မြန်မာပြည်က လူ့အခွင့်အရေး ဂျနီဗာမှာ ဆွေးနွေး

မြန်မာနိုင်ငံ ဆိုင်ရာ ကုလသမဂ္ဂ လူ့အခွင့် အရေး အထူး ကိုယ်စားလှယ် မစ္စစ် ယန်ဟီးလီ Mrs. Yanghee Lee က မြန်မာအစိုးရ အနေနဲ့ သူမကို ထပ်မံ လာရောက်ဖို့ ဖိတ်ကြားပြီး လုံခြုံရေး အတွက်လည်း တာဝန်ယူ လိမ့်မယ်လို့ မျှော်လင့်ကြောင်း မနေ့က ပြောကြား လိုက်ပါတယ်။

ဒီရက်ပိုင်း အတွင်း မြန်မာ ဘုန်းတော်ကြီး ဝီရသူက သူမကို ရန်ပြုဖို့ ခြိမ်းခြောက် ခဲ့တာတွေနဲ့ ပတ်သက်ပြီး ကုလ ကိုယ်စားလှယ် ယန်ဟီးလီက အခုလို ဝေဖန် ပြောကြားခဲ့တာ ဖြစ်ပါတယ်။

ပြီးခဲ့တဲ့ သီတင်းပတ်က ဆွစ်ဇာလန်နိုင်ငံ ဂျနီဗာမြို့မှာ ကျင်းပတဲ့ လူ့အခွင့်ရေး ကောင်စီ ညီလာခံကို သူမ တင်သွင်း ခဲ့တဲ့ မြန်မာနိုင်ငံ ဆိုင်ရာ အစီရင်ခံစာမှာ တခြား လူ့အခွင့်အရေး အခြေအနေ တွေနဲ့အတူ ရခိုင်ပြည်နယ်က ရိုဟင်ဂျာ မွတ်စလင်တွေ အတွက် အကူအညီတွေ အရေးတကြီး လိုအပ်နေကြောင်း ဖေါ်ပြထားပါတယ်။

အဲ့ဒီ ညီလာခံ ရက်ပိုင်း အတွင်း ဂျနီဗာမြို့မှာ ကျင်းပခဲ့တဲ့ ရိုဟင်ဂျာ အရေး ဆိုင်ရာ ဆွေးနွေးပွဲ တစ်ခုကို ယန်ဟီးလီနဲ့ အတူ လန်ဒန်အခြစိုက် မြန်မာ ရိုဟင်ဂျာ အစည်းအရုံး ဥက္ကဌ ဦးထွန်းခင်လည်း ပါဝင် တက်ရောက် ခဲ့ပါတယ်။ ဦးထွန်းခင်က အဲ့ဒီ ဆွေးနွေးပွဲမှာ မူစလင် ရိုဟင်ဂျာတွေရဲ့ အခြေအနေကို အသေးစိပ် တင်ပြခဲ့တယ်လို့ RFA ကိုပြောပါတယ်။

"နိုင်ငံသား၊ တိုင်းရင်းသား အဖြစ် ကျနော်တို့ လက်မခံ အပြင် ကျနော်တို့ကို နိုင်ငံပြင်ပကို မောင်းထုတ်နေ တဲ့ နောက်ဆုံး အခြေအနေကို ကျနော်တို့ ရောက်နေတယ်၊ အဲ့ဒီ အတွက်ကြောင့် ကျနော်တို့ လူမျိုးတုံး သတ်ဖြတ်မှုကို ခံနေရတဲ့ အတွက် မြန်မာ အစိုးရကို ဖိအားပေးပြီးတော့ ကျနော်တို့ရဲ့ ရပိုင်ခွင့်အခွင့် အရေးတွေကို ပြန်ပေးဖို့ ကျနော်တို့က ပြောပြတာပါ"

ဒ့ါအပြင် ရိုဟင်ဂျာတွေ လူ့အခွင့်အရေး ဆုံးရှုံးနေမှုကို စုံစမ်းရေး အတွက် ကုလသမဂ္ဂ အနေနဲ့ ရခိုင်ပြည်နယ် ကို ကော်မရှင် တစ်ခု စေလွှတ်ဖို့လည်း ဦးထွန်းခင်က တောင်းဆို ခဲ့တယ်လို့ ဆိုပါတယ်။

"မြန်မာ အစိုးရ အနေနဲ့ ရိုင်ဟင်ဂျာ တွေကို တိုက်ဖျက်မှုနဲ့ ပတ်သက်လို့ စုံစမ်းရေး ကော်မရှင် လုပ်ထား တဲ့နေရာမှာ ယုံကြည်စရာ ဘာတစ်မှ မရှိဘူး ဆိုတဲ့ဟာ ကျနော်တို့ ထောက်ပြတယ်၊ အဲ့ဒီ အတွက်ကြောင့် နိုင်ငံတကာ စုံစမ်းရေး ကော်မရှင် တစ်ခု အမြန်ဆုံး ဖွဲ့ပြီးတော့ ရိုဟင်ဂျာတွေ ရှိနေတဲ့ ရခိုင်ပြည်နယ်ကို သွားပြီး စုံစမ်း စစ်ဆေးဖို့ ကျနော် အနေနဲ့ တောင်းဆိုတာပါ"

ကုလသမဂ္ဂ လူ့အခွင့်အရေး ရုံးရဲ့ထုတ်ပြန်ချက် အရ အထူး ကိုယ်စားလှယ် Mrs. Yanghee Lee ကို သင်ခန်းစာပေး တဲ့အနေနဲ့ ရန်ပြု တိုက်ခိုက်ဖို့ အရှင်ဝီရသူက ဒီရက်ပိုင်း အတွင်း ဖေ့စ်ဘုတ် စာမျက်နှာကနေ နှိုးဆော် စကား မိန့်ကြား ခဲ့တယ်လို့ သိရပါတယ်။

ကုလသမဂ္ဂ လူ့အခွင့် အရေး ဆိုင်ရာ မဟာမင်းကြီးရုံး ပြောခွင့်ရ ပုဂ္ဂိုလ် Rupert Colville က နိုင်ငံတကာ ကိုယ်စားလှယ် တစ်ဦးကို အရှင်ဝီရသူ အနေနဲ့ အခုလို မိန့်ကြား ပြောဆိုဖို့ မသင့်ကြောင်းနဲ့ ဆူပူမှု ဖြစ်အောင် လှုံ့ဆော်မှုကို အရေးယူဖို့ မြန်မာအစိုးရမှာ အပြည့်အဝ တာဝန်ရှိကြောင်း ပြောကြား လိုက်ပါတယ်။