လမ်းပန်းဆက်သွယ်ရေး ပိတ်ပင်ထားမှုကြောင့် မောင်တော မြောက်ပိုင်းနှင့် တောင်ပိုင်းတွင် ဆန်ပြတ်လပ်မှု ကြုံတွေ့နေရ

RB News

18.10.2016

မောင်တော ။ ။ ရခိုင်ပြည်နယ်၊ မောင်တောမြို့နယ်တွင် အောက်တိုဘာလ ၉ ရက်နေ့၌ ဖြစ်ပွားခဲ့သော တိုက်ခိုက်မှုအပြီး တပ်မတော်က လမ်းပန်းဆက်သွယ်ရေးများကို ပိတ်ပင်လိုက်သောကြောင့် မောင်တော မြောက်ပိုင်းနှင့် တောင်ပိုင်းရှိ ဒေသခံ ရိုဟင်ဂျာများ ဆန်ပြတ်လပ်လာမှု၊ အခြားသော စားကုန်ပစ္စည်းများ ဈေးနှုန်းမြင့် တက်လာမှုတို့ကြောင့် အလွန်တရာ အခက်ကြုံနေရကြောင်း သတင်းရရှိပါသည်။

မောင်တောမြောက်ပိုင်းနှင့် တောင်ပိုင်းတို့ရှိ ဒေသခံအများစုသည် ဘူးသီးတောင်မှ တင်သွင်းလာသော ဆန်များအပေါ် မှီခိုနေရခြင်း ဖြစ်ပြီး၊ အောက်တိုဘာလ ၉ ရက်နေ့မှစ၍ တပ်မတော်က လမ်းပန်းဆက်သွယ်ရေးကို ပိတ်ပင်လိုက်သောကြောင့် ယခုဆိုလျှင် မောင်တော တောင်ပိုင်းတွင် ဆန်တစ်အိတ်ဈေးနှုန်းမှာ ၄၀၀၀၀ ကျပ်ဝန်းကျပ်အထိ ဖြစ်နေကြောင်း သိရှိရသည်။ မြို့ပေါ်တွင် ဆန်ဈေးမှာ တစ်အိတ်ကို ၂၀၀၀၀ ကျပ်ဝန်းကျင်း ဖြစ်နေပြီး၊ မောင်တော ကျေးလက်ဒေသများတွင် အခြားစားကုန်ပစ္စည်းများလည်း အင်မတန် ဈေးနှုန်းမြင့်မားလာကြောင်း၊ အချို့စားကုန်ပစ္စည်း ဆိုလျှင် လုံးဝ ပြတ်လပ်နေကြောင်း ဒေသခံများက RB News သို့ ပြောသည်။

မောင်တော တောင်ပိုင်းမှ ဒေသခံတစ်ဦးက "ဆန်က အရမ်းဈေး တက်လာတယ်၊ တစ်အိတ်ကို ၄၀၀၀၀ ဖြစ်နေတယ်။ အရင်က ၂၀၀၀၀ ကျော်ကျော်လောက်ပဲ။ ဒီမှာ လူတွေအများစုက ဆင်းရဲကြတယ်။ အခုတလော အပြင်ထွက် အလုပ်လည်း မလုပ်နိုင်တော့ ဆန်ဈေးနှုန်းလည်း တက်လာတော့ တော်တော် ဒုက္ခ ရောက်နေကြတယ်" ဟု ပြောသည်။

အထူးသဖြင့် ကြက်ရိုးပြင် ဈေးကို တပ်မတော်မှ မီးရှို့လိုက်သောကြောင့် ၎င်းဈေးမှ ဝယ်ယူပြီး အသက်မွေးဝမ်းကျောင်းပြုနေရသော လက်လုပ်လက်စားများ အလွန် အခက်ကြုံနေရသည်။ ကြက်ရိုးပြင် ဈေးသည် မောင်တော မြောက်ပိုင်းတွင် ကြိမ်ချောင်းဈေးပြီးလျှင် ဒုတိယအကြီးဆုံး ဈေးဖြစ်ပြီး အလွန်စည်ကားသော ဈေးတစ်ဈေး ဖြစ်သည်။ ကြက်ရိုးပြင် ကျေးရွာတစ်ခုတည်းမှ အိမ်ပေါင်း ၅၀၀ ကျော်ကို တပ်မတော်က မီးရှို့လိုက်ကြောင်း လူပေါင်း ထောင်နှင့်ချီ အိုးမဲ့အိမ်မဲ့ ဖြစ်နေရသည်။

ကြက်ရိုးပြင် ကျေးရွာမှ အိမ်မီးရှို့ခံရသူတစ်ဦးက "ကြက်ရိုးပြင်အနီးအနားက ရွာသားတွေက ကြက်ရိုးပြင် ဈေးကို မှီခိုအားထားနေရတာများတယ်။ အခု အဲ့ဒီဈေးလည်း မီးရှို့ခံရတာကတစ်ကြောင်းပေါ့နော်၊ လူတွေကလည်း အိုးမဲ့အိမ်မဲ့ ဖြစ်နေတာက တစ်ကြောင်း၊ အနီးအနားက တစ်ခြားဈေးငယ်တွေလည်း လုယက်ခံရတော့ စားကုန်ပစ္စည်းနဲ့ ပတ်သက်ပြီးတော့ လူတွေ အင်မတန် အခက်အခဲကြုံနေရတယ်။ ဒီအတိုင်းသာ နောက်တစ်ပတ်လောက် နေရမယ်ဆို လူတွေ အငတ်ဘေးနဲ့ သေကုန်ကြမှာပဲ။ အထူးသဖြင့် အိုးမဲ့အိမ်မဲ့ ဖြစ်နေသူတွေလေ" ဟုပြောသည်။

ထို့အပြင် မောင်တော မြောက်ပိုင်း အစွန်းကျသည့် တောမန်းဇား၊ ခမောင်းဆိပ် တို့တွင်လည်း စားကုန်ပစ္စည်းများ ပြတ်လပ်နေသည်ဟု သိရှိရပါသည်။

မောင်တောမြောက်ပိုင်း ရခိုင်ကျေးရွာများမှ ဒေသခံများကို တပ်မတော်က မြို့ပေါ်သို့ ရွှေ့ပြောင်းပေးခဲ့ပြီး ဖြစ်သောကြောင့် အခက်အခဲများ အားလုံးကို ရိုဟင်ဂျာလူမျိုး တစ်မျိုးသာ ခံစားနေရသည်ဟု ဒေသခံများက ပြောပါသည်။