နောက်ဆုံးသတင်း/ဆောင်းပါးများ

ဒုချီးရားတန်းမှ နေအိမ် (၁၃) လုံးနှင့် ဆိုင်ခန်းတစ်ခန်းကို ခွင့်ပြုချက်မဲ့ ဆောက်လုပ်ထားသည်ဟု ဆိုကာ နယ်ခြားစောင့်ရဲများက ဖြိုဖျက်ပစ်

Rohingya Eye
RB News
20.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ဂေါ်ဒူသာရ ကျေးရွာရှိ တံတားစခန်း အခြေစိုက် နယ်ခြားစောင့်ရဲတပ်ဖွဲ့မှ နယ်ခြားစောင့်ရဲ (၂၀) ဦးသည် ဒီဇင်ဘာလ (၁၈) ရက်နေ့မှ (၂၀) ရက်နေ့အတွင်း ခွင့်ပြုချက်မဲ့ ဆောက်လုပ်ခဲ့သည်ဟု အကြောင်းပြကာ ဒုချီးရားတန်း ကျေးရွာ အနောက်ဘက်ရှိ အိမ်ခြေ (၁၃) လုံးနှင့် ဆိုင်ခန်း တစ်ခန်း ဖြိုဖျက်ခဲ့ကြောင်း သတင်း ရရှိပါသည်။ 

ဖြိုဖျက်ခံရသည့် အိမ်အများစုမှာ ၀ါးထရံ၊ ဓနိများဖြင့် ဆောက်လုပ်ထားသည့် တဲအိမ်များ ဖြစ်ပြီး၊ အိမ်ပိုင်ရှင်များမှာ ကျဘန်းနှင့် စိုက်ပျိုးရေး လုပ်ငန်း လုပ်ကိုင်ကြသူများ ဖြစ်ကြသည့် ဆင်းရဲ ချို့တဲ့သူများ ဖြစ်ကြသည်။ 

ဖြိုဖျက်ခံရသည့် အိမ်ပိုင်ရှင်များမှာ --

(၁) ဦးဖွေယာဇူလ္လာ (ဘ) ဦးအုမောရ်မျာ (အသက် ၅၀ နှစ်)
(၂) ဦးဆီရာဇူလ္လာ (ဘ) ဦးမာမတ်ဆလာမ် (အသက် ၂၅ နှစ်)
(၃) ဦးရော်ရှိတ်အာမတ်၏ ဇနီး ဒေါ်ရော်ရှီဒါ (အသက် ၅၀ နှစ်)
(၄) ဦးမော်ဒူ (ဘ) ဦးအော်လီမျာ (အသက် ၅၇ နှစ်)
(၅) ဦးအာဆီးမ်ခါန် (ဘ) ဦးအဘူလ်ဖိုစ် (အသက် ၂၇ နှစ်)
(၆) ဦးကော်ဘိရ်အာမတ် (ဘ) ဦးဘာဒူး (အသက် ၂၆ နှစ်)
(၇) ဦးဟာရွန် (ဘ) ဦးဆော်ဒူး (အသက် ၂၇ နှစ်)
(၈) ဦးမာမတ်ရော်ရှိတ် (ဘ) ဦးဆီးရူး (အသက် ၂၈ နှစ်)
(၉) ဦးမာမတ်အီနုစ် (ဘ) ဦးအဒူဂေါ်ဖောရ် (အသက် ၂၉ နှစ်)
(၁၀) ဦးနူရူဆလာမ် (ဘ) ဦးအဒူဂေါ်ဖောရ် (အသက် ၃၈ နှစ်)
(၁၁) အနိုဝါရ် (ဘ) ဦးဆော်ယောဒ်အာမတ် (အသက် ၂၀ နှစ်)
(၁၂) ဦးအာနူ (ဘ) ဦးမော်တူလ်ဟူဆောင်း (အသက် ၃၈ နှစ်)
(၁၃) ဒေါ်ရော်မာခါတူ (ဘ) ဦးလာလ်မျာ (အသက် ၄၅ နှစ်) -- တို့ဖြစ်ပြီး

ဆိုင်ခန်းတစ်ခန်း၏ ပိုင်ရှင်မှာ ဦးဇော်ကော်ရီ (ဘ) ဦးအောဇော်ရ် (အသက် ၄၇ နှစ်) -- ဖြစ်သည်။

မြန်မာနိုင်ငံ၏ ဥပဒေများတွင် တိုက်အိမ်များ ဆောက်လုပ်လျှင် ခွင့်ပြုချက် ရယူရမည်ဟု ပြဌာန်းထားသော်လည်း ယခုတဲအိမ်များကို ခွင့်ပြုချက်မရှိဟု ဆိုကာ ဖြိုဖျက်လိုက်ခြင်းသည် စာနာမှုတရား ကင်းမဲ့နေသည်ဟု ဆိုရမည်ဖြစ်ကြောင်း၊ တဲအိမ်တစ်လုံး ဆောက်လုပ်ရန် ကုန်ကျစရိတ်ထက် အာဏာပိုင်များထံမှ ခွင့်ပြုချက်ယူရန် စရိတ်က ပိုများသောကြောင့် ဆင်းရဲသားများ မတတ်နိုင်ခြင်း ဖြစ်သည်ဟု ရွာလူကြီး တစ်ဦးက RB News သို့ပြောသည်။

လူ့အခွင့်အရေး စောင့်ကြည့်နေသူ တစ်ဦးက “မြောက်ပိုင်းမှာ စစ်တပ်က နေအိမ်တွေ မီးရှို့ဖျက်ဆီးတယ်၊ တောင်ပိုင်းမှာ နယ်ခြားစောင့်ရဲတွေက အိမ်တွေဖြိုနေတယ်။ ဒါက စီမံချက်နဲ့ သေချာ လုပ်နေတာလို့ မြင်ပါတယ်။ ရိုဟင်ဂျာတွေကို အိုးမဲ့အိမ်မဲ့ ဖြစ်အောင် လုပ်ပြီးတော့ တိုင်းပြည်ကနေ မောင်းထုတ်နိုင်အောင် လုပ်နေတာပါ။ တနည်းအားဖြင့် လူသားမျိုးနွယ်စု အပေါ် ရာဇ၀တ်မှု ကျူးလွန်နေတာပါပဲ။” ဟု သုံးသပ်ပြောဆိုသည်။




Comment ရေးရန်

Rohingya Exodus