မောင်တော မြောက်ပိုင်း ကျီးကန်းပြင်တွင် လူထုကို အစိမ်းကဒ် ကိုင်ရန် ဖိအားပေး ပြောဆို

အစည်းအဝေးတွင် ခရိုင် လ.၀.က မှူး ဦးစောနိုင်က အစိမ်းရောင် ကဒ်များကို လက်ခံရန် လိုကြောင်း၊ အစိမ်းရောင် ကဒ်ပြား ရှိသူများသာ နိုင်ငံသား လျှောက်ထားနိုင်မည် ဖြစ်ကြောင်း၊ အစိမ်းရောင် ကဒ်ပြား မရှိသူများ နိုင်ငံသား အခွင့်အရေး ရမှာ မဟုတ်ကြောင်း၊ ယခု အခွင့်အရေးကို လက်လွှတ် မခံသင့်ကြောင်း၊ ဥပမာ အားဖြင့် မော်လ၀ီ တစ်ဦး တစ်နေရာသို့ သွားလျှင် စစ်ဆေးရေး ဂိတ်တွင် အထောက်အထား တောင်းသည့် အခါ အထောက်အထား ပြရန် ရှိမည် မဟုတ်သဖြင့် ရှေ့သို့ ဆက်သွားနိုင်မည် မဟုတ်ကြောင်း၊ ယခု အစိမ်းရောင် ကဒ်ပြား ရှိမှသာ သွားနိုင်မည် ဖြစ်ကြောင်း၊ ယခု ကဒ်ပြားသည့် အဆင့်မြင့် ကဒ်ပြား ဖြစ်ပြီး၊ နိုင်ငံတကာ ပညာရှင်များ၏ အကြံဖြင့် ပြုလုပ်ထားခြင်း ဖြစ်ကြောင်း၊ သက်တမ်း နှစ်နှစ်ပြီးလျှင် ကုန်ဆုံးမည် ဆိုသည်မှာလည်း မဟုတ်ကြောင်း၊ ကဒ်ပြား ပျောက်ဆုံးသည် ဖြစ်စေ၊ ပျက်စီးသည် ဖြစ်စေ အသစ်ထုတ်ရန် ၃ လ ကြိုတင် လျှောက်ထား ရမည် ဖြစ်ကြောင်း၊ ကဒ်ပြားများ မကိုင်ရန် စည်းရုံးနေသူများ ရှိပါက သတင်းပို့ရန် လိုကြောင်း၊ ကဒ်ပြား ကိုင်ဆောင်ရန် ငြင်းဆန်သူများ ဖြစ်သည့် ဦးဖော်ဇိလ်အာမတ်နှင့် ဒေါ်နုရ်နာရ် တို့ကို ဖမ်းဆီး၍ လူကုန်ကူးမှုဖြင့် တရားစွဲဆို ထားကြောင်း၊ ပြောဆိုခဲ့သည်။

ရွာသား တစ်ဦးက ဤကဒ်ပြားဖြင့် ရန်ကုန်သို့ သွားနိုင်မည်လားဟု မေးမြန်းရာ၊ ဦးစောနိုင်က အောက်ခြေမှ ခေါင်မိုးပေါ်သို့ တက်မယ်ဆိုလျှင် လှေကား လိုကြောင်း၊ ထို့ကြောင့် နိုင်ငံသား ဖြစ်ရန် အတွက် လျှောက်ထားရန် လိုကြောင်း ပြန်လည် ဖြေဆိုခဲ့သည်။ 

မြန်မာနိုင်ငံတွင် ရိုဟင်ဂျာများကို တိုင်းရင်းသား အဖြစ် အသိအမှတ် ပြုခဲ့ပြီး အခြားသော နိုင်ငံသားများနှင့် တန်းတူ အမျိုးသား မှတ်ပုံတင် ကဒ်ပြားများ ထုတ်ပေးပြီး ကိုင်ဆောင်ခွင့် ပြုခဲ့သော်လည်း၊ ၁၉၈၂ ခုနှစ် နိုင်ငံသား ဥပဒေ ပြဌာန်း ပြီးသည့် အချိန်မှစ၍ နိုင်ငံသား အဆင့်များကို လျှော့ချကာ ယခုအခါ ထုတ်ပေးနေသည့် အစိမ်းနုရောင် ကဒ်ပြားမှာ ယာယီ နေထိုင်ခွင့် ကဒ်ပြား သဖွယ် ဖြစ်ပြီး၊ ဒေသခံ ရိုဟင်ဂျာ တိုင်းရင်းသား များကို ယခု ချက်ချင်း နိုင်ငံခြားမှ ၀င်ရောက် လာသူများ သဖွယ် သတ်မှတ်ခြင်း ဖြစ်နေသဖြင့် မည်သည် တစ်ဦး တစ်ယောက်ကမျှ လက်ခံရန် သဘောတူခြင်း မရှိသောကြောင့် အာဏာပိုင်များက နည်းလမ်း ပေါင်းစုံ သုံး၍ ဖိအားပေး အကျပ်ကိုင်လျက် ရှိသည်ဟု ဒေသခံများက RB News သို့ပြောသည်။ 

အလားတူ ဇူလိုင်လ (၃) ရက်နေ့နှင့် (၅) ရက်နေ့ များတွင်လည်း ရပ်မိရပ်ဖ များကို အစည်းအဝေး ခေါ်ယူ၍ ဖိအားပေး အကျပ်ကိုင်ခြင်းများ ပြုလုပ်ခဲ့ကြောင်း သိရသည်။