မောင်တောမြို့ ကမ္ဘောဇဘဏ် ရှေ့တွင် ရခိုင် (၃) ဦး ငွေလုယက်

လုယက်သည့် ရခိုင် (၃) ဦးမှ တစ်ဦး

RB News
29.4.2014

မောင်တော ။ ။ ရခိုင်ပြည်နယ်၊ မောင်တောမြို့နယ်ရှိ ကမ္ဘောဇဘဏ် ရှေ့တွင် ရခိုင် (၃) ဦးက ဒေသခံ ရိုဟင်ဂျာ တစ်ဦးထံမှ ငွေလုယက် ခဲ့ကြောင်း သတင်း ရရှိပါသည်။

ယနေ့ နံနက် ၁၁ နာရီ အချိန်တွင် မောင်တောမြို့နယ်ရှိ ကမ္ဘောဇဘဏ်မှ ငွေထုတ်လာသည့် လှဖိုးခေါင်း ကျေးရွာ အုပ်စုမှ ဦးမာမတ်အာမီးန် (ဘ) ဦးအဒူဆလာမ် ထံမှ ရခိုင် (၃) ဦးက ငွေကျပ် ၁၅၀၀၀ လုယက်၍ ထွက်ပြေး သွားကြကြောင်း ဒေသခံ တစ်ဦးက RB News သို့ပြောပါသည်။

ငွေလုယက်သည့် ရခိုင် (၃) ဦး အနက် တစ်ဦးသည် လွန်ခဲ့သည့် ဇန်န၀ါရီလ (၂၇) ရက်နေ့ကလည်း မောင်တောမြို့မဈေးတွင် ဈေးဝယ်နေသည့် ရိုဟင်ဂျာ အမျိုးသမီး နှစ်ဦးထံမှ ငွေကျပ် ၅ သောင်း လုယက်၍ ထွက်ပြေး သွားခဲ့သူ ဖြစ်သည်။

မောင်တောမြို့ပေါ်တွင် နေ့ပိုင်း အချိန်တွင် ယခုကဲ့သို့ လုယက်သူများ အတင့်ရဲသကဲ့သို့ လုံခြုံရေး တာဝန်ယူထားသည့် လုံထိန်းများကလည်း မကြာခဏ အကြောင်းမဲ့ ခြိမ်းခြောက်၍ ငွေညှစ်ခြင်းများ မကြာခဏ ကြုံရလေ့ ရှိသည်။