နောက်ဆုံးသတင်း/ဆောင်းပါးများ

သက်ဆိုင်ရာ ၀န်ကြီးများ၏ လွှတ်တော် အတွင်း မေးခွန်းများ ရှင်းလင်း ဖြေကြားချက် အပေါ် သုံးသပ်ချက် (အပိုင်း ၁)



အဘူအာနင်
RB News
9.10.2012

"ရခိုင်ပြည်နယ်မှ မူဆလင်များ အရေးနှင့် ပတ်သက်၍ သက်ဆိုင်ရာ ၀န်ကြီး များ၏ လွှတ်တော် အတွင်း မေးခွန်းများ ရှင်းလင်း ဖြေကြားချက် အပေါ် သုံးသပ်ချက်”

အပိုင်း (၁)

“A critical Analysis of the Answers replied by relevant ministers to questions, raised by Hluttaw members, concerning the affairs of Muslims in Arakan State”


နိဒါန်း


ယနေ့အခါတွင် နိုင်ငံတော်သမ္မတနှင့် နိုင်ငံ့အခြားခေါင်းဆောင်များက နိုင်ငံတော်၏ ရှေ့သွား မည့်ဒီမိုကရေစီခရီးစဉ်နှင့် ပတ်သက်သောပေါ်လစီများ၊မူဝါဒများ၊ လုပ်ထုံးလုပ်နည်းများကို ကြုံလျှင် ကြုံသလို ပြည်သူလူထု သိရှိေ အာင် ပြောဆို     ရှင်းလင်းနေကြောင်း မိန့်မှာနေကြောင်း တွေ့ရ သည်။ အား ရကျေနပ်စရာဖြစ်ပါသည်။ စနစ်တစ်ခုပြောင်းလဲလာပြီး ပြည်သူ့ဘ၀မှာ ရောင်ခြည် သစ်များ ထွန်း လင်း လာ မည်ဟုမျှော်လင့်နေကြသည်။ပြည်ပရောက် မြန်မာများကလည်း ဒီမိုကရေစီ များထွန်း လင်းလာ မည်ကိုစောင့်မျှော်နေကြသည်။ ပြည်တွင်းသို့ ပြန်ဝင်လာသူများ လည်း ရှိနေပါ သည်။

နိုင်ငံတော်သမ္မတကြီး က (၃၀-၃-၂၀၁၂)ခုနေ့ကျမ်းသစ္စာ ခံယူပွဲပြီးပြည်ထောင်စုလွှတ်တော် မှာ မိန့်ကြား ခဲ့သောမိန့်ခွန်းတွင်-

ဒါကြောင့်ကျွန်ုပ်တို့အနေနဲ့နိုင်ငံသားများ၏ မူလအခွင့်အရေး၊ တနည်း အားဖြင့် လူ့အခွင့် အရေး များနှင့် ပတ်သက်ပြီး အခြေခံဥပဒေ ပြဌာန်းချက်များကို အကောင်အထည် ဖော်နိုင်ရန်အတွက် တည်ဆဲ ဥပဒေ များကို လိုအပ်ပါက ပြင်ဆင်ခြင်း၊ ဖျက်သိမ်းခြင်း ဥပဒေသစ်ပြဌာန်း လုပ်ဆောင် သွားမှာဖြစ်ပါသည်။ အဲဒီလိုလုပ်ဆောင်နိုင်ဖို့အခြေခံကာ ပြည်ထောင်စုလွှတ်တော်အနေနဲ့ လိုအပ်တဲ့ ဥပဒေပြု ရေးရာ လုပ် ငန်း များလုပ်ဆောင်နိုင်ဖို့အတွက်ဆက်လက် တင်ပြသွားမှာ ဖြစ်ပါတယ်။”

လို့ပါရှိပါသည်။ ဒီမိုကရေစီ နိုင်ငံထူထောင်ရေးမှာ အရေးပါသော မိန့်မှာကြားချက်ဖြစ်ပါသည်။

ထို့အပြင် နိုင်ငံတော်သမ္မတကြီးက (၆-၄-၂၀၁၂) နေ့တွင်- “စနစ်တခုပြောင်းလဲ ခဲ့ပြီးဖြစ် တယ်။ ပြောင်း လဲတဲ့ခေတ် စနစ်နှင့်အညီ အတွေး အခေါ်တွေ၊ လုပ်နည်းလုပ်ဟန်တွေ လည်း ပြောင်း ရမယ်” (၁-၁၀-၂၀၁၁ ကြေးမုံ) ဟု မိန့်ကြားခဲ့ပါသည်။

ထို့ပြင် ပထမအကြိမ် ပြည်ထောင်စုလွှတ်တော်၊ ဒုတိယအစည်းအဝေးပထမနေ့ (၂၂-၈-၂၀၁၁) ခုနေ့ လွှတ်တော်ဖွင့်ပွဲမှ သမ္မတကြီးက မိန့်ခွန်းခြွေရာတွင်-
“ပြည်သူ့အစိုးရဖြစ်တဲ့အတွက် ပြည်သူလူထု အကျိုးစီးပွားဦးထိပ်ထားရမယ်။

ပြည်သူ လူထုကိုစိတ်ကျေနပ်မှု၊ ပြည်သူလူထုစိတ်ချမ်းသာမှုကို ထမ်းဆောင် ကြတဲ့ ပြည်သူလူထု တစ်ရပ်လုံးအားထားမှုခံယူထိုက်တဲ့ ၀န်ထမ်း ကောင်းများ ဖြစ်လာအောင် ပညာပေးခြင်း၊ သတိပေးခြင်း၊ အရေးယူခြင်း(များ) ဆောင်ရွက် နေပါပြီ။ နိုင်ငံသား အားလုံး၏ မူလအခွင့် အရေးများ ကို အထူး အားပေး ဆောင်ရွက် ရာ မှ လွှတ်တော် ကိုယ်စားလှယ်များ အနေနဲကလည်း ၀ိုင်းဝန်ဆွေးနွေး ညှိနှိုင်း  ပြင်ဆင်ပြဌာန်းပေးကြ ရတော့မယ်ဖြစ်တယ်ဟု မှာကြားသွားသည်။ သြ၀ါဒ ပေးခဲ့ သည်။”

မိန့်ခွန်းများ ပါစကားများသည် နိုင်ငံဦးသျှောင်ခေါင်းဆောင်ကြီး၏ နိုင်ငံရေး အမြင်၊ နိုင်ငံရေးခံ ယူချက် လည်းဖြစ်ပါသည်။ အသစ်တည်ဆောက့်မည့် ဒီမိုကရေစီနိုင်ငံအတွက် လမ်းညွှန် မီးရှုးတန်ဆောင်လည်းဖြစ် ပါသည်။အနာဂတ်နိုင်ငံတော်အတွက်ပြည်သူလူထုကိုပေးသောကတိက၀တ်လည်း ဖြစ်ပါသည်။အားရကျေ နပ်စရာဖြစ်သည်။ လက်တွေ့အကောင်အထည်ဖော်ခြင်းသည် သမ္မတကြီး မိန့်ခွန်းပါ လမ်းညွှန် ချက် အရ အားလုံးနှင့်ဆိုင်နေသည်။ အထူးသဖြင့် ဌာနဆိုင်ရာ ပြည်သူ့ဝန်ထမ်းများနှင့် လွှတ်တော် ကိုယ်စားလှယ် များတွင် ပို၍ တာဝန်ရှိနေပါသည်။ နာမည်သာ ဒီမိုကရက်တစ်ဖြစ်ပြီး လက်တွေ့မှာ ဒီမိုကရေစီကျင့် စဉ်အသက်ဝင်ခြင်းမရှိသော နိုင်ငံတချို့ကဲ့သို့ မဖြစ်ရန် လွှတ်တော်ကိုယ်စားလှယ်များအား ၀ိုင်း ၀န်း  ဆွေးနွေးပြဌာန်းပေးပါရန် သမ္မတကြီးက ဖိတ်ခေါ် ထားပါသည်။

အနှစ်သာရရှိသော ဒီမိုကရေစီနိုင်ငံသစ် ဖြစ်ပေါ်လာမည်ဟုမျှော်လင့်ပါသည်။ ဒီမိုကရေစီ အသီး အပွင့် များမှ ပြည်သူလူထုက လက်တွေ့အကျိုးကျေးဇူးခံစားရမည်ဟု မျှော်လင့်ပါသည်။

အစိုးရသစ်၏တစ်နှစ်သာသာရှိသေးသောသက်တမ်းအတွင်းအပြောင်းအလဲအချို့လည်း တွေ့မြင်ရပါသည်။ လွှတ်တော်အတွင်းဥပဒေများကိုပြင်ဆင်ခြင်း၊ဥပဒေအသစ်များရေးဆွဲခြင်းများလည်းတွေ့ရပါသည်။  ပြင်ဆင် သင့်သောဥပဒေများနှင့် ပတ်သက်၍ ဥပဒေပညာရှင်များ၊ ဥပဒေ ပါမောက္ခများ ၏  ဆွေးနွေး ပွဲ လည်းပြု လုပ် ထားကြောင်းတွေ့ ရပါသည်။ ဤအစဉ်တွင်ကျွန်ုပ်၏ စာတမ်းသည် တစေ့ တစောင်း အထောက် အကူဖြစ်မည် ဟု မျှော်လင့်လျှက်ရေးသား တင်ပြခြင်း ဖြစ်ပါသည်။ အထူးသဖြင့် ၁၉၈၂ ခုနှစ်နိုင်ငံ သားဖြစ် မှု ဥပဒေ သည် လျော်ကန်သင့်မြတ်ခြင်း မရှိသောတဘက် သတ်အ စွန်းရောက် နေသော ဥပဒေဖြစ်ကြောင်း ကျွန်ုပ် ၏ ရှုထောင့်အမြင် တင်ပြခြင်းဖြစ်ပါသည်။ ဤဥပဒေ သည် တိုင်းရင်း သားဟု သတ်မှတ် ထား သူများအထဲက ပညာရှင်များ၊ နိုင်ငံရေးသမားများ ထိခိုက်စေခြင်း မရှိ သဖြင့် ထိုသူများက သတိ ထားခြင်း မရှိကြောင်းတွေ့ ရသည်။ နိုင်ငံတွင်းရှိပြည် သူတစုကို ထိခိုက် နစ်နာစေလျှင် အားလုံးဝိုင်းဝန်းကူညီဖြေရှင်း ပေးသင့်သည်ဟု ယူဆပါသည်။
ယနေ့လွှတ်တော်အ၀ိုင်းအ၀န်းမှာ အထက်ဥပဒေ အကြောင်းဆွေးနွေးခြင်း မရှိသည်ကို ဒီမိုကရေစီစနစ်မှာ တစ်ခုခုလိုနေသလိုခံစားမိပါသည်။ နိုင်ငံတော် သမ္မတကြီးအပြင် အခြား ခေါင်းဆောင်များ က လည်း  ပြည် သူ့အခွင့်အရေး၊ လူ့အခွင့် အရေး၊ ဒီမိုကရေစီအရေးများနှင့် ပတ်သက် ၍ ပြောဆို မိန့်မှာ မှုများ  ရှိနေပါ သည်။ပြည်သူ့လွှတ်တော်ဥက္ကဋ္ဌသူရရွှေမန်းကကုလသမဂ္ဂ လူ့အခွင့်အရေး အစီရင်ခံ စာတင် သွင်းသူ Mr.Tomas Quintana နှင့်တွေ့ဆုံရှင်းလင်းရာတွင်-

“ပြည်သူများ၏ မူလရပိုင်ခွင့် ဒီမိုကရေစီလူ့အခွင့်အရေးများကို ဖော်ဆောင်ပေး နိုင်သည့် ဥပဒေ များပြဌာန်းဆောင်ရွက်သွားမှာဖြစ်ကြောင်း၊ တည်ဆဲဥပဒေများ ကိုလည်းပြန်လည်သုံးသပ်ပြီး လိုအပ်သည် များကို ဖျက်သိမ်း၊ အသစ်ပြင်စင် ပြဌာန်းရန် ဆောင်ရွက်သွားမည်ဖြစ်ကြောင်း၊ သို့မှသာ မိမိတို့ အနာ ဂတ် ခရီးလမ်းတွင် ပါတီစုံ ဒီမိုကရေစီအခွင့်အလမ်းများ ပွင့်လင်းလာမှာ ဖြစ်ကြောင်း ပြည်သူများ၏ ဒီမို ကရေစီ အခွင့်အရေးများကိုဖော်ဆောင်ပေးမည့် စာချွန်တော် အမိန့်ထုတ်ပြန်နိုင် ခွင့်ကို လည်း ပေးအပ် ထားပြီးဖြစ်ကြောင်း”(၂၆-၈-၂၀၁၁နေ့ ထုတ်ကြေးမုံ)များပါရှိသွားပေသည်။

အလားတူအမျိုးသားလွှတ်တော်ဥက္ကဋ္ဌ၊ပြည်ထောင်စုလွှတ်တော်နာယကဦးခင်အောင်မြင့်က မစ္စတာ ကွင် တား နားအား နိုင်ငံတော်ပေါ်လစီမူဝါဒနှင့် ဒီမိုကရေစီဖော်ဆောင်နေမှုကို ရှင်းပြရာတွင် -

“လွှတ်တော်တွင်ပြည်သူ့အသံလွှတ်တော်အသံ၊ပြည်သူ့ဆန္ဒလွှတ်တော်ဆန္ဒ၊ပြည်သူ့ မျှော်လင့်ချက်၊ လွှတ်တော် ဆောင်ရွက်ချက်ဟူသော ဆောင်းပုဒ် တစ်ရပ်ဆောင်ရွက်ထားကြောင်း၊ ယင်းဆောင်းပုဒ်နှင့် အညီနိုင်ငံသားများ၏မူလအခွင့်အရေး၊ဒီမိုကရေစီအရေး၊ လူ့အခွင့်အရေးဆိုင်ရာကော် မတီမှ ပြည်သူများ အတွင်းဒီမိုကရေစီကျင့်စဉ်တိုးတက်လာရေး နှင့်လူ့အခွင့်အရေး တိုးတက်မြှင့်တင်ရေး အတွက် ရည် မှန်းဆောင်ရွက် သွားမည်ဖြစ်ပါ ကြောင်း လက်ရှိ တည်ဆဲဥပဒေများကိုလူ့အခွင့်အရေး၊ ဒီမိုကရေစီ အရေးနှင့် ကိုက်ညီမှုရှိ၊ မရှိစိစစ်ပြီးယခုလွှတ်တော် အတွင်းပင်အချို့ဥပဒေ များကိုပြင်ဆင်ပြဌာန်း သွားရန်ရှိပါ ကြောင်း” (၂၆-၈-၂၀၁၁ ကြေးမုံ) ဟုပြောဆိုဆွေးနွေးသွားကြောင်း သိရှိရပါသည်။

ကျွန်ုပ်၏ ယခုစာတမ်းသည်လည်း လူ့အခွင့်အရေးဆုံးရှုံးနေရခြင်း၊ ဒီမိုကရေစီ အခွင့် အရေးများ မ ရ ရှိခြင်းနှင့် ပတ်သက်နေပါသဖြင့် နိုင်ငံခေါင်းဆောင်များက အလေးအနက် စဉ်းစားပေးမည်ဟု ယုံကြည်ပါသည်။ ကျွန်ုပ်တို့၏ နိုင်ငံတော်သမ္မတကြီးနှင့် လွှတ်တော် ဥက္ကဋ္ဌကြီးများက အထက်ပါ မိန့်မှာချက်၊ရှင်းလင်းပြောကြားချက်နှင့်အညီလက်တွေ့အကောင်အထည်ဖော်မည်ဆိုလျှင် ပြည်သူအားလုံး ကအားရ၀မ်းသာ ဂုဏ်ပြုသြဘာပေးကြပါလိမ့်မည်။ ပြည်သူ အားလုံး လွတ်လပ်မှုကို လိုလားနေကြသည်။ တူညီမျှတသော လူမှုဘ၀များကို မျှော် လင့် တောင့် တလျှက်ရှိကြပါသည်။

နိုင်ငံခေါင်းဆောင်များ၏အထက်မိန့်ခွန်းများ၊ ရှင်းလင်းဖြေကြားချက်များတွင် ပြည်သူကို အလေး ထားကြောင်းတွေ့ ရသည်။ ပြည်သူ့အသံ၊ ပြည်သူ့ဆန္ဒ၊ ပြည်သူ့မျှော်လင့်ချက်နှင့် ပြည်သူ စိတ်ချမ်းသာ မှုကို  ဦးစားပေးနေကြောင်းတွေ့ရသည်။

ပြည်သူများ၊ နိုင်ငံသားများဆိုရာတွင် ရခိုင်ပြည်နယ်မှ မူဆလင်များလည်းပါဝင်ပါသည်။ သူတို့သည် ရခိုင်ပြည်နယ်လူဦးရေ၏ ထက်ဝက်ခန့်ရှိပါသည်။ ကိန်းဂဏန်းအားဖြင့်ဆိုလျှင် သိန်းနှစ် ဆယ်ခန့်ရှိ ပါသည်။ ထိုသူတို့အခြေခံအခွင့်အရေးအတော်များများကို နှစ်အတော် ကြာကြာ ဆုံးရှုံး နေရသည်။ ပထမအကြိမ်ဒုတိယလွှတ်တော်အစည်းအဝေးများတွင် ပြည်ထောင်စုလ၀က၀န်ကြီးကသူတို့ကို နိုင်ငံခြား သားဟုသံသယရှိနေကြောင်း၊ နိုင်ငံသားအဖြစ်ရရှိရန်ဥပဒေအရ  လျှောက်ထားရမည်ဟု ရှင်းပြကြောင်း လည်းတွေ့ရသည်။

အံ့သြစရာ၊ စဉ်းစား၍ မရနိုင်ဖြစ်နေသည်မှာ အထက်ပါသံသယဆိုသူတို့သည်၂၀၁၀ခုနှစ်လွှတ်တော်ရွေး   ကောက်ပွဲမှာ အားလုံးသူမဲထည့်ခွင့်ရခဲ့သည့်အပြင် သူတို့ထဲက ကိုယ်စားလှယ် တစ်ချို့မဲပြိုင် ခွင့်များ ရရှိခဲ့ခြင်းပါသည်။ အစိုးရ၏ သူတို့အပေါ်ဆက်ဆံမှု စံ နှစ်မျိုးဖြစ်နေပါသည်။ မဲထည့် ခွင့်ပေးခဲ့ သဖြင့်နိုင်ငံသားဖြစ်နေ၏။နိုင်ငံသားအဖြစ်ရရှိရန်ပြန်လည်ခိုင်မာသောအထောက်အ ထားဖြင့် ဥပဒေ အရ လျှောက် ထားရမည်ဟု ပြောဆိုသည့်အပြင် လက်တွေ့မှာလည်း သူတို့၏ လူမှုဘ၀ တခုလုံးကို ကန့်သတ်ထားသည်။ စီးပွားရှာခွင့်၊ သွားလာခွင့်၊ အိမ်ထောင်ပြုခွင့်၊ သက်မွေး ၀မ်းကျောင်းသိပ္ပံ၊ တက္ကသိုလ်များသို့ တက်ရောက်ခွင့်စသည်များကို ကန့်သတ်ထားသည်။ အိမ်ယာ ဆောက်လုပ်ပြင် ဆင်ခြင်း၊ ဘာသာရေးအဆောက်အဦးများ ပြင်ဆင်ခြင်းများက ပိတ်ပင်ထား သည်။ လူငယ်များက အစိုးရ အလုပ်အကိုင်များမရနိုင်ဖြစ်နေသည်။ ဤသို့ ဖြစ် နေ ခြင်း သည် နှစ်ပေါင်းနှစ်ဆယ်နီးပါးရှိနေသည်။ တခြား လူမှု၊ စီးပွား ဘ၀နစ်နာ ဆုံးရှုံးမှုများ လည်း အမြောက်အများရှိနေပါသည်။ ဤတွင် သူတို့ အပေါ်နိုင်ငံခြားသားဟု အမြင်ရှိနေ၍ ဤသို့ ပြုလုပ်ခြင်းဟု ယူဆရသည်။ ဤအမှုကိစ္စများ သည် နိုင် ငံတော် သမ္မတကြီးနှင့် အခြား ခေါင်းဆောင်ကြီး များ၏ သြ၀ါဒမိန့်ခွန်းများနှင့် ဆန့်ကျင် ဘက်ဖြစ်နေ ပါသဖြင့် ယနေ့နိုင်ငံတော်ကို ဦးဆောင်နေသော လူကြီးမင်းများအားလုံးက သိရှိနိုင်အောင် ဤစာတမ်းဖြင့် တင်ပြခြင်း ဖြစ်ပါ သည်။ အထက်ပါမူဆလင်များ၊ နိုင်ငံခြားသားမဟုတ်ကြောင်း၊ ဤစာတမ်းပါအချက် အလက် များဖြင့် ပြည့်စုံသွားသည်ဟု မဆိုနိုင်ပါ။ ဤစာတမ်းပါအချက်အလက်များထက် ခိုင်လုံ သော အထောက် အထားအများအပြားရှိနိုင်ပါသည်။

လွှတ်တော်တွင်းမေးခွန်းများကို ဖြေကြားရှင်း လင်းရာတွင် ပြည်ထောင်စု ၀န်ကြီးများက အထက်ပါ ကန့်သတ် ထားခြင်း၊ ပိတ်ဆို့ထားခြင်း၊ ခွဲခြားဆက်ဆံခြင်းများအပြင် နိုင်ငံသားဟု သံသယဖြစ်နေ သည်ဟူသော အကြောင်းပြချက်ဖြင့် နိုင်ငံသားအဖြစ်ရရှိအောင် ဥပဒေအရ လျှောက် ထားခိုင်းခြင်းတို့ အားလုံးသည် သင့်မြတ်သည်၊ ဥပဒေနှင့်ညီသည်ဟုဆို၏။ အမျိုးသားရေး လိုအပ်ချက်အရ နယ်မြေတည်ငြိမ်ရေးနှင့် နိုင်ငံတော်လုံခြုံရေးအတွက် ပြုလုပ်ရခြင်းဖြစ်သည်ဟု ရှင်းပြသည်။ ရခိုင်ပြည်နယ် သည် ပြည်တွင်းစစ်ဖြစ်နေသောနေရာ၊ နိုင်ငံတစ်ခုနှင့်တခုစစ် ဖြစ် နေသောနေရာ မဟုတ်ပါ။ ထိုနေရာတွင် လူမျိုးတစ်မျိုး၏ အခြေခံအခွင့်အရေး အားလုံးကို ပိတ်ပင်ထားခြင်း သည် လျော်ကန် သင့်မြတ် မှုရှိပါ၏လား၊ ထိုမူဆလင်များတွင် နိုင်ငံတော် လုံခြုံရေးကို ထိပါးနေသည် ဟူသော ဆူပူသောင်းကျန်းမှု လည်းမတွေ့ရှိရပါ။ ရခိုင်ပြည်နယ်သည် အဖြူရောင်နယ်မြေ တစ်ခုသာဖြစ်သည်။ ထိုအနေအထားမှာ လူမျိုးတစ်မျိုး၏ အခြေခံအခွင့်အရေး အားလုံးပိတ်ဆို့ ထားခြင်းမှာ အမျိုးသားရေးလိုအပ်ချက်ဟုဆိုလျှင် ထိုအမျိုးသားရေး လိုအပ်ချက်သည် အလွန်ကျဉ်း မြောင်းသွားသည်ဟု ဆိုရပေမည်။ တိုင်းရင်းသား လူမျိုးများကို ကန့်သတ်ထားခြင်း၊ သီးခြားဆက်ဆံခြင်း ဟုဆိုရန်သာ ရှိပါသည်။ ဤတွင် ယနေ့ တိုင်းရင်းသား ဟူ သည်အဘယ်သူနည်း၊မည်သည့်လွှတ်တော်ကသတ်မှတ်သနည်း၊ အဘယ့်သော အချက်(ပေတံ)ကိုအခြေခံ၍သတ်မှတ်သနည်း။မေးခွန်းထုတ်ရပေမည်။ယနေ့ဒီမိုကရေစီအသီး အပွင့်များ တစ်ပြည်လုံး ဝေဆာ လာချိန်တွင် တစ်ချိန်က တိုင်းရင်းသားအဖြစ်နေထိုင်လာသူ လူမျိုးတမျိုးကို သီးခြားရွေး ထုတ်ပြီး နိုင်ငံခြားသားဟု သတ်မှတ်ရန်အားထုတ် စီစဉ်ခြင်းသည် တရားမျှတသည်၊ မှန်ကန်သည်ဟု ဆိုရန်မရှိပါ။ ဤသူတို့သည် အင်္ဂလိပ်ခေတ်က စာရင်းအင်းများတွင် အိန္ဒိယ နိုင်ငံသား များနှင့် ရောနှောမပါဝင်ခဲ့ပါ။ မြန်မာတိုင်းရင်းသား ရခိုင် မူဆလင်၊ မြန်မာ မူဆလင် များဖြစ်ခဲ့သည်။ လွတ်လပ်ရေးရပြီး တိုင်းရင်သားများဖြစ်ခဲ့သည်။ ယခု နိုင်ငံသား အဖြစ်ကို ဆုံးရှုံးရ သည်ဆိုလျှင် ယနေ့နိုင်ငံတွင်းဒီမိုကရေစီမိုးက ပေါက္ခရ၀ဿမိုးကဲ့သို့ ကွက်ကြား ရွာနေ သလားဟု စဉ်းစားနေရသည်။ ဒီမိုကရေစီစနစ်မှာ နိုင်ငံသားအားလုံးလူမျိုး ဘာသာ၊ အသား အရောင်မခွဲခြားဘဲ တန်းတူရည် တူမရှိဘူးလား၊ လွတ်လပ်ရေးရပြီးခေတ်ဥပဒေများ အရ၊ ရခိုင်မှ ယနေ့သံသယ ဖြစ်နေသည်ဆိုသော မူဆလင်တိုင်းရင်းသားများ ဖြစ်ခဲ့ကြသည်။
 
(စာ -၂၂ )ယနေ့တိုင်းရင်းသားစာရင်းမှ ပယ်ထားပြီး ကန့်သတ်မှုအထပ်ထပ်ဖြင့် ခွဲခြား ဆက်ဆံခြင်း၊ အကြောင်း အမျိုးမျိုးပြပြီး သံသယဟုစွပ်စွဲခြင်း၊ နိုင်ငံခြားသားဟု ပြောဆိုခြင်း သည် လူ့အခွင့်အရေး စံနှုန်းနှင့်ကိုက် ညီပါသလား။ ကန့်သတ်ချုပ်ချယ်ခံဘ၀သည် အနှစ်နှစ်ဆယ် ကျော်ပြီး ဒီမိုကရေစီ ပြည်သူ့အစိုးရတက်လာပြီးမှ နိုင်ငံသားအဖြစ်ရရှိနိုင်ရန် ၁၉၈၂ခုနှစ် ၊နိုင်ငံသား ဖြစ်မှု ဥပဒေပုဒ်မ-၄၂၊၄၃ တို့အရ ခိုင်မာသော အထောက်အထားဖြင့် နိုင်ငံသားပြု ခွင့်လျှောက်ထား ရမည်ဟု ဆိုသည်။ ရခိုင်မှမူဆလင်များအတွက် ကျားကို ကြောက့်လို့ ရှင်ကြီးကိုကိုး ရှင်ကြီးကျားထက် ဆိုးနေပုံရသည်။ အထက်ပါမူဆလင်များကို ပြောင်နိုင်ငံခြားသားဟု ဆိုပြန်သည်။ ဤလူများ နိုင်ငံတွင်းသို့ ခိုးဝင်နေထိုင် သူများဟုဆိုလျှင် ဖမ်းဆီးအရေးယူနိုင်ရန် ၁၉၄၇ခုနှစ် ၊ လူဝင်မှုကြီး ကြပ်ရေး လတ်တလောဥပဒေ(Emergency Act) နှင့် တခြားလ၀က ဥပဒေများရှိနေ သည် မဟုတ်လား။ အထက်ခိုးဝင်နေသူများကို အဘယ်ကြောင့် နှစ်ခြောက် ဆယ်ခန့် အရေး မယူဘဲ ထားခဲ့ သနည်း။တဘက်နိုင်ငံ ၏ ဆင်းရဲပြီး လူဦးရေများလွန်းသဖြင့် ခိုးဝင်သူများကို လူသားချင်း စာနာ၍ လက်ခံထားရခြင်း ညှင်သာစွာ ဆက်ဆံရခြင်းဟု ပြောနေခြင်းသည် မှန်ပါသလား။ ထိုမျှစာနာလျှင် နှစ်စဉ်လူဦးရေ စစ်ဆင်ရေးအဘယ်ကြောင့် တွေ့ရသနည်း။ စစ်ဆင်းရေး အကျိုးဆက်များသည် ရှိသည်မဟုတ်လား။

၁၉၄၇ ခုနှစ်၊ ဗိုလ်ချုပ်အောင်ဆန်းလက်ထက် ဖဆပလခေတ်ရွေးကောက်ပွဲမှစ၍ ၂၀၁၀ ခုနှစ် လွှတ်တော်ရွေးကောက်ပွဲအထိ အားလုံးသော ရွေးကောက်ပွဲများမှာ (မဆလခေတ်ကောင်စီ အဆင့်ဆင့်ရွေးကောက်ပွဲအပါအ၀င်)မဲထည့်ခွင့်၊ရွေးချယ်ခံခွင့်များရခဲ့သည်။ အမတ်များ၊ ကောင် စီဝင် များရှိခဲ့သည့်အပြင် ပါလီမန်အတွင်းဝန်များ၊ ၀န်ကြီးများလည်း အထက်သံသယဟု စွပ်စွဲခံ ရသူ မူဆလင်များထဲမှ ရှိခဲ့ပေသည်။ထိုရွေးကောက်ပွဲအသီးသီးမှာ မဲစာရင်းများရှိခဲ့သည် မဟုတ် လား။ မဲစာရင်းမှာ မပါသူများသာ ခိုးဝင်သည်ဟု ဆိုလျှင်အဓိပ္ပါယ်နည်းနည်းရှိပေမည်။ အားလုံး သူခိုး ၀င်ခြင်းဖြစ်နိုင်ပါ့မလား။

ထိုသူများစာရင်းဝင်သူများ ယနေ့နိုင်ငံခြားသားမည်သို့ဖြစ်သွားသနည်း။ နိုင်ငံတကာ ဥပဒေအရ မဲထည့်ခွင့် ရွေးချယ်ခံရခွင့်များသည် နိုင်ငံသားများကသာရနိုင်သောအခွင့်အရေး ဖြစ်ပါသည်။  နိုင်ငံခြားသား များက အုပ်ချုပ်ရေးယန္တရား ရွေးကောက်ပွဲမှာ မဲထည့်ခွင့်မရှိပါ။

လွှတ်တော်တွင် မေးခွန်းများကို ဖြေကြားရှင်းလင်းရာတွင် နိုင်ငံသားအဖြစ်သံသယ ဖြစ်ရခြင်း သည်လည်းကောင်း၊ လူမှုစီးပွားဘ၀တွင်ကန့်သတ်မှုများ ပြုလုပ်ထားခြင်းသည် လည်းကောင်း၊ လူမျိုးဘာသာခွဲခြားခြင်းမဟုတ်ပါ။ နိုင်ငံတော်ဖွဲ့စည်းပုံအခြေခံဥပဒေ ပုဒ်မ-၃၄၈အရ နိုင်ငံသားများကို လူမျိုးဘာသာ၊ ယောက်ျား၊ မိန်းမခွဲခြားဆက်ဆံခြင်းမပြုရပါဟု ပါရှိကြောင်း ရှင်းပြထားသေးသည်။ ယခုကိစ္စများသည် ၁၉၈၂ခုနှစ်၊ နိုင်ငံသားဖြစ်မှုဥပဒေ အပိုဒ်များအရ ဆောင်ရွက်စေခြင်းဟု ဆိုပါသည်။ ထိုနိုင်ငံသားဥပဒေသည် ဖွဲ့စည်းပုံ အခြေခံဥပဒေနှင့် မကိုက်ညီဟုဆိုရန်ရှိနေသည်။
ထိုဥပဒေမှာ စံနှစ်မျိုးဖြစ်မနေဘူးလား။ ရခိုင်မှ မူဆလင်များနှင့် ရုပ်သဏ္ဍဘာသာ စကားယဉ်ကျေးမှု ဓလေ့ထုံးစံတူညီသော ဗုဒ္ဓဘာသာဝင် ဘရူဝါ ဆိုသူများကို တိုင်းရင်းသားဟု သတ်မှတ်ထားသည်။ မူဆလင်များကို နိုင်ငံခြားသားဟု ဆိုနေသည်။ ၀န်ကြီးများ၏ ခွဲခြားမှုမရှိဆိုခြင်းကို မည်သို့ နား လည်ရမည်နည်း။ အကြောင်းအကျိုး ဆီလျော်မှုမရှိဘဲ မိမိနှင့်ဘာသာမတူသူများကို အကြောင်းအမျိုးမျိုး၊ ဆင်ခြေအဖုံဖုံပြပြီး သံသယဟု သတ်မှတ်ခြင်းသာဖြစ်ပါသည်။ ဤအဖြစ်မျိုးသည် လူမျိုး ဘာသာခွဲခြားခြင်းမှအပ အခြား မဖြစ်နိုင်ပါ။
ဤသံသယပြုခြင်းတွင်အချိန်အကန့်အသတ်ရှိပါသလား။ဘင်္ဂလာဒေရှ့်ရှိနေ သ ရွေ့ ကာလ ပတ်လုံး သံသယရှိမည်ဟုဆိုလိုခြင်းလား။လွတ်လပ်ရေးရပြီး နိုင်ငံသား ဥပဒေ ရှိခဲ့ သည်။ ထိုဥပဒေနှင့် ညီ ညွတ်၍ မြန်မာပြည် တွင် နိုင်ငံသားအဖြစ် နေထိုင်လာသူများကို သံသယ ဟု သတ်မှတ်ခြင်း သည် ဥပဒေအကြောင်း အရမဟုတ်နိုင်။

လက်ရှိနိုင်ငံသားဥပဒေသည် လွတ်လပ်ရေးရပြီး မြန်မာနိုင်ငံတွင် နိုင်ငံသား၊ တိုင်းရင်းသား အဖြစ် နေ ထိုင်လာ သူများကို နှစ်ပေါင်းခြောက်ဆယ်ကျော်လွန်လာပြီးမှ နိုင်ငံခြားသားဟုဖော်ညွှန်း လျှင် ထိုဥပဒေ ကိုယ်၌ကိုကား ချွတ်ယွင်းချက်ရှိသည်ဟု ဆိုရပေမည်။ သိန်းနှစ်ဆယ်ခန့်ပြည်နယ် တွင်းနေ ထိုင်သော မူဆလင်များကိုနိုင်ငံခြားသားဖြစ်စေခြင်းထက်၊ အထက်ဥပဒေကို ပြင်ဆင်ခြင်း ကား ပို၍သင့်တော် မည်ဟု သုံးသပ်မိပါသည်။ ရခိုင်ပြည်သည်ယနေ့သံသယဆိုသူများက ကမ္ဘာဦး ကစ၍ အခြေစိုက်နေ ထိုင်သောဒေ သဖြစ်ကြောင်း ရခိုင်ပြည်ရှိ ရှေ့ဟောင်းသမိုင်းအထောက် အထားများက သက်သေခံ နေ သည်ကို အသိအမှတ်ပြု သင့်ပေသည်။ နိုင်ငံတော်ကို ဦးဆောင်နေ သော အာဏာပိုင်ပုဂ္ဂိုလ်များ၊ လွှတ်တော်အ မတ်များ၊ သက်ဆိုင်ရာဥပဒေပညာရှင်များ အားလုံးက နိုင်ငံသားတစ်စု အပေါ်ကျရောက်နေသော ဤဘေး ဆိုး ကြီးကို ကာကွယ်ဖြေရှင်း ပေးမည်ဟု မျှော်လင့်ပါသည်။

လ၀က၀န်ကြီးဦးခင်ရီမှ လွှတ်တော်တွင်း မေးခွန်းကို ဖြေကြားရှင်းလင်းရာတွင်မောင်းတော ဒေသမှ ဘင်္ဂါလီလူမျိုးများသည် တစ်ဘက်နိုင်ငံမှ ဘင်္ဂါလီများနှင့် ဘာသာစကား၊ဓလေ့ထုံးစံ၊ ယုံကြည် ကိုးကွယ်မှု သရုပ်သဏ္ဍာန်စသည်ဖြင့် အစစတူညီနေသဖြင့် ခွဲခြား၍မရနိုင်။ နှစ်နိုင်ငံ နယ်စပ် အတွင်း ကူးလူ ဆက်ဆံမှု၊အိမ်ထောင်ကျမှုရှိ၍ ရောထွေးသွားသည်။သူတို့ကို နိုင်ငံ သားဖြစ်ကြောင်း သံသယဖြစ်နေ သည်။သို့ဖြင့် ကန့်သတ်မှုများပြုလုပ်ရသည်။ ပုံစံ(၄)ဖြင့်သာ ရက်အကန့် အသတ်ဖြင့် သွားလာခွင့်ပြုရ သည် ဟုဆိုသည်။ ဗုဒ္ဓဘာသာဖြစ်သော ဘင်္ဂါလီများသည် ဘရူဝါနာမည်ဖြင့် တိုင်းရင်းသား သတ်မှတ်ထားသည်။သူတို့ကိုအဘယ်ကြောင့် ခွဲခြားနိုင်သနည်း။ တိုင်းရင်းသား ဖြစ်လိုလျှင် ဗုဒ္ဓဘာ သာဖြစ် ရမည်ဟုဆိုလိုခြင်း အဓိပ္ပါယ်သက်ရောက် နေသည်။ လက်ရှိ နိုင်ငံသားဥပဒေ သည် မေးခွန်း ထုတ်စရာ ဖြစ်နေပါသည်။အခြေခံဥပဒေအပိုဒ်၃၄၈ နှင့် ညီညွှတ်မှု မရှိကြောင်းတွေ့ ရှိရသည်။

တစ်ဘက်နိုင်ငံမှလူများနှင့် အစစတူညီနေသဖြင့် ရခိုင်မှကုလားများ(မူဆလင်များ)ကို ခွဲခြားမ ရနိုင်၊ နိုင်ငံတော် လုံခြုံရေး၊ ကာကွယ်ရေးအတွက် အန္တရာယ်ရှိနေ၍ ကန့်သတ်မှုများအမှန် တကယ် လိုအပ်နေသည်။ ၄င်းသည်ပင် အမျိုးသားရေးလိုအပ်ချက်ဟုဆိုလျှင်တခြားလူမျိုးများ (နယ်စပ်ရှိအခြား လူမျိုးများ)ကို မည်သို့ခွဲခြားနိုင်ပါသနည်း။လက်ရှိနိုင်ငံသား ဖြစ်မှုဥပဒေအပိုဒ်(၆) အရ တိုင်းရင်းသား မျိုးနွယ်စုပင်ဖြစ်စေ နိုင်ငံခြားမှမွေးဖွားပြီး နိုင်ငံခြားမှာ ကြီးနေလျှင် မြန်မာ နိုင်ငံသား မဖြစ်နိုင်ပေ။ဘင်္ဂလား မှာမွေးသောဘင်္ဂလားမှာကြီးသောရခိုင်များနေ့စဉ်မြန်မာ ပြည်သို့ ၀င်လာပြီး နိုင်ငံသားဖြစ်နေခြင်းကို အစိုးရမှမမြင်ခြင်းမှာ ဥပဒေကို လက်နှစ်လုံးကြား လှည့်ခြင်း မဟုတ်လား။

အိန္ဒိယနိုင်ငံမီဇိုရာမ်ပြည်နယ်မှ ချင်းနှင့်မြန်မာနိုင်ငံချင်းပြည်နယ်မှချင်းများ၊နာဂပြည်နယ်မှ နာဂ များနှင့်  မြန်မာနာ ဂများ၊ ကိုးကန့်နှင့်တရုတ်စသည်တို့ကို အဘယ်ကြောင့်ခွဲခြားနိုင်သနည်း။ မည်သို့ ခွဲခြား သနည်း။ ထို့အပြင်ရခိုင်ပြည်နယ်မှာရှိသော ယနေ့တိုင်းရင်းသားဟုဆိုသည့် ဘရူဝါများ၊ ဒိုင်းနက်(ခ)ချက်မားများ၊ မြိုခမိများသည် ဘင်္ဂလာဒေရှ့်မှာ အဓိကအားဖြင့်ပင် ရင်းနိုင်ငံအဖြစ် နေထိုင် သူများဖြစ်ကြသည်။ သူတို့၏ လူဦးရေအသီးသီးသည်ရခိုင်ပြည်နယ်မှာ ထက် ဘင်္ဂလာဒေရှ့်မှာ အဆ ပေါင်းများစွာ များပြားပါသည်။ ဘာသာစကား၊ ယဉ်ကျေးမှု၊ကိုးကွယ် ယုံကြည်မှု သရုပ် သဏ္ဍာန်အားလုံးသည် တစ်ဘက်နိုင်ငံနှင့်အတူတူဖြစ်သည်။ ဘင်္ဂလာဒေရှ့်မှာ ဗုဒ္ဓဘာသာ ဘင်္ဂါလီကို ဘရူဝါ ဟုခေါ်သည်။ သန်းပေါင်းများစွာ ရှိသည်။မူဆလင် အလှည့်ကျသော အခါဘင်္ဂ လာဒေရှ့်ကုလားနှင့်ခွဲခြားမရ၍လူမှုစီးပွားဘ၀တ်ခုလုံးကိုကန့်သတ်ထားခြင်းဖြစ်သည်ဟုဆိုလျှင် အဓိပ္ပါယ်မည်သို့ကောက်ရမည်နည်း။

ခိုးဝင်ရောထွေးသည်ဟုဆိုလျှင် အရေးမယူနိုင်ပါလား။ ဥပဒေမရှိခဲ့လို့ပါလား။ အားလုံးခိုးဝင် သူ၊ ရောထွေးသွားသူဆိုလျှင် နိုင်ငံသားမဟုတ်။ နိုင်ငံခြားသားဟု သတ်မှတ်ရန် သာရှိသည်။ သံသယဟု အဘယ်ကြောင့် ပြောရသနည်း။ လွတ်လပ်ရေး ရရှိခဲ့စဉ်ကလည်း ရခိုင်မှာ ထိုကုလား များရှိခဲ့သည်။(၁၉၅၁ ခုနှစ် သန်ခေါင်စာရင်းရှုပါ) ထိုစဉ်ကပင် နိုင်ငံခြားသားဟု သတ်မှတ်ခဲ့ရမည်။ လွတ်လပ်ရေးမရခင် ၁၉၄၇ခု တွင်ပင် ဗိုလ်ချုပ်အောင်ဆန်းနှင့် အတူ တိုင်းပြုပြည်ပြု လွှတ်တော်မှာ သူတို့၏လူမျိုးစု ကိုယ်စားလှယ်များပါဝင်ခဲ့သည်။ ယခုနှစ် ခြောက်ဆယ်ကျော်လွန်ပြီးနောက် သံသယတို့၊ ခွဲခြားမရတာတို့ ၊နိုင်ငံခြားသားအဖြစ်ကိုပထမစွန့်လွှတ်ပါတို့  နိုင်ငံသားပြုခွင့်အတွက်ခိုင်မာသောအထောက်အထားဖြင့်   လျှောက်ပါတို့ ပြောဆိုလာ ခြင်းသည် “ထိုင်းနိုင်ငံမှ မှောင်ခိုဝင်လာသောပါတိတ်ကိုထိုနယ်စပ်မှ ၀င်လာ စဉ်ကဖမ်း ဆီးခြင်း မပြုဘဲ၊ အမျိုးသမီးများက ရန်ကုန်ဈေးမှဝယ်ယူ၍ ၀တ်ဆင်နေစဉ်ဖမ်းဆီးခြင်း၊ ချွတ်ယူရန် စီစဉ်ခြင်းမျိုးဖြစ်သွားနိုင်သည်။” လွတ်လပ်ရေးရစဉ်က ဤကုလားများကိုခွဲခြားနိုင်ခဲ့ သည်။ ဗိုလ်ချုပ်အောင်ဆန်းကိုယ်တိုင် လက်တွဲခေါ်ခဲ့သည်။ နိုင်ငံသားအဖြစ်လွှတ်တော်ထဲ ပါဝင်ခွင့်ပြုခဲ့သည်။ န၀တ၊နယက အစိုးရများနှင့် (ယခုဒီမိုကရေစီအစိုးရ)က ခွဲခြားမရ၊သံသယဖြစ်ရ သည် ဆိုခြင်း မှာ သွေးရိုး သားရိုးများလားဟု စဉ်းစားနေရသည်။

လွတ်လပ်ရေးရရှိခဲ့သောအချိန်တွင်လည်း ဤကုလားများရှိနေခဲ့ရာထိုစဉ်ကပင်နိုင်ငံခြား သားဟု သတ်မှတ် ခဲ့ရမည်။နောက်အရေးကြီးအချက်တစ်ချက်မှာ သံသယဟုဆိုခြင်းသည်အားလုံး မိမိ နိုင်ငံသား မဟုတ်၊ နိုင်ငံခြားသားဟုအဓိပ္ပါယ်မထွက်ပါ။ လက်ရှိနိုင်ငံသားဥပဒေအရနိုင်ငံသား မဖြစ် လျှင် နိုင်ငံခြား သားဟု သတ်မှတ်ရန်သာရှိပါသည်။ သံသယဟုကြေညာခြင်းသည်ရှုပ်ထွေးစေ ပါသည်။ ၄င်းထဲတွင် သံသယ ကင်းရှင်းသွားပါက နိုင်ငံသားဖြစ်နိုင်သည့်လူလည်းရှိနေပါသည်ဟု အဓိပ္ပါယ်ထွက်နေသည်။ ယခုကန့်သတ် ထားခြင်းကြောင့် ထိုနိုင်ငံသားဖြစ်နိုင်ခြေရှိသူများမနစ်နာ ဘူးလား။ သူတို့ အရေးမစဉ်းစား ရဘူးလား။ ဒီအဖြစ်မျိုးဒီမိုကရေစီနိုင်ငံမှာနစ်နာကြေးတောင်းဆိုခွင့်ရှိပေမည်။ခိုင်လုံသောအကြောင်းကြောင့် သံသယပြုခြင်းမဟုတ် မိမိနှင့်မတူ၍အဂတိ တရားဝင်လာ၍ မလိုမုန်းထားစိတ်ဖြင့် သံသယပြုခြင်း သာဖြစ်သည်။ 

  1. thanks help

Comment ရေးရန်

Rohingya Exodus