မောင်တောတွင် အစ္စလာမ်မှအပ ကျန်သည့် ဘာသာများအတွက် လွတ်လပ်ခွင့်ရှိ
 |
| ဟိန္ဒူ ဘာသာဝင်များ မြို့မဈေးမှ အမှတ် (၅) ရပ်ကွက်သို့ သွားနေကြစဉ် |
RB News
29.6.2014
မောင်တော ။ ။ ရခိုင်ပြည်နယ် မောင်တောခရိုင်တွင် အစ္စလာမ် ဘာသာဝင် များမှ လွဲ၍ ကျန်သည့် ဘာသာဝင်များမှာ ဘာသာရေး လွတ်လပ်ခွင့် အပြည့်အ၀ ရရှိနေကြကြောင်း ဒေသခံများက RB News သို့ပြောပါသည်။ ဇွန်လ (၃၀) ရက်နေ့တွင် အစ္စလာမ် ဘာသာဝင်များ၏ ဥပုသ်လ စတင်မည် ဖြစ်သော်လည်း မောင်တောခရိုင် အတွင်းရှိ ဗလီဝတ်ကျောင်းတော် များအားလုံးကို အာဏာပိုင်များက သော့ခတ်၍ ပိတ်ထားမှာ ယခုဆိုလျှင် နှစ်နှစ်ကျော် ရှိနေပြီ ဖြစ်သည်။
ယနေ့ (ဇွန်လ ၂၉) ညနေပိုင်းတွင် မောင်တောမြို့ မြို့မဈေး အနီးရှိ ဟိန္ဒူ ဘုရားကျောင်းတွင် ဟိန္ဒူ ဘာသာဝင် ၃၀၀ ကျော် စုဝေးပြီးနောက် အမှတ် (၅) ရပ်ကွက်ရှိ ဟိန္ဒူ ဘုရားကျောင်းသို့ လမ်းလျှောက်၍ သွားခဲ့ကြသည်။ မောင်တောမြို့တွင် ဘာသာပေါင်းစုံ နေထိုင်ကြပြီး၊ ခရစ်ယာန် ဘာသာဝင်များ၊ ဗုဒ္ဓဘာသာဝင်များနှင့် ဟိန္ဒူဘာသာဝင် များမှာ မိမိတို့၏ ဘာသာနှင့် ပတ်သက်သည့် ထုံးထမ်းစဉ်လာ များကို လွတ်လပ်စွာ လုပ်ကိုင်ခွင့် ရထားကြသော်လည်း အစ္စလာမ် ဘာသာဝင်များ၏ ဗလီ ၀တ်ကျောင်းတော် များကို ၂၀၁၂ ခုနှစ် ဇွန်လမှစ၍ ပိတ်ပင် ထားခဲ့ရာ ယခု အချိန်ထိ ဖြစ်သည်။
ဒေသခံ အစ္စလာမ် ဘာသာဝင် ရိုဟင်ဂျာ လူမျိုးများကို ဘာသာရေး အပြင် စီးပွာရေး၊ လူမှုရေး၊ ပညာရေး၊ ကျန်းမာရေးနှင့် အခြားသော အခြေခံ အခွင့်အရေး များကို အဘက်ဘက်မှ ပိတ်ပင်ထားပြီး၊ အခြားသော ဘာသာဝင်များကို ပေးအပ်ထားသည်မှာ ရိုဟင်ဂျာ လူမျိုး တစ်မျိုးတည်းကိုသာ နိုင်ငံတော် အစိုးရမှ မူဝါဒ ချမှတ်၍ ဖိနှိပ် ချုပ်ချယ်နေခြင်းကို ပေါ်ပေါ်တင်တင် ပြသထားခြင်း ဖြစ်သည်။
“ဇွန်လ (၃၀) ရက်နေ့ ဆိုရင် ကျွန်တော်တို့ ဥပုသ်လ စတော့မယ်။ ဗလီတွေ အားလုံးကို သော့ခတ် ထားတယ်။ လူ ၅ ဦးထက် ပိုမစုရဘူးလို့ အမိန့် ထုတ်ထားတယ်။ ဒါပေမယ့် အဲဒီ အမိန့်က ကျွန်တော်တို့ လူမျိုးအတွက်သာ သက်ရောက်မှု ရှိနေတာပါ။ အခြားလူမျိုးတွေ အတွက် ပုဒ်မ ၁၄၄ ဆိုတာလည်း မရှိသလို၊ လူ ၅၀၀၀ ဆိုလည်း စုလို့ရကြတယ်။ ကျွန်တော်တို့ အတွက် အင်မတန် မွန်မြတ်တဲ့ ဗလီ ၀တ်ကျောင်းတော် နားကို ကျွန်တော်တို့ ကပ်ခွင့်တောင် မရဘူး ဖြစ်နေတယ်။ အခုလို ထူးမြတ်တဲ့ ရာမ်ဇာန် ဥပုသ်လမှာ ကျွန်တော်တို့ အနေနဲ့ ဗလီ ၀တ်ကျောင်းတော် တွေထဲမှာ ကောင်းမွန်စွာ တရားအားထုတ် ချင်ပါတယ်။ ဒါပေမယ့် ကျွန်တော်တို့ကို အာဏာပိုင်တွေက မတရား ဖိနှိပ် ချုပ်ချယ် ထားလို့ ကျွန်တော်တို့ရဲ့ ဘာသာရေး အခွင့်အရေးများ အားလုံး ဆုံးရှုံးနေရတယ်” ဟု ဒေသခံ တစ်ဦးက RB News သို့ပြောပါသည်။
“လက်ရှိ အစိုးရကို ရွေးကောက် တင်မြှောက်ထားတဲ့ထဲမှာ ကျွန်တော်တို့လည်း ပါတယ်။ ကျွန်တော်တို့ ကြံ့ခိုင်ရေး ပါတီကို မဲပေးခဲ့တယ်။ ကြံ့ခိုင်ရေး ပါတီရဲ့ အစိုးရက ကျွန်တော်တို့ကို အခုလိုမျိုး ဆက်လုပ်ထားမယ် ဆိုရင် ၂၀၁၅ အတွက် သေချာ စဉ်းစားပါလို့ ပြောချင်ပါတယ်” ဟု အဆိုပါ ဒေသခံမှ ဆက်လက် ပြောပါသည်။
