မလေးရှား လေယာဉ် ယူကရိန်း အရှေ့ပိုင်းမှာ ပျက်ကျ

နယ်သာလန်နိုင်ငံ Amsterdam မြို့ကနေ မလေးရှားနိုင်ငံ ကွာလာလမ်ပူမြို့ကို အသွား ယူကရိန်းနိုင်ငံ အရှေ့ပိုင်း Donetsk ဒေသမှာ မလေးရှား လေကြောင်းလိုင်းပိုင် လေယာဉ် ပျက်ကျ သွားခဲ့တာဟာ အကြမ်းသမား တွေရဲ့ လက်ချက် ဖြစ်တယ်လို့ ယူကရိန်း အစိုးရ အရာရှိတွေက ပြောပါတယ်။

လေယာဉ်ဟာ ယူကရိန်းနိုင်ငံ အရှေ့ပိုင်း Snizhne မြို့အနီးမှာ ကြာသပတေးနေ့က ပျက်ကျ သွားခဲ့တာ ဖြစ်ပါတယ်။ မီးလောင်ကျွမ်း နေတဲ့ ကွင်းပြင်ထဲမှာ ခရီးသည်တွေရဲ့ ခန္ဓာကိုယ် အပိုင်းအစ တွေနဲ့ လေယာဉ်ပျက် အပိုင်းအစတွေ ပြန့်ကျဲ နေတယ်လို့ မျက်မြင် သက်သေတွေက ပြောပါတယ်။ လေယာဉ်ပေါ် ပါသွားသူ စုစုပေါင်း ၂၉၅ ယောက်ဟာလည်း အသက်ရှင် ကျန်ရစ်မယ့် အလားအလာ မရှိဘူးလို့ ဆိုပါတယ်။

အဲဒီ ဘိုးရင်း 777 လေယာဉ်ကို ရုရှား လိုလားတဲ့ အကြမ်းဖက် သမားတွေက မြေပြင်က ဝေဟင်ပစ် ဒုံးကျည်နဲ့ ပစ်ချ လိုက်တာ ဖြစ်ကြောင်း ယူကရိန်း ပြည်ထဲရေး ၀န်ကြီးဌာန အရာရှိ Anton Gerashchenko က ပြောပါတယ်။ ခွဲထွက်ရေး သူပုန် အဖွဲ့ခေါင်းဆောင် ကတော့ ယူကရိန်း အစိုးရ တိုက်လေယာဉ်က အဲဒီ မလေးရှား လေကြောင်းလိုင်း MH-17 ကို ပစ်ချ လိုက်တာလို့ ပြောပါတယ်။