နိုင်ငံတော်အမိန့်ဟု ဆိုကာ ရဲမှူးချုပ်သူရစန်းလွင်က ကျီးကန်းပြင် အလယ် ရွာသားများ အားလုံးကို ရွာမှ နှင်ထုတ်
RB News
23.10.2016
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကျီးကန်းပြင် ကျေးရွာအုပ်စု အလယ်ရွာမှ ဒေသခံ ရိုဟင်ဂျာများအားလုံးကို နယ်ခြားစောင့်ရဲတပ်ဖွဲ့ ကွပ်ကဲရေးမှူး ရဲမှူးချုပ်သူရစန်းလွင်က နိုင်ငံတော်အမိန့်ဟု ဆိုကာ ရွာလုံးကျွတ် နှင်ထုတ်လိုက်ကြောင်း သတင်းရရှိပါသည်။
ယနေ့ အောက်တိုဘာလ (၂၃) ရက်နေ့ နံနက် (၈) နာရီအချိန်တွင် ကျီးကန်းပြင် ကျေးရွာအုပ်စု အလယ်ရွာမှ မော်လ၀ီတစ်ဦး၊ တောင်ရွာမှ မော်လ၀ီတစ်ဦး တို့ကို နယ်ခြားစောင့်ရဲတပ်ဖွဲ့ ကွပ်ကဲရေးမှူး ရဲမှူးချုပ်သူရစန်းလွင်က ကျီးကန်းပြင် ကျေးရွာအုပ်ချုပ်ရေးမှူးမှ တဆင့် ဆင့်ခေါ်ခဲ့သည်။ မော်လ၀ီနှစ်ဦးက ကွပ်ကဲရေးမှူးနှင့် သွားရောက်တွေ့ဆုံခဲ့ရာ ကွပ်ကဲရေးမှူးက “အလယ်ရွာမှာ ရှိတဲ့လူတွေ အားလုံး (၂၄) နာရီအတွင်း ထွက်သွားရမယ်၊ ငါတို့ အဲဒီရွာကို လိုနေတယ်၊ မင်းတို့ သွားချင်တဲ့နေရာကို သွား၊ ငါတို့နဲ့ ဘာမှမဆိုင်ဘူး” ဟု ပြောဆိုခဲ့သည်။
မော်လ၀ီတစ်ဦးက အတင်းအဓမ္မနှင်ထုတ်ရခြင်း၏ အကြောင်းရင်းကို မေးမြန်းရာ ကွပ်ကဲရေးမှူးက နိုင်ငံတော်စီမံကိန်းဖြစ်၍ နိုင်ငံတော်၏ အမိန့်အတိုင်း လုပ်ခြင်း ဖြစ်သည်ဟု ဖြေဆိုခဲ့ကြောင်း ဒေသခံတစ်ဦးက RB News သို့ပြောသည်။
ကွပ်ကဲရေးမှူး၏ အမိန့်ကြောင့် နံနက် (၁၁) နာရီမှစ၍ ရွာသူရွာသားများသည် နီးစပ်ရာ ရွာများသို့ မိမိတို့ သယ်နိုင်သမျှ ပစ္စည်းများ သယ်ဆောင်ပြီး ပြောင်းရွှေ့နေကြသည်။ ကျီးကန်းပြင် အလယ်ရွာတွင် အိမ်ခြေ ၃၀၀ ကျော်ရှိမည်ဟု ဒေသခံတစ်ဦးက ပြောသည်။ ရွာသားအများစုမှာ လယ်ယာ စိုက်ပျိုးရေး လုပ်ငန်းဖြင့် အသက်မွေးဝမ်းကျောင်း ပြုသူများ ဖြစ်ကြသည်။
“၂၄ နာရီအတွင်းမှာ ကျွဲ၊ နွား၊ ဆိတ်၊ ကြက် အပါအ၀င် အိမ်အသုံးအဆောင်၊ အ၀တ်အစား အကုန်ပြောင်းရမှာ ဆိုတော့ တော်တော်လေး ခက်ခဲနေပါတယ်။ စားနပ်ရိက္ခာ လာရာ လမ်းကြောင်း အကုန်ပိတ်ထားတော့ စားဖို့သောက်ဖို့ ပြဿနာ၊ အခု ဘယ်မှာသွားနေရမှန်း မသိဘူး။ ဘိုးဘွားလက်ထက်ကတည်း အိမ်တွေ အကုန်ပါသွားပြီ။” ဟု ဒေသခံလူကြီးတစ်ဦးက ၀မ်းနည်းစွာဖြင့် ပြောသည်။
ရိုဟင်ဂျာများ ပိုင်ဆိုင်သည့် အိမ်ခြံမြေ၊ လယ်မြေများကို ယခုကဲ့သို့ မတရားသဖြင့် သိမ်းပိုက်နေသည်မှာ လွန်ခဲ့သည့် နှစ်ပေါင်း ၄၀ မှစ၍ ယနေ့တိုင် ဖြစ်သည်။
