အကြံ ကိုယ်စီဖြင့် မြှောက်ထိုး ပင့်ကော် လုပ်ချ လိုက်ပြန်ပြီ

O'Laie Manzu

23.3.2013

မြန်မာ နိုင်ငံ၌ နိုင်ငံရေး အခြေ အနေ အပြောင်း အလဲ သို့မဟုတ် အကြပ် အတည်း များနှင့် ရင်ဆိုင် ရသည့် အချိန် ကာလ တိုင်းတွင် ဘာသာရေး ပဋိပက္ခများ ဖြစ်ပေါ်လေ့ ရှိတတ်သည်။ ဘာသာရေး ပဋိပက္ခ ဆိုသော်လည်း ဘာသာတရား များအကြား အယူအဆ ပိုင်းဆိုင်ရာ ကွဲပြားမှုကြောင့် ဖြစ်ပေါ်သော ပြဿ နာ မျိုး မဟုတ်။ နှစ်ဖက်သော ဘာသာဝင်များမှ အပြန်အလှန် တိုက်ခိုက် ကြခြင်းမျိုး လည်းမဟုတ်။ လူများစု ဖြစ်သောဗုဒ္ဓဘာသာဝင်များအနက်မှ အချို့သောဘာသာရေး လူမျိုးရေးအစွန်းရောက် သောင်း ကြမ်း သူ များမှာ အာဏာရှုး များ၏ သွေးထိုး လှုံ့ဆော်မှုဖြင့် အစ္စလာမ် သာသနာ ဝင်များအား နိုင်ထက် စီးနင်း ကျူးကျော် စော်ကားခြင်း မျိုးသာ ဖြစ်လေ့ရှိသည်။ ဘာသာရေး အသုံးချသည့် နိုင်ငံရေး ကစားကွက် များသာဖြစ်သည်။ 

အစဉ် အလာ ပစ်ကွင်း 

၂၀၁၅ ခုနှစ် ရွေးကောက်ပွဲတွင် ဒေါ်အောင်ဆန်း စုကြည် ဦးဆောင်သည့် အမျိုးသား ဒီမိုကရေစီ အဖွဲ့ချုပ်နှင့် တော်လှန်ရေး အသိုင်းအဝိုင်းမှ ခေါင်းဆောင်များ ဝင်ရောက်လာ ကြလိမ့်မည် ဖြစ်သည်။ အတိုက်အခံ ခေါင်းဆောင်များ၏ အရှိန်အဝါမှာ လက်ရှိ အာဏာရ ကြံဖွံ့ပါတီ အတွက် စိုးရိမ် စရာ ဖြစ်နေ သည်။ ၂၀၁၅ ရွေးကောက်ပွဲအား မျှတသည့် ရွေးကောက်ပွဲအဖြစ် စနစ်တကျ ပြုလုပ်ရန် ကမ္ဘာ့နိုင်ငံ ကြီးများမှ တွန်းအားပေး နေသည်။ တရားမျှတသည့် ရွေးကောက်ပွဲ မှန်လျှင် လက်ရှိ လွှတ်တော် အမတ် များနှင့် အစိုးရအဖွဲ့ဝင် ကြံ့ဖွံ့ပါတီဝင်များ နိုင်ငံရေး စင်မြင့်မှ ဖယ်ပေးရမည့် အလား အ လာ ပေါ်ပေါက် နေပါသည်။ ထို့အပြင် ကြံ့ဖွံ့ပါတီ၏ အပေါင်းအပါ ဖြစ်သော စစ်တပ်မှလည်း ၎င်းတို့၏ လွတ်တော်နေရာ ၂၅% အားထိပါး လာနေသည်ကို စိုးရိမ်ကြသည်။ ဖွဲ့စည်းပုံ အခြေခံ ဥပဒေ အား ပြင်ဆင်ကာ စစ်တပ်၏ အခန်း ကဏ္ဍအား ပြုပြင်မည့် အချိန်ကာလသို့ ၎င်းတို့ တွက်ချက် ထားသည် ထက် မြန်ဆန်စွာ ရောက်ရှိ လာမည် ဖြစ်သည်။ စစ်တပ်နှင့် ကြံဖွံ့ပါတီ တို့မှာ အုပ်စု တစ်စုတည်းမှ ကဏ္ဍနှစ်ခုခွဲကာ နိုင်ငံရေး အာဏာအား ချုပ်ကိုင်ထား နေခြင်းသာဖြစ်သည်။ နိုင်ငံရေးတွင် ချယ် လှယ် နေသော ၎င်းတို့၏ အခန်းကဏ္ဍ နှစ်ရပ်လုံးအား တိုက်ရိုက် ထိပါး လာသည်ကို ကာကွယ်လိုသော အကြံဖြင့် အစဉ်အလာ အတိုင်း ဘာသာရေး အဓိကရုဏ်း ဖန်တီးကြသည်။ တိုင်းပြည် မငြိမ်မ သက် ဖြစ်နေသည်ကို အကြောင်းပြုကာ စစ်တပ်၏ အခန်းကဏ္ဍ အရေးကြီးကြောင်း ပြသလိုသည်။ အခွင့် သာပါ ကလည်း စစ်တပ် အုပ်ချုပ်ရေး လမ်းကြောင်းပေါ် သို့ပြန်လည် လျှောက်လှမ်း လိုသည်။ မြန် မာ နိုင် ငံ တွင် ဖန်တီးရ အလွယ်ဆုံးနှင့် အထိရောက် ဆုံးသော ပြည်တွင်း ဆူပူသောင်းကြမ်း မှုမှာ ဘာ သာရေး အဓိက ရုဏ်း ပင်ဖြစ်သည်။ ယခင် ဖြစ်ပွား ခဲ့သော ပဋိပက္ခ များ၏ သာဓက များအရ အစပိုင်း များတွင် အစ္စလာမ် ဘာသာအား မုန်းတီး စေရန် လှုံ့ဆော်ကြပြီး မုန်းတီး စိတ်ဓါတ် ပြင်းထန် လာသောအခါ အစ္စ လာမ် ဘာသာဝင်များနှင့် ပြဿနာ တစ်ရပ် ဖန်တီးကာ ဘာသာရေး အဓိကရုဏ်းအား အစ ပျိုးပေး လေ့ ရှိ တတ်သည်။ ထိုနောက် ဒေါသမာန် တက်နေသော လူထုကြီးထံသို့ ဆက်လက် ကူးစက် သွားစေသည်။ အစ္စလာမ် ဘာသာဝင် များအား ဥပဒေမဲ့ ညှင်းပန်း နှိပ်စက် သတ်ဖြတ်မှု များအား ရပ်တန့်ရန် အတိုက်အခံ များမှ ဝင်ရောက် တားမြစ်ပါကလည်း ပြည်သူ့ အငြိုအငြင် ခံရကာ အတိုက်အခံ ခေါင်းဆောင် များ၏ အရှိန်အဝါ ကျဆင်း လာမည်ကို တွက်ချက် ထားကြသည်။ စစ်တပ်နှင့် ကြံဖွံ့ပါတီဝင် တို့အဖို့ ရှူံးကွက် မရှိသော လှည့်ဖျားမှု ကြီးဖြစ်သည်။ 

အသုံးချခံ ဗုဒ္ဓစိတ်ဓါတ် 

ရိုဟင်ဂျာ လူမျိုးတို့အား ဖိနှိပ်မှုများ ပြုလုပ် နေသည်ကို ပြည်မရှိ မြန်မာ မွတ်စလင်များ အဖို့ မကျေလည်မှု များ ရှိသော်လည်း ငြိမ်းချမ်းမှု ပျက်ပြားမည်ကို စိုးရိမ်သောကြောင့် အံတြိက်၍သာ မျိုသိပ် နေကြရသည်။ ရန်ကုန် မြို့တွင် ဆန္ဒပြမှု အနည်းငယ် မျှဖြင့် ငြိမ်သက် သွားခဲ့လေသည်။ နိုင်ငံတဝှမ်းရှိ မြန်မာ မွတ်စ လင် များမှ ဆူပူသောင်းကြမ်းမှု များမပြုလုပ် သဖြင့် နည်းလမ်း အမျိုးမျိုးဖြင့် မြန်မာ မွတ်စလင်တို့၏ တုန့်ပြန် မှုကို လှုံ့ဆော် ကြသည်။ မြန်မာ မွတ်စလင်တို့မှာ ဗုဒ္ဓဘာသာအား ကျူးကျော် စော်ကားနေခြင်း မရှိ သောကြောင့် ဗုဒ္ဓ ဘာသာ အား မြန်မာ မွတ်စလင်များ၏ အန္တရာယ်မှ ကာကွယ်ရန် လည်းမရှိသော် လည်း ပြည် သူများ အကြားသွေးထိုး ကြသည်။ ဘာသာခြား လူမျိုးခြားများအား ကျူးကျော် စော်ကားခြင်း မှာ ဗုဒ္ဓမြတ်စွာဘုရား ကိုယ်နှိုက်ကလည်း မပြုကျင့်ခဲ့၊ တရား ဒေသနာတော်တွင် လည်းမရှိ၊ သံဃာ ကျင့်ဝတ်တွင်လည်းမပါ။ သို့သော် သံဃာတော်များ ဟောပြောတိုင်း ခေါင်းညိတ် လက်ခံ တတ်သည့် ဓလေ့အား ဘာသာရေး အစွန်းရောက် ဘုန်းကြီးများ အသုံးချ ကြသည်။ ဘုရားတရား အကြောင်း ဟောပြောခြင်း မပြုဘဲ အခွင့်ကောင်း ယူကာအစ္စလာမ်ဆန့်ကျင်ရေးတရားများ ဟော ပြောလေ သည်။ သူတပါး အသက် သတ်ဖြတ် ကြစေရန် ရည်ရွယ်၍ ဟောပြော ချက်များသည် ဗုဒ္ဓ ဘာသာ၏ သွန်သင် ဆုံးမမှုများနှင့် ဆန့်ကျင် နေသည်ကို အလေးမထား။ ဘာသာရေး မုန်းတီမှု စိတ်အား ထက်သန် လာကြသည်။ ဘာသာရေး အစွန်းရောက် အသွင် ကူးပြောင်း လာကြသည်။ စစ်သွေးကြွ အ သွင် ဆောင်လာကြသည်။ ဘာသာရေး ခုတုံး လုပ်နေသည်ကို မမြင်ကြတော့ပေ။ ဘာသာရေး အ စွန်းရောက် ဘုန်းကြီးများ၏ ဟောပြောချက် များဖြင့် နားယောင်ကာ ဗုဒ္ဓဘာသာအား ကာကွယ် လိုဇောဖြင့် အစ္စလာမ် ဆန့်ကျင်ရေးအား ကျယ်ကျယ် ပြန့်ပြန့် လုပ်ဆောင် လာသည်။ ဗုဒ္ဓဘာ သာ ၏ ဂုဏ်တော်အား ထိခိုက်မည်ကို မစဉ်းစားမိကြ။ အမျိုး ဘာသာ သာသနာအား ကာကွယ် လိုစိတ်ဖြင့် သင်္ကန်းခြုံကာ လူသတ်ကွင်း ဆင်းနေသည် မှာလည်း ဘာသာရေး ရှူဒေါင့် အရ သော်လည်းကောင်း၊ လူ့အခွင့်အရေး ရှူဒေါင့်အရ သော်လည်းကောင်း သင့်လျော် သည့် မြင်ကွင်းမဟုတ်။ သင်္ကန်းသုံး ၍ နိုင် ငံရေး စင်မြင့်ပေါ်သို့ ရောက်ရှိရန် ကြိုးပမ်းနေခြင်း သက်သက်သာ ဖြစ်သည်။ နိုင်ငံရေး လှည့်ကွက် များ အတွင်း သံဃာတော်၏ အခန်းကဏ္ဍနှင့် သံဃာတော် များအပေါ် ယုံကြည် ကိုးကားစိတ် များအား အသုံး ချနေခြင်း သာဖြစ်သည်။ 

မီးလောင်ရာ လေပင့် 

သတင်း မီဒီယာများ တဟုန်ထိုး ပေါများ လာသောကြောင့် ၎င်းတို့ အနေဖြင့် စာဖတ် ပရိသတ် များအား အပြိုင်အဆိုင် မြူဆွယ် ကြသည်။ လူအများ စိတ်ဝင်စားသည့် သတင်းများ ဖော်ပြပေးမှ သာ လျှင် ပြိုင် ဖက်များ အကြား အသာစီး ရပေလိမ့်မည်။ စာဖတ် ပရိသတ် များအား အပြိုင် အဆိုင် မြူဆွယ် ကြရာတွင် မီဒီယာ ကျင့်ဝတ်များ ချိုးဖောက်လာ ကြသည်။ သတင်း မီဒီယာ များတွင် မိတ္ထီလာ အရေးအခင်းကြောင့် သံဃာတစ်ပါး ပျံလွန်တော် မူကြောင်း ခေါင်းစဉ် တပ်၍ ရေးသား ဖော်ပြ ထားသည့် သတင်းများ ဦးစွာ ပေါ်ထွက် လာသည်ကို သတိပြု မိကြပါ လိမ့်မည်။ သံဃာ တစ်ပါး ပျံလွန်တော် မူသည်ကို သတင်းခေါင်းစဉ်တွင် ထည့်သွင်း ဖော်ပြခြင်းသည် ဗုဒ္ဓဘာသာဝင် များ၏ စိတ်အာရုံကို ဖမ်းစားနိုင်စေပြီး အစ္စလာမ် ဘာသာဝင်များ ဘက်မှ ကိုယ်ထိ လက်ရောက် ပြုလုပ်မှု ရှိနေသည်ဟု ယုံမှား စေရန် ရည် ရွယ်ခြင်းသာ ဖြစ်ပေ လိမ့်မည်။ အစ္စလာမ် သာသနာဝင် များ၏ ဗလီကျောင်းများ၊ နေအိမ်များ၊ စီး ပွားရေး ဈေး ဆိုင်များအား မီးရှိူ့ဖျက်ဆီးရာမှာ သံဃာတစ်ပါး မီးလောင် ကျွမ်းမှုကြောင့် ပျံလွန်တော် မူ သည့် ကိစ္စရပ်အား ရှင်းလင်းစွာ ဖော်ထုတ် ရေးသားသင့် ပေသည်။ ထို့သို့ ရှင်းလင်းစွာ ရေးသားခြင်း မပြုဘဲ လိုရာဆွဲ ခေါင်းစဉ် တပ်ဖော်ပြ ခြင်းဖြင့် ထင်ယောင် ထင်မှား ဖြစ်စေပါသည်။ ထို့အပြင် သတင်း အရေးအသား များမှာလည်း တစ်ဖက် စောင်းနင်း နေသောကြောင့် ဗုဒ္ဓဘာသာဝင် များအကြား အ မျက် ဒေါသ ပိုမိုကြီးထွား လာစေသည်။ ဗလီဝတ် ကျောင်းတော် အဖျက်ဆီးခံ ရမှုများနှင့် ဗလီရှေ့ ဆောင် ဆရာ မော်လဝီနှင့် ကျမ်းမြတ် ကုရ်အာန် အာဂုံဆောင် ကျမ်းဆရာ သမား များ သေ ဆုံးခြင်းအား ခေါင်း စဉ် ပိုင်း တွင် မဆိုထားနှင့် သတင်း ရေးသားရာ၌ပင်လျှင် အထူးတလည် ထည့်သွင်း ဖော်ပြထား ခြင်းမရှိ။ အချို့ သတင်း မီဒီယာများမှာ ယခုထက်တိုင် ဗလီများ ဖျက်ဆီး ခံရမှုကို ဖုံးကွယ် နေဆဲဖြစ်သည်။ ဤသည် ကို ထောက်ရှူ ခြင်းဖြင့် သတင်း မီဒီယာများမှ စာဖတ် ပရိသတ်များ၏ အာရုံ ဖမ်းစား နိုင်ရေး အတွက် ဘက်လိုက်မှု ရှိနေကြောင်းနှင့် ပြဿနာအား ပိုမိုကြီးထွားစေရန် ရည်ရွယ် လုပ်ဆောင် နေကြောင်း ပေါ် လွင် နေလေသည်။ 

လောလော လတ်လတ် ဖြစ်ပွား လျက်ရှိသော ရခိုင်ပြည် မြောက်ပိုင်းနှင့် မိတ္ထီလာ အရေး အ ခင်း ဖြစ် ရပ်များမှာ လူသား မဆန်သော လုပ်ရပ်များ ဖြစ်ကြောင်း သိသာ ထင်ရှား လှပါသည်။ ဘာသာရေးအား ခုတုံး လုပ် နေသည့် ဘာသာရေး-လူမျိုးရေး ဖိနှိပ်နေမှု များကြောင့် အစ္စလာမ် ဘာသာနှင့် မြန်မာ မွတ်စ လင်များ မြန်မာ့မြေမှ ပျောက်ကွယ် သွားမည် မဟုတ်ပေ။ ကမ္ဘာ့ အလယ်တွင် ဗုဒ္ဓဘာသာ၏ ဂုဏ်သိက္ခာ ညိုးနွမ်း လာမည်သာ ဖြစ်ကြောင်း သတိပြု မိစေလို ပါသည်။