နောက်ဆုံးသတင်း/ဆောင်းပါးများ

မောင်တော ယာဉ်ထိန်းရဲများက ဒေသခံ တစ်ဦးကို ခြိမ်းခြောက်၍ ငွေညှစ်



MYARF
RB News
17.7.2014

မောင်တော ။ ။ ရခိုင်ပြည်နယ်၊ မောင်တောမြို့နယ်ရှိ ယာဉ်ထိန်းရဲများက မြို့ပေါ်တွင် ဈေးလာဝယ်သူ တစ်ဦးကို ခြိမ်းခြောက်၍ ငွေညှစ်ခဲ့ကြောင်း သတင်း ရရှိပါသည်။

ဇူလိုင်လ ၁၆ ရက်နေ့ နံနက် ၁၁ နာရီခန့် အချိန်တွင် မောင်တောမြို့နယ်၊ ခရိုင် အထွေထွေ အုပ်ချုပ်ရေး ဦးစီးဌာနရုံး အနီးရှိ ယာဉ်ထိန်းရဲ ကင်းစခန်းတွင် အုပ်စုလိုက် ထိုင်ပြီး ဈေးသွား ဈေးလာများကို အမြဲတစေ နှောက်ယှက်လေ့ ရှိသည့် ရဲများ ဖြစ်သော ဦးမောင်ကျော်၊ ဆရာလှမြင့် တို့က မောင်တောဈေးသို့ မိမိဆိုင်အတွက် စားကုန် ပစ္စည်းများ ၀ယ်ယူရန် လာသည့် ဂေါ်ဒူသာရ ကျေးရွာမှ အပြစ်မဲ့ ဒေသခံ ရိုဟင်ဂျာ တစ်ဦး ဖြစ်သော မော်လ၀ီ ရော်ဖိတ် (ဘ) ဦးခေဖာယဒ်ဒူလ္လာ ထံမှ ငွေကျပ် ၇၅၀၀၀/- ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။

မော်လ၀ီ ရော်ဖိတ်သည် မောင်တောဈေးမှ ပစ္စည်းများ ၀ယ်ယူ၍ ဂေါ်ဒူသာရဈေးတွင် ရောင်းချပြီး အသက်မွေး ၀မ်းကျောင်း ပြုနေသူ တစ်ဦး ဖြစ်သည်။

“သူက ဆိုင်အတွက် လိုအပ်တဲ့ ပစ္စည်းတွေ လာဝယ်နေတာပါ။ ဆရာလှမြင့်တို့က သူ့ကို ခေါ်ပြီး ဒုချီရာတန်းက လူသတ်မှု ကိစ္စမှာ ပါဝင် ပတ်သက်နေတယ်၊ ဂေါ်ဒူသာရက ကျေးရွာ အုပ်ချုပ်ရေးမှူးဟောင်း ဦးအာနိစ်က လူသတ်မှုမှာ သူပါ ပါတယ်လို့ စာရင်းပေးထားတယ် ဆိုပြီး ပြောတယ်။ ပြီးတော့ အဲဒီ ရဲတွေက ငွေနဲ့ရှင်းမလား၊ အမှုရင်ဆိုင်မလား၊ နှစ်လမ်းက တစ်လမ်းရွေးဆိုပြီး ခြိမ်းခြောက်တယ်။ နောက်ဆုံးတော့ မော်လ၀ီ ရော်ဖိတ်လည်း ရွေးချယ်စရာ လမ်းမရှိတော့ ငွေ ၇၅၀၀၀/- ပေးလိုက်ရတယ်။ ကျွန်တော်တို့ရဲ့ ဒေသမှာ တရား ဥပဒေ စိုးမိုးမှု မရှိတော့ သူတို့ ရဲတွေ ပြုသမျှ ခံနေရတာပေါ့ဗျာ” ဟု မော်လ၀ီ ရော်ဖိတ်ကို ငွေညှစ်နေစဉ် အတူရှိနေသည့် မျက်မြင် သက်သေ တစ်ဦးက RB News သို့ပြောပါသည်။

ဂေါ်ဒူသာရ ကျေးရွာမှ အုပ်ချုပ်ရေးမှူးဟောင်း ဦးအာနိစ်ကိုလည်း အာဏာပိုင်များက ဒုချီရာတန်းတွင် ဖြစ်ပွားခဲ့သည့် ဖြစ်စဉ်များတွင် ပါဝင် ပတ်သက်နေသည်ဟု မဟုတ်မမှန် စွပ်စွဲမှုကြောင့် ထိုအချိန်မှစ၍ တိမ်းရှောင် နေခဲ့ရာ ယခု အချိန်ထိ ဖြစ်သည်။ ရဲများက မော်လ၀ီ ရော်ဖိတ် လိမ်ညာ လှည့်ဖျား၍ ငွေညှစ်ခဲ့ခြင်း ဖြစ်သည်ဟု အဆိုပါ ဒေသခံမှ ပြောပါသည်။

Comment ရေးရန်

Rohingya Exodus