ဈေးကောက် အဖွဲ့ သောင်းကျန်းမှုကြောင့် နယ်စပ်ကုန်သွယ်ရေး ပိတ်ထား
RB News
19.6.2014
မောင်တော ။ ။ ရခိုင်ပြည်နယ်၊ မောင်တောမြို့နယ်တွင် နယ်စပ် ကုန်သွယ်ရေး လုပ်ငန်းကို ပိတ်ထားပြီး၊ ပြည်နယ် စည်ပင်သာယာရေး ၀န်ကြီး ဦးမြအောင်၏ နှုတ်မိန့်ဖြင့် ဈေးကောက်အဖွဲ့က သောင်းကျန်းလျက် ရှိသောကြောင့် ဈေးရောင်းသူများ အခက်အခဲများ ရင်ဆိုင်နေရကြောင်း သတင်း ရရှိပါသည်။
မောင်တောမြို့နယ်တွင် လိုင်စင်ရ ဓါးပြသဖွယ် ဖြစ်နေသည့် ဆရာပေါင်မဲ့ (ခ) ဦးမောင်စံရွှေသည် မောင်တောမြို့နယ်တွင် ရခိုင် အစွန်းရောက် (၃၀) ဦးကျော်ကို တုတ်၊ ဓါးများ ကိုင်ဆောင်စေပြီး၊ မောင်တော ဆိပ်ကမ်းတွင် တရားဝင် ကုမ္ပဏီ လိုင်စင်ဖြင့် ကုန်တင်ကုန်ချ လုပ်နေသူများထံမှ ဈေးကောက် ကောက်ခံခြင်း၊ ကုန်တင်ကုန်ချ လုပ်နေသည့် အလုပ်သမား များကို ကိုယ်ထိလက်ရောက် စော်ကားခြင်း၊ ဆိပ်ကမ်း အာဏာပိုင်များက စည်ပင်သာယာမှ တရားဝင် ထုတ်ပြန်ထားသည့် စာတောင်းလျှင် စကားများ ရန်ဖြစ်ခြင်းများ ပြုလုပ်လျက် ရှိကြောင်း ဒေသခံ တစ်ဦးက RB News သို့ပြောပါသည်။
ဦးမောင်စံရွှေက ထိုကဲ့သို့ ဥပဒေမဲ့ ဈေးကောက် ကောက်နေခြင်းသည် ပြည်နယ် စည်ပင်သာယာရေး ၀န်ကြီး ဦးမြအောင်၏ နှုတ်မိန့်ဖြင့် ကောက်ခံနေခြင်း ဖြစ်သည်ဟု ဆိုသည်။ ၎င်းသည် စည်ပင်သာယာရေး ၀န်ကြီး ဦးမြအောင်နှင့် ဆွေမျိုးတော်စပ်သူ တစ်ဦး ဖြစ်ပြီး၊ နှစ်စဉ် နှစ်တိုင်း အထက်လူကြီးများကို ချဉ်းကပ်ညှိနှိုင်း၍ ဈေးကောက်လိုင်စင် ရယူနေသူ တစ်ဦး ဖြစ်သည်။ ယခင်နှစ်များတွင် ပျံကျဈေးသည်များထံမှသာ ဈေးကောက် ကောက်ခံခဲ့သော်လည်း ယခုနှစ်တွင် နှစ်စဉ် အခွန်ဦးစီးဌာနနှင့် စည်ပင်သာယာ ဦးစီးဌာနတို့ကို တရားဝင် အခွန် ထမ်းဆောင်နေသည့် ဆိုင်များမှပါ တရားမ၀င် ဈေးကောက် ကောက်ခံလျက် ရှိသည်။
ဦးမောင်စံရွှေသည် မောင်တောမြို့နယ် စည်ပင်သာယာ ဦးစီးမှူး ဦးမောင်တင်ဦးနှင့် မောင်တောမြို့မှ ရွေးကောက် တင်မြှောက်ခံ ထားရသည့် လွှတ်တော် ကိုယ်စားလှယ် (ယခု ပြည်နယ် စည်ပင်သာယာရေး ၀န်ကြီး) ဦးမြအောင်တို့ အားကိုးဖြင့် မောင်တောမြို့ရှိ ကုမ္ပဏီများနှင့် ဆိုင်များကို အုပ်စုဖွဲ့၍ အနိုင်ကျင့်လျက် ရှိသည်ဟု အဆိုပါ ဒေသခံမှ ဆိုသည်။ ထိုကဲ့သို့ မတရားသဖြင့် ဈေးကောက် ကောက်ခံနေမှုကြောင့် ရန်ကုန်နှင့် မန္တလေးမြို့များမှ ကုန်စည် စီးဆင်းမှု လျော့နည်းလာပြီး ကုန်ဈေးနှုန်း အဆမတန် ကြီးမြင့် လာနေကြောင်း သိရှိရပါသည်။
“အခုလို လူမိုက် တစ်ယောက်ကို တရားဝင် ၀န်ကြီး တစ်ယောက်နဲ့ မြို့နယ် ဦးစီးမှူးတို့က ကျောထောက် နောက်ခံ လုပ်ပေးထားတဲ့ အတွက် မောင်တောမြို့မှာ ရှိတဲ့ ကုမ္ပဏီတွေနဲ့ လုပ်ငန်းရှင် တွေကလည်း ဒီကိစ္စကို အစိုးရက ရပ်တန့် မပေးဘူးဆိုရင် နယ်စပ် ကုန်သွယ်ရေး ဆက်လက် လုပ်မှာ မဟုတ်တော့ဘူးလို့ ပြောပါတယ်။ နိုင်ငံတော် အနေနဲ့ ရရှိမယ့် အခွန်အခတွေ ဆုံးရှုံးမှာ ဖြစ်ပါတယ်။ တပိုင်တနိုင် ဆိုင်ရောင်းနေတဲ့ သူတွေလည်း အလွန် ဒုက္ခရောက် နေကြတယ်။ ကုမ္ပဏီတွေနဲ့ ကုန်သည်ကြီးတွေက နယ်စပ်ကုန်သွယ်ရေးကို ဒီတစ်ပတ် အတွင်းမှာ ရပ်ဆိုင်းထားပါတယ်” ဟု အဆိုပါ ဒေသခံက RB News သို့ပြောပါသည်။
ဦးမောင်စံရွှေ ရရှိထားသည့် ဈေးကောက် လိုင်စင်မှာ ပျံကျ ဈေးသည်များထံမှ ဈေးကောက် ကောက်ရန်သာ ဖြစ်ပြီး ယခုကဲ့သို့ လုပ်ငန်းရှင်ကြီးများကို အနှောက်အယှက် ပေးမှုကြောင့် ငွေသန်းပေါင်းများစွာဖြင့် လုပ်ကိုင်နေသည့် ကုန်သွယ်ရေး လုပ်ငန်းများ ရပ်ဆိုင်းသွားသဖြင့် နိုင်ငံတော် အစိုးရမှ အမြန်ဆုံး ပြေလည်အောင် ဆောင်ရွက် ပေးရန် လိုအပ်ကြောင်း ဒေသခံများက ပြောပါသည်။
