတိန်နဲ့ အမေရိကန် ပြည်ထာင်စုတို့ အနေနဲ့ အဲဒီဥပဒေတွေကို လူသိရှင်ကြား ရှုတ်ချပြီး ချက်ခြင်း ပြန်ပယ်ဖျက်ဖို့ တောင်းဆိုသင့်တယ်လို့ လည်း Mr. Robertson က ပြောပါတယ်။



မဆုမွန်
24.8.2015

မကြာခင် ကျင်းပ တော့မယ့် ရွေးကောက်ပွဲမှာ ပါဝင် ယှဉ်ပြိုင် ကြမယ့် ကိုယ်စားလှယ် လောင်းတွေကို ကော်မရှင်က စတင် စိစစ် နေချိန်မှာပဲ နိုင်ငံသား ဖြစ်မှုနဲ့ ပတ်သက်ပြီး ကိုယ်စားလှယ် လောင်းတချို့ရဲ့ လျှောက်လွှာ တွေလည်း ပယ်ချခံ နေရပါတယ်။

အမည်စာရင်း တင်သွင်းလွှာ ပယ်ချဖို့ ဆုံးဖြတ်ချက်ကို ပြန်လည် ချေပ အယူခံဝင်မယ့်သူရှိသလို ဥပဒေနဲ့အညီ ဖြစ်တယ်ဆိုရင် ဆုံးဖြတ်ချက်ကို လက်ခံမယ့် သူတွေလည်း ရှိနေကြပါတယ်။ အသေးစိတ်ကို ဆက်သွယ်မေးမြန်းထားတဲ့ မဆုမွန်က တင်ပြထားပါတယ်။

နိုဝင်ဘာလ ၈ရက်နေ့မှာ ကျင်းပမယ့် ရွေးကောက်ပွဲမှာ ကိုယ်စားလှယ်လောင်းတွေအဖြစ် အမည်စာရင်း တင်သွင်းထားတဲ့ အထဲက အနည်းဆုံး ကိုယ်စားလှယ် ၃ ယောက်ရဲ့ လျှောက်လွှာတွေကို နိုင်ငံသားဖြစ်မှုနဲ့ ဆက်နွယ်ပြီး သက်ဆိုင်ရာ ကော်မရှင်ရုံးတွေက ပယ်ချခဲ့ကြတာ ဖြစ်ပါတယ်။ ပြီးခဲ့တဲ့ ၂၀၁၀ ရွေးကောက်ပွဲတုန်းက အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ရခိုင်ပြည်နယ် ဘူးသီးတောင်မြို့နယ် ပြည်သူ့လွှတ်တော် ကိုယ်စားလှယ်အဖြစ် အရွေးချယ်ခံထားရတဲ့ ဦးရွှေမောင်ဟာ မြန်မာနိုင်ငံသား မိဘ ၂ ဦးက မွေးဖွားသူ မဟုတ်တဲ့အတွက် ရွေးကောက်ပွဲ ဥပဒေပုဒ်မ (၁ဝ)(ဂ) အပိုဒ်(င) အရ ရွေးချယ်ခံပိုင်ခွင့် မရှိဘူးဆိုပြီး ပြိုင်ဘက် ကိုယ်စားလှယ်လောင်း တဦးက တိုင်ကြားခဲ့တဲ့နောက် မောင်တောခရိုင် ရွေးကောက်ပွဲ ကော်မရှင် က လျှောက်လွှာကို ပယ်ချခဲ့တာပါ။

ဒီတကြိမ်ရွေးကောက်ပွဲမှာတော့ တသီးပုဂ္ဂလအဖြစ် အရွေးခံဖို့ စီစဉ်ထားတဲ့ ဦးရွှေမောင်ကတော့ ကော်မရှင်ရဲ့ ဆုံးဖြတ်ချက်ကို အယူခံပြန်ဝင်မယ်လို့ ပြောပါတယ်။

“၂၀၁၀ ခုနှစ်က လွှတ်တော်ကိုယ်စားလှယ်လောင်းရဲ့ အရည်အချင်း မီမှု မမီမှုနဲ့ ပတ်သက်တဲ့ ပုဒ်မ ၁၀ (င) ပေါ့ အဲဒါလည်း ၂၀၁၀ တုန်းကနဲ့ အခုနဲ့လည်း အတူတူပဲ။ ဘာမှပြောင်းလဲခြင်းမရှိဘူး။ ၂၀၁၀ တုန်းက ကျနော် ရွေးကောက်တင်မြှောက်ခြင်းခံရတယ်။ ကျနော် လက်ရှိ လွှတ်တော်ကိုယ်စားလှယ် လုပ်တယ်ဗျာ။ ၂၀၁၅ ကျတော့မှ လျှောက်လွှာတင်တော့ကျမှ ပယ်တယ်ဆိုတော့ ဒါက ရှေ့နောက်မညီတဲ့ ကိစ္စတခုလို့ပဲ ကျနော်က မှတ်ချက်ပေးချင်ပါတယ်။ ရခိုင်ပြည်နယ် ကော်မရှင်က ပယ်ခဲ့တယ်ဆိုရင်လည်း ကျနော်က ပြည်ထောင်စု ရွေးကောက်ပွဲ ကော်မရှင် နေပြည်တော်ကို ဆက်လက် အယူခံရမှာပေါ့နော်။ အန်ကယ်လ့်ရဲ့ အမျိုးသားမှတ်ပုံတင်ကဒ်ပြား မိဘနှစ်ပါးရဲ့ မှတ်ပုံတင်ကဒ်ပြားနဲ့ ကျနော်တို့ မျိုးရိုးစဉ်ဆက်ရဲ့ လိုအပ်တဲ့ အချက်အလက်တွေကို အားလုံး တင်သွင်းတယ်။ တင်သွင်းပြီးတော့ ၁၉၈၂ ခုနှစ်နော် မြန်မာနိုင်ငံသားဥပဒေ၊ နည်းဥပဒေ အားလုံးနဲ့ ကိုက်ညီတဲ့အတွက် အန်ကယ်လ့်ရဲ့ မိဘနှစ်ပါးပါ နိုင်ငံသားဖြစ်နေတဲ့အတွက် အန်ကယ်လ့်ကို နိုင်ငံသားစိစစ်ရေးကဒ် ထုတ်ပေးခဲ့တာပါ။ ဆိုတော့ အခုကျမှ ကျနော့်ရဲ့မိဘနှစ်ပါးက နိုင်ငံသားမဟုတ်ဘူးလို့ ပြောတဲ့ဟာသည် ဒါက တခုခုတော့ ဖိအားကြောင့်လား၊ နောက် အဖွဲ့အစည်းတခုခုရဲ့ တောင်းဆိုချက်ကြောင့်လား၊ သို့မဟုတ် ဘာကြောင့်လဲဆိုတာက ကျနော်တို့ သံသယဖြစ်စရာ ရှိပါတယ်။”

မောင်တောခရိုင်အတွင်းမှာပဲ တသီးပုဂ္ဂလအဖြစ် ဝင်ရောက်အရွေးချယ်ခံမယ့် ရခိုင်ပြည်နယ် အမျိုးသားလွှတ်တော် မဲဆန္ဒနယ် အမှတ် (၉) က အမျိုးသမီး ကိုယ်စားလှယ်တဦးဖြစ်တဲ့ ဒေါ်ခင်ခင်လွင် ဟာလည်း အလားတူ အခြေအနေမျိုးနဲ့ ရင်ဆိုင်နေရတာပါ။

အမျိုးသားဒီမိုကရေစီအဖွဲ့ချုပ် (NLD) ပါတီရဲ့ မန္တလေးတိုင်းဒေသကြီး ချမ်းအေးသာစံမြို့နယ် အမှတ် (၁) မဲဆန္ဒနယ်မြေကနေ ဝင်ရောက်ယှဉ်ပြိုင်မည့် တိုင်းဒေသကြီးလွှတ်တော် ကိုယ်စားလှယ်လောင်း ဒေါက်တာ ဝင်းမြင့် ဟာလည်း နိုင်ငံသားမဖြစ်သေးတဲ့ မိဘနှစ်ပါးက မွေးဖွားလာသူအဖြစ် လျှောက်လွှာကို ပယ်ချထားတာဖြစ်ပါတယ်။ မန္တလေးတိုင်း ဒေသကြီး ရွေးကောက်ပွဲ ကော်မရှင်ရုံးကို အယူခံ ဆက်တက်သွားဖို့ ပြင်ဆင်နေပါတယ်။ NLD ပြောခွင့်ရ ဦးဥာဏ်ဝင်းကတော့ ကော်မရှင်ရဲ့ ဆုံးဖြတ်ချက်တွေဟာ ဥပဒေနဲ့အညီဖြစ်တယ်ဆိုရင် လက်ခံဖို့ အသင့်ရှိတယ်လို့ ပြောပါတယ်။

“သူ့ကိုမွေးတဲ့အချိန်မှာ မိဘတဦးဦးက နိုင်ငံခြားသားဖြစ်နေလို့ အဲဒီလို ကြားပါတယ်။ ဥပဒေအရ မှန်ရင်တော့ ကျနော်တို့ အစအဆုံး လိုက်ပေးမှာပါ။ ဥပဒေအရကို ငြိနေတယ်ဆိုရင်တော့ ဘာမှ လုပ်လို့ရမှာ မဟုတ်ဘူး။”

ပြည်ထောင်စုရွေးကောက်ပွဲ ကော်မရှင်ရဲ့ ရွေးကောက်ပွဲဆိုင်ရာ အငြင်းပွားမှု ဖြေရှင်းရေးအဖွဲ့ တာဝန်ခံ ဦးမြင့်နိုင်ကတော့ ရွေးကောက်ပွဲဥပဒေနဲ့အညီ ကိုယ်စားလှယ်လောင်းတွေကို စိစစ်ရွေးချယ် နေပါတယ်လို့ ပြောပါတယ်။ တကယ်လို့ ကိုယ်စားလှယ်လောင်းတွေ အနေနဲ့ လျှောက်လွှာကို ပယ်ချခံရတယ် ဆိုရင်လည်း ၇ ရက်အတွင်း အယူခံဝင်နိုင်တယ်လို့ အခုလို ရှင်းပြပါတယ်။

“သူ မွေးဖွားတဲ့အချိန်မှာလေ သူ့မိဘနှစ်ပါးစလုံးက နိုင်ငံသားဖြစ်ဖို့ လိုအပ်ပါတယ်။ တပါးပါးက နိုင်ငံခြားသား ဖြစ်နေရင်တော့ သူက ဘောင်မ၀င်တော့ဘူးပေါ့။ နောက်ပြီးတော့ မြန်မာနိုင်ငံတွင်းမှာ အနည်းဆုံး ၁၀ နှစ် အခြေချနေထိုင်တဲ့သူ ဖြစ်ရမယ်ပေါ့။ နောက် နိုင်ငံသားမိဘနှစ်ပါးက မွေးဖွားတဲ့ နိုင်ငံသားဖြစ်ရမယ်။ အဲဒီအချက်တွေနဲ့ဆိုရင် ရွေးချယ်တင်မြှောက်ပိုင်ခွင့် ရှိတဲ့သူတွေပေါ့။ ရွေးချယ်တင်မြှောက်ပိုင်ခွင့် မရှိတဲ့သူတွေကတော့ ထောင်ဒဏ်ကျခံနေရတဲ့ သူတွေပေါ့။ နောက် စိတ်ပေါ့သွပ်နေတယ်လို့ သက်ဆိုင်ရာဥပဒေက ပြဌာန်းထားတဲ့အတိုင်း သတ်မှတ်ခြင်းခံရတဲ့သူတွေ။ နောက် လူမွဲအဖြစ် သက်ဆိုင်ရာ တရားဝင် ကြေညာထားခြင်း ခံရတဲ့သူတွေပေါ့။ နောက် မွေးဖွားစဉ်က နိုင်ငံသားမဖြစ်သေးတဲ့ မိဘတပါးပါးမှဖြစ်စေ၊ နှစ်ပါးစလုံးကဖြစ်စေ မွေးဖွားတဲ့နိုင်ငံသားပေါ့။ နောက် နိုင်ငံခြားအစိုးရရဲ့ ကျေးဇူးသစ္စာကို ခံယူစောင့်ရှောက် ရိုသေတဲ့သူတွေ၊ နိုင်ငံခြားအစိုးရရဲ့ သြဇာခံသူတွေ၊ နိုင်ငံခြားအစိုးရ နောက်ခံဖြစ်တဲ့သူတွေ၊ တိုင်းတပါးသားရဲ့ နိုင်ငံသားဖြစ်တဲ့သူတွေ၊ ဒီလူတွေဟာ ရွေးလို့မရဘူးပေါ့။”

အခုအချိန်အထိ ၂၀၁၅ ရွေးကောက်ပွဲကို ဝင်ရောက်ယှဉ်ပြိုင်ကြမယ့် လွှတ်တော်ကိုယ်စားလှယ် ၆,၁၈၉ ဦးအထိ ရှိပါတယ်။ ဒီအထဲမှာ ပြည်သူ့လွှတ်တော် ကိုယ်စားလှယ်လောင်းက ၁,၇၇၂ ဦး၊ အမျိုးသားလွှတ်တော် ကိုယ်စားလှယ်လောင်းကတော့ ၉၁၃ ဦး၊ တိုင်းရင်းသားလူမျိုး လွှတ်တော် ကိုယ်စားလှယ်လောင်း ၁၆၃ ဦးအပါအဝင် တိုင်းဒေသကြီးနဲ့ ပြည်နယ်လွှတ်တော် ကိုယ်စားလှယ်လောင်း ၃,၅၀၄ ဦး ရှိတဲ့အကြောင်း ရွေးကောက်ပွဲကော်မရှင်က သတင်းထုတ်ပြန်ထားပါတယ်။



ဒေါ်ခင်စိုးဝင်း
24.8.2015

ဒီတပတ် မြန်မာ့အရေး သုံးသပ်ချက် အစီအစဉ်မှာ လွှတ်တော် ကိုယ်စားလှယ် တွေကို တာဝန်ကနေ ရုတ်သိမ်းဖို့ ပြည်သူတွေ ဘက်က တင်ပြနိုင်တယ် ဆိုပေမယ့် လုပ်ပိုင်ခွင့် အာဏာက ရွေးကောက်ပွဲ ကော်မရှင်မှာ ရှိနေတာ သဘာဝ မကျဘူးလို့ တရား လွှတ်တော် ရှေ့နေကြီး ဦးကိုနီက ပြောလိုက် ပါတယ်။ NLD ပါတီရဲ့ ဥပဒေ အကြံပေး တယောက်လည်း ဖြစ်တဲ့ ဦးကိုနီက လွှတ်တော် ကိုယ်စားလှယ်ကို တာဝန် ရုတ်သိမ်းပေးဖို့ မဲဆန္ဒနယ် ထဲက ပြည်သူ တစ်ရာခိုင်နှုန်း ရဲ့ သဘောနဲ့ လျှောက်ထားနိုင်တဲ့ ကိစ္စကို လက်မခံနိုင်တဲ့ အတွက် အတည် မပြုသင့် သေးဘူးလို့ VOA နဲ့မေးမြန်းခန်းမှာ ပြောပါတယ်၊ ပြည်ထောင်စု လွှတ်တော်က သြဂုတ်လ (၂၀) ရက်နေ့တုန်းက ဆွေးနွေးဖို့ ဆိုင်းငံ့ ခဲ့တဲ့ Right to Recall ဥပဒေကြမ်းနဲ့ ပတ်သက်လို့ ရှေ့နေကြီး ဦးကိုနီကို ဒေါ်ခင်စိုးဝင်းက တွေ့ဆုံ မေးမြန်း ထားပါတယ်။

ဒေါ်ခင်စိုးဝင်း ။ ။ မင်္ဂလာပါရှင်။

ဦးကိုနီ ။ ။ မင်္ဂလာပါခင်မျာ။

ဒေါ်ခင်စိုးဝင်း ။ ။ အခုလတ်တလော ဖြစ်ပေါ်နေတဲ့ မြန်မာနိုင်ငံ ပြည်သူ့လွှတ်တော်တွေ၊ အမျိုးသားလွှတ်တော်တွေမှာ ဖြစ်နေတဲ့ အငြင်းပွားစရာ ကိစ္စလေးတခု။ အဲဒါကတော့ Right to Recall လို့ခေါ်တဲ့ ပြည်သူ့လွှတ်တော် ကိုယ်စားလှယ်တွေကို တာဝန်မှ ရုတ်သိမ်းခြင်းဆိုင်ရာ ဥပဒေကြမ်း။ အဲဒီတော့ Right to Recall ဥပဒေကြမ်းက အရင်ကတည်းက ၂၀၀၈ ဖွဲ့စည်းပုံမှာ ပါပြီးသာပါ။ အဲဒီတော့ အဲဒီအထဲမှာပါတဲ့ ဥပဒေနဲ့ ပတ်သက်ပြီးတော့ သတင်းစာထဲမှာပါတဲ့အရဆိုရင် ပုဒ်မ ၃၈(ခ) မှာ တခါပါတယ်။ နောက် ပုဒ်မ ၃၆၉(ခ)၊ ပုဒ်မ ၃၉၆(က) အစရှိသဖြင့်။ နောက် ပုဒ်မ ၃၉၇ စတဲ့ အဲဒီမှာတဲ့ အကြောင်းအရာလေးတွေကို ကျမတို့ရဲ့  သောတရှင်တွေ၊ ကြည့်ရှုနေတဲ့ ပရိသတ် သိရအောင် နည်းနည်းလေး ရှင်းပြပေးပါလားရှင့်။

ဦးကိုနီ ။ ။ ၂၀၀၈ ဖွဲ့စည်းပုံ အခြေခံဥပဒေရဲ့  ရှေ့ ပိုင်း အခန်း (၁) အခြေခံမူမှာလည်း နိုင်ငံသားတွေအနေနဲ့ မိမိတို့ တိုင်းပြည်ကို စီမံအုပ်ချုပ်မယ့် မည်သူ့လွှတ်တော်ကိုယ်စားလှယ်တွေကို အရွေးပိုင်ခွင့်၊ ရွေးကောက်တင်မြှောက်ပိုင်ခွင့်ဆိုတဲ့ အခွင့်အရေး။ ကိုယ်ကိုယ်တိုင်လည်း အရွေးခံနိုင်တယ်။ မဟုတ်လို့ အရွေးမခံချင်လဲ ကိုယ့်ကိုယ် အုပ်ချုပ်မယ့်လူကို ရွေးနိုင်တဲ့ အခွင့်အရေးကိုပေးထားတယ်။ ပြီးရင် တချိန်တည်းမှာလဲ မကြိုက်ရင်လဲ ပြန်ပြီးတော့ ရုတ်သိမ်းနိုင်တယ်ဆိုတဲ့ အခွင့်အရေးကို အခြေခံမူမှာ ရေးထားတယ်။ အခြေခံမူမှာ ဒီလောက်ပဲ ပါပါတယ်။ များများစားစား မရေးဘူး။ ဒါပေမဲ့ အသေးစိတ်ကြတော့ ကျနော်တို့ ပုဒ်မ ၃၉၆ နဲ့ ၃၉၇ ကြတော့ သူက နည်းနည်းလေး အသေးစိတ်ပါတယ်။ အဲဒီမှာတော့ တိတိကျကျလေးပေါ့။ နိုင်ငံသားတွေအနေနဲ့ မိမိတို့ ရွေးကောက်တင်မြှောက်ထားတဲ့ ပြည်သူ့လွှတ်တော်ကိုယ်စားလှယ်ကို ပြန်ပြီးတော့ တာဝန်ကနေ ရုတ်သိမ်းချင်ရင် ရုတ်သိမ်းနိုင်ခွင့် ရှိတယ်ဆိုပြီးတော့ အချက်လေးချက် ပြဌာန်းပေးထားတယ်။ တကယ်လို့ ပြည်သူ့လွှတ်တော်အမတ် တယောက်က နိုင်ငံတော်အပေါ်မှာ သစ္စာဖောက်ပျက်တဲ့ လုပ်ရပ်မျိုးကို လုပ်တယ်ဆိုရင်လည်းကောင်း။ သို့မဟုတ် တည်ဆဲ ၂၀၀၈ ဖွဲ့စည်းပုံအခြေခံဥပဒေကို ချိုးဖောက်ရင်သော်လည်းကောင်း။ သို့မဟုတ်ရင် လွှတ်တော်အမတ် ဖြစ်ပြီးတဲ့နောက်မှာ အကျင့်စာရိတ္တ ပျက်ယွင်းတာမျိုး ဖြစ်လာရင်သော်လည်းကောင်း။ ဒီလိုမှ မဟုတ်ရင်လဲ ရွေးကောက်တင်မြှောက် ခံရပြီးနောက်ပိုင်းမှ လွှတ်တော်အမတ် ဖြစ်နိုင်တဲ့ အရည်အချင်း ချိုးယွင်းသွားတာမျိုး။ သဘောကတော့ ကျနော်တို့ နည်းနည်းရူးတာတို့၊ ဒေဝါလီ ခံသွားတာတို့ ဒီလိုမျိုးပေါ့။ အဲဒီလို အကြောင်းတခုခု ပေါ်ပေါက်လာလို့ရှိရင် သူကို တင်မြှောက်လိုက်တဲ့ ပြည်သူတွေကနေ သူကို Recall တာဝန်ကနေ ပြန်ရုတ်သိမ်းနိုင်တယ်လို့ ပြောထားတယ်။ ပြောထားပြီးမှ သူက လုပ်ထုံလုပ်နည်းကို ဖွဲ့စည်းပုံဆိုတော့ အရှည်ရေးလို့ မရတဲ့အခါ၊ အတိုရေးလိုက်တယ်။ သူက ဘာရေးတုန်းဆိုတော့ ပြန်ရုတ်သိမ်းချင်ရင် သူကို ရွေးကောက်တင်မြှောက်လိုက်တဲ့ မဲဆန္ဒနယ်က မဲဆန္ဒရှင် တစ်ရာခိုင်နှုန်းက တောင်းဆိုရမယ်။ လျှောက်လွှာတင် လက်မှတ်ထိုး တစ်ရာခိုင်နှုန်းကပေါ့။ အဲဒီလိုတင်ရင် အဲဒါကို ပြည်ထောင်စု ရွေးကောက်ပွဲကော်မရှင်က အမှုဖွင့်မယ်။ ပြီးရင် စုံစမ်းစစ်ဆေးမယ်။ အဲဒီလို စုံစမ်းစစ်ဆေးတဲ့အခါမှာ အခုန အမတ်ကိုလည်း ထုချေခွင့် ပေးရမယ်။ အဲဒီတော့ သူက ၃၆၉ (က) (ခ) (ဂ) (ဃ) ထုချေခွင့် ပေးတယ်။ (င) ကြတော့ ဘာပြောသလဲဆိုတော့ တကယ်လို့ ကော်မရှင်က ဒီလို တာဝန်က ပြန်ရုတ်သိမ်းပေးဖို့ လျှောက်ထားတဲ့ကိစ္စဟာ အကြောင်းယုတ်တိ ခိုင်လုံတယ်။ အရေးယူသင့်တယ်လို့ ထင်ရင်၊ ဥပဒေနဲ့အညီ ဆက်လက်ဆောင်ရွက်ရမည်ဆိုတဲ့ စကားလေး။ ပြီးတော့ အောက်မှာ ၃၉၇ ကြတော့ အဲဒီလို တာဝန်ကနေ ပြန်ရုတ်သိမ်းဖို့အတွက် လိုအပ်တဲ့ ဥပဒေကို ပြဌာန်းရမည်လို့ ပြောထားတယ်။ ဒါက ဖွဲ့စည်းပုံမှာ ဒီလောက်ပဲပါတယ်။ အဲဒီတော့ ပြည်သူလူထုအနေနဲ့ မိမိတို့ ရွေးကောက်တင်မြှောက်လိုက်တဲ့ လွှတ်တော်အမတ်ကို ပြန်ရုတ်သိမ်းခွင့်ရှိတာ မှန်တယ်။ ဒါပေမဲ့ ပြန်ရုတ်သိမ်းမယ်ဆိုရင် ဘယ်လို ရုတ်သိမ်းရမယ်ဆိုတဲ့ အသေးစိတ် လုပ်ထုံလုပ်နည်းပါတဲ့ ဥပဒေကြတော့ မရှိဘူး။

ဒေါ်ခင်စိုးဝင်း ။ ။ အခုနောက်ဆုံး တိုက်ဆိုင်တယ်လို့ပဲ ပြောရမလား။ သူတို့ အဲဒီလို တောင်းဆိုတိုက်တွန်းနေတဲ့ တချိန်တည်းမှာပဲ ပြည်ထောင်စုလွှတ်တော် နာယကဖြစ်တဲ့ သူရဦးရွှေမန်းကို အာဏာရပါတီ ခေါ်မှာပေါ့ ပြည်ထောင်စု ကြံ့ ခိုင်ဖွံ့ဖြိုးရေးပါတီရဲ့  ဥက္ကဋ္ဌအဖြစ်ကနေ ဖယ်ရှားလိုက်တဲ့ကိစ္စ ပေါ်လာတဲ့အခါမှာ ဒါနဲ့များ တိုက်ဆိုင်နေသလားဆိုပြီးတော့ အများက စိတ်ဝင်စားနေကြတယ်။ အဲဒီအပေါ် ဘယ်လိုများ သုံးသပ်လို့ ရပါသလဲရှင့်။

ဦးကိုနီ ။ ။ တိုက်ဆိုင်မှုတခုလို့လည်း ပြောရင်ပြောနိုင်ပါတယ်။ သို့မဟုတ် ဦးတင်အေးကိုယ်တိုင်ကလည်း လိုလိုလားလား ဒီဥပဒေကို ပြဌာန်းစေချင်တာလား။ နှစ်ဖက်စဉ်းစားလို့ရတယ်။ ပထမတဖက်ကတော့ ကျနော်တို့ အစွဲကင်းကင်းနဲ့ လူအများထင်တဲ့ဟာကို ခဏလေး ဘေးထားပြီးတော့ ပြောကြရင် စောစောက ကျနော် ပြောတဲ့အတိုင်းပဲ ဖွဲ့စည်းပုံအခြေခံဥပဒေမှာ Right of Recall နဲ့ ပတ်သက်ပြီးတော့ လုပ်ပိုင်ခွင့်အာဏာ အားလုံးက ကော်မရှင်ကို သူက အပ်ထားတယ်။ ဒါကတော့လည်း တော်တော်ထူးဆန်းတယ်။ အမှန် ကော်မရှင်ရဲ့  အလုပ်က ရွေးကောက်တင်မြှောက်ဖို့ပဲ။ အဲဒီ အမတ်တွေကို ဖြုတ်ဖို့အလုပ်က အမှန်တော့ သူကို တာဝန်မပေးသင့်ဘူး။ ပေးဖို့လဲ မကောင်းဘူး။ အရင်တုန်းကလဲ မရှိဘူး။ ကျနော်တို့ မဆလခေတ် ဆိုရှယ်လစ် ကွန်စတီကျူးရှင်း (Socialist Constitution) မှာဆိုရင် ဒီဟာကို လွှတ်တော်ကပဲ ဆုံးဖြတ်တယ်။ အမတ်တယောက်ကို ရုတ်သိမ်းသင့်တယ်လို့ထင်ရင် လွှတ်တော်မှာပဲ အဆိုတင်၊ လွှတ်တော်မှာပဲ စဉ်းစားပြီးတော့ ရုတ်သိမ်းတယ်ပေါ့။ အခုဟာက ကော်မရှင်ဆိုတဲ့ အဖွဲ့တဖွဲ့ကို သူက ဒီအာဏာကို သွားပြီးပေးလိုက်တာ ဒါ နည်းနည်းလေး တရားလွန် ဖြစ်တယ်ပေါ့။ လူတယောက်ကို တော်တော်ကို ကြီးတဲ့အာဏာ၊ သိပ်မြှင့်တဲ့အာဏာ လွှဲအပ်တယ်။ ဒါတွေက တကယ်တော့ ပြည်သူလူထုရဲ့  လုပ်ပိုင်ခွင့်ကို ကော်မရှင်ကို သွားခွဲပေးသလို ဖြစ်နေတယ်။ အဲဒီတော့ သူဆီကို လျှောက်လွှာတွေ တင်နေတဲ့ အမှုတွေ ဖွင့်တယ်ပေါ့။ ဒါကို ပြန်ရုတ်သိမ်းပေးပါ။ ဒါပေမဲ့ ပြန်ရုတ်ဖို့အတွက် ဥပဒေက မရှိတဲ့အခါကြတော့ ဒီအမှုတွေက Pending သူဆီမှာ တန်းလန်းဖြစ်နေတယ်။ သူ ဆက်မလုပ်နိုင်ဘူး ဖြစ်နေတယ်။ အဲဒီတော့ အဲဒီအမှုတွေကို သူက အဆုံးသတ်ချင်တဲ့အခါကြတော့ ဥပဒေ ပြဌာန်းပေးဖို့လိုလို့ တောင်းတာပါ။ တကယ်တော့ ဒီဟာ ဦးရွှေမန်းကိစ္စနဲ့ မပတ်သတ်ပါဘူး။

ဒေါ်ခင်စိုးဝင်း ။ ။ လွှတ်တော်သက်တမ်းကလဲ သိပ်မကျန်တော့ဘူးလေ။ ရွေးကောက်ပွဲပဲ မကြာခင် စတော့မယ်ဆိုတော့ အဲဒီလို သိပ်မကျန်တော့တဲ့ အချိန်ကလေးမှာပဲ အရမ်းတိုက်ဆိုင်သွားတယ်လို့ ဖြစ်နေတာပေါ့။

ဦးကိုနီ ။ ။ ကျနော်ကတော့ ဒါကြတော့ ဒုတိယ အယူအဆ။ သိပ်တိုက်ဆိုင်တာလား။ တမင်တကာ တင်တာလားဆိုတာ စဉ်းစားစရာရှိတယ်။ တိုက်ဆိုင်တယ်ဆိုတာ စတုတ္ထအကြိမ် တင်လို့သာကို။ အခုမှ တင်တယ်ဆိုရင်တော့ ဒါက တမင်တရွယ်လို့ ပြောလို့ရတယ်။ စတုတ္ထအကြိမ် ပြန်တင်တယ်ဆိုတော့ ဒီမှာ ဒါကတော့ လုပ်လက်စ proceeding တခုကို မဆုံးသေးလို့ ဆက်လုပ်တာလို့ ပြောနိုင်သလို ဦးရွှေမန်းကို ဒီဥပဒေ အသုံးချပြီးတော့ ဖယ်ချင်လို့ ထင်စရာမြင်စရာ ဖြစ်လာတယ်။ အဲဒီတော့ ဒီနေရာမှာ ဆွေးနွေးစရာရှိတယ်။ စတုတ္ထအကြိမ် ပြန်မတင်ခင်၊ ရှေ့ ပိုင်းကဟာလေးကို နည်းနည်းလေး ကျနော် ပြောပြမယ်။ ဒီဥပဒေကို ဘာဖြစ်လို့ အခုလို ထပ်ခါထပ်ခါ တင်နေရတာတုန်း။ ဘာဖြစ်လို့ တခါတည်းနဲ့ အတည်မဖြစ်သလဲဆိုတဲ့ ရာဇဝင်ကိုသိမှ ဒါက ကျနော်တို့ ရှင်းသွားမယ်။ အဲဒီတော့ ဒီမှာက တစ်ရာခိုင်နှုန်းကနေ Recall လုပ်ဖို့ အခွင့်အရေးရှိတယ်ဆိုတော့ ဥပမာ တချို့ မြို့ နယ်ဆိုရင် မဲဆန္ဒနယ်က တစ်သောင်းလောက်ပဲရှိတယ်။ တချို့ ဆိုရင် လေးငါးထောင်လောက်ပဲ ရှိတယ်။ ချင်းမှာဆိုရင် အဲဒီလောက်ပဲ ရှိတယ်။ နည်းနည်းလေးတွေ တချို့ နေရာတွေမှာ။ အဲဒီတော့ အကြမ်းမျဉ်း မြို့ နယ်တခုမှာ လူတစ်သောင်းရှိတယ် ဆိုပါစို့။ မဲပေးနိုင်တဲ့လူ။ အဲဒီတော့ လူတစ်ရာစုလို့ရရင် ဒါ အမှုဖွင့်လို့ ရနေပြီ။ အဲဒီတော့ ကျနော်တို့ရဲ့  ရွေးကောက်ပွဲစနစ်ကလည်း FPTP နိုင်သူ အကုန်ယူ၊ ကြိုက်သလောက်ဝင်ပြိုင်၊ မဲအများဆုံးရတဲ့လူက တက်သွားမယ်။ အဲဒီတော့ တနေရာမှာ (၅) ယောက်လောက် ပြိုင်လို့ရှိရင် (၂၂) ရာနှုန်းလောက်ရရင် အဲဒီ လူက အမတ်အဖြစ် တက်သွားပြီ။ (၃) ယောက်လောက် ပြိုင်မယ်ဆိုရင် (၃၀) နဲ့ (၄) (၅) ရာခိုင်နှုန်းရရင် သူက အမတ်ဖြစ်သွားပြီ။ အမတ်ဖြစ်ဖို့အတွက်တောင် အနည်းဆုံး အဲဒီလို (၃၅) (၄၀) ရာခိုင်နှုန်းမဲရမှ သူ့မှာ အမတ်ဖြစ်ဖို့ အခွင့်အလမ်းရှိတယ်။ သူကို ပြန်ဖြုတ်ဖို့ကြတော့ (၁) ရာခိုင်နှုန်းက ဖြုတ်နိုင်တဲ့ အခွင့်အာဏာ ရတယ်ဆိုတော့ အမတ်မဖြစ်ဖို့ တော်တော်မလွယ်တဲ့ကိစ္စကို ဖြုတ်ဖို့လွယ်လွယ်လေး ဖန်တီးပေးထားသလို ဖြစ်နေတဲ့အတွက် အဲဒီ ဥပဒေက တော်တော်လေးအားနည်းနေတဲ့ ဥပဒေ။ နောက်တခု မှားတာက ဖွဲ့စည်းပုံအခြေခံဥပဒေမှာ ဘယ်တော့မှ အသေးစိတ် မရေးရဘူး။ အခြေခံမူလောက်ပဲ ရေးရတယ်။ ပြည်သူတို့မှာ သူတို့ ရွေးတဲ့လူကို ပြန်ပြီးတော့ ဖြုတ်ချနိုင်တဲ့ အခွင့်အာဏာရှိတယ်။ အဲဒီအတွက် လိုအပ်တဲ့ ဥပဒေ ပြဌာန်းပေးရမယ်။ အဲဒါဆိုရင် တော်ပြီ။ သူက တစ်ရာခိုင်နှုန်း၊ နှစ်ရာခိုင်နှုန်းတို့ ဘာလုပ်ရမယ်ဆိုတာကို ဖွဲ့စည်းပုံမှာ ရေးလိုက်ရင် နောက်ပိုင်း ဥပဒေတွေ ပြဌာန်းတဲ့အခါကြတော့ ဒီဖွဲ့စည်းပုံကြီးကို ထောက်ထားနေရတဲ့အတွက် ဥပဒေပြဌာန်းတဲ့ လူတွေက ဘောင်ကျဉ်းသွားတယ်။ တခုက ပြည်သူလူထု တင်မြှောက်တဲ့လူကြတော့ တစ်ရာခိုင်နှုန်းက သဘောမကျရင် ပြန်ဖြုတ်ဖို့အတွက် အမှုဖွင့်နိုင်တယ်။ ဟိုဘက်က မိုးကျရွှေကိုယ် ခန့်ထားတဲ့ ပုဂ္ဂိုလ်တွေကြတော့ ပြည်သူလူထုက မကြိုက်ရင် ဖြုတ်နိုင်တဲ့ အခွင့်အာဏာ မရှိဘူး။ အဲဒီတော့ ဒီဥပဒေက Fair မဖြစ်ဘူး။ ဒီဥပဒေက။ ဒါတွေအားလုံးက ဖွဲ့စည်းပုံကို အခြေခံပြီးတော့ ဖြစ်လာတာ။ ဒါကြောင့် ဥပဒေပြဌာန်းလိုက်ရင် ဒီဥပဒေက Fair ဖြစ်တဲ့ ဥပဒေ ဖြစ်လာမှာ မဟုတ်ဘူး။ ဖွဲ့စည်းပုံကို ပြင်ပြီးမှသာ ဒီလိုဥပဒေကို ရေးဖို့ကောင်းတယ်ဆိုတဲ့ အယူအဆက ရှိတယ်။ ဒါကြောင့် အကြိမ်ကြိမ်တင်လိုက်တိုင်း ဒီပြဿနာကြောင့် ဒီဥပဒေဟာ လုပ်လို့မရဘူး။ အဲဒီတော့ လုပ်လို့မရတဲ့ဟာကို အခုနောက်ဆုံး လွှတ်တော်မှာ ဘာလုပ်သလဲဆိုတော့ ဇယားကွက်ကြီးနဲ့ စာရွက်ကို ကန့်လန့်ဖြတ် ဇယားကွက်ရိုက်ပြီးတော့ ဒါက ပြည်သူ့လွှတ်တော်ရဲ့  အယူအဆ၊ ဒါက အမျိုးသားလွှတ်တော်ရဲ့  အယူအဆ၊ ဒါက လွှတ်တော်နှစ်ရပ်ပေါင်း ဥပဒေကြမ်း ရေးဆွဲရေးကော်မတီရဲ့  အယူအဆ။ ဘယ်ဟာကြိုက်သလဲ မှတ်ချက်ပေးပါဆိုပြီးတော့ သူက ဆွေးနွေးဖို့တောင် မပေးတော့ဘူး။ ခင်များ ဘာကြိုက်သလဲ Tick လုပ်ပေးဆိုတဲ့ ပုံမျိုးနဲ့ နောက်ဆုံးပြန်တင်တယ်။ တင်ပြီးတော့ အဲဒါ ပြီးသွားပြီ။ ပြီးတဲ့အခါကြတော့ အခုဒီမှာ ပြန်လာတင်တယ်။ အဲဒီတော့ စောစောက ခင်များ မေးသလို … ဘာဖြစ်လို့ လွှတ်တော်သက်တမ်း နည်းနည်းလေး ကျန်တဲ့အချိန်မှာ ဒီဟာကို ပြန်တင်ရသလဲ။ ပြီးတော့ ဒီလောက် မကျေမလည် ဖြစ်နေတဲ့ကိစ္စတခုကို ခဏ Pending လုပ်ပြီးတော့မှ လိုအပ်ရင် ရွေးကောက်ပွဲပြီးတော့မှ ဖွဲ့စည်းပုံ ပြင်ပြီးတော့မှ အားလုံးလက်ခံနိုင်တဲ့ဟာ ပြန်ရေးရင် မကောင်းဘူးလား။ လုပ်လို့ရရဲ့ သားနဲ့ ဘာဖြစ်လို့ အခုလို ကပ်ပြီးတော့ ဒီနေ့ပဲ ဥက္ကဋ္ဌရာထူးက ဖြုတ်တယ်။ နောက်တနေ့ လွှတ်တော်စတာနဲ့ ဒါကို အရင်အတည်ပြုပေးပါလို့ တောင်းဆိုလာတော့ စွပ်စွဲမယ်ဆိုရင်လဲ စွပ်စွဲစရာ ဖြစ်တာပေါ့။

ဒေါ်ခင်စိုးဝင်း ။ ။ အခု ဒီဥပဒေကလည်း တပိုင်းပေါ့လေ။ မြန်မာ့နိုင်ငံရေး အခြေအနေ။ အခု လွှတ်တော်ထဲမှာ ကျမတို့ အရင်တုန်းကလဲ ဆွေးနွေးခဲ့ပါတယ်။ ဖွဲ့စည်းပုံ အခြေခံဥပဒေ ပြင်ဆင်ရေးနဲ့ ပတ်သက်လာလို့ရှိရင် စစ်တပ်ရဲ့  ကိုယ်စားလှယ်တွေ၊ ရှိနေသမျှ ကာလပတ်လုံး ပြင်စရာအကြောင်းမရှိဘူးဆိုတာ သာမန်လူပြိန်းတွေတောင် သိပါတယ်လေ။ အဲဒီတော့ ဒီလွှတ်တော် မပြီးခင်မှာ ဖွဲ့စည်းပုံအခြေခံဥပဒေ ပြင်ဆင်ရေးကတော့ ရေထဲမျှောသွားပြီလို့ ပြောရမှာပေါ့။

ဦးကိုနီ ။ ။ ပြင်ဖို့ကိစ္စကတော့ အစကတည်းက ဒီဥပဒေက စရေးကတည်းကကို စစ်သားတွေ ရေးထားတာ။ တိုင်းပြည်ကို စစ်တပ်က ရာသက်ပန် ပုံစံတမျိုးမဟုတ်၊ တမျိုးနဲ့ အုပ်ချုပ်လို့ရအောင် ရည်ရွယ်ပြီး ရေးထားတာ။ ရေးကတည်းက သူတို့ကသိတယ်။ တချိန်ကျရင် ပြင်မယ်ဆိုတာကို သူတို့က သိပြီးသား။ ဒါကြောင့် အစကတည်းက ပြင်လို့မရအောင် (၇၆) ရာခိုင်နှုန်း သဘောတူမှ ပြင်လို့ရမယ်ဆိုပြီး သူတို့က (၂၅) ရာခိုင်နှုန်းမှာ ရပ်ထားတယ်။ အဖြေက ရှင်းရှင်းလေး။ အခု ရွေးကောက်ပွဲပြီးရင် ပြင်လို့ရမလား။ မရဘူး။ ဘာဖြစ်လို့လဲဆိုတော့ (၂၅) ကျပ်သားက ပြန်ပါလာတယ်။ ဒီ (၂၅) ရာနှုန်းက ရှိနေအုံးမှာ။ အဲဒီ (၂၅) ရာနှုန်း ရှိနေရင် နောက်တခါ ပြန်ပြီးတော့ ရွေးကောက်ပွဲပြီးလို့ ပြန်တင်ရင်လဲ ဒီ (၂၅) ရာခိုင်နှုန်း သဘောမတူရင် ဒီ ဖွဲ့စည်းပုံက ပြင်လို့မရဘူး။ ဒါကြောင့် ကျနော်က အစကတည်းက ဒီ ဖွဲ့စည်းပုံက ပြင်လို့မရတဲ့ ဖွဲ့စည်းပုံ။ ကျနော် လုပ်ရမှာ အသစ်ရေးပြီး အစားထိုးတဲ့ နည်းလမ်းကိုပဲ ရှာရမယ်။ Formal way နဲ့ ပြင်လို့မရတော့ဘူး။ ကျနော်တို့က Informal way နဲ့သွားမှ ပြင်လို့ရမယ်။ အခုလက်တွေ့ပဲ ဒေါ်ခင်စိုးဝင်း ပြောသလို အခု (၂) နှစ်ခွဲအချိန်အထိ ပြင်ဖို့ကြိုးစားတယ်။ ဦးရွှေမန်းကိုယ်တိုင် လိုလိုလားလားကြီး ပြင်ဆင်ချင်တဲ့ သဘောမျိုးပြပြီး မဲတွေဘာတွေတောင် ဝင်ပေးခဲ့တယ်။ သို့သော် အောင်မှမအောင်မြင်ပဲ။ ဒါကြောင့် အစကတည်းက မအောင်မြင်တဲ့လမ်းကြောင်းပါပဲ။ ဖွဲ့စည်းပုံ ပြင်ဆင်ရေးဆိုတာက။

ဒေါ်ခင်စိုးဝင်း ။ ။ ဦးရွှေမန်းအနေနဲ့က သူက ပြည်သူနဲ့ တသားတည်းဖြစ်ပါတယ်ဆိုတာကို သူက ပြချင်တာ။ ပြချင်တဲ့အနေနဲ့ မည်ကာမတ္တလေး ပြောင်းလိုက်တာပါ။ တကယ်တော့လဲ အဲဒီလောက် ပြောင်းရုံနဲ့လဲ မြန်မာ့နိုင်ငံရေး အခြေအနေက ပြောင်းလဲသွားဖို့ မရှိပါဘူး။ နောက်ဆုံး ကျမ မေးချင်တာကတော့ အခု ပြောနေတဲ့ ပြည်သူ့လွှတ်တော်ကိုယ်စားလှယ်များ တာဝန်မှ ရုတ်သိမ်းခြင်းဆိုင်ရာ ဥပဒေကို NLD ရဲ့  ဥပဒေအကြံပေးတယောက်အနေနဲ့ အဲဒါကို ဘယ်လို သဘောရပါလဲ။ NLD အနေနဲ့ဆိုရင် ဒါကို ပြင်သင့်တယ်လို့ ယူဆပါလား။ ဆုံးဖြတ်သင့်တယ်လို့ ယူဆပါလား။

ဦးကိုနီ ။ ။ ဒီဥပဒေကို ကျနော်တို့က လောလောဆယ် အတည်ပြုရေးကိစ္စကို သဘောမတူဘူး။ ဒါကို ကျနော်တို့က Unwritten လည်း အမတ်တွေကို အကြံပေးထားတာ ရှိတယ်။ အခုန တစ်ရာခိုင်နှုန်းက ပြန်ပြီးတော့ Recall လုပ်လို့ရတယ်ဆိုတဲ့ အချက်က ဒါကို ကျနော်တို့ လက်မခံနိုင်ဘူး။ ဒါကို (၂၀) ရာခိုင်နှုန်း NLD က ပြင်ချင်တယ်။ (၂၀) ရာခိုင်နှုန်း ပြင်ဖို့လဲ မဖြစ်နိုင်ဘူး။ ဖွဲ့စည်းပုံက တစ်ရာခိုင်နှုန်း ပြောထားတဲ့အတွက် ကျနော်တို့က ဒါကို သိတယ်။ ဒါကြောင့် ကျနော်တို့က ဒါကို Pending ပဲ ထားချင်တယ်။ NLD ဖက်က သဘောထားက အတည်မပြုဘူး။ သဘောမတူဘူး။ ဒါကြောင့် Pending ပဲ ထားပါ။ နောက်မှ ဖွဲ့စည်းပုံကို လိုအပ်သလို ပြင်ပြီးတော့မှ ဒီဥပဒေကို ရေးဆွဲမယ်ဆိုတာကို NLD က ဒီလို သဘောထား ထားရှိတယ်။

ဒေါ်ခင်စိုးဝင်း ။ ။ ကျေးဇူးအများကြီး တင်ပါတယ်။

ဦးကိုနီ ။ ။ ကျေးဇူးပါပဲ။



MYARF
RB News
23.8.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ အောင်ဇံ ကျေးရွာ အခြေစိုက် အမှတ် (၂) နယ်မြေ၊ နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့် ရဲတပ်ဖွဲ့ဝင် များသည် ရိုဟင်ဂျာ ရွာအတွင်းသို့ အချိန်မတော် ၀င်ရောက်၍ လူနေအိမ်များကို အကြောင်း အမျိုးမျိုးပြကာ စစ်ဆေးပြီး ခေါင်းစဉ် အမျိုးမျိုး တပ်၍ ငွေညှစ်လျက် ရှိသည်။ 

သြဂုတ်လ (၁၉) ရက်နေ့တွင် အမှတ် (၂) နယ်မြေ တာဝန်ခံ ရဲမှူးကြီး အောင်လင်းကိုနှင့် အဖွဲ့သည် လှိုင်သီ ကျေးရွာ အုပ်စု၊ ဆင်သေပြင် ကျေးရွာသို့ သွားရောက်ပြီး ဦးမာမတ်အာမီးန်နှင့် ဦးမာမတ်အာမီးန် (ဘ) ဦးအော်လီအာမတ် တို့ကို ဖမ်းဆီးကာ အိမ်ပြုပြင်ခဲ့သည်ဟု လုပ်ကြံ စွပ်စွဲ၍ ငွေကျပ် သုံးသိန်းနှင့် တစ်သိန်း ငါးသောင်း အသီးသီး ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ အခြားသော ရွာသားများကိုလည်း ဘင်္ဂလား ဖုန်းသုံးစွဲနေသည်ဟု စွပ်စွဲ၍ ရိုက်နှက် ငွေညှစ်ခြင်းများ ပြုလုပ်ခဲ့သည်ဟု ဆိုသည်။ 

ခမောင်းဆိပ် အခြေစိုက် တပ်ရင်း (၃၅၂) နှင့် အောင်ဇံ ကျေးရွာ အုပ်စု ဖူရာန်မာဂျွားရွာ မိုင်တိုင် ၄၃ အနီးရှိ စစ်တပ် စခန်းများက ရိုဟင်ဂျာပိုင် ကျွဲ၊ နွား၊ ဆိတ်၊ ကြက်များကို တပ်ပိုင် တိရစ္ဆာန်များကဲ့သို့ စားကျက်များမှ ဖမ်းဆီး၍ သတ်ဖြတ် စားသုံးလျက် ရှိသည်ဟု ဒေသခံများက ပြောပါသည်။



MYARF
RB News
23.4.2015

မောင်တော ။ ။ ရခိုင်ပြည်နယ်၊ မောင်တော မြို့နယ် ဝေလာတောင် သက်ရွာ အခြေစိုက် ခြေမြန်တပ်ရင်း (၃၅၂) တပ်စခန်းမှ တပ်ဖွဲ့ဝင် (၇) ဦးသည် သြဂုတ်လ (၂၂) ရက်နေ့တွင် ခမောင်းဆိပ်မှ ဝေလာတောင် စခန်းသို့ ခြေလျင် သွားနေစဉ် ရဲဘောက် တံတားနားတွင် နောက်မှ ဆိုင်ကယ်စီးလာသည့် ခမောင်းဆိပ် ကျေးရွာအုပ်စု ထန်းဘင်္ဂါရွာမှ ဖော်ရိတ်အာလာမ် (ဘ) ဦးအော်လီအာမတ် (အသက် ၂၅ နှစ်) က ဟွန်းတီး၍ လမ်းတောင်းသဖြင့် စစ်သားများက လမ်းကို ပိတ်ဆို့၍ ဖမ်းဆီးခဲ့သည်။ 

ဖော်ရိတ်အာလာမ် စီးလာသည့် ဆိုင်ကယ်ကို စစ်သား တစ်ဦးကို ဆွဲယူလိုက်ပြီးနောက် စစ်သားများက ၎င်းကို ခြေဖြင့်ကန်၊ လက်သီးဖြင့် ထိုးကာ စခန်းသို့ ဖမ်းဆီး ခေါ်ဆောင် သွားပြီး ချုပ်နှောင် ထားခဲ့သည်။ စခန်းတွင်းတွင်လည်း လူမဆန်စွာ ရိုက်နှက်၍ ငွေကျပ် သုံးသိန်း တောင်းခံရာ ယနေ့ သြဂုတ်လ (၂၃) ရက်နေ့ နေ့လည် ၁၂ နာရီခန့် အချိန်တွင် ငွေကျပ် နှစ်သိန်း ပေးမှသာ ပြန်လည် လွတ်မြောက် လာခဲ့ကြောင်း ဒေသခံ တစ်ဦးက RB News သို့ပြောပါသည်။ 

ဖော်ရိတ်အာလာမ်ကို ဖမ်းဆီး ရိုက်နှက်၍ ငွေညှစ်ခဲ့သည့် စစ်သားများမှာ ဝေလာတောင် ဘုန်းကြီးကျောင်းစောင့် စစ်သားများ ဖြစ်ကြောင်း အဆိုပါ ဒေသခံက ပြောပါသည်။



MYARF
RB News
23.8.2014

ရသေ့တောင် ။ ။ ရခိုင်ပြည်နယ်၊ ရသေ့တောင် မြို့နယ် အနောက်ပြင် ရိုဟင်ဂျာ ရွာသည် ဘေးပတ်ပတ်လည်တွင် ရခိုင်ရွာများ ၀န်းရံထားသည့် ရွာတစ်ရွာ ဖြစ်သည်။ ထိုရွာကို ၂၀၁၂ ခုနှစ် လူမျိုးရေး ပဋိပက္ခ ကာလတွင် ဓါးပြများနှင့် ဆက်နွယ်မှုဖြင့် တာဝန်မှ ထုတ်ပယ် ခံရသည့် ရဲပြုတ် ဦးသန်းကြွယ် ခေါင်းဆောင်သော ကူတောင် ရွာသား ရခိုင်များ အဖွဲ့က ၀င်ရောက် တိုက်ခိုက်ပြီး မီးရှို့ ဖျက်ဆီးခဲ့သည်။ ထိုအချိန်မှ စ၍ ရိုဟင်ဂျာ ရွာသားများသည် ရွာမှ အပြင်သို့ ထွက်ခွင့်မရဘဲ အကျယ်ချုပ်ဘ၀ဖြင့် နေနေရသည်ဟု ဒေသခံ ရွာသားများက RB News သို့ပြောပါသည်။ ၎င်းရွာကို ရဲတပ်ဖွဲ့ စခန်းတစ်ခုနှင့် စစ်တပ် စခန်းတစ်ခုက တင်းကျပ်စွာ စောင့်ကြပ်လျက် ရှိသည်ဟု ဆိုသည်။ 

အနောက်ပြင်ရွာမှ ရိုဟင်ဂျာများကို ရွာပြင်သို့ ထွက်ခွင့် မပေးသည့် အပြင် လယ်မြေများကိုလည်း ထွန်ယက် စိုက်ပျိုးခွင့် မပေးဟု ရွာသားများက ပြောပါသည်။ တစ်ဖက်က စိုက်ပျိုးခွင့် မပေးဘဲ အခြားတစ်ဖက်မှ လယ်မြေများကို အလွတ် ထားထားသည်ဟု ဆိုကာ လယ်မြေများကို သိမ်းယူရန် ကြိုးစားလျက် ရှိသည်။ 

လယ်မြေများကို သိမ်းယူရန် ကြိုးစားနေစဉ် ပြည်နယ်မှ ခွင့်ပြုချက် ရယူထားသည်ဟု ဆိုကာ ရခိုင်အစွန်းရောက် အဖွဲ့ ခေါင်းဆောင် ရဲပြုတ် ဦးသန်းကြွယ်က ရိုဟင်ဂျာပိုင် လယ်မြေများ ပေါ်တွင် လယ်ထွန်စက်ဖြင့် ထွန်ယက်ကာ စပါးကြဲလိုက်ကြောင်း ဒေသခံများက ပြောပါသည်။ 

ရဲတပ်ဖွဲ့နှင့် စစ်တပ်တို့က လယ်မြေ စိုက်ပျိုးခွင့် ပိတ်ပင်ထားပြီး အခြားတစ်ဖက်မှ ထွန်ယက် စိုက်ပျိုးခြင်း မရှိဟု အပြစ်ဆိုကာ ရိုဟင်ဂျာပိုင် လယ်မြေများ အားလုံးကို မတရားသဖြင့် အပြီးအပိုင် သိမ်းယူသွားမည်ကို အနောက်ပြင်ရွာရှိ လယ်ပိုင်ရှင်များက အထူးစိုးရိမ် လျက်ရှိကြသည်။



MYARF
RB News
23.8.2015

မောင်တော ။ ။ ရခိုင်ပြည်နယ်၊ မောင်တော မြို့နယ်၏ မြောက်ဘက်ဆုံးရွာ ဖြစ်သည့် ဗန္ဓုလ ရိုဟင်ဂျာရွာသို့ သြဂုတ်လ (၁၅) ရက်နေ့ ည ၈ နာရီခန့် အချိန်တွင် နယ်ခြားစောင့် ရဲတပ်ဖွဲ့ဝင်များ၊ ပြည်သူ့စစ် တပ်ဖွဲ့ဝင်များ၊ မ.က.ဖ အဖွဲ့ဝင်များ၊ ကျေးရွာ အုပ်ချုပ်ရေးမှူးနှင့် အဖွဲ့ဝင်များ၊ စုစုပေါင်း (၂၀) ဦးကျော် ပါဝင်သည့် ဌာနပေါင်းစုံ အဖွဲ့တစ်ဖွဲ့ သွားရောက်ပြီး ဧည့်စာရင်း စစ်ဆေးမည်ဟု ဆိုကာ ရွာအတွင်းရှိ အိမ်တိုင်းသို့ ၀င်ရောက်ပြီး မိသားစုဝင်များ အားလုံးကို အိမ်ထောင်စု စာရင်းနှင့် ယာယီ သက်သေခံ ကဒ်ပြား အပ်နှံထားသည့် ပြေစာများကို ကိုင်ဆောင်၍ အိမ်ပြင်သို့ ထွက်လာခိုင်း ခဲ့သည်။ 

နေအိမ်များ အတွင်းမှ ထွက်လာသူ အားလုံးကို တန်းစီးခိုင်းပြီး အသက် (၁၈) နှစ်အထက်နှင့် အသက် (၁၈) နှစ်အောက် ဟုဆိုကာ အုပ်စု နှစ်စုခွဲလိုက်သည်။ ထို့နောက် အသက် (၁၈) နှစ်အောက်များကို နေအိမ်များထဲသို့ ပြန်ဝင်ခိုင်းပြီး၊ အသက် (၁၈) နှစ် အထက်များကို ယာယီ သက်သေခံ လက်မှတ် အပ်နှံထားသည့် ပြေစာများကို မ.က.ဖ အဖွဲ့သို့ အပ်နှံ စေခဲ့ပြီးနောက်၊ ဘင်္ဂါလီလူမျိုးများ ဖြစ်သည်ဟု ဆိုကာ လျှောက်လွှာ စာရွက်များပေါ်တွင် အတင်းအဓမ္မ လက်ဗွေများ နှိပ်ခိုင်းခဲ့ကြောင်း ဒေသခံ ရွာသားများက RB News သို့ပြောပါသည်။ 

ထိုသို့ အတင်းအဓမ္မနည်းဖြင့် အိမ်ခြေ (၃၅) လုံးမှ အသက် (၁၈) နှစ် အထက် လူဦးရေ (၁၁၃) ဦးကို ခိုးဝင် ဘင်္ဂါလီများ အဖြစ် အတင်းအဓမ္မ လက်ဗွေနှိပ်ခိုင်းခဲ့သည်ဟု ရွာသားများက ပြောပါသည်။ အဆိုပါရွာသည် မောင်တောမြို့၏ မြောက်ဘက်ဆုံး ဘင်္ဂလားဒေ့ရှ် နိုင်ငံနှင့် အနီးကပ်ဆုံး ရွာဖြစ်သည်။ ရှေးအခါက အဆိုပါ နေရာတွင် အင်တူလာနှင့် ဘောက်တူလာဆို၍ ရိုဟင်ဂျာ ရွာနှစ်ရွာ ရှိခဲ့သည်။ ၁၉၈၂ ခုနှစ်တွင် မြန်မာစစ်တပ်က ရွာ၏ မြောက်ဘက်ဆုံးရှိ အင်တူလာရွာကို တောင်ဘက်ဆုံးရှိ ဘောက်တူလာရွာသို့ ပြောင်းရွေ့ရန် အမိန့်ထုတ်ပြန်၍ အတင်းအဓမ္မ ရွေ့ပြောင်း ခိုင်းခဲ့သည်။ အချို့ရွာသားများသည် ဘောက်တူလာ ရွာသို့ ပြောင်းရွေ့ သွားခဲ့ပြီး၊ အချို့ရွာသားများသည် အောက်ပိုင်း ရွာများသို့ လည်းကောင်း၊ အချို့ရွာသားများသည် ဘင်္ဂလားဒေ့ရှ် နိုင်ငံသို့ လည်းကောင်း အသီးသီး ထွက်သွားခဲ့ရသည်။ ထိုအချိန်မှ စ၍ ဘောက်တူလာရွာကို ဗန္ဓုလရွာဟု အမည်ပြောင်းလဲ ပေးခဲ့သည်။ 

အင်တူလာရွာတွင် ရခိုင်လူမျိုးများကို နေရာချထား ပေးခဲ့ပြီး၊ အင်တုမရရွာဟု အမည်သစ် ပေးခဲ့သည်။ နယ်စပ်နားတွင် ရခိုင်ရွာ တည်ဆောက်ပေးခဲ့ပြီး၊ လုံခြုံရေး အတွက် တပ်စခန်း တစ်ခု ချထားပေးခဲ့သည်။ 

အင်တူလာနှင့် ဘောက်တူလာ ရွာနှစ်ရွာကို စုပေါင်း၍ ဗန္ဓုလရွာဟု အမည်ပေးပြီးနောက် တောင်ဘက်တွင် အောင်ချမ်းသာသက် ရွာအသစ် တစ်ရွာချထားပြီး၊ တပ်စခန်း တစ်ခုလည်း ချထားကာ ရိုဟင်ဂျာရွာကို ၀န်းရံထားခဲ့သည်။ ၁၉၉၂ ခုနှစ်တွင် န.စ.က စခန်း တစ်ခုကို ရိုဟင်ဂျာရွာ အနီးတွင် ထပ်မံချထားခဲ့သည်။ အဆိုပါ စခန်းနေရာတွင် ယခုအခါ နယ်ခြားစောင့် ရဲတပ်ဖွဲ့က နေရာယူထားသည်။ ရိုဟင်ဂျာရွာ နှစ်ရွာ စုစည်းပြီးနောက် အိမ်ခြေ (၈၂) လုံး ရှိခဲ့သည်။ ရိုဟင်ဂျာများ၏ လယ်မြေ၊ စားကျက်မြေများကို ရခိုင်ရွာသားများ၊ သက်ရွာသားများနှင့် တပ်စခန်းများက ရန်ပုံငွေ အတွက်ဟု ဆိုကာ သိမ်းခဲ့သည်။ ရွာတောင်ဘက်၊ မြောက်ဘက်ရှိ တပ်စခန်းများနှင့် ရွာအနီးရှိ န.စ.က စခန်းများတွင် ခြံစည်းရုံ ကာပေးရခြင်း၊ အဆောင်များ ဆောက်လုပ် ပေးရခြင်း၊ စခန်းပြင်ပ သန့်ရှင်းရေး ပြုလုပ်ပေးရခြင်း၊ ထမင်းဟင်း ချက်ပြုတ်ပေးရခြင်းများ အပြင်၊ နယ်လှည့် စစ်တပ်နှင့် စခန်းအပြောင်းအလဲ စစ်တပ်များ အတွက် အတင်းအဓမ္မ ပေါ်တာ ဆွဲခံရခြင်း၊ စစ်တပ်၊ ရဲလုံထိန်းများ၏ စားနပ် ရိက္ခာများ ပို့ဆောင် ပေးရေးအတွက် ပေါ်တာဆွဲခံရခြင်း၊ စခန်း (၃) ခုလုံးတွင် ညစောင့် လုံခြုံရေး လုပ်ပေးရခြင်း၊ အိမ်ခြံဝင်းတွင် စိုက်ပျိုးထားသော သစ်သီးဝလံများနှင့် ဟင်းသီးဟင်းရွက်များ လုယက်ခံရခြင်း၊ ရွာမှ ထွက်ပြီး ခမောင်းဆိပ် ဈေးသို့ သွားနိုင်ရန် တစ်ရက်ထွက်ခွင့်ကို ဟင်းချိုမှုန့် အကြီးတစ်ထုပ်နှင့် Sun ဓါတ်ခဲ တစ်စုံ ပေးဆောင်မှသာ ထွက်ခွင့်ရခြင်း စသည့်နည်း အမျိုးမျိုးဖြင့် ညှဉ်းပန်း နှိပ်စက်မှု ပေါင်းစုံကို ခံစားနေရသည်ဟု ရွာသားများက ပြောပါသည်။

သေမှု သေခင်း ကျွမ်းကျင် သူတွေက လူကုန်ကူး သူတွေ မြှုပ်ထားတဲ့ အလောင်းတွေကို တူးဖော် စစ်ဆေး နေတာကို ဘေးက စောင့်ကြည့် နေတဲ့ မလေးရှား ရဲတပ်ဖွဲ့ဝင်များ။ (မေ ၂၆၊ ၂၀၁၅)

23.8.2015

ထိုင်းနိုင်ငံ နယ်စပ် အနီး တောအုပ်ထဲ ကနေ လူမှောင်ခိုကူး ခံရသူတွေလို့ ယူဆရသူ တွေရဲ့ ရုပ်အလောင်း ၂၄ လောင်းကို ရှာတွေ့ ခဲ့တယ်လို့ မလေးရှားရဲက ဒီကနေ့မှာ ပြောဆို လိုက်ပါတယ်။ လွန်ခဲ့တဲ့ မေလတုန်းကတော့ ရုပ်အလောင်းတွေ မြှုပ်နှံထားတဲ့ ၁၃၉ နေရာကို မလေးရှားနိုင်ငံ မြောက်ပိုင်း Perlis ဒေသ အတွင်းက စွန့်ပစ်ထားတဲ့ တောတွင်း စခန်းတွေမှာ ရှာတွေ့ ခဲ့တယ်လို့ အာဏာပိုင် တွေက ပြောပါတယ်။

ထိုင်းနယ်စပ်အနီးက ဒီလူသူအရောက်အပေါက်နည်းတဲ့နေရာကို တထောက်နားစခန်းအဖြစ် လူမှောင်ခိုကူးသူတွေက အသုံးပြုခဲ့တာပါ။ အဲဒီသေဆုံးသူတွေထဲက အများစုဟာ မြန်မာနိုင်ငံထွက်ပြေးလာတဲ့ ရိုဟင်ဂျာတွေ ဒါမှမဟုတ် ဘင်္ဂလားဒေ့ရ်ှနိုင်ငံသားတွေ ဖြစ်ပါတယ်။ ဒီကနေ့ထုတ်ပြန်လိုက်တဲ့ အာဏာပိုင်တွေရဲ့ ကြေညာချက်ထဲမှာ လွန်ခဲ့တဲ့သီတင်းပတ်အတွင်းက ရုပ်အလောင်း ၂၄ လောင်းကို ရှာတွေ့တာ ဖြစ်ပြီး အစောပိုင်းတုန်းကလည်း ၁၀၆ လောင်း ရှာတွေ့ထားတယ်လို့ ဆိုပါတယ်။ အခုအခါမှာတော့ ရုပ်အလောင်းတွေကို ခွဲစိတ် စစ်ဆေးဖို့ အတွက် ပို့ဆောင်ထားပေမယ့် တခြားအသေးစိတ်ကိုဖေါ်ပြတာမျိုးမရှိပါဘူး။

အခုလိုရုပ်အလောင်းတွေကို ရှာဖွေတွေ့ရှိရာကနေ လူမှောင်ခိုကူးနေတဲ့ကွန်ယက်တွေရဲ့စခန်းတွေကို ရှာဖွေနိုင်ခဲ့ပါတယ်။ မရေမတွက်နိုင်တဲ့ ရွှေ့ပြောင်းဝင်ရောက်သူတွေကို လူမှောင်ခိုကူးသူတွေက အဲဒီစခန်းတွေမှာ ပြန်ပေးဆွဲ ထိန်းသိမ်းထားပြီး သူတို့မွေးရပ်မြေမှာ ကျန်ခဲ့တဲ့ တခြား မိသားစုဝင်တွေစီက ငွေရမှသာ သူတို့အလိုရှိတဲ့ မလေးရှားလို နိုင်ငံမျိုးအပါအဝင် အင်ဒိုနီးရှားစတဲ့နိုင်ငံတွေကို ဆက်လက် သွားလာနိုင်တာပါ။ အခုလိုလူမှောင်ခိုကူးတဲ့ ကိစ္စတွေနဲ့ ပတ်သက်ပြီး မလေးရှားအာဏာပိုင်တချို့ ပါဝင်ပတ်သက်နေတယ်လို့ လူ့အခွင့်အရေးလှုပ်ရှားသူတွေရဲ့ ဝေဖန်မှုတွေ ကျယ်ကျယ်လောင်လောင် ထွက်ပေါ်လာပေမယ့် မလေးရှားအစိုးရကတော့ ဒီကိစ္စနဲ့ ပတ်သက်လို့ ငြင်းဆိုထားပြီးလူကုန်ကူးမှုတိုက်ဖျက်ရေး ပြင်းပြင်းထန်ထန် ဆောင်ရွက်သွားမယ်လို့ ပြောဆိုခဲ့ပါတယ်။

RB News
23.8.2015

ရန်ကုန် ။ ။ ရခိုင်ပြည်နယ်၊ ဘူးသီးတောင် မြို့နယ် မဲဆန္ဒနယ် ကိုယ်စားပြု လက်ရှိ ပြည်သူ့လွှတ်တော် ကိုယ်စားလှယ် ဦးရွှေမောင် လျှောက်ထားခဲ့သည့် ၂၀၁၅ ခုနှစ် ရွေးကောက်ပွဲ အတွက် ကိုယ်စားလှယ်လောင်း လျှောက်လွှာကို မောင်တော ခရိုင် ရွေးကောက်ပွဲ ကော်မရှင် အဖွဲ့ခွဲမှ သြဂုတ်လ (၂၂) ရက်နေ့က ပယ်ချခဲ့ကြောင်း သတင်း ရရှိပါသည်။

ဦးရွှေမောင်သည် ၂၀၁၀ ရွေးကောက်ပွဲတွင် အာဏာရပါတီ ဖြစ်သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီမှ ကိုယ်စားပြု၍ ယှဉ်ပြိုင်ခဲ့ပြီး ယခုလက်ရှိ ပြည်သူ့ လွှတ်တော် ကိုယ်စားလှယ် တစ်ဦး ဖြစ်သည်။ ကြံ့ခိုင်ရေး ပါတီမှ မွတ်စလင် ကိုယ်စားလှယ်လောင်းများကို ၂၀၁၅ ရွေးကောက်ပွဲ အတွက် မရွေးချယ်တော့သည့် အတွက် ပါတီမှ နုတ်ထွက်ခဲ့ပြီး ၂၀၁၅ ရွေးကောက်ပွဲတွင် တစ်သီးပုဂ္ဂလ ကိုယ်စားလှယ် အဖြစ် ရွေးချယ်ခံရန် မောင်တော ခရိုင် ရွေးကောက်ပွဲ ကော်မရှင် အဖွဲ့ခွဲသို့ လျှောက်လွှာ တင်ခဲ့သည်။ 

ဦးရွှေမောင်သည် စက်မှု အင်ဂျင်နီယာ တစ်ဦး ဖြစ်ပြီး၊ ရန်ကုန် စက်မှု တက္ကသိုလ်မှ ၁၉၉၅ ခုနှစ်တွင် ဘွဲ့ရရှိခဲ့သည်။ မြန်မာ ဥပဒေများ အရ နိုင်ငံသားများသာ တက်ခွင့်ရှိသည့် စက်မှုတက္ကသိုလ်တွင် ပညာသင်ကြားနေစဉ် မိဘများ၏ နိုင်ငံသား ဖြစ်မှုကိုလည်း အများနည်းတူ စီစစ်ခံခဲ့ရသော်လည်း မိဘ ဘိုးဘွားများ နိုင်ငံသားများ ဖြစ်သောကြောင့် ပညာသင်ကြားခွင့် ရခဲ့သည်။ ၎င်းဘွဲ့ရပြီးနောက်ပိုင်းတွင် ရခိုင်ပြည်နယ်မှ ရိုဟင်ဂျာ ကျောင်းသားများ စက်မှုတက္ကသိုလ်နှင့် ဆေးတက္ကသိုလ် အမှတ်ပြည့်မှီပြီး၊ မိဘများ နိုင်ငံသား ဖြစ်ကြသော်လည်း ရန်ကုန်မြို့သို့ လာရောက်၍ ပညာသင်ကြားခွင့် ပိတ်ပင်ခံခဲ့ရသည်။ 

ဦးရွှေမောင်၏ ဖခင်ဖြစ်သူ ဦးအဒူဟာဒီသည် ၁၉၁၈ ခုနှစ်တွင် မွေးဖွားခဲ့ပြီး၊ ဘူးသီးတောင် မြို့နယ်တွင် ထင်ရှားသည့် ရဲအရာရှိ တစ်ဦးဖြစ်ခဲ့သည်။ ၁၉၇၈ ခုနှစ်ထိ နိုင်ငံ့တာဝန် ထမ်းဆောင်ခဲ့ပြီး အငြိမ်းစား ယူခဲ့ခြင်းသည်။ ဦးရွှေမောင်၏ မိဘ နှစ်ပါးစလုံးသည် ၁၉၅၇ ခုနှစ်တွင် နိုင်ငံသားများသာ ကိုင်ဆောင်ခွင့် ရခဲ့သည့် ဂဏန်း ၆ လုံးပါ အမျိုးသား မှတ်ပုံတင် ကဒ်ပြားများကို အခြားသော မြန်မာတိုင်းရင်းသားများ နည်းတူ ကိုင်ဆောင်ခဲ့ပြီး၊ ရခိုင်ပြည်နယ်ရှိ ရိုဟင်ဂျာ လူမျိုးများ အားလုံးသည်လည်း ယာယီ သက်သေခံ ကဒ်ပြားများ မကိုင်ဆောင်မှီ အထိ အမျိုးသား မှတ်ပုံတင် ကဒ်ပြားများသာ ကိုင်ဆောင်ခဲ့ကြသည်။ 

ဦးရွှေမောင်သည် ၂၀၁၆ ခုနှစ် ဇန်န၀ါရီလ အထိ တရားဝင် ပြည်သူ့ လွှတ်တော် ကိုယ်စားလှယ် တစ်ဦး ဖြစ်သော်လည်း လာမည့် ရွေးကောက်ပွဲတွင် ပါဝင် ယှဉ်ပြိုင်ရန် လျှောက်ထားသည့် လျှောက်လွှာကို မောင်တော ခရိုင် ရွေးကောက်ပွဲ ကော်မရှင် အဖွဲ့ခွဲက ဦးရွှေမောင် မမွေးဖွားမှီ မိဘများ နိုင်ငံသား မဖြစ်ခဲ့ဟုဆိုကာ ပယ်ချလိုက်ကြောင်း သြဂုတ်လ (၂၂) ရက်နေ့က အကြောင်းကြားစာ ပေးပို့ခဲ့သည်။ အကြောင်းကြားစာတွင် ဒေါက်တာ အေးမောင် ဦးဆောင်သည့် ရခိုင် အမျိုးသားပါတီမှ ကိုယ်စားလှယ်လောင်း ဦးအောင်သောင်းရွှေက ကန့်ကွက် ထားသည်ကိုလည်း ထည့်သွင်း ဖော်ပြ ထားပါသည်။ 

ဦးရွှေမောင်၏ လျှောက်လွှာကို ပယ်ချခြင်းမှာ ခိုင်လုံသည့် အကြောင်းပြချက် တစ်ရပ် မဟုတ်ဘဲ၊ ရည်ရွယ်ချက် ရှိရှိဖြင့် တမင် လုပ်ကြံ ဖန်တီးမှု တစ်ခုဖြင့် ပယ်ချလိုက်ခြင်းသာ ဖြစ်သည်။ ဦးရွှေမောင်က ယခုကဲ့သို့ ပယ်ချခြင်းနှင့် ပတ်သက်၍ ရခိုင်ပြည်နယ် ရွေးကောက်ပွဲ ကော်မရှင် အဖွဲ့ခွဲသို့ အယူခံ တင်မည်ဟု ၎င်း၏ ဖေ့စ်ဘုတ် စာမျက်နှာတွင် ရေးသား ထားပါသည်။ 

လာမည့် နိုဝင်ဘာလ (၈) ရက်နေ့တွင် ကျင်းပမည့် ရွေးကောက်ပွဲတွင် ရခိုင်ပြည်နယ်ရှိ ရိုဟင်ဂျာများသည် ဗြိတိသျှ ကိုလိုနီခေတ်မှ ၂၀၁၀ ရွေးကောက်ပွဲ အထိ ရရှိခဲ့သည့် မဲပေးခွင့်ကို ဆုံးရှုံးမည် ဖြစ်ပြီး၊ ဥပဒေ အရ အမျိုးသား မှတ်ပုံတင် ကိုင်ဆောင်သူများမှာ မဲပေးခွင့် ရှိသော်လည်း အမျိုးသား မှတ်ပုံတင် ကိုင်ဆောင် ထားသည့် ရိုဟင်ဂျာများ၏ မဲစာရင်းများကို သက်ဆိုင်ရာ မြို့နယ် ရွေးကောက်ပွဲ ကော်မရှင် အဖွဲ့ခွဲများမှ ထုတ်ပြန်ပေးခြင်း မရှိပေ။ 

ဦးရွှေမောင်နှင့် အတူ အမျိုးသား လွှတ်တော် အတွက် ၀င်ရောက် ယှဉ်ပြိုင်ရန် လျှောက်လွှာ တင်ထားသည့် ဒေါ်ခင်ခင်ဝင်းလည်း ပယ်ချခဲ့ရသည်ဟု ပြည်တွင်း မီဒီယာ တစ်ခုမှ ရေးသား ထားသော်လည်း RB News မှ ယခုအချိန်ထိ သီးခြား အတည်ပြုချက် ရယူနိုင်ခြင်း မရှိသေးပါ။ 

မောင်တော ခရိုင်ရှိ မဲဆန္ဒနယ်များမှ ၀င်ရောက် ယှဉ်ပြိုင်ရန် အခြားသော ကိုယ်စားလှယ် လောင်းများ လျှောက်လွှာ တင်ထားပြီး၊ ၎င်းတို့နှင့် ပတ်သက်သည့် အခြေအနေများကို သြဂုတ်လ (၃၁) ရက်နေ့ထိ စောင့်ကြည့် ရမည် ဖြစ်သည်။

မောင်တော ခရိုင် ရွေးကောက်ပွဲ ကော်မရှင် အဖွဲ့ခွဲမှ ပေးပို့သည့်စာ -- 




ဦးရွှေမောင်၏ ဘွဲ့လက်မှတ် -- 





မဆုမွန်
22.8.2015

၂၀၁၅ ရွေးကောက်ပွဲမှာ ဝင်ရောက် ယှဉ်ပြိုင် အရွေးခံ ကြရမယ့် လွှတ်တော် ကိုယ်စားလှယ် လောင်းတွေကို ပိုပြီးတော့မှ ခိုင်မာ တိကျ သေချာအောင် စိစစ် လိုတာကြောင့် လွှတ်တော် အသီးသီး အတွက် လွှတ်တော် ကိုယ်စားလှယ် လောင်းများ အမည် စာရင်း တင်သွင်းလွှာ စိစစ်မယ့်ရက်ကို ပြောင်းလဲ ပြင်ဆင် သတ်မှတ် လိုက်တယ်လို့ ပြည်ထောင်စု ရွေးကောက်ပွဲ ကော်မရှင်ဘက်က ပြောပါတယ်။ ဝင်ရောက် ယှဉ်ပြိုင် ကြမယ့် ပါတီ အသီးသီးနဲ့ တသီး ပုဂ္ဂလ ကိုယ်စားလှယ် aလာင်းအချို့ အကြား နိုင်ငံသား ဖြစ်တည်မှု ဆိုင်ရာ အငြင်းပွားမှုတွေ ရှိနေတဲ့ အတွက် အခုလို စိစစ်မှုရက်ကို တိုးလိုက်တာ ဖြစ်နိုင်တယ် လို့လည်း ကိုယ်စားလှယ်လောင်း တွေက သုံးသပ်ပါတယ်။ အသေးစိတ်ကို မဆုမွန် တင်ပြပေးပါမယ်။

လာမယ့် နိုဝင်ဘာလ ၈ ရက်နေ့မှာ ကျင်းပမယ်လို့ ကြေညာ ထားတဲ့၂၀၁၅ ရွေးကောက်ပွဲ အတွက် လွှတ်တော်အသီးသီးမှာ ဝင်ရောက်ယှဉ်ပြိုင်ဖို့ အမည်စာရင်းတင်သွင်းလွှာ တင်လာတဲ့ ကိုယ်စားလှယ်လောင်းတွေကို စိစစ်မယ့်နေ့ရက်ကို စတင် စိစစ်မယ့်ရက် သြဂုတ်လ ၁၈ ရက်နေ့ကနေ သြဂုတ်လ ၃၁ ရက်နေ့ အထိ နောက်ဆုံးထားပြီးပြည်ထောင်စု ရွေးကောက်ပွဲကော်မရှင်က ပြောင်းလဲပြင်ဆင် တိုးမြှင့် သတ်မှတ်လိုက်ပါတယ်။

သက်ဆိုင်ရာရွေးကောက်ပွဲကော်မရှင်အဖွဲ့ခွဲတွေက ပိုပြီးတော့ တိကျခိုင်မာအောင် စိစစ်နိုင်ဖို့နဲ့ နောက်တကြိမ် ပြန်လည် အရွေးခံမယ့် လွှတ်တော်ကိုယ်စားလှယ်လောင်းတွေ လွှတ်တော်အစည်းအဝေး တက်နေကြရတဲ့အတွက် စိစစ်နိုင်ဖို့ အချိန်ကို ထပ်တိုး သတ်မှတ်လိုက်ရတာဖြစ်တယ်လို့ ပြည်ထောင်စုရွေးကောက်ပွဲကော်မရှင် တာဝန်ရှိသူ ဦးမြင့်နိုင်က ဗွီအိုအေကိုပြောပါတယ်။-

“လွှတ်တော်ကိုယ်စားလှယ်တွေကလည်း ဒီမှာတက်နေတဲ့အခါကျတော့ သူတို့ကိုယ်တိုင် သွားစစ်ဖို့ရာအတွက် နည်းနည်းလေး အချိန်အခက်အခဲရှိလို့ ပြောလားမသိဘူး၊ ကိုယ်တိုင် စိစစ်ဖို့ရာအတွက် အခက်အခဲမရှိအောင် အချိန်လေး တိုးပေးလိုက်တဲ့သဘောပါပဲ။ ရေဘေးနဲ့ လွှတ်တော်ကိုတက်လာမှာဆိုတော့ သူတို့ ကိုယ်စားလှယ်လောင်းတွေ စိစစ်ဖို့ရာ အခက်အခဲမရှိအောင်ပေါ့၊ အဆင်ပြေအောင်လို့ တိုးပေးလိုက်တဲ့သဘောပါပဲ။ စိစစ်တာကတော့ လွှတ်တော် ကိုယ်စားလှယ်လောင်း သတ်မှတ်ထားတဲ့အရည်အချင်းတွေ ရှိတယ်လေ။ ဥပဒေမှာ အဲဒီအရည်အချင်းတွေနဲ့ ညီလား၊ မညီလား ဟုတ်လား- နိုင်ငံသားဖြစ်ရမယ်၊ နိုင်ငံအတွင်းမှာ တဆက်တည်း ၁၀ နှစ်နေရမယ်၊ စသည်ဖြင့် သည်လိုသတ်မှတ်ထားတာ ရှိတယ်လေ။ လွှတ်တော်ကိုယ်စားလှယ်လောင်းသည် အသက် ၂၅ နှစ် ပြည့်ရမယ်၊ အမျိုးသားဆိုရင် အသက် ၃၀ ပြည့်ရမယ်- စသဖြင့် ဒီလို အရည်အချင်းနဲ့ သတ်မှတ်ထားတဲ့ အရည်အချင်းတွေရှိတယ်လေ။ ဒါလေးပါ။”

အခုလို ပြည်ထောင်စုရွေးကောက်ပွဲကော်မရှင်ဘက်က ကိုယ်စားလှယ်လောင်း စိစစ်မှုသတ်မှတ်ရက်ကို တိုးမြှင့်လိုက်တာဟာ မဲဆန္ဒနယ်အချို့က ကိုယ်စားပြုတင်သွင်းလာတဲ့ လွှတ်တော်ကိုယ်စားလှယ်လောင်းတွေရဲ့ နိုင်ငံသားဖြစ်တည်မှု အရည်အချင်းသတ်မှတ်မှုတွေမှာ အငြင်းပွားမှုတွေရှိလာနေတာကြောင့် ပိုပြီးတော့မှတော့ တိကျသေချာအောင် စစ်ဆေးလိုတဲ့အတွက်ဖြစ်တယ်လို့လည်း ပြည်သူ့လွှတ်တော်ကိုယ်စားလှယ်ဦးရဲထွန်းက သုံးသပ်ပါတယ်။

“ခရိုင်ကော်မရှင်တွေကတော့ အဓိက စစ်တာကတော့ နိုင်ငံသားဖြစ်မှု၊ မဖြစ်မှု- အဲဒီ သူ့ရဲ့မိဘနှစ်ပါးက သူမမွေးခင်မှာ နိုင်ငံသားဖြစ်ရမယ်ဆိုတဲ့အချက်လေ။ အဲလို ဖြစ်တဲ့အခါကျတော့ အခု အသစ်တွေကိုပဲ အဓိက စစ်ဆေးတာပေါ့နော်။ ကျနော်တို့ကိုလည်း ခေါ်တော့ ခေါ်ထားတယ်။ ၂၄ ရက်နေ့ သွားရမှာပေါ့။ နိုင်ငံသားကိစ္စပါပဲ။ နိုင်ငံသားကိစ္စကို စစ်ဆေးတာ။ အဲဒီဟာ စိစစ်ဖို့လေ။ စိစစ်ဖို့ဆိုတော့ ခရိုင်ကော်မရှင်ရုံးမှာသွားမယ်။ သူတို့ကနေပြီးတော့ အဲဒီအချက်အလက်တွေကို စိစစ်မယ်။ နောက်ပြီးတော့ ကျနော်တို့ဘက်ကတော့ ပုံစံ (၁၀) တို့၊ ဘာတို့ကို ယူသွားပြရမယ်။ တကယ်လို့ ဒီကြားထဲမှာ ကျနော်နဲ့ပြိုင်ဘက် လွှတ်တော်ကိုယ်စားလှယ်လောင်း တယောက်ယောက်က တိုင်တန်းထားတာတွေဘာတွေ ရှိလို့ ရှိရင်လည်း အဲဒါတွေကို စစ်ဆေးမှာပေါ့နော်။ တချို့နေရာတွေမှာတော့ အဲဒီလို အပြန်အလှန် တိုင်တန်းကြတာတွေ ရှိတယ်လေ။”

ကချင်ပြည်နယ် အင်ဂျန်းယန်မဲဆန္ဒနယ်ကနေ ၂၀၁၀ တုန်းက အရွေးချယ်ခံရပြီး အခု ၂၀၁၅ ရွေးကောက်ပွဲမှာ ဒုတိယ အကြိမ် ပြန်လည် အရွေးခံဖို့ ပြင်ဆင်နေတဲ့ပြည်သူ့လွှတ်တော်ကိုယ်စားလှယ် ဒေါ်ဒွဲဘူက ကိုယ်စားလှယ်လောင်း စိစစ်မှုတွေနဲ့အတူ အင်ဂျင်းယန်မှာ သူ့နဲ့အတူ ဝင်ရောက်ယှဉ်ပြိုင်ကြမယ့် ကိုယ်စားလှယ်လောင်းတွေအပေါ် ရွေးချယ်မှုတွေနဲ့ပတ်သက်ပြီး အခုလိုပြောပါတယ်။

“လွှတ်တော်ကိုယ်စားလှယ်လောင်း တင်သွင်းပြီးသွားပါပြီ။ စစ်ဆေးခံတာလည်း ပြီးသွားပါပြီရှင့်။ ကျမကတော့ နေပြည်တော်မှာ အစည်းအဝေး တက်နေပေမယ့် ကျမတို့ရဲ့ရွေးကောက်ပွဲကိုယ်စားလှယ် ဦးနန်းဇာခေါင်နဲ့ စိစစ်ပြီးဖြစ်ပါတယ်ရှင့်။ ၂၀၁၀ တုန်းကတော့ ကျမက ပြိုင်ဘက်တယောက်ပဲ ရှိပါတယ်။ တိုင်းရင်းသားစည်းလုံးညီညွတ်ရေးပါတီ ကပါ။ ၂၀၁၅ မှာတော့ ကျမနဲ့ဆိုလို့ရှိရင် အားလုံး ပါတီပေါင်း ၆ ပါတီပြိုင်ပါတယ်။ ပြိုင်တဲ့ပါတီတွေကတော့ အရင် ကျမနဲ့ပြိုင်ဘက် တိုင်းရင်းသားစည်းလုံးညီညွတ်ရေးပါတီရယ်၊ နောက် - ဒေါက်တာတူးဂျာပါတီရယ်၊ နောက် ကချင်ပါတီတခု၊ နောက်ပြီးတော့မှ NDF ၊ NLD နဲ့ ကျမတို့ စည်းလုံးညီညွတ်ရေးနဲ့ ဒီမိုကရေစီပါတီ ပေါ့နော်။ ၆ ပါတီ ပြိုင်မှာပါရှင့်။ မဲဆန္ဒရှင်တွေအနေနဲ့တော့ အားလုံးကောင်းကြတယ်ဆိုပေမယ့် အဲဒီထဲက တယောက်တည်းကိုပဲ ရွေးရမှာဖြစ်ပါတယ်။ ပြည်သူတွေကိုလည်း သူတို့ရဲ့ရွေးချယ်မှုကိုပဲ ကျမ တန်ဖိုးထားပါတယ်လို့ပဲ ပြောချင်ပါတယ်ရှင့်။”

ပြည်ထောင်စုရွေးကောက်ပွဲကော်မရှင်ကို တင်သွင်းလာတဲ့ လွှတ်တော်ကိုယ်စားလှယ် အမည်စာရင်း တင်သွင်းလွှာတွေ ထဲမှာ ကိုယ်စားလှယ်လောင်းရွေးချယ်မှု မှန်ကန်မှုရှိစေရေး၊ ရွေးချယ်စစ်ဆေးမှုတွေမှာ နှောင့်နှေးကြန့်ကြာမှုမရှိစေရေးနဲ့ သက်ဆိုင်ရာ ကိုယ်စားလှယ်လောင်းတွေ နစ်နာမှုမရှိစေရေးတို့အတွက် လွှတ်တော် ကိုယ်စားလှယ်လောင်းတွေအနေနဲ့ ကိုယ်စားလှယ်လောင်း စိစစ်နေတဲ့အချိန်မှာ မိမိတို့ကိုယ်တိုင် အလေးထား သွားရောက်ကြစေလိုပါတယ်လို့လည်း ရွေးကောက်ပွဲကော်မရှင်ဥက္ကဋ္ဌက တိုက်တွန်းထားပါတယ်။

ဒါကြောင့် သက်ဆိုင်ရာ လွှတ်တော်ရွေးကောက်ပွဲကော်မရှင်တွေက ရွေးကောက်ပွဲ နည်းဥပဒေအရ အမည်စာရင်း တင်သွင်းလွှာတွေကို စိစစ်ဆောင်ရွက်နေချိန်မှာ သက်ဆိုင်ရာ လွှတ်တော်ကိုယ်စားလှယ်လောင်း၊ ရွေးကောက်ပွဲ ကိုယ်စားလှယ်လောင်းနဲ့ ကိုယ်စားလှယ်လောင်းတွေကနေ စာနဲ့ တာဝန်လွှဲအပ်ထားသူတွေက လာရောက် စစ်ဆေးခံရမှာ ဖြစ်ပါတယ်။

အခုအချိန်အထိ ၂၀၁၅ ရွေးကောက်ပွဲကို ဝင်ရောက်ယှဉ်ပြိုင်ကြမယ့် ပြည်သူ့လွှတ်တော်ကိုယ်စားလှယ်လောင်းက ၁,၇၇၂ ဦး၊ အမျိုးသားလွှတ်တော်ကိုယ်စားလှယ်လောင်း ၉၁၃ ဦး၊ တိုင်းရင်းသားလူမျိုး လွှတ်တော်ကိုယ်စားလှယ်လောင်း ၁၆၃ ဦးအပါအဝင် တိုင်းဒေသကြီးနဲ့ ပြည်နယ်လွှတ်တော်ကိုယ်စားလှယ်လောင်း ၃,၅၀၄ ဦး အားလုံး စုစုပေါင်း တင်သွင်းလာတဲ့ လွှတ်တော်ကိုယ်စားလှယ်လောင်း ၆,၁၈၉ ဦးရှိနေပါတယ်။

Rohingya Exodus