ခရိုင် အုပ်ချုပ် ရေးမှူးက INGO များကို အစည်း အဝေးတွင် ရိုင်းပျစွာ ဆက်ဆံ
RB News
18.12.2013
မောင်တော ။ ။ ဒီဇင်ဘာလ (၁၈) ရက်နေ့ နံနက် ၉ နာရီခွဲ အချိန်တွင် ရခိုင် ပြည်နယ်၊ မောင်တော မြို့ နယ် သီရိမင်္ဂလာ ခန်းမတွင် အစည်း အဝေး ပြုလုပ် ခဲ့ရာ မပခ တာဝန်ခံ အရာရှိ၊ ခရိုင်၊ မြို့နယ် အုပ် ချုပ် ရေး မှူး များ၊ ရိုဟင်ဂျာ လူမျိုး ရပ်မိ ရပ်ဖ ၂၀ ဦး၊ ရခိုင် လူမျိုး ရပ်မိ ရပ်ဖ ၂၀ ဦး၊ ဌာန ဆိုင်ရာ အကြီး အကဲများ၊ UNHCR, WFB, AZG နှင့် အခြားသော INGO များ တက်ရောက် ခဲ့ကြောင်း သိရှိ ရပါသည်။ အ စည်း အဝေး ကျင်းပ ရခြင်း၏ ရည်ရွယ်ချက်မှာ နိုင်ငံတကာ အန်ဂျီအို အဖွဲ့ အစည်း များ၏ လုပ် ငန်း ဆောင်ရွက် ချက်များကို ရှင်းလင်း တင်ပြရန် ဖြစ်သည်။
ရခိုင် ပြည်နယ် စည်ပင် သာယာရေး ၀န်ကြီးနှင့် နိုင်ငံတကာ အဖွဲ့ အစည်း များနှင့် ပူးပေါင်း ဆောင် ရွက်ရေး ကော်မီတီ ဥက္ကဌ ဦးမြအောင်က ၎င်းအနေဖြင့် နိုင်ငံ တကာ အန်ဂျီအို များနှင့် အပတ်စဉ် ဗုဒ္ဓ ဟူး နေ့တိုင်း အစည်း အဝေး ပုံမှန် ကျင်းပလျက် ရှိကြောင်း၊ နိုင်ငံတကာ အဖွဲ့အစည်း များမှ လူ့အဖွဲ့ အစည်းများ မကျေနပ်မှု မဖြစ်ပေါ် စေရန် မျှမျှ တတ ဆောင်ရွက် ပေးရန် လိုကြောင်း၊ ဒုက္ခသည် တစ် သိန်း နှစ်သောင်း အပြင် စာရင်းမဲ့ ဒုက္ခသည် သုံးသောင်း ကိုလည်း လုံလုံ လောက်လောက် ရိက္ခာ ရရှိ စေရန် ကြိုးပမ်း ပေးစေ လိုကြောင်း၊ လွှတ်တော် ကိုယ်စားလှယ် များ တစ်မြို့နယ် လျှင် သိန်း တစ်ထောင်ဖြင့် ဒေသ ဖွံ့ဖြိုးရေး လုပ်ငန်း များဖြစ်သည့် ကျောင်းလမ်း၊ တံတား သောက်သုံးရေ ရရှိရေး အတွက် သုံးစွဲရမည် ဟုပြောကြား၍ အစည်း အဝေးမှ ထွက်ခွာ သွားခဲ့ကြောင်း သိရှိ ရပါသည်။
UNHCR မှ တာဝန်ခံ တစ်ဦးက ဗမာ လူမျိုး ဘာသာပြန် တစ်ဦးမှ တဆင့် ကူညီ ဆောင်ရွက် ပေးနေသည့် လုပ်ငန်း များကို ရှင်းလင်း ပြောကြားပြီး၊ ရခိုင် ပြည်နယ်တွင်း မွတ်စလင် လူထု များ၏ နိုင်ငံသား ရပိုင်ခွင့် များ၊ နစက လက်ထက်တွင် Black List သွင်းခဲ့သည့် ကလေး ၇၀၀၀ ကျော်တို့ ကိစ္စနှင့် ပတ်သက်၍ အ ကျယ် တ၀န့် ရှင်းလင်း ပြောကြား ခဲ့သည်။ ထို့အပြင် ၂၀၁၄ ခုနှစ် အတွင်း ကူညီပေးမည့် အကူ အညီ များကိုလည်း ရှင်းလင်း ခဲ့သည်။
AZG မှ တာဝန်ခံ တစ်ဦးက ရိုဟင်ဂျာလူမျိုး ဘာသာပြန်တစ်ဦးမှ တဆင့် မောင်တော ခရိုင် ရှိ၊ မောင်တော၊ ဘူးသီးတောင်၊ ရသေ့တောင် မြို့နယ် များတွင် ဆေးဘက် ဆိုင်ရာ ဆေးခန်း များ ဆေး ကုသမှုနှင့် AIDS, TB နှင့် အခြားသော ရောဂါ ကုသမှု များကို ရှင်းလင်း ပြောကြား ပြီးနောက်၊ အစည်း အဝေး အစီအ စဉ် တွင် ပြောဆို ဆွေးနွေးရန် မပါဝင်သည့် ခရိုင် အုပ်ချုပ် ရေးမှူး ဦးအောင်မြင့်စိုးက ၎င်းအနေနှင့် အနည်း ငယ် ဆွေးနွေး အကြံပြု လိုသည်ဟုဆိုကာ စင်မြင့်ပေါ်တက်၍ ဘင်္ဂလား ဒေ့ရှ် နိုင်ငံမှ တရား မ၀င် ၀င်ရောက် လာသော ဘင်္ဂလီ- ရခိုင် ၃၅၀ ကို UNHCR က ၂၀၁၄ ခုနှစ် အတွင်း မည်သို့ မည်ပုံ ကူ ညီ ပေး မည်ကိုရှင်းလင်းပြောကြား ပေးရန်၊ UNHCR မှ သုံးသော ဗမာလူမျိုး ဘာသာပြန်ကိုသာ အခြားသော အန်ဂျီအို များမှ သုံးရန်၊ အခြား ဘာသာဝင် များကို အသုံးမပြုရန်၊ UNHCR မှ လူမျိုးစု နှစ်စုကြား အတူ ယှဉ်တွဲ နေထိုင်ရေး ကိစ္စ၊ နိုင်ငံသား ဖြစ်ရေး ကိစ္စ များတွင် ၀င်ရောက် ပြောဆိုခြင်း မပြုရန်၊ အကူ အ ညီ ပေးရာတွင်လည်း မျှမျှ တတ ပေးရန်၊ အန်ဂျီအို များမှ အခြား သောသူ များ၏ ပြောဆိုမှုကို နားထောင် စဉ်းစားရန် မလိုအပ်ဘဲ ၎င်း၏ ပြောဆိုမှု အတိုင်းသာ ပြုလုပ်ရန် ကြမ်းတမ်း ရိုင်းစိုင်းသည့် အသုံး အနှုန်း များကို သုံးစွဲ၍ ပြောကြား ခဲ့ကြောင်း ဒေသခံ တစ်ဦးမှ RB News သို့ ပြောပါသည်။
ဆက်လက်၍ ဦးအောင်မြင့်စိုးက AZG အား လူနာ များကို မြို့နယ်တွင်းသာ ဆေးကုသရန်၊ အရေးပေါ် လူနာ များကို စစ်တွေ မြို့သို့ ယူဆောင် မသွားရန် ပြင်းထန်သည့် စကာလုံး များဖြင့် ပြောကြား ခဲ့ကြောင်း သိရှိ ရပါသည်။ အစည်း အဝေးကို ၎င်းမှ ရပ်နား ခိုင်းပြီး ၁၂း၃၀ နာရီမှ နေ့လည် ၂း၃၀ နာရီထိ ပြန်လည် ကျင်းပ ခဲ့ရာတွင်လည်း ဦးအောင်မြင့်စိုးမှ နိုင်ငံတကာ အန်ဂျီအို များကို ရိုင်းစိုင်းသည့် အသုံး အနှုန်း များဖြင့်သာ ပြောဆို၍ ရုပ်သိမ်း ခဲ့ကြောင်း သိရှိ ရပါသည်။
ဦးအောင်မြင့်စိုးသည် ခရိုင် အုပ်ချုပ် ရေးမှူး တစ်ဦး ဖြစ်သော်လည်း အစည်း အဝေး တိုင်းတွင် လွန်စွာ ကြမ်းတမ်းသည့် အသုံး အနှုန်း များကိုသာ သုံးစွဲ လေ့ရှိပြီး၊ ရိုဟင်ဂျာ လူမျိုး များအား ရင့်သီး စွာ ပြော ဆို များ အမြဲ ပြုလုပ်လေ့ ရှိသူ တစ်ဦး ဖြစ်သည်။ ၂၀၁၂ ခုနှစ် ဇွန်လ အကြမ်းဖက် မှုများ ဖြစ် ပွားပြီး နောက် ပိုင်း တွင် အပြစ်မဲ့ တစ်ထောင် ကျော်ကို ဖမ်းဆီး၍ ထောင်ဒဏ် ၅ နှစ်မှ ၂၈ နှစ်ထိ ချရန် အမိန့် ပေးခဲ့သူ တစ်ဦးလည်း ဖြစ်သည်။
