ရခိုင်ပြည်နယ်၏ သိမ်မွေ့နက်နဲသော ပြဿနာများ၏ မူလဇစ်မြစ်ကို အဖြေရှာရာဝယ်

RB News
5.9.2016

ရခိုင်ပြည်နယ်သည် မြန်မာနိုင်ငံ၏ ဒုတိယ အဆင်းရဲဆုံးသော ပြည်နယ်ဖြစ်သည်နှင့်အညီ ရခိုင်ပြည်နယ်တွင် မှီတင်းနေထိုင်ကြသည့် လူမျိုးတိုင်းသည် ပြဿနာပေါင်းများစွာ ကြုံတွေ့နေရသည်မှာ ငြင်းမရပေ။ ရခိုင်ပြည်၏ စီးပွားရေးအခြေအနေ အဆင်မပြေမှုကြောင့် ရခိုင်ပြည်သူ အများစုသည် မူးယစ်ဆေးဝါးများ ရောင်းဝယ်ရေးကို အဓိက စီးပွားရေးသဖွယ် ရောင်းဝယ်ဖောက်ကားနေကြရသည်။ လမ်းပန်း ဆက်သွယ်ရေးများ ညံ့ဖျင်းလွန်းသည်။ မီးမရှိ လျှပ်စစ်မဖူလုံ။ ရခိုင်ပြည်သူများ၏ လူနေမှုဘဝက ၂၁ ရာစုနှင့် ဖီလာဆန့်ကျင်နေလျက် များစွာ ခေတ်နောက်ကျနေကြသည်မှာလည်း အမှန်အကန်ပင်ဖြစ်သည်။

ထိုအဆင်းရဲဆုံး ပြည်နယ်၌ မှီတင်းနေထိုင်ကြသော လူမျိုးစုထဲတွင် လူနည်းစု ရိုဟင်ဂျာများ၏ ဘဝသည် စစ်အာဏာရှင်အဆက်ဆက်၏ ခွဲခြားဆက်ဆံ ဖိနှိပ်ခဲ့မှုကြောင့် အလွန်ပင် စိုိးရမ်စရာအနေအထားရောက်နေသည်။ အဆင်းရဲဆုံးပြည်နယ်၌ မှီတင်းနေထိုင်ကြရသည့်အထဲတွင် စနစ်တကျ ခွဲခြားဆက်ဆံ ဖိနှိပ်ခံလာနေခဲ့ရသည့် ရိုဟင်ဂျာများကို နိုင်ငံတကာက ကမ္ဘာ့အဖိနှိပ်ခံရဆုံး လူမျိုးဟူ၍ သတ်မှတ်ခဲ့သည်။ နိုင်ငံသားအခွင့်အရေး၊ အခြေခံလူ့အခွင့်ရေး အစစအရာရာ ဆုံးရှုံးခံနေရသူများ ဖြစ်သည်။ ထိုကဲ့သို့ လူ့အခွင့်အရေး ချိုးဖောက်ခံနေရသည့် အဖိနှိပ်ခံ ရိုဟင်ဂျာများ၏ အရေးကို နိုင်ငံတကာက စိုးရိမ်ကြောင်း ဝိုင်းဝန်း ပြောလာသောအခါ စစ်အာဏာရှင်များက အမျိုးမျိုးလိမ်ညာခဲ့ဖူးသည်။

ကုလသမဂ္ဂ အဖွဲ့ဝင်ဖြစ်သော မြန်မာနိုင်ငံသည် ကုလသမဂ္ဂ၏ ပဋိညာဉ် စာချုပ်တွင် လက်မှတ်ရေးထိုးထားသည့် နိုင်ငံဖြစ်သည်နှင့်အညီ နိုင်ငံတကာဥပဒေကိုလည်း လိုက်နာဖို့တာဝန်ရှိသည်။ သို့သော် ထိုတာဝန်များကို ခေတ်အဆက်ဆက် စစ်အာဏာရှင်များက ပေါ်ပေါ်တင်တင် ချိုးဖောက်ခဲ့သောကြောင့် အင်အားကြီး အနောက်နိုင်ငံများ၏ Sanction ချမှတ်ခံခဲ့ရမှုနှင့် ရင်ဆိုင်ခဲ့ရသည်။ စစ်အာဏာရှင်များဖြစ်သည်နှင့်အညီ ၎င်းတို့သည် ဒီမိုကရေစီကိုအားပေးသည့် အနောက်နိုင်ငံများထက် ကွန်မြူနစ် အိမ်နီးချင်း တရုတ်နိုင်ငံနှင့်သာ ပိုမိုရင်းနှီးခဲ့သည်။ ထို့အပြင် အနောက်နိုင်ငံများ၏ Sanction ချမှတ်ခြင်းကို ခံခဲ့ရသောကြောင့် မြန်မာစစ်အာဏာရှင်များသည် တရုတ်နိုင်ငံနှင့်သာ စီးပွားကူးသန်ကြရသည်။ တရုတ်နိုင်ငံကလည်း ပြေးစရာမရှိသည့် မြန်မာနိုင်ငံကို ငယ်နိုင်သဘောဖြင့် အပိုင်စားနိုင်ငံ အဖြစ် နှစ်အတော်ကြာသည်ထိ ကိုင်တွယ် စားပစ်လာခဲ့သည်။ ပွင့်ပွင့်လင်းလင်း ပြောရလျှင် တရုတ်နိုင်ငံက မြန်မာနိုင်ငံမှ တန်ဖိုးမြင့် သဘာဝသယံဇာတများ သူတို့၏ မူးယစ်ဆေးပြားဖြင့် လဲလှယ်ခဲ့ခြင်းသာဖြစ်သည်။

မြန်မာစစ်အာဏာရှင်များက နိုင်ငံ့အကျိုး၊ ပြည်သူ့အကျိုးထက် မိမိကိုယ်ကျိုးစီးပွားကိုသာ ရှေ့တန်းတင်၍ တရုတ်နိုင်ငံဖြင့် စီးပွားရေးလုပ်ခဲ့သောကြောင့် မြန်မာနိုင်ငံသည်လည်း အင်အားကြီး တရုတ်နိုင်ငံ၏ ခေတ်စစ်ကျွန်ပြုခြင်းခံနေရသည့် နိုင်ငံတစ်နိုင်ငံ ဖြစ်လာခဲ့သည်မှာ မြန်မာပြည်သူများ မျက်မြင်အသိပဲဖြစ်ပါသည်။ တောတောင်များတွင် သစ်ပင်ဟူ၍ မကျန်အောင် ခုတ်ယူသွားခဲ့သည်။ ရေအားလျှပ်စစ်စီမံကိန်းဆိုပြီး မြစ်များစွာ အပိုင်သိမ်းထားသည်။ မြန်မာပြည်၏ သွေးကြောဖြစ်သည့် ဧရာဝတီမြစ်ကိုလည်း တရုတ်နိုင်ငံအား လုပ်ပိုင်ခွင့်ပေးလိုက်သည်။ ကြေးနီစီမံကိန်းကဲ့သို့ အခြားသော တရုတ်လက်ထဲရောင်းစားလိုက်သည့် စီမံကိန်းများစွာလည်း ရှိနေပါသည်။ ပြောရလျှင် မြန်မာနိုင်ငံ၏ သယံဇာတပေါကြွယ်ဝမှုကို တရုတ်က အပိုင်စီးပြီး ကောင်းစားနေကြသည်။ မြန်မာနိုင်ငံမှာမူ ကမ္ဘာ့အဆင်းရဲဆုံးနိုင်ငံ စာရင်း၌ ထိပ်တန်းနေရာကို ရောက်ရှိနေခဲ့ရသည်။

၂၀၁၀ ခုနှစ်တွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီဦးဆောင်သည့် အစိုးရသည် ဒီမိုကရေစီအရေခြုံပြီး တက်လာခဲ့သည်။ ဒီမိုကရေစီအစိုးရသာ ပြောသော်လည်း သမ္မတ ဦးသိန်းစိန်အပါအဝင် ထိပ်တန်းတာဝန်ရှိသူအများစုသည် စစ်ယူနီဖောင်းချွတ်များသာဖြစ်ကြသည်။

ယခင် နဝတ၊ နအဖ အစိုးရလက်ထက်တွင် ပြည်သူ့အကျိုး၊ နိုင်ငံ့အကျိုးများကို မကြည့်ဘဲ တရုတ်နိုင်ငံကို လုပ်ပိုင်ခွင့်ပေးခဲ့သည့် စီမံကိန်းများကို ထိုဦးသိန်းစိန်အစိုးရက ဆက်လက် ဖော်ဆောင်ပေးခဲ့သည်။ ထိုအထဲတွင် ရခိုင်ပြည်နယ်ရှိ ရွှေသဘာဝဓာတ်ငွေ့စီမံကိန်းလည်း အပါအဝင် ဖြစ်ပါသည်။ ပြည်သူ့အကျိုးကို မငဲ့ညှာ၊ မိမိတို့၏ ကိုယ်ကျိုးကိုသာ ရှေ့တန်းတင်၍ ထင်ရာစိုင်းခဲ့သည့် နဝတ၊ နအဖ အစိုးရ၏ အမွေကို ထိန်းသိမ်းပေးနေသော ဦးသိန်းစိန်အစိုးရကို မြန်မာပြည်သူများကလည်း ဒီမိုကရေစီ ဆိုင်းဘုတ်အောက်တွင် ဆန္ဒဖော်ထုတ်ခွင့် ရလာသည်နှင့်အမျှ အကြိမ်ပေါင်းများစွာ ကန့်ကွက်ဆန္ဒပြခဲ့သည်။ သို့သော် ဦးသိန်းစိန်အစိုးရက ဆန္ဒပြပွဲများကို ရက်စက်စွာ ဖြိုခွင်းခဲ့သည်။ အစိုးရအလိုမကျဖြစ်ခဲ့လျှင် ဆန္ဒပြသူသည် သံဃာတော်များဖြစ်လျှင်ပင် ရက်စက်စွာ ဖြိုခွင်းခဲ့သည်မှာလည်း အားလုံးအသိပင်ဖြစ်သည်။ ကြေးနီစီမံကိန်း၊ မြစ်ဆုံစီမံကိန်း၊ ပညာရေးပြုပြင်ပြောင်းလဲရေး စသည်တို့အတွက် အေးချမ်းစွာ ဆန္ဒပြခဲ့သည့် မြန်မာပြည်သူများကို ဒီမိုကရေစီအမည်ခံ အစိုးရဖြစ်သည့် ဦးသိန်းစိန်အစိုးရက ရက်ရက်စက်စက် ချေမှုန်းခဲ့သည်။ ဤသည်မှာ ဦးသိန်းစိန်အစိုးရက မြန်မာနိုင်ငံ၏အကျိုးစီးပွားထက် တရုတ်နိုင်ငံ၏ အကျိုးစီးပွားကို ပိုမို စောင့်ရှောက်ပေးခဲ့ခြင်းသာဖြစ်သည်။ တရုတ်နိုင်ငံ၏ စီမံကိန်းများကို စောင့်ရှောက်ပေးရေးသည် ဦးသိန်းစိန်အစိုးရအတွက် မဟာစိန်ခေါ်မှု တစ်ခုဖြစ်ခဲ့သည်။

အလားတူ ရခိုင်ပြည်နယ်တွင်လည်း တရုတ်နိုင်ငံကိုရောင်းချလိုက်သည့် ရွှေသဘာဝဓာတ်ငွေ့စီမံကိန်းကို ရပ်တန့်ပစ်ရန် သို့မဟုတ် ရွှေသဘာဝဓာတ်ငွေ့စီမံကိန်းမှ ရသည့်ဝင်ငွေကို ရခိုင်ပြည်နယ် ဖွံ့ဖြိုးတိုးတက်ရေးအတွက် ပြန်လည်သုံးစွဲပေးရန် ရခိုင်ပြည်သူများက အစိုးရကို ပြင်းပြင်းထန်ထန် ဆန္ဒပြတောင်းဆိုလာခဲ့သည်။ သို့သော် ဆန္ဒပြ ရခိုင်ပြည်သူများကို အစိုးရက အကြမ်းဖက် နိမ်နင်းသည့် လမ်းစဉ်မသုံးခဲ့ဘဲ ရေရှည်အသုံးတည်တံ့မည့် အခြားနည်းတစ်နည်းကို သုံးခဲ့သည်။ ဤသည်ကား လူမျိုးရေးဘာသာရေး နွယ်သည့် ပဋိပက္ခတစ်ခု ဖန်တီးပေးခဲ့၍ ရခိုင်ပြည်သူများကို ရွှေသဘာဝဓာတ်ငွေ့စီမံကိန်းမှ အာရုံလွဲလိုက်ခြင်းပင် ဖြစ်ပါသည်။ ထို့အပြင် ပဋိပက္ခဖြစ်နေသဖြင့် အရေးပေါ်အခြေအနေကြော်ငြာ၍ စစ်တပ်ချခဲ့သည်။ အထူးသဖြင့် ရွှေသဘာဝဓာတ်ငွေ့ သယ်ဆောင်သွားရာ ပိုက်လိုင်းတစ်လျှောက် စစ်တပ်စခန်းများ ချထားနိုင်ရေးသည် ဦးသိန်းစိန်အစိုး၏ လှည့်ကွက်တစ်ကွက် ဖြစ်သည်။ ဤနည်းဖြင့် တရုတ်နိုင်ငံ၏ မြန်မာနိုင်ငံထဲတွင်ရှိနေသည့် မဟာစီမံကိန်းကြီးတစ်ခုကို ဦးသိန်းစိန်အစိုးရက အကာအကွယ်ပေးခဲ့ကြသည်။

တရုတ်နိုင်ငံကို သယံဇာတများ ဈေးပေါပေါဖြင့် ယူဆောင်ခွင့်၊ လုပ်ပိုင်ခွင့်များ ပေးနေခြင်းမှာ မြန်မာစစ်အာဏာရှင်များ၏ လူ့အခွင့်အရေးချိုးဖောက်မှုများကို နိုင်ငံတကာစာမျက်နှာတွင် တရုတ်နိုင်ငံက အကာအကွယ် ပေးတတ်သောကြောင့် ဖြစ်သည့်အပြင် စစ်အာဏာရှင်များ အာဏာတည်မြဲအတွက်လည်း ကူညီကြသောကြောင့် ဖြစ်သည်။

ပြောရလျှင် ဦးသိန်းစိန်အစိုးရသည် ၎င်း၏ဆရာ ဦးသန်းရွှေ၏ နအဖ အစိုးရက တရုတ်နိုင်ငံနှင့် ချုပ်ဆိုခဲ့သည့် စီမံကိန်းများကို အပြည့်အဝ အကာအကွယ်ပေးခဲ့သည့် အစိုးရဖြစ်ပါသည်။ ပြည်မက စီမံကိန်းများကို ဆန္ဒပြကန့်ကွက်ခဲ့သူများကို အင်အားသုံးချေမှုန်းခဲ့ပြီး အကာအကွယ်ပေးခဲ့သလို ရခိုင်ပြည်နယ်မှ ရွှေသဘာဝဓာတ်ငွေ့ စီမံကိန်းကိုမှု လူမျိုးရေးဘာသာရေးနွယ်သည့် ပဋိပက္ခ ဖန်တီးပေးပြီး ရခိုင်ပြည်သူများကို မျိုးချစ်စိတ်ဓာတ် ပြင်းထန်သူအသွင်ဖြင့် ဂုဏ်တင် လှုံ့ဆော်ပေးခဲ့၍ ရွှေသဘာဝဓာတ်ငွေ့စီမံကိန်းကို အာရုံလွှဲစေခဲ့သည့်ပုံစံနှင့် အကာအကွယ်ပေးခဲ့ခြင်း ဖြစ်ပါသည်။

နောက်အရေးကြီးသည့်အချက်တစ်ခု ရှိသည်။ ရခိုင်ပြည်နယ်၏ အစိုးရဝန်းထမ်းအများစုသည် ရခိုင်လူမျိုးများသာ ဖြစ်ကြသည်။ စစ်တပ်တွင်လည်း ရခိုင်လူမျိုး အတော်များသည်။ ထို့အပြင် AA ဆိုပြီး အင်အားအသင့်အတန်ရှိသော ရခိုင့်လက်နက်ကိုင်တပ်ဖွဲ့တစ်ဖွဲ့လည်း ရှိပြန်သည်။ ရခိုင်ပြည်သူများကလည်း ရခိုင်ပြည်ကို အဖရခိုင်နိုင်ငံတော်လုပ်ပစ်မည် ဟူ၍ မကြာမကြာ လူသိရှင်ကြား ကြွေးကြော် နေကြသည်။ ဤကဲ့သို့ အခြေအနေများကို မြန်မာစစ်တပ်က လွယ်လွယ်ကူကူ အသာစီးရယူလိုက်သည်မှာ လူမျိုးရေး၊ ဘာသာရေးနွယ်သည့် ပဋိပက္ခကို ဖန်တီးပေးခဲ့၍ပင် ဖြစ်ပါသည်။

ရခိုင်ပြည်နယ်၏ ပဋိပက္ခ အကြောင်းရင်းကို ရခိုင်ပြည်နယ်ကို ချစ်မြတ်နိုးသည့် ဌာနေရခိုင်ပညာရှိများက အမှန်တရားကို သိကြသည်။ သို့သော် အမှန်တရားကို သိရှိကြသည့် ထိုဌာနေရခိုင်ပညာရှိများကို ခေါင်းမထောင်နိုင်ရန် အဝကျွန်းသား ဒေါက်တာအေးမောင်ကို ဦးသိန်းစိန်အစိုးရက အပြည့်အဝ အသုံးချခဲ့သည်။ စစ်အစိုးရအားပေး တရုတ်နိုင်ငံကလည်း ဒေါက်တာအေးမောင်ကို တရုတ်နိုင်ငံအထိ ခေါ်ပြီး ငွေကြေးမက်လုံးပေးကာ အသုံးခံပစ္စည်းတစ်ခုလို သုံးခဲ့သည်။ ဤအချက်များကို သိရှိကြသော ဌာနေရခိုင်ဖွား ရခိုင်များက ဒေါက်တာအေးမောင်ကို မုန်းတီးကြသည်။ ဒေါက်တာအေးမောင် မလေးရှားနိုင်ငံသို့ သွားစဉ်အခါက ရခိုင်များကပင် လုပ်ကြံသတ်ပစ်ရန် ကြိုးစားခဲ့ဖူးသည်မှာလည်း အားလုံးအသိပင်ဖြစ်သည်။ ၂၀၁၅ ရွေးကောက်ပွဲတွင် ရခိုင်ပြည်သူများက ဒေါက်တာအေးမောင်အပေါ် အယုံအကြည်မရှိကြောင်း လက်တွေ့ပြသခဲ့သည်။

{နောက်ပိုင်းတွင် ရခိုင်ပြည်၌ ဖန်တီးပေးခဲ့သော ပဋိပက္ခကို ဦးသိန်းစိန်အစိုးရက ပြည်မအထိ ဆွဲယူသွားခဲ့သည်။ ၉၆၉ အဖွဲ့ခေါ် အမျိုးဘာသာ သာသနာ ကာကွယ်စောင့်ရှောက်ရေးအဖွဲ့ တစ်ခုကို ဖွဲ့စည်းစေခဲ့ပြီး နိုင်ငံတစ်ဝှမ်း လူမျိုးရေးဘာသာရေး နွယ်သည့် ပဋိပက္ခများ ဖြစ်ပေါ်လာရန် ဖန်တီးခဲ့သည်။ ပြန်ကြားရေးဝန်ကြီး ဦးရဲထွဋ်၊ သမ္မတရုံး ညွန်ကြားရေးမှူး ဦးဇော်ဌေး တို့ကိုယ်တိုင်က လူမျိုးရေး၊ ဘာသာရေး နွယ်သည့် သွေးထိုးလှုံဆော်မှုများ ပြုလုပ်ခဲ့၍ ထိုမျိုးချစ်အမည်ခံအဖွဲ့ကို အားဖြည့်ခဲ့ပါသည်။ ဤသည်မှာ ၂၀၁၂ ခုနှစ်တွင် ပြုလုပ်ခဲ့သည့် ကြားဖြတ်ရွေးကောက်ပွဲ ၄၄ နေရာ၌ NLD ပါတီက ၄၃ နေရာဖြင့် အပြတ်အသတ် အနိုင်ခဲ့သည်မှ စတင်လာခဲ့သော နိုင်ငံရေးပြဿနာမီးတစ်ခု ဖြစ်ပါသည်။ ၂၀၁၅ ခုနှစ်တွင် ပြုလုပ်မည့် အထွေထွေရွေးကောက်ပွဲတွင် NLD ပါတီကို အသာစီးရအောင် ဦးသိန်းစိန်အစိုးရ၏ USDP ပါတီက ကြံဖန်လုပ်ဆောင်ခဲ့ခြင်းသာဖြစ်ပါသည်။ ဤအကြောင်းကို ရေးပြလျှင် စာရှည်သွားမည်ဖြစ်၍ မရေးတော့ပါ။}

နိုင်ငံတော်၏ အတိုင်ပင်ခံပုဂ္ဂိုလ်၊ ရခိုင်ပြည်နယ် တည်ငြိမ်းအေးချမ်းရေ ကော်မီတီ ဥက္ကဌ ဒေါ်အောင်ဆန်းစုကြည်က ရခိုင်ပြည်နယ်၏ သိမ်မွေ့နက်နဲသော ပြဿနာများ၏ မူရင်းဇစ်မြစ်ကို ရှာဖွေ ဖော်ထုတ်ရန် ကုလသမဂ္ဂ အထွေထွေအတွင်းရေးမှူးချုပ်ဟောင်း ကိုဖီအာနန်ကို ဦးဆောင်စေပြီး ရခိုင်ပြည်နယ်ဆိုင်ရာ အကြံပေး ကော်မရှင်တစ်ခုကို လွန်ခဲ့သည့် ဩဂုတ်လ ၂၄ ရက်နေ့တွင် ဖွဲ့စည်းခဲ့ပါသည်။

ဤအကြံပေးကော်မရှင်အဖွဲ့ကို အကောင်းမြင်သဘောနှင့် ကြိုဆိုနေကြသူများရှိသလို အဆိုးမြင်သဘောဖြင့် ဆန့်ကျင်ကန့်ကွက်နေသူများလည်း ရှိကြသည်။ အထူးသဖြင့် မျိုးချစ်အမည်ခံ NLD ဆန့်ကျင်ရေးအဖွဲ့အစည်းများက ဤအကြံပေးကော်မရှင်ကို ပြင်းပြင်းထန်ထန် ဆန့်ကျင်ကန့်ကွက်ကြသည်။ ထို့အပြင် ရခိုင်အမျိုးသားပါတီနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီတို့ကလည်း ဤအကြံပေးကော်မရှင်ကို ကန့်ကွက်ကြသည်။ ရခိုင်အမျိုးသားပါတီကဆိုလျှင် အကြံပေးကော်မရှင်အဖွဲ့နှင့် ပူးပေါင်းမည်မဟုတ်ကြောင်း ဟူ၍ပင် ပြောဆိုနေကြပါသည်။ 

အကြံပေးကော်မရှင်ကို ဆန့်ကျင်ကန့်ကွက်နေသည့် အကြောင်းပြချက်သည်လည်း လူရယ်စရာဖြစ်သည်။ အကြံပေးကော်မရှင်တွင် နိုင်ငံခြားသား သုံးဦးပါသောကြောင့် မြန်မာနိုင်ငံ၏ အချုပ်အခြာအာဏာထိပါးမည်ဟူ၍ တစ်မျိုး၊ ပြည်တွင်းပြဿနာကို နိုင်ငံတကာ ပြဿနာပြုလုပ်လိုက်၍ ဆိုပြီးတစ်မျိုး အခြေအမြစ်မရှိ စွပ်စွဲပြောဆိုနေရင်း ကန့်ကွက်နေကြခြင်း ဖြစ်သည်။

စေ့စပ်သေချာစွာ ကြည့်လျှင် ယခင်စစ်အာဏာရှင်ကို အားပေးတတ်သည့် ပုဂ္ဂိုလ်အများစုက ဤအကြံပေးကော်မရှင်ကို ကန့်ကွက်နေကြခြင်း ဖြစ်သည်။ ထို့အပြင် ရခိုင်သမိုင်းပညာရှင် ဆိုသူများကလည်း အကြံပေးကော်မရှင်နှင့် ပတ်သက်၍ အလွန်စိုးရိမ်နေရကြောင်း သမ္မတရုံး ညွှန်ကြားရေးမှူးကို တိတ်တဆိတ် ရင်ဖွင့်ခဲ့သည်ကို သမ္မတရုံးညွှန်ကြားရေးမှူးက မခံနိုင်သည့် အဆုံး ''ကိုယ့်သမိုင်းကိုယ်မယုံဘူးလား ဆရာရေ'' ဆိုပြီး နှစ်သိမ့်ပေးစကားပြောခဲ့ရသည့်အထိပင် ဖြစ်သည်။ 

အကြံပေးကော်မရှင်ကို ဆန့်ကျင်ကန့်ကွက်နေကြသူများ၏ အဓိက စိုးရိမ်ချက်ဟာ ဘာလဲ။ ရခိုင်သမိုင်းပညာရှင်ဆိုသူများ ဤအကြံပေးကော်မရှင်ကို ဘာကြောင့်များ အစိုးရိမ်ကြီး စိုးရိမ်နေပါသလဲ။ ကိုယ့်ဘက်က မှန်ရင် ကော်မရှင်မှာ မည်သူပင်ပါဝင်ပါစေ စိုးရိမ်စရာလိုနေလို့လား။ အဘယ်ကြောင့် ထိုကော်မရှင်ကို အပြင်းအထန်ကန့်ကွက်နေကြရသလဲ။ ထိုမေးခွန်းများစွာ၏ အဖြေကို အထက်တွင်ရေးသားခဲ့သည်များနှင့် ချိန်ထိုးကြည့်လျှင် သိရှိနိုင်မည်ဖြစ်ပါသည်။

ဤကော်မရှင်ကို ရိုဟင်ဂျာများကသာ အမှန်တကယ် ကန့်ကွက်သင့်သည်။ ရခိုင်ပြည်နယ်၏ သိမ်မွေ့နက်နဲသော ပြဿနာများ၏ မူလဇစ်မြစ်ကို အဖြေရှာနိုင်ရန် ဖွဲ့စည်းခဲ့သည့် ကော်မရှင်တွင် ရခိုင်ပြည်နယ်၌ မှီတင်းနေထိုင်ကြရင်း ကမ္ဘာ့အဖိနှိပ်ခံဆုံးဟူ၍ သတ်မှတ်ခံရသည့်အထိ မိမိ၏ အခွင့်အရေးမှန်သမျှကို ဆုံးရှံးခံနေရသော ရိုဟင်ဂျာများမှ ကိုယ်စားလှယ် ပါဝင်ခွင့်မရပေ။ သို့သော် ရိုဟင်ဂျာများက ရခိုင်ပြည်နယ်၏ ပြဿနာကို ဖြေရှင်းပေးရန် လာရောက်စုံစမ်းသည့် မည်သည့် အဖွဲ့ကိုမဆို ဆန့်ကျင်ခဲ့ခြင်း မရှိခဲ့ပေ။ ယခင်ဦးသိန်းစိန် အစိုးရလက်ထက်တွင်လည်း ရခိုင်အရေးစုံစမ်းစစ်ဆေးရေး ကော်မရှင်တစ်ရပ် ဖွဲ့စည်းခဲ့ရာတွင် ရိုဟင်ဂျာများဘက်က ကိုယ်စားလှယ်မပါဝင်ခဲ့ပေ။ သို့သော် ရိုဟင်ဂျာများက ထိုကော်မရှင်နှင့် ပူးပေါင်းခဲ့သည်။ (ကျနော့် ပုဂ္ဂလအမြင်မှာ ရိုဟင်ဂျာမပါသည့် မည်သည့်ကော်မရှင်ကို ရိုဟင်ဂျာများ မကြိုဆိုသင့်ပေ။)

သို့ဖြစ်၍ ပြည်တွင်းရှိ ရိုဟင်ဂျာများ၊ အထူးသဖြင့် ရခိုင်ပြည်ရှိ ရိုဟင်ဂျာပြည်သူများ တို့သည် ကုလသမဂ္ဂ အထွေထွေအတွင်းရေးမှူးဟောင်း ကိုဖီအာနန်ဦးဆောင်သည့် အကြံပေးကော်မရှင်နှင့် မကြောက်မရွံ့ပူးပေါင်းရန် တိုက်တွန်းလိုပါသည်။ 

၁။ မိမိ၏ သမိုင်းအမှန်ကို ရဲရဲဝံ့ဝံ့ ထုတ်ဖော်ပြောကြပါ။ 

၂။ ယခင် နဝတ၊ နအဖ၊ ဦးသိန်းစိန် အစိုးရ တို့က ခေတ်အဆက်ဆက် ကျူးလွန်ခဲ့သော အမှုများကို တိတိကျကျ ပြောပြပါ။ 

၃။ ယနေ့အထိ ရက်စက်ဖိနှိပ်နေကြသော ဒေသခံအာဏာပိုင်များအကြောင်းကို နာမည်နှင့်တကွ တိတိကျကျ ပြောပြပါ။ 

နိုင်ငံတကာရှိ ရိုဟင်ဂျာအရေး လှုပ်ရှားသူများကလည်း ရိုဟင်ဂျာကိုယ်စားလှယ်မပါသည့် ဤအကြံပေးကော်မရှင်ကို အနီးကပ်စောင့်ကြည့်ပေးပါဟု တိုက်တွန်းရင်း.......။ 

အမှန်တရားကို မည်သူကမျှ ကြာကြာ မဖုံးဖိနိုင်ပေ။ အမှန်တရားအပေါ် ရပ်တည်နေဖို့အတွက် မည်သည်ကိုမျှ ကြောက်ရွံ့နေဖို့လည်း မလိုပေ။