တောင်ပြို အပိုင် ရွာ (၃) ရွာမှ စစ်သားများက ငွေ ၂၅ သိန်းညှစ်ပြီး၊ ရွာလူကြီး (၄) ဦးကို ခေါ်ဆောင်သွား

တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင်၊ တောင်ပြိုလက်ဝဲမြို့ အပိုင် ရွာ (၃) ရွာမှ စစ်သားများက ငွေကျပ် ၂၅ သိန်း ညှစ်ယူခဲ့ပြီး၊ ရွာလူကြီး (၄) ဦးကို ခေါ်ဆောင် သွားကြောင်း သတင်း ရရှိပါသည်။

အောက်တိုဘာလ (၂၁) ရက်နေ့တွင် တောင်ပြိုလက်ဝဲမြို့ အပိုင် ရေတွင်းပြင်၊ ဇီးပင်ချောင်း၊ လိပ်ရ ကျေးရွာသို့ မြန်မာစစ်တပ် ၀င်ရောက်လာပြီး ရွာများအတွင်းရှိ ရိုဟင်ဂျာနေအိမ်များမှ ခြံစည်းရိုးများ ဖျက်ပစ်ရန် အမိန့်ပေးခဲ့သည်။ 

ထို့နောက် ရွာများမှ အုပ်ချုပ်ရေး တာဝန်ခံများကို ဆင့်ခေါ်ပြီး ငွေတောင်းခံခဲ့ရာ အုပ်ချုပ်ရေးတာဝန်ခံများက ရွာသားများထံမှ ငွေကောက်ခံ၍ ငွေကျပ် ၂၅ သိန်း ပေးခဲ့ရကြောင်း ဒေသခံတစ်ဦးက RB News သို့ပြောသည်။  စစ်သားများက အကယ်၍ ငွေမပေးပါက နေအိမ်များအတွင်း ၀င်ရောက်၍ ရွှေ၊ ငွေ၊ ရတနာများကို လုယက်၍ ဖမ်းဆီးမှုများ ပြုလုပ်မည်ဟု ခြိမ်းခြောက်ခဲ့ကြောင်း အဆိုပါ ဒေသခံက ပြောပါသည်။ 

ယနေ့ အောက်တိုဘာလ (၂၂) ရက်နေ့တွင် စစ်သားများသည် ဇီးပင်ချောင်း ကျေးရွာအုပ်စုရှိ ရိုဟင်ဂျာများကို ကျေးရွာအုပ်ချုပ်ရေးမှူး ရုံးသို့ ဆင့်ခေါ်၍ ရွာသားများ စိတ်ကျေနပ်မှု ရရှိစေမည့် စကားများ ပြောဆိုခဲ့သည်။ ထို့နောက် ကျေးရွာအုပ်ချုပ်ရေးမှူး ဦးဆော်ယောဒ်နူရ်၊ မြောက်ရွာမှ ရာအိမ်မှူး ဦးဂူရာမျာ၊ တောင်ရွာမှ လုပ်ငန်းရှင် မော်လ၀ီ ဦးကော်မော်ရ်အူဒင်၊ မြောက်ရွာမှ လုပ်ငန်းရှင် ဦးမာမတ်အုလ္လာ တို့ကို ကျေးရွာအတွင်း ပြဿနာ မဖြစ်ပွားအောင် ထိန်းသိမ်းပေးမည်၊ ရွာတွင် RSO အကြမ်းဖက်သမားများ မရှိဟု ဗျူဟာမှူးက ခံဝန်ချက် ယူမည်ဟု ဆိုကာ ခေါ်ဆောင် သွားကြောင်း သိရှိရသည်။ 

ငါးခူရ ကျေးရွာမှ ရွာမျက်နှာဖုံးများကို နယ်ခြားစောင့်ရဲတပ်ဖွဲ့ တပ်ရင်းမှူးက ပူးပေါင်းဆောင်ရွက်ရန် အစည်းအဝေး ခေါ်ပြီး ဖမ်းဆီးကာ အကြမ်းဖက်သမားများဟု ခေါင်းစဉ်တပ်ခဲ့သည့် အပြင် အနည်းဆုံး (၃) ဦးကို ညှဉ်းပန်းနှိပ်စက်ပြီး သတ်ဖြတ်ခဲ့သဖြင့် ဒေသခံရွာသားများက ၎င်းတို့၏ လူကြီး (၄) ဦးအတွက် အထူး စိုးရိမ်နေကြသည်။