စစ်တပ်က အပြစ်မဲ့ ပြည်သူများကို ဖမ်းဆီး၊ သတ်ဖြတ်၊ နေအိမ်များ မီးရှို့ ၊ လုယက်မှုများ ပိုမို ပြုလုပ်နေ
RB News
13.10.2016
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်းရှိ ကျေးရွာများသို့ စစ်တပ်မှ နယ်မြေရှင်းလင်းရေး ခေါင်းစဉ်တပ်ကာ ၀င်ရောက်၍ အပြစ်မဲ့ ဒေသခံရိုဟင်ဂျာ ပြည်သူများကို ဖမ်းဆီးခြင်း၊ သတ်ဖြတ်ခြင်း၊ နေအိမ်များကို မီးရှို့ခြင်း၊ ပစ္စည်းများ လုယက်ခြင်းများ ပိုမို ပြုလုပ်လာကြောင်း သတင်းရရှိပါသည်။
မောင်တောမြို့နယ် ဖားဝပ်ချောင်း ကျေးရွာမှ ကလေးများ အပါအ၀င် အပြစ်မဲ့ ဒေသခံရိုဟင်ဂျာ (၁၅) ဦးကို ဖမ်းဆီးသွားပြီး သတ်ဖြတ်ခဲ့ကြောင်း သိရှိရသည်။
“ဖားဝပ်ချောင်းရွာကို စစ်တပ်က ၀င်စီးတယ်။ ပြီးတော့ ကလေး ၅ ယောက်အပါအ၀င် ၁၅ ယောက်ကို ဖမ်းပြီး ကားပေါ်တင် ခေါ်သွားတယ်။ အနားမှာရှိတဲ့ န.တ.လ ရွာကို ခေါ်သွားတာပါ။ အဲဒီရွာမှာ ဓါးနဲ့ ခုတ်သတ်ပစ်လိုက်တယ်လို့ သိရတယ်” ဟု ဒေသခံတစ်ဦးက RB News သို့ ဖုန်းဖြင့်ပြောသည်။
ကြက်ရိုးပြင် ကျေးရွာကို စစ်သားများက ယမန်နေ့ကစ၍ စတင်မီးရှို့ခဲ့ရာ ယနေ့ ညပိုင်းထိ ရိုဟင်ဂျာများ၏ နေအိမ် ၁၆၂ လုံးကို ပြာကျသည့်အထိ မီးရှို့ခဲ့ကြောင်း ဒေသခံတစ်ဦးက ပြောသည်။ ကြက်ရိုးပြင်ရှိ ဈေးလည်း လုံးဝ ပြာကျသွားသည်ဟု ဆိုသည်။ ဆိုင်ခန်းပေါင်း ၁၅၀ ကျော် ပြာကျသွားခဲ့သည်။
ငါးစားကြူး ကျေးရွာအုပ်စု၊ ပြောင်းပြိုက်ရွာသို့ ယနေ့ နံနက်ပိုင်းမှ စ၍ စစ်သားများ ၀င်ရောက်စီးနင်းပြီး နေအိမ်များမှ ပစ္စည်းများ စတင် လုယက်ခဲ့သည်။ ထို့နောက် နေအိမ်များကို မီးရှို့ခဲ့ပြီး၊ အစပိုင်းတွင် နေအိမ် (၄၀) ခန့်သာ မီးရှို့ခဲ့သော်လည်း ညနေပိုင်းတွင် နေအိမ်ပေါင်း ၁၀၀ ကျော်ထိ မီးရှို့ဖျက်ဆီးခဲ့သည်။ မီးရှို့နေစဉ်အတွင်း သက်ကြီးအဖွားအို တစ်ဦးကို သေနတ်နဲ့ ပစ်ခတ် သတ်ဖြတ်ပြီး မီးလောင်နေသည့် မီးပုံထဲသို့ ပစ်သွင်းခဲ့ကြောင်း ဒေသခံတစ်ဦးက RB News သို့ပြောသည်။
စစ်သားများ မီးတင်ရှို့နေစဉ် နေအိမ်မှ ထွက်မပြေးနိုင်သည့် ကလေးငယ် အချို့နှင့် သက်ကြီးရွယ်အို အချို့ နေအိမ်များတွင် ပိတ်မိပြီး မီးထဲပါသွားခဲ့ရသည်ဟု အဆိုပါ ဒေသခံက ပြောပါသည်။ အဖိုးတန်ပစ္စည်းများ၊ ကျွဲ၊နွားများ လုယက်ရန် အတွက် ဖားဝပ်ချောင်းနှင့် လောင်းဒုံ ကျေးရွာများမှ န.တ.လ ရွာသားများကို စစ်သားများက ပြောင်းပြိုက်ရွာသို့ အတူခေါ်ဆောင်လာခဲ့သည်ဟု ဆိုသည်။
နေ့လည် ၂ နာရီခန့် အချိန်တွင် သ၀န်ချောင်း ကျေးရွာသို့ ၀င်ရောက်၍ အိမ်တိုင်းမှ အိမ်ထောင်စုစာရင်းနှင့် လူများကို စစ်ဆေးခဲ့သည်။ ထိုသို့ စစ်ဆေးစဉ် သ၀န်ချောင်း ရွာသားမဟုတ်သူ ရူးသွပ်နေသူတစ်ဦးကို ဖမ်းဆီးသွားပြီး၊ စစ်ဆေးပြီးနောက် ည ၆ နာရီ အချိန်တွင် ပြန်လည် လွှတ်ပေးခဲ့သည်။
ည (၆) နာရီ နောက်ပိုင်းတွင် စပယ်ကုံးကျေးရွာနှင့် လောင်းဒုံ ကျေးရွာများသို့ စစ်တပ်က ၀င်ရောက်၍ လက်နက်ကြီးများ သုံးကာ ပစ်ခတ်၍ မီးရှို့ခဲ့သည်။ ကျေးရွာလူကြီးတစ်ဦးက “စစ်တပ်က မီးရှို့နေတဲ့ ရွာတွေမှာ သက်ကြီးရွယ်အိုတွေ ရှိတယ်၊ ကိုယ်ဝန်ဆောင် အမျိုးသမီးတွေ၊ ကလေးသူငယ်တွေ၊ သူတို့ရဲ့ အခြေအနေတွေ အတွက် အတော်လေး စိုးရိမ်ရတယ်၊ အသက်ရှင်နေလား၊ သေသွားပြီလား မသိဘူး ဆိုတဲ့ အနေအထား၊ အခုလုပ်နေတာက အရင်သမ္မတ ဦးသိန်းစိန် ပြောခဲ့တဲ့ ဒုက္ခသည်စခန်းမှာ ထားပြီး တတိယနိုင်ငံ ပို့မယ့် စီမံကိန်းကို အကောင်အထည် ဖော်နေတာလားလို့ သံသယ ဖြစ်မိတယ်” ဟု RB News သို့ပြောသည်။
မောင်တောမြို့နယ် မြောက်ပိုင်းရှိ ကျေးရွာများတွင် ရဟတ်ယာဉ် ၅ စီးခန့် နာရီအတော်ကြာ ပျံသန်းနေခဲ့ပြီး၊ စစ်သားများက လက်နက်ကြီးများ၊ လောင်ချာများသုံး၍ ပစ်ခတ်ခဲ့ကြောင်း ဒေသခံများက ပြောပါသည်။
MYARF နှင့် Rohingya Eye တို့က သတင်းများ ပေးပို့သည်။
 |
| ပြောင်းပြိုက်ရွာ၌ နေအိမ်များ မီးလောင်နေသည်ကို အဝေးမှ မြင်တွေ့ရစဉ် |
