စစ်တွေမှာ စာရင်းမဲ့ ဒုက္ခသည် ၈၆၆၀ စားဝတ်နေရေး အခက်ကြုံလျက်ရှိ
Rohingya Eye
RB News
7.2.2016
စစ်တွေ ။ ။ ရခိုင်ပြည်နယ်၊ စစ်တွေမြို့၊ သက္ကေပြင် ဒုက္ခသည် စခန်းတွင် ၂၀၁၂ ခုနှစ်တွင် အိုးမဲ့အိမ်မဲ့ ဖြစ်သွားခဲ့သည့် ဒုက္ခသည် ၁၂၄၀၀၀ ကျော် နေထိုင်လျက် ရှိသည်။ ဒုက္ခသည်များကို အစိုးရမှ ရိက္ခာထောက်ပံ့ခြင်း မရှိခဲ့ဘဲ ကမ္ဘာ့ စားနပ်ရိက္ခာ အဖွဲ့ (WFP) က ယခုအချိန်ထိ ထောက်ပံ့လျက် ရှိသည်။ WFP မှ ၁၅ ရက်တစ်ကြိမ်၊ လူတစ်ဦးလျှင် တစ်ရက်အတွက် ဆန်တစ်ဗူးနှင့် လက်တစ်ဆုပ်စာ ဝေငှသည်။ ၀န်ထမ်းများက ဆန်တစ်ဗူးခွဲ ရရှိသည်ဟု ဆိုကာ လက်ဗွေယူကြောင်း သိရှိရသည်။ လူ (၉) ဦးနေထိုင်သည့် အိမ်အတွက် စားသုံးဆီ (၈) လီတာ ပေးပြီး၊ ပဲဖြူစေ့ တစ်ပိဿာခွဲခန့် ပေးကြောင်း သိရသည်။ ၂၀၁၂ ခုနှစ် နောက်ပိုင်းတွင် မွေးဖွားခဲ့သည့် ကလေးများကို စာရင်းထဲ ထည့်၍ ဆန်ထောက်ပံ့ခြင်း မရှိဘဲ၊ နှစ်နှစ်အောက် ကလေးငယ် များကို အာဟာရမှုန့် နှစ်ထုပ်စီ ပေးကြောင်း ဒုက္ခသည်များ၏ ပြောကြားချက်များ အရ သိရှိရသည်။
အခြားမြို့များတွင် မီးရှို့ခံရပြီး ဒုက္ခသည်များ စားဝတ်နေရေး မပြေလည်သဖြင့် စစ်တွေမြို့သို့ ပြောင်းရွှေ့လာသူ ၈၆၆၀ ကျော်ခန့် ရှိသည်။ အဆိုပါ ဒုက္ခသည်များကို မည်သည့် အဖွဲ့အစည်းကမှ ရိက္ခာ ထောက်ပံ့ပေးခြင်း မရှိဟု ဆိုသည်။ ထို့ကြောင့် ၎င်းတို့၏ စားဝတ်နေရေးမှာ အလွန် ခက်ခဲလျက် ရှိသည်ဟု ပြောပါသည်။ အဆိုပါ ဒုက္ခသည်များကို ဦးမောင်မောင် (ဘ) ဦးတင်ရွှေ (အသက် ၅၀ နှစ်) က ပုဂ္ဂလိ အလှူရှင်များနှင့် ပူးပေါင်း၍ ထောက်ပံ့လာသည်မှာ ၂၀၁၂ ခုနှစ်မှ စ၍ ၂၀၁၅ ခုနှစ် စက်တင်ဘာလထိ ဖြစ်သည်။ ယခုအခါ ၎င်းလည်း အလှူရှင်များထံမှ အထောက်အပံ့ မရသည်မှာ လေးလကျော်ရှိနေပြီ ဖြစ်၍ စာရင်းမဲ့ ဒုက္ခသည် များမှာ ပိုမို၍ အခက်ကြုံနေရသည်။ ထို့ကြောင့် အမျိုးသမီးများမှာ သိက္ခာရောင်းစား၍ စားဝတ်နေရေး ဖြေရှင်းနေရသည့် အနေအထား ဖြစ်နေပြီး၊ အမျိုးသားများမှာ စက်လှေဖြင့် ထွက်ပြေးရမည့် အနေအထား ဖြစ်နေသည်ဟု ဆိုသည်။
ယခုအခါ လူကုန်ကူးမှုဂိုဏ်းသည် ဒုက္ခသည် စခန်း လုံခြုံရေး တပ်ဖွဲ့ဝင်များ၊ စစ်တပ်တို့နှင့် ပူးပေါင်း၍ စက်လှေ ၁၀ စီး စီစဉ်လျက် ရှိသည်ဟု သိရသည်။ စက်လှေများမှာ လူ ၇၀၀ ခန့်ဆံ့သည့် စက်လှေများ ဖြစ်ပြီး၊ လူတစ်ဦးလျှင် ငွေကျပ် (၃) သိန်းဖြင့် မလေးရှားနိုင်ငံသို့ ခေါ်ဆောင်သွားမည်ဟု သိရှိရသည်။
စာရင်းမဲ့ ဖြစ်နေသည့် ဒုက္ခသည် များသည် ဘောဒူဖ တောင်နှင့် မြောက်တွင် နေထိုင်ကြပြီး၊ ဘောဒူဖ တောင်ဘက်တွင် ပေါက်တောမြို့မှ ပြောင်းရွှေ့လာသည့် ဒုက္ခသည် အချို့နှင့် ဒေသခံ ဒုက္ခသည် အချို့ရှိသည်။ ဘောဒူဖ မြောက်ဘက်တွင် မြေပုံမှ ပြောင်းရွှေ့လာသည့် ဒုက္ခသည် အချို့နှင့် ဒေသခံ ဒုက္ခသည် အချို့ရှိသည်။ ဆေးသမား ကျေးရွာတွင် ပေါက်တောမှ ဒုက္ခသည် အချို့နှင့် ဒေသခံ ဒုက္ခသည် အချို့ နေထိုင်ကြသည်။ အုန်းတော မြောက်ပိုင်းတွင် ဒေသခံ အချို့၊ မင်းပြားနှင့် ကျောက်တော်တို့မှ ပြောင်းရွှေ့ လာသည့် ဒုက္ခသည်များ နေထိုင်လျက် ရှိသည်။ မန်စီ ကျေးရွာတွင် သံတော်လီမှ ဒုက္ခသည် အချို့နေထိုင်လျက် ရှိပြီး၊ သံတော်လီရှိ လယ်ပြင်တွင် ဘုမေ (၁၅)၊ (၁၆) မှ ပြောင်းရွှေ့လာသည့် ဒုက္ခသည်များ နေထိုင်ကြသည်။
စာရင်းမဲ့ ဖြစ်နေသည့် ဒုက္ခသည် ၈၆၆၀ ကျော်မှာ မည်သည့် အဖွဲ့အစည်းမှ အထောက်အပံ့ မရသဖြင့် စားဝတ်နေရေး အလွန်ခက်ခဲလျက် ရှိပြီး၊ အထောက်အပံ့များ ရရှိရန် အလွန် မျှော်လင့်လျက် ရှိသည်ဟု ဒုက္ခသည်များက ပြောပါသည်။
