ရခိုင်ပြည်နယ်မှ ရိုဟင်ဂျာ လူမျိုးတို့ ခံစား နေရသော ဒုက္ခများ
“ရခိုင်ပြည်နယ်မှ ရိုဟင်ဂျာလူမျိုးတို့ ခံစားနေရသော ဒုက္ခများ”
(၂ဝ၁၄ ခုနှစ်၊ ဧပြီလ ၁၈ ရက်၊ မလေးရှား နိုင်ငံတွင် ပြုလုပ်သည့် “လူ့အခွင့်အရေး ချိုးဖောက်မှု များနှင့် ကုထုံးများ”ခေါင်းစဉ်ဖြင့် ပြုလုပ်တဲ့ ဆွေးနွေးပွဲတွင် ဝေဝေနု၏ ဆွေးနွေး တင်ပြချက်)
ဒီဆွေးနွေးပွဲမှာ ရိုဟင်ဂျာ လူမျိုးတွေရဲ့ ကိစ္စကို တင်ပြခွင့် ရသည့် အတွက် များစွာ ဂုဏ်ယူ မိပါတယ်။ ဒီဆွေးနွေးပွဲမှာ တက်ရောက် လာကြတဲ့သူ တွေထံက ဖိနှိပ်ချုပ်ချယ်မှု မျိုးစုံ ခံစားနေ ရတဲ့ ရိုဟင်ဂျာ လူမျိုးတွေ အတွက် မျှော်လင့်ချက်နဲ့ လက်တွေ့ဆန်တဲ့ အာမခံချက်တွေ ကျွန်မ ယူဆောင် သွားနိုင်အောင် ပေးစွမ်း နိုင်ကြ လိမ့်မယ်လို့ မျှော်လင့်မိ ပါတယ်။ ကျွန်မကို တက်ရောက် ဆွေးနွေးဖို့ ဖိတ်ကြားတဲ့ ဦးဆောင် ကျင်းပသူ များကိုလည်း ကျေးဇူး အထူးတင် ရှိပါကြောင်း ပြောကြားလို ပါတယ်။
ရခိုင်ပြည်နယ်မှာ လူ့အခွင့်အရေး ချိုးဖောက်ခံ နေရမှုတွေကို လိုရင်း တိုရှင်း တိတိကျကျ တင်ပြ သွားမှာ ဖြစ်ပါတယ်။
မြန်မာ အစိုးရက ရိုဟင်ဂျာလူမျိုးတွေရဲ့ နိုင်ငံသားဖြစ်မှုကို ငြင်းပယ်တဲ့အတွက် သူတို့ရဲ့ ရပ်တည်မှုအတွက် အန္တရာယ်ရှိနေပါတယ်။ ကမ္ဘာ့နိုင်ငံတွေက တစ်ဖက်စောင်းနင်းဖြစ်ပြီး ရက်စက်တဲ့ဥပဒေလို့ ပြောနေကြတဲ့ ၁၉၈၂ ခုနှစ် မြန်မာနိုင်ငံသားဥပဒေဟာ နိုင်ငံတကာစံချိန်စံညွှန်းတွေနဲ့ ကိုက်ညီမှုမရှိသလို ပုဒ်မသုံးခုမှာလည်း “မြန်မာနိုင်ငံရဲ့ လူမျိုးကြီးရှစ်မျိုးနဲ့ သူတို့ရဲ့မျိုးနွယ်စုတွေသာ တိုင်းရင်းသား (နိုင်ငံသား) ဖြစ်တယ်”လို့ ပြဋ္ဌာန်းထားပါတယ်။ ၁၉၄၈ ခုနှစ် မြန်မာနိုင်ငံ လွတ်လပ်ရေးရကတည်းက ရိုဟင်ဂျာလူမျိုးတွေကို မြန်မာနိုင်ငံရဲ့ တိုင်းရင်းသားလူမျိုးစုတစ်ခုလို့ အသိအမှတ်ပြုခဲ့ပေမယ့် ၁၉၈၂ ခုနှစ် ဥပဒေနဲ့ ဖယ်ရှားပစ်ခဲ့ပါတယ်။ အဲဒီအချိန်ကစပြီး ရိုဟင်ဂျာလူမျိုးတွေကို ခွဲခြားဖိနှိပ်ချုပ်ချယ်တဲ့ဥပဒေ၊ နည်းလမ်းမျိုးစုံနဲ့ နှိပ်ကွပ်လာခဲ့တာ ဒီကနေ့ထိဖြစ်ပါတယ်။ အဆုံးစွန်ပြောရရင် ရိုဟင်ဂျာလူမျိုးတွေကို လူသားမျိုးနွယ်အဖြစ်တောင် သတ်မှတ်ပုံမရတော့ပါဘူး။ ရိုဟင်ဂျာလူမျိုးတွေရဲ့ လူမှုစီးပွားဘဝတွေက ဘယ်လောက်အထိ ခက်ခဲကြမ်းတမ်းသလဲဆိုရင် အသက်ရှင်ရပ်တည်နိုင်ဖို့အတွက် ခက်ခက်ခဲခဲရုန်းကန်နေနေရပြီး ဘဝတွေဟာလည်း သေတာနဲ့မခြား ဖြစ်တည်နေပါတယ်။
စစ်အာဏာရှင်အစိုးရ အဆက်ဆက်က ရိုဟင်ဂျာလူမျိုးတွေရဲ့ အသက်ရှင်ရပ်တည်မှုအတွက် အဓိကအရေးပါတဲ့ အခွင့်အရေးအားလုံးကို ဘယ်လောက်အထိ ပိတ်ပင်တားမြစ်ခဲ့သလဲဆိုရင် -
(၁) ရိုဟင်ဂျာလူမျိုးတွေရဲ့ သမိုင်းဆိုင်ရာ အထောက်အထားတွေ ဖျောက်ဖျက်ခံရပြီး၊ ရခိုင်ဒေသမှာ နှစ်ပေါင်းထောင်ချီ နေထိုင်လာခဲ့ကြတဲ့ ရိုဟင်ဂျာလူမျိုးတွေကို ၁၈၂၄ ခုနှစ် ဗြိတိသျှကိုလိုနီနယ်ချဲ့တွေနဲ့ပါလာတဲ့ အိန္ဒိယနွယ်ဖွားများ ဖြစ်သယောင် ပုံဖော်ခဲ့ကြပါတယ်။
(၂) ရိုဟင်ဂျာလူမျိုးတွေရဲ့ မူလအမည်ကို ဘင်္ဂါလီဟူ၍ အဓမ္မပြောင်းလဲစေခိုင်းခဲ့ပါတယ်။ ရည်ရွယ်ချက်ရှိရှိနဲ့ ၁၉၇၃ ခုနှစ်နဲ့ ၁၉၈၃ ခုနှစ် သန်းခေါင်စာရင်းကောက်ယူမှုတွေမှာ ရိုဟင်ဂျာလူမျိုးတွေကို နိုင်ငံမဲ့အဖြစ် ဖန်တီးခဲ့ကြပါတယ်။ ရိုဟင်ဂျာလူမျိုးများက မိမိတို့ကိုယ်ကို မိမိတို့ ရိုဟင်ဂျာလို့ ပြောကြားခဲ့ပေမယ့် ရခိုင်ဒေသလူဦးရေ ၃.၃သန်းရဲ့ ၂၉ ရာခိုင်နှုန်းရှိတဲ့ ရိုဟင်ဂျာလူမျိုးတွေကို စစ်အာဏာရှင်အစိုးရ အဆက်ဆက်က ဘင်္ဂါလီလို့ အတင်းအဓမ္မ စာရင်းရေးသွင်းခဲ့ကြပါတယ်။
(၃) အဲဒီလိုပဲ အငြင်းပွားဖွယ်ရာ ၁၉၈၂ ခုနှစ် နိုင်ငံသားဥပဒေကို တစ်ဖက်စောင်းနင်းပြဋ္ဌာန်းပြီး ရိုဟင်ဂျာလူမျိုးတွေရဲ့ နိုင်ငံသားဖြစ်မှုကို အစိုးရက ရုပ်သိမ်းခဲ့ပါတယ်။ ကမ္ဘာ့ကုလသမဂ္ဂက ကြီးကြပ်လုပ်ဆောင်ခဲ့တဲ့ နိုင်ငံတကာသဘောတူညီချက်တွေမှာ ကမ္ဘာတစ်ဝန်း နိုင်ငံမဲ့သူမရှိရေးနဲ့ အကာအကွယ်ပေးရေး သတ်မှတ်ပြဋ္ဌာန်းထားခဲ့ပေမယ့် မြန်မာအစိုးရကတော့ ခိုးဝင်လာသူဆိုတဲ့ စကားလုံးကို တွင်တွင်ကျယ်ကျယ် သုံးလျက်ရှိပါတယ်။
(၄) မကြာသေးမီက သန်းခေါင်ကောက်ယူမှုမှာလည်း အစိုးရအသိအမှတ်ပြုထားတဲ့ တိုင်းရင်းသားလူမျိုး ၁၃၅ မျိုးအတွက်ပဲ ကုတ်နံပါတ်သတ်မှတ်ပေးပြီး ရိုဟင်ဂျာလူမျိုးများအတွက် သတ်မှတ်ပေးခြင်းမရှိခဲ့ပါဘူး။ အဲဒီကိစ္စနဲ့ ပတ်သက်လို့ မြန်မာအစိုးရကိုယ်တိုင်က နိုင်ငံတကာသတင်းဌာနတွေကိုတစ်မျိုး၊ ပြည်တွင်းမီဒီယာတွေကိုတစ်မျိုး ကွဲပြားခြားနားစွာ သတင်းထုတ်ပြန်ခဲ့ပါတယ်။ နိုင်ငံတကာသတင်းဌာနတွေကို ပြောကြားရာမှာ ရိုဟင်ဂျာလူမျိုးတွေအနေနဲ့ အခြားဆိုတဲ့ ၉၁၄ မှာ ဖော်ပြပြီး ရိုဟင်ဂျာဟူ၍ ရေးခွင့်ရှိသယောင်ယောင် ပြောကြားခဲ့ပါတယ်။ ဆိုလိုတာကတော့ ရိုဟင်ဂျာတွေဟာ မြန်မာ့တိုင်းရင်းသား လူမျိုးစုတစ်စုဖြစ်တယ်ဆိုတာကို အသိအမှတ်မပြုဘဲ ကိုယ့်လူမျိုးအမည်ကိုတော့ လွတ်လပ်စွာဖော်ပြခွင့်ပေးတဲ့ သဘောမျိုးဖြစ်ပါတယ်။ ဒါပေမဲ့ တကယ့်လက်တွေ့မှာတော့ ဘင်္ဂါလီလို့မရေးရင် သန်းခေါင်စာရင်းကောက်ခံရာမှာ လုံးဝစာရင်းမကောက်ဖို့ ညွှန်ကြားထားပါတယ်။ ရိုဟင်ဂျာလို့ ရေးသွင်းခြင်းကို လက်မခံလို့ သန်းခေါင်စာရင်းကောက်ယူမှုမှာ ပါဝင်ခွင့်မရခဲ့ပါဘူး။ တကယ်တော့ ဒီ ၂ဝ၁၄ခုနှစ် လူဦးရေသန်းခေါင်စာရင်းကောက်ခံမှုအတွက် ကမ္ဘာ့ကုလသမဂ္ဂလူဦးရေရန်ပုံငွေအဖွဲ့နဲ့ ဥရောပသမဂ္ဂအဖွဲ့ဝင်နိုင်ငံအချို့ အပါအဝင် အနောက်အုပ်စုနိုင်ငံတွေက ငွေကြေးကူညီထောက်ပံ့ပေးတာဖြစ်တာကြောင့် ခုလိုမျိုး လူမျိုးရေးခွဲခြားဆက်ဆံမှုတွေဟာ အလွန်စိတ်ပျက်ဖွယ်ရာ ဖြစ်ပါတယ်။
အစိုးရက ဖွဲ့စည်းပေးခဲ့တဲ့ စုံစမ်းစစ်ဆေးရေးအဖွဲ့ရဲ့ အစီရင်ခံစာမှာ ရဲဝန်ထမ်းတစ်ယောက် အသတ်ခံရပြီး အလောင်းရှာမတွေ့တဲ့အတွက် ရဲဝန်ထမ်းတွေကို ပိုမိုကောင်းမွန်တဲ့ လက်နက်တွေ တပ်ဆင်ပေးဖို့ ထောက်ခံတင်ပြတာတွေ တွေ့ရှိရပါတယ်။ ရိုဟင်ဂျာလူမျိုး ၂၅ ဦး အကြမ်းဖက်တိုက်ခိုက်ခံရတဲ့ ရိုဟင်ဂျာလူမျိုး ၂၅ ဦးကို ဆေးကုသပေးခဲ့ရကြောင်း ပြောကြားတဲ့အတွက် မောင်တောမြို့မှာ အကူအညီပေးနေတဲ့ MSF အဖွဲ့ရဲ့ ရခိုင်ပြည်နယ်တွင်း လုပ်ငန်းဆောင်ရွက်ခွင့်တွေကို မြန်မာအစိုးရက ပိတ်ပင်တားမြစ်ခဲ့ပါတယ်။ အခုဆိုရင် ရခိုင်ပြည်နယ်မှာ လူသားချင်းစာနာမှုအကူအညီတွေပေးနေတဲ့ ကုလသမဂ္ဂနဲ့ နိုင်ငံတကာအဖွဲ့အစည်းတွေကို တိုက်ခိုက်တာတွေ၊ ပိတ်ပင်တာတွေ ရှိနေပါတယ်။ လွန်ခဲ့တဲ့လက တိုက်ခိုက်ခံရမှုတွေကို အခုဒီမှာ ဖြန့်ဝေထားတဲ့ မတ်လထုတ်သတင်းစာစောင်မှာ ဖတ်ရှုရမှာဖြစ်ပါတယ်။
ရိုဟင်ဂျာလူမျိုးတွေကို ခွဲခြားဆက်ဆံမှုတွေဟာ အဖွဲ့အစည်းအချို့က ရည်ရွယ်ချက်ရှိရှိနဲ့ စနစ်တကျ ကြိုတင်ပြင်ဆင်လုပ်ဆောင်နေတာဖြစ်ကြောင်း သိသာပါတယ်။ ရိုဟင်ဂျာလူမျိုးတွေကို နည်းလမ်းမျိုးစုံနဲ့ ဖိနှိပ်တိုက်ခိုက်ခဲ့လို့ ဒုက္ခသည်စခန်းတွေမှာ နေထိုင်နေရတာတွေ ရှိနေပါတယ်။ ရိုဟင်ဂျာလူမျိုးတွေဟာ လွတ်လပ်စွာသွားလာခွင့်မရဘဲ ကန့်သတ်ခံရခြင်း၊ အာဏာပိုင်တွေဆီက ခွင့်ပြုချက်ရမှ လက်ထပ်ထိမ်းမြားရခြင်း၊ ပညာရေး ကျန်းမာရေး ကဏ္ဍတွေမှာပါ ကန့်သတ်ခံနေကြရပါတယ်။ လက်ထပ်ထိမ်းမြားခွင့်နဲ့ ကလေးမွေးဖွားခွင့် တားမြစ်ကန့်သတ်ခံထားရတဲ့အတွက် ရိုဟင်ဂျာကလေးငယ် ခြောက်သောင်းလောက် မွေးစာရင်းလက်မှတ် မရရှိကြသေးပါဘူး။ ရိုဟင်ဂျာလူငယ်များ ပညာသင်ကြားရေးတွင်လည်း ဘယ်လောက်အထိ အခက်အခဲတွေနဲ့ ရင်ဆိုင်နေကြရသလဲဆိုရင် ၂ဝ၁၂ ခုနှစ် အကြမ်းဖက်မှု ဖြစ်ပြီးတဲ့နောက် ရိုဟင်ဂျာလူငယ် နှစ်သောင်းခန့် ပညာသင်ကြားခွင့် ဆုံးရှုံးခဲ့ကြရပြီး တက္ကသိုလ်ကျောင်းသူကျောင်းသား တစ်ထောင်ကျော်လောက် ပညာသင်ကြားခွင့် မရရှိတော့ပါဘူး။ ရိုဟင်ဂျာလူမျိုးအများစုဟာ လုံလောက်တဲ့ ကျန်းမာရေးစောင့်ရှောက်မှုလည်း မရရှိကြပါဘူး။
ရိုဟင်ဂျာလူမျိုးတွေရဲ့ စီးပွားရေးဘဝတွေလည်း လုံးဝရပ်ဆိုင်းသွားခဲ့ပါပြီ။ ကိုယ်ပိုင်စိုက်ပျိုးမြေအားလုံးရဲ့ သုံးပုံတစ်ပုံလောက်ကို အစိုးရက စီမံပေးနေတဲ့ စံပြကျေးရွာသစ်တွေနဲ့ လုံခြုံရေးစခန်းတွေအတွက်ဆိုပြီး သိမ်းဆည်းခံရသလို၊ ကိုယ်နေထိုင်တဲ့ ကျေးရွာ၊ ရပ်ကွက်တွေကနေ အတင်းအဓမ္မ ဖယ်ရှားခံရတာကလည်း ရိုဟင်ဂျာလူမျိုးတွေအတွက် အသစ်အဆန်း မဟုတ်တော့ပါဘူး။ တစ်ဖက်သတ်တိုက်ခိုက်ခံရလို့ ရိုဟင်ဂျာလူမျိုးတစ်သိန်းခွဲဟာ ၂ဝ၁၂ ခုနှစ် နှစ်လယ်ကစပြီး ဒီကနေ့အထိ အဆင့်မမီတဲ့ ဒုက္ခသည်စခန်းတွေမှာ ချို့တဲ့စွာနေထိုင်နေကြရပါတယ်။ အိမ်တွေမီးရှို့ခံခဲ့ရတဲ့ ရိုဟင်ဂျာလူမျိုးတချို့ဆိုရင်လည်း အကျဉ်းထောင်မှာနေရတဲ့ပုံစံလိုမျိုး သံဆူးကြိုးကာရံထားတဲ့ ရပ်ကွက်ဝင်းအတွင်းမှာ ထိန်းသိမ်းခံနေကြရပါတယ်။ လွတ်လပ်စွာသွားလာခွင့် မရရှိကြပါဘူး။ အဲဒီဒုက္ခသည်စခန်းက လူတွေကို သူတို့ရဲ့ မူလမြေနေရာတွေမှာ ပြန်လည်နေရာချထားပေးရေး အစီအစဉ်တွေလည်း မြင်သာထင်သာမရှိသေးပါဘူး။
လွန်ခဲ့တဲ့လက နိုင်ငံတကာအကူအညီပေးရေးအဖွဲ့တွေ စစ်တွေမြို့က ထွက်ခဲ့ရတဲ့နောက်ပိုင်းမှာ လူသားချင်းစာနာမှုအထောက်အပံ့ဆိုတာကိုတောင် မေးခွန်းထုတ်စရာ ဖြစ်လာပါတယ်။ အမျိုးသမီးတွေနဲ့ ကလေးတွေ အစားအသောက် အာဟာရပြတ်လို့ နေ့စဉ်သေဆုံးနေကြရသလို၊ သောက်သုံးရေ စားနပ်ရိက္ခာနဲ့ ကျန်းမာရေးစောင့်ရှောက်မှု အခြေအနေက တော်တော်ဆိုးရွားနေပါတယ်။ ရိုဟင်ဂျာလူမျိုးတွေကို စနစ်တကျ အကွက်ချပြီး လူ့အခွင့်အရေးချိုးဖောက်စော်ကားနေတာတွေဟာ မြန်မာနိုင်ငံရဲ့ ပြည်တွင်းရေးသက်သက်ပါလို့ ပြောလို့မရပါဘူး။ ရိုဟင်ဂျာလူမျိုးတစ်သောင်းကျော်ဟာ ကိုယ့်အိမ်၊ ကိုယ့်ဒေသတွေကိုစွန့်ခွာပြီး မလေးရှားနိုင်ငံအပါအဝင် အိမ်နီးချင်းအာဆီယံနိုင်ငံတွေဆီကို ဒုက္ခသည်အဖြစ် ထွက်ပြေးတိမ်းရှောင်နေကြရလို့ မြန်မာနိုင်ငံရဲ့ ပြဿနာဟာ အိမ်နီးချင်းနိုင်ငံတွေဆီ ကူးစက်လာခဲ့တာပါ။
ဒါကြောင့် တရားမျှတမှုကို မြတ်နိုးတဲ့ ပြည်သူတွေ၊ အထူးသဖြင့် အာဆီယံနိုင်ငံတွေကို မေတ္တာရပ်ခံချင်တာက -
(၁) ရိုဟင်ဂျာလူမျိုးတွေကို အကြမ်းဖက်မှုတွေကနေ အကာအကွယ်ပေးဖို့ တောင်းဆိုပေးကြပါ။ လူ့ဘဝရပ်တည်ရေးအတွက် အဓိကလိုအပ်ချက်တွေဖြစ်တဲ့ လုံခြုံတဲ့နေအိမ်၊ အစားအစာ၊ သန့်ရှင်းတဲ့သောက်သုံးရေ၊ ကျန်းမာရေးစောင့်ရှောက်မှုနဲ့ ပညာရေးကိစ္စတွေကို စဉ်းစားတောင်းဆိုပေးကြပါ။ လက်ရှိအခြေအနေအရဆိုရင် ဆိုးရွားတဲ့ရာသီဥတုနဲ့ အစားအသောက်မလုံလောက်မှုကြောင့် အလွယ်တကူသေဆုံးနိုင်တာကြောင့် ပိုမိုလုံခြုံဘေးကင်းတဲ့နေရာတွေဆီ ပြောင်းရွှေ့ပေးစေချင်ပါတယ်။ အဲဒီကိစ္စတွေအတွက် ရိုဟင်ဂျာလူမျိုးတွေ အပါအဝင် နေအိမ်စွန့်ခွာထွက်ပြေးပြီး ဒုက္ခသည်ဖြစ်နေတဲ့ ရခိုင်ပြည်နယ်က ဘယ်လူမျိုးကိုမဆို လူသားချင်းစာနာမှု အကူအညီတွေပေးနေတဲ့ NGO တွေကို မြန်မာအစိုးရက အကာအကွယ်နဲ့ အကူအညီတွေ ပေးဖို့လိုအပ်ပါတယ်။
(၂) မြန်မာအစိုးရက ရိုဟင်ဂျာလူမျိုးတွေကို မိမိတို့ရဲ့ မူလလူမျိုးအမည် (ရိုဟင်ဂျာ) အဖြစ် သန်းခေါင်စာရင်းကောက်နေတဲ့ နောက်ထပ် နှစ်လတာ အချိန်အတွင်းမှာ ရေးသွင်းခွင့်ပေးဖို့ အားလုံးက ဝိုင်းဝန်းကြိုးပမ်းပေးကြဖို့လိုပါတယ်။ ဘင်္ဂါလီလို့ အတင်းအဓမ္မရေးသွင်းခံရရင် တရားမဝင်လာရောက်နေထိုင်သူအဖြစ်သတ်မှတ်ပြီး ပြည်နှင်ဒဏ်ပေးခံရဖွယ်ရှိပါတယ်။
(၃) ဒါကြောင့် နိုင်ငံတကာမိသားစုတွေအနေနဲ့ ရိုဟင်ဂျာလူမျိုးတွေရဲ့ မွေးရာပါအခွင့်အရေးဖြစ်တဲ့ မြန်မာနိုင်ငံသားဖြစ်မှုနဲ့ တန်းတူအခွင့်အရေး ရရှိရေးအတွက် လုပ်ဆောင်ပေးကြစေလိုပါတယ်။ မြန်မာအစိုးရရဲ့ အခုပြောစကားတွေအရ တချို့တစ်ဝက်လောက်ပဲ နိုင်ငံသားဖြစ်ခွင့်ရရှိကြမှာဖြစ်ပေမယ့် အဲဒီလူဟာ ရွေးကောက်ပွဲဝင်ခွင့်ရှိမှာမဟုတ်သလို ပစ္စည်းဥစ္စာပိုင်ဆိုင်ခွင့်၊ ပညာသင်ကြားခွင့်တွေမှာလည်း မွေးရာပါ နိုင်ငံသားတစ်ယောက်လို တန်းတူအခွင့်အရေး ရရှိမှာမဟုတ်ပါဘူး။ နိုင်ငံသားပြုခြင်းခံရသူရဲ့ နိုင်ငံသားဖြစ်ခွင့်ကိုလည်း အစိုးရက အကြောင်းအမျိုးမျိုးပြပြီး ရုပ်သိမ်းခွင့်ကလည်း ရှိနေပါသေးတယ်။
(၄) ရိုဟင်ဂျာလူမျိုးတွေအတွက် ကျန်းမာရေးနဲ့ ပညာရေးက အလွန်အရေးကြီးတဲ့အတွက် မလေးရှားမှာရောက်နေတဲ့ ရိုဟင်ဂျာကလေးတွေကို ပညာသင်ကြားခွင့်ပေးဖို့ မလေးရှားအာဏာပိုင်များကို တောင်းဆိုလိုပါတယ်။ ဒါမှလည်း အမှားနဲ့အမှန်ကို ဝေဖန်ပိုင်းခြားသုံးသပ်နိုင်တဲ့၊ သဘောထားမျှတတဲ့ မွတ်စ်လင်မ်တွေ ဖြစ်လာကြမှာပါ။ အခြေခံကျန်းမာရေးစောင့်ရှောက်မှုလည်းပေးဖို့ တောင်းဆိုလိုပါတယ်။
(၅) လာမယ့်နှစ်မှာ မလေးရှားနိုင်ငံက အာဆိယံအဖွဲ့ရဲ့ အလှည့်ကျဥက္ကဋ္ဌတာဝန်ယူတဲ့အခါ မြန်မာနိုင်ငံက ရိုဟင်ဂျာကိစ္စကို ဆွေးနွေးနိုင်ရေးအတွက် စီစဉ်ပေးစေလိုပါတယ်။ အခုလက်ရှိ အာဆီယံဥက္ကဋ္ဌတာဝန်ယူထားတဲ့ မြန်မာအစိုးရကတော့ အာဆီယံခေါင်းဆောင်များအပါအဝင် အာဆီယံအရပ်ဘက်လူ့အဖွဲ့အစည်းတွေကိုပါ ရိုဟင်ဂျာကိစ္စ ဆွေးနွေးခြင်းကို တားမြစ်ထားပါတယ်။ ဒီတော့ ကျွန်မတို့ ရိုဟင်ဂျာလူမျိုးများကိစ္စကို အစိုးရတွေရော၊ အရပ်ဘက်အဖွဲ့အစည်းတွေကပါ ပွင့်လင်းရိုးသားစွာ လွတ်လွတ်လပ်လပ် ဆွေးနွေးတိုင်ပင်ပြီး ရေရှည်တည်တံ့ခိုင်မြဲတဲ့ ငြိမ်းချမ်းရေးရရှိအောင် ဝိုင်းဝန်းအဖြေရှာကြစေလိုပါတယ်။
အာဆီယံရဲ့ ဦးဆောင်နိုင်ငံတစ်နိုင်ငံဖြစ်သလို OIC ရဲ့ အဖွဲ့ဝင်နိုင်ငံတစ်နိုင်ငံဖြစ်တဲ့ မလေးရှားနိုင်ငံအနေနဲ့ ကျွန်မတို့ရဲ့ ရိုဟင်ဂျာလူမျိုးကိစ္စကို စိတ်အားထက်သန်စွာဖြင့် ပါဝင်ပြီး အဖြေရှာဖို့ ကြိုးပမ်းလိမ့်မယ်လို့ ကျွန်မမျှော်လင့်ပါတယ်။ ရိုဟင်ဂျာပြဿနာကို အာဆီယံအနေနဲ့ လွန်ခဲ့တဲ့ နှစ် ၂ဝ ကျော်ကတည်းက သိရှိခဲ့ပေမယ့် ထိရောက်တဲ့လုပ်ဆောင်မှု မရှိခဲ့ပါဘူး။ ရိုဟင်ဂျာတွေရဲ့ အခြေအနေက အလွန်စိုးရိမ်စရာ ဖြစ်ပါတယ်။ ရိုဟင်ဂျာလူမျိုးတွေကို မြန်မာ့မြေပေါ်က အပြီးတိုင်ဖယ်ရှားပစ်ဖို့ လူအသေအပျောက်များတဲ့ သတ်ဖြတ်မှုတွေ ဖြစ်လာနိုင်တယ်လို့ ကျွန်မရိုးသားစွာ ယုံကြည်ပါကြောင်း တင်ပြအပ်ပါတယ်။
ကျေးဇူးတင်ပါတယ်။
