ဘူးသီးတောင်မြို့တွင် ရခိုင်နှင့် ဒိုင်းနက်များက ရိုဟင်ဂျာ နှစ်ဦးကို တိုက်ခိုက်၊ လုယက်
RB News
2.5.2014
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ်တွင် ဒေသခံ ရိုဟင်ဂျာ နှစ်ဦးကို ရခိုင်များနှင့် ဒိုင်းနက် လူမျိုးများက တိုက်ခိုက်၍ လုယက်ခဲ့ခြင်းများ ဖြစ်ပေါ်ခဲ့ကြောင်း သတင်း ရရှိပါသည်။
ဧပြီလ (၂၅) ရက်နေ့တွင် ဘူးသီးတောင်မြို့နယ် တောင်ပိုင်း ဒုအိုးသည်မ ကျေးရွာ အုပ်စု အုပ်ချုပ်ရေးမှူး ဦးမာမတ်အီနုစ်သည် ညောင်ချောင်း ကျေးရွာရှိ ယောက္ခအိမ်သို့ သွားခဲ့ရာ နေ၀င်သည့် အချိန်တွင် မိမိ၏ ရွာသို့ ပြန်သွားခဲ့သည်။ လမ်းခုလတ်တွင် ယောက္ခမ ဖြစ်သူက ဖုန်းဆက်ဖြင့် မေးရာ ရွာနှင့် နီးစပ်သည့် နေရာသို့ ရောက်ရှိ နေပြီ ဖြစ်ကြောင်း ၎င်းက အကြောင်းပြန်ခဲ့သည်။ သို့သော် ည ၈း၃၀ နာရီတွင် ထပ်မံ၍ ဖုန်းဆက်ရာ ဖုန်းကိုင်ခြင်း မရှိတော့သည့် အတွက် ဒုအိုးသည်မ ကျေးရွာရှိ မိသားစု များထံ ယောက္ခမ ဖြစ်သူက အကြောင်းကြားခဲ့သည်။ ထို့နောက် ဒေသခံရွာသား များက ဒုအိုးသည်မ ကျေးရွာ အုပ်စုရှိ ဒိုင်းနက်ရွာ တစ်ရွာ ဖြစ်သည့် တောင်မော်ရွာသို့ ၀င်ရောက်၍ ရှာဖွေရာ အုပ်ချုပ်ရေးမှူး ဦးမာမတ်အီနုစ်ကို ဒိုင်းနက် လူမျိုး အစွန်းရောက် (၄) ဦးက ဓါးများကိုင်ဆောင်၍ သတ်ပစ်ရန် ချုံပုတ် တစ်ခုထဲသို့ ခေါ်ဆောင် သွားသည်ကို မြင်တွေ့ခဲ့ကြောင်း သိရှိရပါသည်။ အဆိုပါ ဒိုင်းနက် အစွန်းရောက် (၄) ဦးက ရိုဟင်ဂျာ ရွာသားများ၏ အသံနှင့် လက်နှိပ် ဓါတ်မီး မီးရောင်ကို မြင်တွေ့ပြီး အုပ်ချုပ်ရေးမှူး ဦးမာမတ်အီနုစ်ကို ထား၍ ထွက်ပြေး သွားခဲ့ကြကြောင်း ဒေသခံ တစ်ဦးက RB News သို့ပြောပါသည်။
ဧပြီလ (၂၄) ရက်နေ့ကလည်း ကျောက်ဖြူသား သေကံရွာမှ ငါးရောင်း၍ လုပ်ကိုင် စားသောက်သည့် ဦးရော်ရှိတ် (ဘ) ဦးနာဒီဆန် (အသက် ၄၀ နှစ်) ကို ည (၇) နာရီ အချိန်တွင် ဘူးသီးတောင်မြို့တွင် ငါးရောင်း၍ ပြန်လာနေစဉ် ကင်းချောင်း ကျေးရွာ အုပ်စုမှ ရခိုင် အစွန်းရောက် (၄) ဦးက ဓါးရှည်များ ကိုင်၍ ဦးရော်ရှိတ်ထံမှ ငါးရောင်း၍ ပါလာသည့် ငွေကျပ် ၁၆၀၀၀/- နှင့် နေအိမ်ရှိ ဆိုင်တွင် ရောင်းရန် ၀ယ်လာသည့် မုန့် ကျပ် ၁၀၀၀၀/- ဖိုးကို လုယက်၍ ယူသွားခဲ့ကြောင်း ဒေသခံ တစ်ဦးက RB News သို့ပြောသည်။ ထို့အပြင် ဦးရော်ရှိတ် ၀တ်ဆင် ထားသည့် အင်္ကျီနှင့် ပုဆိုးတို့ကိုလည်း လုယက်ယူခဲ့သည့် အတွက် အပြန်လမ်းတွင် သပိတ်တောင် ကျေးရွာ အုပ်စုသို့ ၀င်၍ ဒေသခံ ရိုဟင်ဂျာ တစ်ဦးထံမှ ပုဆိုးတောင်း၍ ၀တ်ပြီး အိမ်သို့ ပြန်ခဲ့ရကြောင်း သိရှိရပါသည်။
