နောက်ဆုံးသတင်း/ဆောင်းပါးများ



RB News
20.9.2018

အိုင်စီစီ ရာဇ၀တ်ခုံရုံးမှာ မြန်မာ့အရေးကိစ္စ - လက်ရှိဘယ်အခြေနေ ဆိုက်နေပြီလဲ?

စက်တင်ဘာ ၆ ရက်နေ့တွင် အပြည်ပြည်ဆိုင်ရာ ရာဇ၀တ်ခုံရုံး (အိုင်စီစီ) ၏ ကြိုတင်ကြားနာသည့် တရားသူကြီးအဖွဲ့ (ကနဦး တရားရုံးတော်)မှ ရိုဟင်ဂျာတို့အား မြန်မာနိုင်ငံမှ ဘင်္ဂလားဒေ့ရ်ှနိုင်ငံထဲသို့ နှင်ထုတ်လိုက်ခြင်းနှင့် အခြားကျူးလွန်နိုင်ဖွယ်ရှိသော ရာဇ၀တ်မှုများနှင့် စပ်လျဉ်း၍ အိုင်စီစီ တရားရုံးတော်က စီရင်ပိုင်ခွင့်ရှိကြောင်း ဆုံးဖြတ်ချက်ချခဲ့ပါသည်။

ယင်းနေရာတွင် ထိုအချက်မှာ အမှန်တကယ်မ ည်သို့ဆိုလိုကြောင်း ရှုပ်ထွေးမှုတစ်ချို့ ရှိကောင်းရှိ သွားပါလိမ့်မည်။ ယင်းကိစ္စအပေါ် အစာကြေသွားစေရန် ဒိုတီလမ်း တရားသူကြီးများခန်းမ Doughty Street Chambers ရှိ အပြည်ပြည်ဆိုင်ရာ ရာဇ၀တ်ရှေ့နေ တစ်ယောက်ဖြစ်သော မစ္စမီဂန်ဟားစ် Megan Hirst နှင့် ကျွန်ုပ် စကားစမြည် ပြောကြည့်ခဲ့ပါသည်။ အဆိုပါကိစ္စများတွင် ဆယ်စုနှစ် တစ်ခုစာမျှ အတွေ့အကြုံရှိခဲ့သော မစ္စမီဂန်ဟားစ်မှာ ၂၀၁၈ ခုနှစ်တွင် ရိုဟင်ဂျာဒုက္ခသည်စခန်းများသို့ သွားရောက်လည်ပတ်ခဲ့ဖူးပြီး အိုင်စီစီ ရာဇ၀တ်ခံရုံးသို့ သူမတင်ပြခဲ့သည့် ကျူးလွန်ခံများ၏ လျှောက်လှဲချက်များအတွက် တူလာတိုလီ လူအစုလိုက်အပြုံလိုက် သတ်ဖြတ်ပွဲမှ အသက်မသေပဲ ထွက်ပြေး လွတ်မြောက်လာသူများ၏ ထွက်ဆိုချက်များကို ရယူခဲ့ဖူးသူလည်း ဖြစ်ပါသည်။

မေးခွန်း ။ ။ တရားစီရင်ပိုင်ခွင့်ဆိုတာ တကယ်တမ်း ဘာကိုဆိုလိုတာလဲ? မြန်မာနိုင်ငံက ရောမစာချုပ်မှာ အဖွဲ့ဝင်နိုင်ငံ အနေ နဲ့ လက်မှတ်ရေးထိုး မထားတာကြောင့် အိုင်စီစီက ဘယ်အပိုင်းကို တရားစီရင်ပိုင်ခွင့်ရှိတာလဲ?

မစ္စမီဂန်ဟားစ် ။ ။ အိုင်စီစီက သီးခြားသတ်မှတ်ထားတဲ့ ရာဇ၀တ်မှုတွေအတွက် စီရင်ပိုင်ခွင့်ရှိပြီး အဲဒီရာဇ၀တ်မှုတွေက (က) အိုင်စီစီ အဖွဲ့ဝင် နိုင်ငံတစ်နိုင်ငံက ကျူးလွန်ခဲ့တဲ့ ရာဇ၀တ်မှုဖြစ်ရပါမယ်။ (ခ) အဖွဲ့ဝင်နိုင်ငံ တစ်နိုင်ငံရဲ့ ပိုက်နက် နယ်နိမိတ် တစိတ်တပိုင်း အတွင်းမှာ ( ဒီကိစ္စ ဘင်္ဂလားဒေ့ရ်ှနိုင်ငံမှာ) အနည်းဆုံး ပေါ်ပေါက်ရပါမယ်။ (ဂ) ကုလသမဂ္ဂ လုံခြုံရေးကောင်စီကနေ အိုင်စီစီရုံးတော်ကို လွှဲပြောင်းပေးတဲ့ ရာဇ၀တ်ပစ်မှု ဖြစ်မှသာလျှင် အိုင်စီစီက စီရင်ပိုင်ခွင့်ရှိမှာ ဖြစ်ပါတယ်။

မေးခွန်း ။ ။ ဒါဖြင့်ရင် အိုင်စီစီတရားရုံးမှာ ကြန့်ကြာမနေပဲနဲ့ ရှေ့ဆက်တိုး လုပ်နိုင်ပါ့မလား?
မစ္စမီဂန်ဟားစ် ။ ။ တရားစီရင်ပိုင်ခွင့် ရှိတယ်ဆိုရင်တောင်မှ၊ တရားစွဲ အရာရှိ တစ်ယောက်အနေနဲ့ စုံစမ်းစစ်ဆေးမှု စတင်ဖို့ ခုလောလောဆယ် လွယ်လွယ် မဖြစ်နိုင်သေးပါဘူး။ စုံစမ်းစစ်ဆေးမှုကနေ တဆင့် တရားစီရင်မှု မစခင်အရင်မှာ ခလုပ်နှိပ်ပေးမယ့် ယန္တရားတစ်ခု မဖြစ်မနေ လိုအပ်ပါတယ်။ ဒီခလုပ်နှိပ်ပေးမဲ့အရာတွေကတော့ (က) အိုင်စီစီအဖွဲ့ဝင် နိုင်ငံတစ်နိုင်ငံက လွှဲပြောင်းပေးရမယ် (ခ) ကုလ လုံခြုံရေးကောင်စီကနေ လွှဲပြောင်းပေးရမယ်။ ( ) တရားစွဲအရာရှိတစ်ယောက်အနေနဲ့ စုံစမ်းစစ်ခွင့်တစ်ခုကို တရားဝင်ခွင့်ပြုမိန့်ကို တောင်းခံထားရပြီး ကနဦးတရားရုံးတော်ကနေလည်း ခွင့်ပြုမိန့်ပေးပြီး ဖြစ်ရပါမယ်။

မေးခွန်း ။ ။ ဒါဖြင့်ရင် ရိုဟင်ဂျာတွေအနေနဲ့၊ ဒီကိစ္စ အလုပ်ဖြစ်/မဖြစ်ဆိုတာ ဘယ်လိုသိနိုင်မှာလဲ?
မစ္စမီဂန်ဟားစ် ။ ။ ဘင်္ဂလားဒေ့ရ်ှအတွင်းမှာ အနည်းဆုံး တစိတ်တပိုင်း ပေါ်ပေါက်ခဲ့တယ်ဆိုတဲ့ ရိုဟင်ဂျာတွေကို ကျူးလွန်ထားတယ် ဆိုတဲ့ ရာဇ၀တ်မှုစွဲချက်တွေအပေါ် အိုင်စီစီက စီရင်ပိုင်ခွင့်ရှိကြောင်း ရုံးတော်က ဆုံးဖြတ်ထားပြီးသား ဖြစ်ပါတယ်။ ဘယ်လိုပဲ ဖြစ်နေနေ၊ စုံစမ်းစစ်ဆေးရေး မစတင်ခင် အရင်မှာ (နောက်ဆုံးတော့ အဲဒီကိစ္စတွေဟာ ရုံးတော်ရှေ့မှောက်ကို ရောက်ရမှာပဲဖြစ်တယ်) တရားရုံး စီရင်ဆုံးဖြတ်မှုစဖို့ အတွက် ခလုပ်မောင်းဖြုတ်ပေးမဲ့ အရာတစ်ခုက မဖြစ်မနေလိုအပ်ပါတယ်။ ကုလလုံခြုံရေးကောင်စီက လွှဲပြောင်းပေးဖို့ ဆိုတာကတော့ ဖြစ်နိုင်ဖွယ်မရှိပါဘူး။ ရွေးချယ်ရမယ့် ၂ ချက်ပဲ ကျန်ပါတော့တယ်။ တရားစွဲအရာရှိက ကနဦးတရားရုံးတော်ကို စုံစမ်းစစ်ဆေးရေးလုပ်ဖို့ လုပ်ပိုင်ခွင့် တင်ပြတောင်းခံခဲ့တာကိုတော့ ကျမ အားတက်မိပါတယ်။ အချိန်တန်ရင် ဖြစ်လာနိုင်ဖွယ်ရှိပါတယ်။ နောက် ရွေးချယ်စရာလမ်း ရှိနေသေးတာကတော့ အဖွဲ့ဝင်နိုင်ငံတစ်ခုက ဒီအခြေနေတွေကို တရားစွဲအရာရှိကို လွှဲပြောင်းပေးဖို့ပါဘဲ။ (ဘင်္ဂလားဒေ့ရ်ှရယ်လို့မှ မဟုတ်ဘူး) ဘယ်အဖွဲ့ဝင်နိုင်ငံမဆို လွှဲပြောင်းပေးလို့ ရပါတယ်- စွပ်စွဲတဲ့ ရာဇ၀တ်မှုတွေနဲ့ ဆက်နွယ်နေတဲ့ နိုင်ငံဖြစ်ဖို့ မလိုအပ်ပါဘူး။


မေးခွန်း ။ ။ အိုင်စီစီအဖွဲ့ဝင်နိုင်ငံကနေ လွှဲပြောင်းပေးမှာနဲ့ တရားစွဲအရာရှိကနေ ခွင်ပြုမိန့်တောင်းခံတာနဲ့ယှဉ်ရင် ဘယ် အရာတွေက ကောင်းကျိုး/ ဆိုးကျိုးတွေ ပိုရှိနိုင်မလဲ?
မစ္စမီဂန်ဟားစ် ။ ။ အဖွဲ့ဝင်နိုင်ငံတစ်ခုက လွှဲပြောင်းပေးဖို့ ဖြစ်လာရင်၊ တရားစွဲအရာရှိက ခွင့်ပြုချက်ကျဖို့ ခုံသမာဓိလူကြီးမင်းတွေဆီ ကို တိုက်ရိုက်သွားစရာမလိုတော့ဘဲနဲ့ စုံစမ်းစစ်ဆေးရေး အစပျိုးလုပ်ဆောင်ဖို့ ခွင့်ပြုပြီးသား ဖြစ်ပါလိမ့်မယ်။ အဓိက ကောင်းသွားမှာက ဒီလုပ်ငန်းစဉ်ဟာ တရားသူကြီးတွေရဲ့ တရားဝင်ခွင့်ပြုမိန့်ယူမယ်ဆိုရင် အချိန်အနည်းငယ် ကြန့်ကြာတတ်တာကြောင့် စုံစမ်းစစ်ဆေးမှုဟာ ပိုမို မြန်ဆန်လာဖွယ် ရှိနေပါတယ်။


မေးခွန်း ။ ။ အိုင်စီစီအဖွဲ့ဝင်နိုင်ငံကနေ အနေနဲ့၊ စိတ်ကူးပြောရမယ်ဆိုရင်၊ မော်လဒိုက်လို နိုင်ငံလိုဟာမျိုး ဖြစ်နိုင်ပါ့မလား?
မစ္စမီဂန်ဟားစ် ။ ။ မော်လဒိုက်လို ဒီကိစ္စနဲ့ ဘာမှ ပတ်သတ်မှုမရှိတဲ့နိုင်ငံမျိုးက ရိုဟင်ဂျာအရေးကို တရားစွဲအရာရှိထံ လွှဲပြောင်း ပေးချင်တယ်ဆိုရင်၊ (သူ့နိုင်ငံဟာ ရောမစာချုပ် အဖွဲ့ဝင်နိုင်ငံဖြစ်နေသမျှ ကာလပတ်လုံး) လွှဲပြောင်းပေးလို့ ရနေပါတယ်။ ဒီလိုလွှဲပြောင်း ပေးလိုက်လို့ ရလာမဲ့အကျိုးသက်ရောက်မှုက ရုံးတော်ရဲ့ တရားစီရင်ပိုင်ခွင့်ကို သိပ်ပြီး ချဲ့ပစ်လိုက်လို့ရမှာမဟုတ်ဘူး။ ဆိုလိုတာက အိုင်စီစီရုံးတော် ရဲ့ တရားစီရင်ပိုင်ခွင့်ရှိတယ်ဆိုတာကတော့ ဒီအတိုင်းက ဒီအတိုင်းပဲ။ ဒီရာဇ၀တ်မှု တစိတ်တပိုင်းက ဘင်္ဂလားဒေ့ရ်ှထဲ မှာ ပေါ်ပေါက်ခဲ့လို့ တရားစီရင်ခွင့်ရှိတယ်ဆိုတာ ကနဦး တရားရုံးတော် အမှတ် (၁) က ဆုံးဖြတ်ချက်ပေးပြီးသား။ (ရုံးတော်က မြန်မာပြည်ထဲမှာ တစ်ပြည်လုံးကျူးလွန်ထားတဲ့ ရာဇ၀တ်မှုတွေကိုတော့ ဆက်လက်ပြီး စီရင်ခွင့်မရှိသေးဘူး။) ဒါပေမယ့် လွှဲပြောင်းပေးလိုက်ရင် ကောင်းသွားမှာက တရားသူကြီးတွေဆီကနေ တရားဝင်ခွင့်ပြုချက်တောင်းခံတဲ့ လုပ်ငန်းစဉ်ကို ရှည်ရှည်ဝေးဝေး အကြာကြီးဖြတ်စရာ မလိုတော့ဘဲနဲ့ စုံစမ်းစစ်ဆေးမှုစတင်ဖို့ တရားစွဲရှေ့နေက ကိုယ့်ဖာသာကိုယ် ဆုံးဖြတ်လို့ရသွားတာ ဖြစ်ပါတယ်။

စာရေးသူ- ရှဖီရုလ်ရဟ်မာန် -- ရုပ်သံသတင်းမှတ်တမ်းကား ရိုက်ကူးသူ၊ လက်ရှိတွင် ရိုဟင်ဂျာအရေးအတွက် အလုပ်လုပ်ပေးနေလျက်ရှိသည်။

The ICC & Myanmar — what happens now? ကို နေ၀န်းနီမှ ဘာသာပြန်ဆိုပါသည်။
(ဓါတ်ပုံ - Kathleen Prior)

မောင်တောဖြစ်စဉ်နဲ့ ပတ်သက်ပြီး မြန်မာစစ်တပ်က လူ့အခွင့်အရေးချိုးဖောက်မှုတွေ လုံးဝ မလုပ်ခဲ့ဘူးလို့ တဖက်သတ် အစီရင်ခံစာ တစ်စောင် ထုတ်ပြန်ပေမယ့်လည်း နိုင်ငံတကာ လူ့အခွင့်အရေး လှုပ်ရှားတဲ့ အဖွဲ့တွေကတော့ ကုလသမဂ္ဂကတဆင့် နိုင်ငံတကာရာဇ၀တ်ခုံရုံးထိ တင်ဖို့ ကြိုးစားနေပါတယ်။

ဒီအကြောင်းနဲ့ ပတ်သက်ပြီး ဘီဘီစီမြန်မာပိုင်းက ကမ္ဘာ့အရေး မြန်မာ့အရေး ဆွေးနွေးခန်းမှာ မြန်မာနိုင်ငံအမျိုးသား လူ့အခွင့်အရေးကော်မရှင်အဖွဲ့ဝင် ဦးယုလွင်အောင်၊ သတင်းစာဆရာ ဦးစည်သူအောင်မြင့်နဲ့ RB News တည်ထောင်သူ ဦးဘစိန် တို့က ၀င်ရောက်ဆွေးနွေးထားပါတယ်။






RFA မြန်မာပိုင်း
3.11.2017

အမေရိကန်ပြည်ထောင်စုကို လာရောက်ပြီး အစိုးရအရာရှိတွေ၊ ကုလသမဂ္ဂနဲ့ နိုင်ငံတကာ အဖွဲ့အစည်းတွေကို စည်းရုံးပြောဆိုလှုပ်ရှားနေတဲ့ BROUK ခေါ် ဗြိတိန်အခြေစိုက် မြန်မာ ရိုဟင်ဂျာအဖွဲ့ရဲ့ ဥက္ကဌ ဦးထွန်းခင်ကို ဘင်္ဂလားဒေ့ရ်ှရောက် ဒုက္ခသည်တွေရဲ့ အခြေအနေ၊ အာဆာအဖွဲ့ရဲ့ လှုပ်ရှားမှု စတာတွေနဲ့ ပတ်သက်လို့ RFA အဖွဲ့သား ကိုကျော်ကျော်အောင်က ဝါရှင်တန်ဒီစီမြို့ RFA ရုံးချုပ်မှာ တွေ့ဆုံမေးမြန်းထားပါတယ်။







RB News
8.10.2017

ဘာလူခါလီ၊ ဘင်္ဂလားဒေ့ရှ် ။ ။ သြဂုတ်လ (၂၅) ရက်နေ့မှစ၍ မြန်မာစစ်တပ်၏ ပစ်ခတ်မှုကြောင့် ထောင်ပေါင်းများစွာသော အပြစ်မဲ့ ရိုဟင်ဂျာပြည်သူများ သေဆုံးခဲ့ရပြီး ၅ သိန်းကျော် အိုးအိမ်စွန့်ခွာ၍ ဘင်္ဂလားဒေ့ရ်ှနိုင်ငံသို့ သွားရောက်၍ ခိုလှုံနေရသည်။

သြဂုတ်လ (၂၅) ရက်နေ့မှစ၍ ရိုဟင်ဂျာများ၏ နေအိမ်များကို မြန်မာစစ်တပ်၊ နယ်ခြားစောင့်ရဲတပ်ဖွဲ့နှင့် ရခိုင်အစွန်းရောက်များက နေ့စဉ်နေ့တိုင်း မီးရှို့ဖျက်ဆီးလျက်ရှိပြီး၊ အိုးအိမ်စွန့်ခွာသွားသည့် ရွာများမှ ရိုဟင်ဂျာများပိုင် ပစ္စည်းများ၊ ကျွဲ၊ နွားများကို ရခိုင်အစွန်းရောက်များက ခိုးယူလျက်ရှိသည်။

ဘင်္ဂလားဒေ့ရ်ှနိုင်ငံသို့ ရောက်ရှိနေသည့် ဗြိတိန်နိုင်ငံ အခြေစိုက် မြန်မာရိုဟင်ဂျာအသင်း ဥက္ကဌ ဦးထွန်းခင် က ဘင်္ဂလားဒေ့ရ်ှနိုင်ငံတွင် ခိုလှုံနေသည့် ရိုဟင်ဂျာကျောင်းသားများနှင့် တွေ့ဆုံ မေးမြန်းခဲ့ရာ ၂၀၁၆ ခုနှစ်တွင် ငါးဘာသာဂုဏ်ထူးဖြင့် တက္ကသိုလ်ဝင်တန်း စာမေးပွဲကို ထူးချွန်စွာ အောင်မြင်ခဲ့သည့် ကိုမောင်မောင်မြင့်က ၎င်းအား ပြည်နယ်ဝန်ကြီးချုပ် ဦးညီပု ကိုယ်တိုင် လက်မှတ်ရေးထိုး၍ ဂုဏ်ပြုခဲ့သော်လည်း တက္ကသိုလ် တက်ခွင့်မရခဲ့ဟု ပြောဆိုသည်။ ၎င်းက မြန်မာနိုင်ငံဖွား တစ်ဦးဖြစ်ပြီး၊ မြန်မာနိုင်ငံတွင် ရိုဟင်ဂျာများကို တိုင်းရင်းသားဟု အသိအမှတ် ပြုခဲ့သော်လည်း ယခုအခါ တက္ကသိုလ်တက်ခွင့်ပင် မပေးတော့သည်ကို မေးခွန်းစရာ ဖြစ်နေသည်ဟု ဆိုသည်။

ဦးထွန်းခင် က တွေ့ဆုံမေးမြန်းထားသည့် ကျောင်းသားနှစ်ဦး ကိုမောင်မောင်ရွှေနှင့် ကိုမောင်မောင်မြင့် တို့၏ ဗီဒီယိုကို အောက်တွင် ကြည့်ရှုနိုင်ပါသည်။




ရခိုင်ပြည်နယ်မှာ လက်ရှိဖြစ်ပေါ်နေတဲ့ အခြေအနေများကို Rohingya Blogger တည်ထောင်သူ ဦးဘစိန်၊ ရခိုင်အမျိုးသားပါတီမှ ဦးဦးလှစောနှင့် ဒီမိုကရေစီနှင့် လူ့ခွင့်အရေး ပါတီ ဥက္ကဌ ဦးကျော်မင်းတို့က ပါဝင်ဆွေးနွေးထားသည်။



(ဓါတ်ပုံ May Wong/Channel News Asia)

RB News
18.8.2017

မြန်မာအစိုးရက ရခိုင်အရေးနှင့် ပတ်သက်၍ ကုလသမဂ္ဂတွင် လော်ဘီ ပြုလုပ်ရန်အတွက် အထူးသံတမန် အဖွဲ့တစ်ဖွဲ့ စေလွှတ်ရန် စီစဉ်နေခြင်းနှင့် ပတ်သက်၍ ဘီဘီစီမြန်မာပိုင်းတွင် ဒေါ်ခင်လှ (ကျောင်းဆရာမဟောင်း)၊ ဒေါ်စောခင်တင့် (ကိုဖီအာနန် ကော်မရှင်အဖွဲ့ဝင်) နှင့် ဦးမင်းလွင်ဦး (လူ့အခွင့်အရေးရှေ့နေ) တို့က ပါဝင် ဆွေးနွေးထားသည်ကို အောက်ပါ အသံဖိုင်တွင် နားဆင်နိုင်ပါသည်။ 







RB News
8.4.2017

ဧပြီလ (၆) ရက်နေ့က နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဘီဘီစီ သတင်းဌာနမှ တွေ့ဆုံမေးမြန်းခဲ့ရာတွင် ဒေါ်အောင်ဆန်းစုကြည်က ရိုဟင်ဂျာလူမျိုးများကို လူမျိုးတုန်းသတ်ဖြတ်နေခြင်း မရှိဟု ပြောဆိုခဲ့သည်နှင့် ပတ်သက်၍ ဗွီအိုအေမြန်မာပိုင်းက ကမ္ဘောဒီးယား ဂျီနိုဆိုက်သုတေသနဌာနမှ သုသေတီ ဒေါက်တာဇာနည်ကို မေးမြန်းထားသည်ကို အောက်ပါ အသံဖိုင်တွင် နားထောင်နိုင်ပါသည်။





ကျီးကန်းပြင် အလယ်ရွာမှ နေအိမ်စွန့်ခွာပြီး သွားနေကြသည့် ရိုဟင်ဂျာများ


မောင်ရမိတ် (မေယု)
RB News
26.10.2016

ရခိုင်ပြည်နယ်၊ မောင်တောဒေသတွင် အောက်တိုဘာလ ၉ ရက်နေ့ညက ဖြစ်ပွားခဲ့သော တိုက်ခိုက်မှုအပြီး အာဏာပိုင်တွေက နယ်မြေရှင်းလင်းရေး ခေါင်းစဉ်တပ်ကာ လူမမယ် ကလေး နှင့် သက်ကြီးရွယ်အိုများကဲ့သို့ အပြစ်မဲ့ ပြည်သူများကို ရက်ရက်စက်စက် သတ်ဖြတ်နေခြင်း၊ အထောက်အထားမဲ့ ဖမ်းဆီးနေခြင်း၊ အမျိုးသမီးများကို မုဒိန်းကျင့်ခြင်း၊ အိုးအိမ်များ ဗလီများ မီးရှို့နေခြင်း၊ ဒေသခံရိုဟင်ဂျာများကို နေအိမ်များမှ နှင်ထုတ်ခဲ့ခြင်း စသော ရာဇ၀တ်မှုများ ကျူးလွန်နေသည့် အပေါ် စုံစမ်းစစ်ဆေးမှုများ ပြုလုပ်ပေးရန် ကုလသမဂ္ဂ လူ့အခွင့်အရေး ကျွမ်းကျင်သူများက တောင်းဆိုခဲ့သည်။

သို့သော် မြန်မာအစိုးရ သမ္မတရုံး၏ ပြောခွင့်ရပုဂ္ဂိုလ် ဦးဇော်ဌေးက ကုလသမဂ္ဂက ရရှိနေသည့် သတင်းအချက်အလက်များသည် မှန်ကန်မှုမရှိကြောင်း၊ အာဏာပိုင်တွေက မည်သည့် အပြစ်မဲ့ပြည်သူများကို သတ်ဖြတ်ခြင်း၊ ဖမ်းဆီခဲ့ခြင်း၊ မုဒိမ်းကျင့်မှုများ မရှိကြောင်း၊ အိုးအိမ်များကိုလည်း မီးရှို့ခဲ့ခြင်းမရှိကြောင်း၊ ဒေသခံများကို နေအိမ်တွေမှ နှင်ထုတ်ခဲ့ခြင်း မရှိကြောင်း၊ ကုလသမဂ္ဂက ရရှိသည့် သတင်းအချက်အလက်များသည် မြေပြင်အခြေအနေနှင့် ကွဲလွဲနေကြောင်း ငြင်းချက်ထုတ်လာသည်ကို တွေ့ရှိရပါသည်။

သမ္မတရုံး၏ ပြောခွင့်ရပုဂ္ဂိုလ် ဦးဇော်ဌေး၏ ငြင်းချက်ထုတ်ခဲ့မှုအပေါ် အာဏာပိုင်များ၏ တကယ်ကျူးလွန်ခြင်း ခံခဲ့ရသည့် မြေပြင်မှ လူတစ်ချို့၏ ကိုယ်တွေ့ကြုံခဲ့ရသည့် အဖြစ်ကို မေးမြန်းကြည့်ပါသည်။

ဦးစွာ အောက်တိုဘာလ ၂၃ ရက်နေ့၌ နယ်ခြားစောင့်ရဲတပ်ဖွဲ့ ကွပ်ကဲရေးမှူး၏ အမိန့်ကြောင့် နေအိမ်ကို စွန့်ခွာလိုက်ရပြီး နီးစပ်ရာ ကျေးရွာတစ်ရွာတွင် ဆွေမျိုးများ၏အိမ်၌ ခိုလှုံနေသည့် ကျီးကန်းပြင် အလယ်ရွာမှ ကိုဖာရုခ် (အမည်လွဲ) ကို မေးမြန်းရာ --

မေး။ ။ အစ်ကိုတို့က မိမိတို့နေအိမ်တွေကို စွန့်ခွာပြီးတော့ ဘာလို့ သူများအိမ် လာခိုလှုံနေတာပါလဲ။ 

ဖြေ။ ။ ရွာက လူကြီး နှစ်ဦးကို အောက်တိုဘာလ ၂၃ ရက်နေ့၊ နံနက် ၈ နာရီခွဲမှာ ဌာနာချုပ်ကို ခေါ်ပြီးတော့မှ အိမ်တွေကနေ အမြန်ဆုံးဆင်းပေးဖို့ အမိန့်ပေးတာပေါ့နော်။ မဆင်းပေးတဲ့ လူကို ဖမ်းဆီးမယ်လည်း ပြောတယ်။ အဲ့တော့ လူတွေက ဘယ်နေရဲမှာလဲ။ အချိန်ကလည်း မပေးတော့ အိမ်ကနေ ရှိတဲ့ ရွှေငွေတွေ၊ တန်ဖိုးရှိတဲ့ စာရွက်စာတမ်း တစ်ချို့တွေကိုပဲ ယူပြီးတော့မှ လူတွေ အမြန်ဆုံး ထွက်လာလိုက်တာပါ။ နောက်ဘာမှ သယ်ယူလာခွင့်မရလိုက်ဘူး။

မေး။ ။ အဲ့လို ထွက်လိုက်ရတာ အိမ်ခြေဘယ်လောက်လောက်ရှိလဲ။ လူဦးရေရော ဘယ်လောက်လောက်ရှိမလဲ။

ဖြေ။ ။ အိမ်ခြေက ၃၀၀ ကျော်ရှိတယ်။ လူဦးရေက ၂၀၀၀ ကျော်ရှိမယ်။

မေး။ ။ ဒီလောက်များပြားတဲ့ လူတွေ ဘယ်မှာ ဘယ်လို နေကြလဲ။

ဖြေ။ ။ နီးစပ်ရာ ရွာတွေကို ပြောင်းနေကြတာပါ။ အမျိုးတွေ အသိတွေရဲ့ နေအိမ်တွေမှာ ဖြစ်သလို နေနေကြတာပဲ။

မေး။ ။ သမ္မတရုံးရဲ့ ပြောခွင့်ရပုဂ္ဂိုလ် ဦးဇော်ဌေးကတော့ အာဏာပိုင်တွေက နေအိမ်တွေကနေ အဲ့လို နှင်ထုတ်တာ မရှိဘူးလို့ပြောတယ်။ အဲ့လို ပြောတဲ့အပေါ် ဘာပြောချင်လဲ။

ဖြေ။ ။ ဟုတ်လား။ သူက အဲ့လိုပြောတယ်ပေါ့။ ဒါက တစ်အိမ် နှစ်အိမ် မဟုတ်ဘူးလေ။ အိမ်ခြေပေါင်း ၃၀၀ ကျော်ကို နှင်ထုတ်တာ။ သူအဲ့လို ပြောရင်တော့ သပ်သပ် လိမ်ညာနေတယ်လို့ပဲ ပြောတယ်ချင်တယ်။

ဒီကျီးကန်းပြင် အလယ်ရွာသားများ မိမိနေအိမ်မှ နှင်ထုတ်ခံရခြင်းနှင့် ပတ်သက်၍ မောင်တောအခြေစိုက် လူ့အခွင့်အရေး စောင့်ကြည့်လေ့လာနေသူတစ်ဦးကို ဆက်သွယ်မေးမြန်းကြည့်ရာ ကျီးကန်းပြင် အလယ်ရွာသားများ ကွပ်ကဲရေးမှူး၏ အမိန့်ကြောင့် နေအိမ်များမှ ဆင်းပေးခဲ့ရသည်မှာ မှန်ကန်ကြောင်း၊ ရွာမှ ဒေသခံရိုဟင်ဂျာများ ထွက်သွားပြီးနောက် နယ်ခြားစောင့်ရဲ၊ စစ်တပ်နှင့် န.တ.လ ရွာသားတို့ ပူးပေါင်း၍ အဆိုပါအိမ်များထဲ ဝင်ပြီး ပစ္စည်းများ လုယက်သွားခဲ့ကြောင်း၊ ၎င်းရွာသားများသည် နီးစပ်ရာကျေးရွာများတွင် ဖြစ်သလို နေနေကြကြောင်း အတည်ပြုပြောကြားသွားပါသည်။

သမ္မတရုံး၏ ပြောခွင့်ရပုဂ္ဂိုလ် ဦးဇော်ဌေးက အာဏာပိုင်များက ထိုကဲ့သို့ လုပ်ဆောင်ခဲ့ခြင်း မရှိဟု ငြင်းဆိုနေခြင်းသည် နိုင်ငံတကာနှင့် မြန်မာပြည်သူတစ်ရပ်လုံးကို လိမ်ညာနေခြင်းသာ ဖြစ်ကြောင်း၊ မိမိနေအိမ်ကို စွန့်ခွာလာခဲ့ရသူများ၏ သက်သေအဖြစ် ဗီဒီယိုဖိုင်များ ၎င်းတို့မှာ ရှိနေကြောင်း၊ အကယ်၍ အစိုးရဖက်က မှန်ကန်နေလျှင် မီဒီယာများနှင့် နိုင်ငံတကာ အဖွဲ့အစည်းများကို အခင်းဖြစ်ပွားရာ နေရာသို့ ဝင်ခွင့်ပေးသင့်ကြောင်း၊ အဆိုပါ လူ့အခွင့်အရေး စောင့်ကြည့်လေ့လာနေသူက ထပ်လောင်း ပြောကြားသွားပါသည်။



ဘင်္ဂလားဒေ့ရှ် ဒုက္ခသည်စခန်းမှာ ရိုဟင်ဂျာတွေ ဆန္ဒပြ

RFA မြန်မာပိုင်း
20.5.2016

ဘင်္ဂလားဒေ့ရှ် နိုင်ငံ၊ ကော့ဇ် ဘဇား Cox’s Bazar ခရိုင်ရှိ Nayapara နရာပယာ ဒုက္ခသည် စခန်းမှာ မြန်မာနိုင်ငံ ရခိုင်ပြည်နယ်က သွားရောက် ခိုလှုံနေတဲ့ ရိုဟင်ဂျာ မွတ်စလင်တွေ ဒီကနေ့ ဆန္ဒပြ နေကြပါတယ်။ သူတို့က ဒေါ်အောင်ဆန်းစုကြည် ဦးဆောင်တဲ့ အစိုးရ အနေနဲ့ သူတို့အားလုံး မြန်မာပြည် ပြန်နိုင်ရေး အတွက် ဆောင်ရွက်ပေးဖို့ တောင်းဆို နေပါတယ်။ ဆန္ဒပြ ခေါင်းဆောင်တစ်ဦး ဖြစ်တဲ့ မူလတန်း ကျောင်းအုပ်ဆရာကြီး Shah Alam ကို RFA အဖွဲ့သား ဦးခင်မောင်စိုး က ဆက်သွယ် မေးမြန်း ခဲ့ပါတယ်။ ဂျာမဏီမှာ နေထိုင်တဲ့ ရိုဟင်ဂျာ ဘလော့ဂါ ကိုနေဆန်းလွင် က စကားပြန် အဖြစ် ပါဝင်ကူညီ ထားပါတယ်။





RB News
17.5.2016

ဒီမိုကရေစီ အသွင်ကူးပြောင်းနေသည့် အချိန်တွင် လူမျိုးရေး၊ ဘာသာရေး မုန်းတီးမှုများ ပြန်လည် အရှိန်တက်လာနေသည့် အနေအထားကို တွေ့မြင်နေရသည့် အတွက် စိုးရိမ်နေရကြောင်း၊ ဗိုလ်ချုပ်မှူးကြီး မင်းအောင်လှိုင်၏ ပြောဆိုချက်သည် သမိုင်းကြောင်းကို မကြည့်ဘဲ လူမျိုးရေး မုန်းတီးမှုကိုသာ ပြသနေပြီး အခြေအမြစ် မရှိသော စကားများသာ ဖြစ်ကြောင်း၊ ရခိုင်ပြည်နယ် နယ်စပ်ရေးရာ ၀န်ကြီးမှ စစ်တွေမြို့ အောင်မင်္ဂလာရပ်ကွက်တွင် အကာအကွယ်မဲ့ ဖြစ်နေသည့် ရိုဟင်ဂျာများ၏ မူရင်းနေရာကို လုံခြုံရေး တာဝန်ယူပေးရန် လိုအပ်ကြောင်း၊ အစိုးရ အနေဖြင့် ရိုဟင်ဂျာများကို အရေးတကြီး လုံခြုံရေး ပေးရန် လိုအပ်ကြောင်း တို့ကို လန်ဒန်မြို့ အခြေစိုက် မြန်မာ ရိုဟင်ဂျာ အသင်း (BROUK) ဥက္ကဌ ဦးထွန်းခင်က RFA မြန်မာပိုင်းနှင့် မေးမြန်းခန်းတွင် ထည့်သွင်း ပြောကြားခဲ့သည်။

ထို့အပြင် ဒီမိုကရေစီ အသွင်ကူးပြောင်း နေသည့်အချိန်တွင် လူမျိုးစု တစ်စုကို သုတ်သင် ရှင်းလင်းနေသည့် အခြေအနေ တစ်ခု ဖြစ်နေခြင်းသည် နိုင်ငံအတွက် အလွန် ရုပ်ဆိုး အကျည်းတန်နေကြောင်း၊ ဥပဒေဖြင့် ရိုဟင်ဂျာများကို အကာအကွယ် ပေးရန်၊ ရိုဟင်ဂျာ အမည် သုံးနှုန်းခွင့် ပေးရန်၊ ရိုဟင်ဂျာသည် မူရင်း ဌာနေ တိုင်းရင်းသား ဖြစ်သည့် အလျောက် ၎င်းတို့ ဆုံးရှုံးနေသည့် နိုင်ငံသား အခွင့်အရေး၊ ခရီးသွားလာခွင့်၊ ပညာရေး၊ ကျန်းမာရေး အခွင့်အရေးများ အမြန်ပြန်လည် ပေးအပ်ရန်၊ စစ်တွေမြို့ရှိ ဒုက္ခသည် စခန်းများတွင် ရောက်ရှိနေသည့် ရိုဟင်ဂျာ ဒုက္ခသည် တစ်သိန်းလေးသောင်းကျော် တို့ကို မူရင်းနေရာတွင် ပြန်လည် နေရာချထားပေးရန်နှင့် စားနပ်ရိက္ခာ ပိတ်ဆို့ တားဆီးမှုများကို အမြန်ဖယ်ရှား ပေးရန်၊ ၁၉၈၂ ခုနှစ် နိုင်ငံသား ဥပဒေကို နိုင်ငံတကာ စံချိန်စံနှုန်းဖြင့် ကိုက်ညီအောင် ပြင်ဆင်ပေးရန် တို့ကို NLD အစိုးရက အမြန်ဆုံး တာဝန်ယူ ဖြေရှင်း ပေးရန် တို့ကိုလည်း ထည့်သွင်း ပြောကြားခဲ့သည်။



Rohingya Exodus