နောက်ဆုံးသတင်း/ဆောင်းပါးများ

ဘာသာရေး ခုတုန်းလုပ် နိုင်ငံရေး အမြတ်ထုတ်မှု ရပ်ချိန် တန်ပြီ

(ဓါတ်ပုံ - စတီဗင် စီခါ Facebook)
O'Laie Manzu
29.3.2013

လက်ရှိ ဖြစ်ပွား လျက်ရှိသော ဘာသာရေး အကြမ်းဖက် သမား များ၏ လုပ်ဆောင် ချက်များအား ဖော်ထုတ် အရေးယူ ရန်အတွက် နိုင်ငံတော် အစိုးရမှ စုံစမ်း စစ်ဆေး နေခြင်းနှင့် လက်တလော ထုတ်ပြန် လိုက်သည့် ရပ်တည်ချက် သဘောထားကို ကြိုဆိုရ ပါလိမ့်မည်။ သို့သော် လက်တွေ့တွင် စုံစမ်း စစ်ဆေးမှု များနှင့် အရေးယူ ဆောင်ရွက်မှု များသည် ပွင့်လင်း မြင်သာ၍ ထိရောက်သော ကိုင်တွယ် ဖြေရှင်း မှုမျိုး ဖြစ်စေရန် အရေးကြီး လှပေသည်။ လူအများ သိစေရန် လိုအပ်သည်။ ဥပဒေရှေ့ မှောက်တွင် ပြည်သူများ အားလုံး တစ်ပြေးညီ ဖြစ်ကြောင်း သက်သေပြ ရပေ လိမ့်မည်။ သို့မှ သာလျှင် နောင်အနာ ဂတ်တွင် ဘာသာရေး၊ လူမျိုးရေး အပေါ် အခြေခံ သည့် အကြမ်းဖက် စော်ကား မှုများ အပြီးသပ် ချုပ်ငြိမ်း သွားမည် ဖြစ်ပြီး ငြိမ်းချမ်းသော ခရီးလမ်းတွင် မြန်မာ နိုင်ငံသားများ အတူ တကွ လျှောက်လှမ်း နိုင်ကြမည် ဖြစ်သည်။ 

မိတ္ထီလာ အရေး အခင်း မဖြစ်ပွားမှီ တစ်ပတ် လောက်ကပင် ဗုဒ္ဓဘာသာ အစွန်းရောက် ၉၆၉ ဂိုဏ်းသည် ဘုရား တရား သံဃာ အမည်ခံ၍ လူသတ်မှုများ ကျူးလွန်ရန် ဆိုင်းပြင်း နေကြောင်း၊ သတိထား ကြရန် လိုအပ် ကြောင်းနှင့် အချိန် မနှောင်းမှီ သက်ဆိုင်ရာ တာဝန်ရှိ သူများ အနေဖြင့် တားဆီး ပိတ်ပင်ရန် လိုအပ်ကြောင်း သတိပေးမှု များစွာ ထွက်ပေါ် လာခဲ့သည်။ ဘာသာရေး အစွန်း ရောက်များ အတင့်ရဲ့စွာ အစ္စလာမ် ဘာသာအား စော်ကားမှုများ ပြုလုပ် နေသောကြောင့် လူတော်တော် များများ မှလည်း ဘာသာရေး အဓိကရုဏ်း ဖြစ်ပွား လာမည်ကို စိုးရိမ် နေခဲ့ ကြသည်။ အစိုးရနှင့် နိုင်ငံရေး သမား များမှာလည်း အဓိကရုဏ်း ဖြစ်ပွား လာမည်ကို တွက်ချက် မှန်းဆ ထားပြီး ဖြစ်ပေ လိမ့်မည်။ သို့သော် အလေးပေး အရေးယူ ဆောင်ရွက် မှုများ မပြုလုပ် ခဲ့သောကြောင့် ယခု ကဲ့သို့ အကျည်း တန်လှသည့် အကြမ်းဖက် မှုများ ဖြစ်ပွား ခဲ့ပြီး အပြစ်မဲ့ ပြည်သူများ အသက် အိုးအိမ် ဆုံးရှုံး ကြရသည်။ တိုင်းပြည် မငြိမ်သက်မှု များဖြင့် ရင်ဆိုင် ရသည်။ ဘာသာဝင် များအကြား အပြန် အလှန် တိုက်ခိုက် သတ်ဖြတ် ကြသည့် ပဋိပက္ခ မဟုတ်။ ဗုဒ္ဓဘာသာ အစွန်းရောက် များ၏ အကြမ်း ဖက်မှုများ အဖြစ် ထင်ရှားစွာ ထွက်ပေါ် လာခဲ့သည်။ ဗုဒ္ဓ ဘာသာအား ငြိမ်းချမ်းရေး တရား လက်ကိုင် ထားသည့် ဘာသာ တရား အဖြစ် အသိ အမှတ် ပြုနေသည်ကို ဖျက်ဆီး လိုက်သကဲ့သို့ ကမ္ဘာ့ အလယ်တွင် ဗုဒ္ဓဘာသာ၏ ဂုဏ်တော် ညိုးမှိန် ရသည်။ ဤအကြမ်း ဖက်မှု များအား ထိရောက်စွာ ကိုင်တွယ် ဖြေရှင်းမှု မပြုပါက ဒီမိုကရေစီ စနစ် အောက်တွင် အကြမ်းဖက် သမား များအား လွတ်လပ်စွာ လူ့အခွင့် အရေး ချိုးဖောက်ခွင့် ပေးထား သကဲ့သို့ အပြစ်မဲ့ ပြည်သူများ အကြား ဆက်လက်၍ ရမ်းကား စော်ကား နေကြပေ လိမ့်မည်။ လူရမ်း ကားများ လွတ်လပ်စွာ သွားလာ နေကြ ပေလိမ့်မည်။ 

ဒီမိုကရေစီ နည်းစနစ်အား လက်တွေ့ ကျင့်သုံး ရာတွင် တရား ဥပဒေ စိုးမိုးရေးအား ထိန်ချန် ထား၍ မရနိုင်ပေ။ လူ့အသိုင်း အဝိုင်း အတွင်း အတူ တကွ နေထိုင်ကြ သူများအဖို့ စည်းဘောင်အတွင်း နေထိုင် ကြရန် လိုအပ် ပါသည်။ မြန်မာ နိုင်ငံ အတွင်း နေထိုင် ကြသူ တိုင်းသည် ဥပဒေအား ခြွင်းချက် မရှိ လိုက်နာ ကျင့်သုံး ရမည်။ ဥပဒေ အောက်၌ တပြေးညီ ရှိနေ ကြရမည်။ ဥပဒေ များသည်လည်း တရား မျှတသော ပြဋ္ဌာန်း ချက်များ ဖြစ်နေရမည်။ ချိုးဖောက် မှုများအား ဥပဒေပါ ပြဋ္ဌာန်း ချက်များနှင့် အညီ သက်ဆိုင်ရာ တာဝန်ရှိ သူများမှ ကိုင်တွယ် ဖြေရှင်း ရမည်။ အကြမ်း ဖက်သမားများ ကျင့်သုံး လျက်ရှိသော ကိုယ့်နည်း ကိုယ့်ဟန်ဖြင့် ကိုင်တွယ် ဖြေရှင်းခြင်း နည်းစနစ်သည် တည်ဆဲ ဥပဒေ များအား လေးစား လိုက်နာခြင်း မရှိသည့် အပြင် ဥပဒေအား ချိုးဖောက်ရာ ရောက်ပေသည်။ 

အစ္စလာမ် သာသနာဝင် ရိုဟင်ဂျာ များအား အကြမ်းဖက် နှိမ်နှင်းသည့် ပြစ်မှု များအား ထိရောက်စွာ အရေးယူ ဆောင်ရွက် နိုင်ခြင်း မရှိ သောကြောင့် အကြမ်းဖက် သမားများ အနေဖြင့် အတင့်ရဲ လာကြသည်။ ၎င်းတို့၏ လုပ်ရပ်အား အပြစ်ပေး အရေး ယူခြင်းခံရမှု မရှိ နိုင်ကြောင်း ယူဆလာ ကြသည်။ ဥပဒေအား ဥပက္ခာ ပြုလာ ကြသည်။ ရခိုင် ပြည်မြောက်ပိုင်း မေယု ဒေသ၊ သာကေတ၊ မိတ္ထီလာ နှင့် လက်ရှိ ကူးဆက် ပြန့်ပွား လျက်ရှိသော ပဲခူးတိုင်း အကြမ်း ဖက်မှု များသည် မြန်မာ မွတ်စလင် များအပေါ် ဥပဒေမဲ့ စော်ကား နေမှုများ ဖြစ်ပြီး မြန်မာ နိုင်ငံတွင် တရား ဥပဒေ စိုးမိုးရေး မရှိကြောင်း၊ တည်ဆဲ ဥပဒေ များအား လိုက်နာ ကျင့်သုံးမှု မရှိကြောင်း၊ ဥပဒေ အရ အပြစ်ပေး အရေးယူမှု အားနည်း နေကြောင်း ပေါ်လွင် စေသည့် သက်သေ အထောက် အထား များပင် ဖြစ်သည်။ 

အပြစ်မဲ့ ပြည်သူ များအား မီးရှိူ့ သတ်ဖြတ် ခြင်းသည် လူမဆန် သောလုပ်ရပ် ဖြစ်ပြီး ကြီးမားသည့် ရာဇဝတ် ပြစ်မှု ဖြစ်ပါသည်။ ဘာသာတရား ကိုင်းရှိူင်းသူ များမဆိုထားနှင့်၊ ဘာသာမဲ့ များသည် ပင်လျှင် ဤကဲ့သို့သော ပြုမှုခြင်းများ ပြုလုပ် ကြလိမ့် မည်မဟုတ်။ ဗုဒ္ဓ ဘာသာ၏ လမ်းညွန် စေခိုင်းမှု လည်းမဟုတ်။ ဘာသာရေး လူမျိုးရေး မတူ ကွဲပြားမှုအား အကြောင်း ပြုသည့် ရာဇဝတ်မှု တစ်ရပ် အဖြစ် ရှူမြင် ရပါမည်။ ကလေး သူငယ်များ အပါ အဝင် အပြစ်မဲ့ ပြည်သူ များအား ရိုက်နက်ခြင်း၊ မီးရှိူ့ သတ်ဖြတ်ခြင်း များပြုလုပ် ခဲ့သော တရားခံ များသည် အပြစ်ပေး အရေးယူခြင်း မခံရဘဲ ပြည်သူများ အကြားတွင် လွတ်လပ်စွာ သွားလာ နေမည် ဆိုပါက ဤကဲ့သို့သော အကြမ်း ဖက်မှုများ ထပ်မံ ဖြစ်ပွား နေပေ လိမ့်မည်။ လူသတ် မှုများ၊ အကြမ်း ဖက်မှုများ အပြင် နိုင်ငံ တော်နဲ့ အမျိုး ဘာသာ သာသနာ၏ ဂုဏ်သိက္ခာ ညိုးနွမ်းအောင် ပြုကျင့်သူ တိုင်းအား ထိရောက်စွာ အရေးယူ ရပေလိမ့်မည်။ အကြမ်းဖက် လူသတ်မှုများ ဖြစ်ပွား စေရန် လှုံ့ဆော် ကြသော ဘာသာရေး အစွန်း ရောက်များ၊ နိုင်ငံရေး သမားများနှင့် သတင်း မီဒီယာများ အားလည်း ဖော်ထုတ် အရေးယူရန် လိုအပ် ပါသည်။ 

မြန်မာ နိုင်ငံတွင် နိုင်ငံရေး အကြပ် အတည်း ဖြစ်တိုင်း ဘာသာရေး အဓိကရုဏ်း ဖန်တီးသည့် အစဉ် အလာမှာ အင်္ဂလိပ် အစိုးရမှ မျိုးစေ့ ချခဲ့ပြီး ခေတ်အဆက် ဆက်ရှိ အစိုးရများ ကျင့်သုံး ခဲ့သော နည်းဗျူဟာ တစ်ရပ် ဖြစ်သည်။ နှစ်ပေါင်း များစွာ ကျင့်သုံးခဲ့ သောကြောင့် အမုန်း ပွားမှုများ ကြီးထွား လျက်ရှိပြီး လူစိတ် ပျောက်သည် အထိ ဆိုးရွား လာသည်ကို လက်ရှိ မိတ္ထီလာ အကြမ်း ဖက်မှုတွင် ထင်ရှားစွာ တွေ့မြင်ရ ပါသည်။ ဘာသာရေး အကြောင်း ပြသည့် နိုင်ငံရေး ကစားမှု ထုံးတမ်း အစဉ် အလာအား နောင်အနာ ဂတ်တွင် ဖြစ်ပွားမှု မရှိစေရန် ဥပဒေ ကြောင်းဖြင့် အမြစ်မှ တွန်းလှန် ရမည်။ ပြည်သူ့ ရှေ့မှောက်တွင် ပွင်းလင် မြင်သာစွာဖြင့် အရေးယူ ဖြေရှင်းပေး ရပါ လိမ့်မည်။ ထို့အပြင် ပျက်စီး ဆုံးရှူံး သွားသော အိုးအိမ်များ၊ စီးပွားရေး လုပ်ငန်း များနှင့် ဘာသာရေး အဆောက်အဦ များအား မူလ အတိုင်း ပြန်လည် တည်ဆောက် နိုင်ရန်အတွက် ပြန်လည် မွန်းမံခွင့်နှင့် ထောက်ပံ့ ကူညီမှု များဖြင့် ပံ့ပိုးပေးရ ပါလိမ့်မည်။ မြန်မာ မွတ်စလင် များ၏ အသက် အန္တာရာယ် အားလည်း ဥပဒေ ဘောင်အတွင်းမှ အကာ အကွယ် ပေးသည့် အာမခံ ချက်များ ရှိစေရန် အတွက် နိုင်ငံတော် အစိုးရမှ လက်တွေ့ အကောင် အထည် ဖော်ဆောင်ရွက် ရပါမည်။ 

Comment ရေးရန်

Rohingya Exodus