ဒိုးတန်း၊ ဇင်ပိုင်ညာ ကျေးရွာများတွင် စစ်သားများက ဖမ်းဆီး၊ ဖျက်ဆီး၊ လုယက်ခြင်းများ ပြုလုပ်
RB News
13.10.2016
မောင်တော ။ ။ ရခိုင်ပြည်နယ်၊ မောင်တောမြို့နယ် ဒိုးတန်းကျေးရွာအုပ်စု၊ စဉ်တောင်ရွာနှင့် ဇင်ပိုင်ညာ ကျေးရွာအုပ်စုသို့ မြန်မာစစ်တပ်မှ စစ်သားများ ၀င်ရောက်၍ ဖမ်းဆီးခြင်း၊ ဆိုင်များနှင့် ၀တ်ပြုဆောင် ဖျက်ဆီးခြင်း၊ လုယက်ခြင်းများ ပြုလုပ်ခဲ့ကြောင်း သတင်း ရရှိပါသည်။
ယနေ့ အောက်တိုဘာလ (၁၃) ရက်နေ့ နေ့လည် ၁၂ နာရီတွင် ဒိုးတန်းကျေးရွာအုပ်စု၊ စဉ်တောင်ရွာသို့ မြန်မာစစ်တပ်မှ စစ်သားများ ရောက်ရှိလာပြီး ရွာအတွင်းရှိ ဆိုင်ခန်းများ အားလုံးကို ဖျက်ဆီးလိုက်သည့် အပြင် ကျေးရွာအတွင်းရှိ စုပေါင်းဝတ်ပြုရာ ဗလီဝတ်ကျောင်းတော်ကိုလည်း ဖျက်ဆီးခဲ့ကြောင်း ဒေသခံတစ်ဦးက RB News သို့ပြောသည်။
ထို့အပြင် ဆိုင်ခန်းများမှ ပစ္စည်းများလုယက်ခြင်း၊ နေအိမ် (၅) အိမ်သို့ဝင်ရောက်၍ ရွှေ၊ ငွေ ပစ္စည်းများ လုယက်ခြင်းလည်း ပြုလုပ်ခဲ့ကြောင်း၊ စစ်သားများနှင့် အတူ ရခိုင်လူမျိုးများ၊ ဟိန္ဒူလူမျိုးများလည်း ပါလာပြီး၊ ၎င်းတို့လည်း ၀ိုင်းဝန်း ဖျက်ဆီးခြင်း၊ လုယက်ခြင်းများ ပြုလုပ်ခဲ့သည်ဟု အဆိုပါ ဒေသခံက ပြောပါသည်။
အဖမ်းအဆီးနှင့် ပတ်သက်၍ “စစ်သားတွေ ရောက်တာနဲ့ ရွာထဲက လူ (၄) ယောက်ကို ဖမ်းပါတယ်။ နောက် တော့ (၃) ယောက်ကို ပြန်လွှတ်လိုက်တယ်။ တစ်ယောက်ကိုတော့ သူတို့ ခေါ်သွားတယ်၊ ဖမ်းခေါ်သွားတဲ့ တစ်ယောက်က ကြိမ်ချောင်းရွာသားပါ” ဟု ဒေသခံ တစ်ဦးက RB News သို့ပြောပါသည်။
ယနေ့ နေ့လည် (၃) နာရီခန့်တွင် ဇင်ပိုင်ညာကျေးရွာအုပ်စုရှိ ဈေးသို့ စစ်သားများ ကားတစ်စီးဖြင့် ရောက်ရှိလာပြီး ဈေးရောင်းနေသူ (၅) ဦးကို အကြောင်းမဲ့ ဖမ်းဆီးကာ ဈေးဆိုင်များအတွင်းမှ ပစ္စည်းများ လုယက်ခဲ့သည်။
“ဈေးကလူ ၅ ယောက်ကို ဖမ်းတယ်၊ ပစ္စည်းတွေလုတယ်၊ ပြီးတော့ ဈေးပတ်ဝန်းကျင်မှာ ရှိတဲ့ အမျိုးသမီးတွေ စော်ကားဆဲဆိုတယ်၊ ဈေးရဲ့ အနောက်ဘက်မှာ ရှိတဲ့ ဗလီထဲကို ဖိနပ်နဲ့ ၀င်တယ်၊ ကပ်လျက်မှာရှိတဲ့ ဘာသာရေးကျောင်းကို ပြတင်းပေါက်တွေကို ခဲနဲ့ထုတယ်၊ တံခါးတွေကို ရိုက်ချိုးပြီး ပြန်ထွက်သွားတယ်” ဟု ဇင်ပိုင်ညာမှ ဒေသခံတစ်ဦးက ပြောပါသည်။
ထို့နောက် ကျီးကန်းပြင် ကျေးရွာအုပ်စု အ၀င်ဝရှိ တံတားအနီးတွင် ကလေးများ ဆိတ်ကျောင်းနေသည်ကို တွေ့ရှိသဖြင့် ဆိတ် (၅) ကောင် လုယက်၍ တင်ဆောင် သွားကြောင်း ဒေသခံတစ်ဦးက ပြောပါသည်။
သတင်းအချက်အလက်အချို့ Rohingya Eye မှ ပေးပို့သည်။
