နောက်ဆုံးသတင်း/ဆောင်းပါးများ

သင်္ဘောကွေ့မှ နယ်ခြားစောင့်ရဲ များက ဒေသခံများကို လုပ်ကြံ စွပ်စွဲ၍ ငွေညှစ်



Rohingya Eye
RB News
24.12.2015

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း သင်္ဘောကွေ့ ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ တာဝန်ခံ ဒုရဲအုပ်နှင့် အဖွဲ့သည် နည်းမျိုးစုံသုံး၍ ဒေသခံ ရိုဟင်ဂျာများကို ခြိမ်းခြောက်၍ ငွေညှစ်လျက် ရှိကြောင်း သတင်းရရှိပါသည်။ 

ဒီဇင်ဘာလ (၁၆) ရက်နေ့တွင် ရော်ရှိတ်အာမတ် (ဘ) ဦးဖော်ဇော်လ် (အသက် ၂၂ နှစ်) ကို အခြားအိမ်တွင် သွားရောက် နေထိုင်ခဲ့သည်ဟု မဟုတ်မမှန် စွပ်စွဲ၍ ငွေကျပ် တစ်သိန်း ညှစ်ယူခဲ့သည်။ 

ရီဇူဝါန် (ဘ) ဦးအာဘူဆော်ယောဒ် (အသက် ၁၈ နှစ်) သည် တက္ကသိုလ် ၀င်တန်း ကျောင်းသား တစ်ဦး ဖြစ်ပြီး၊ ၎င်း၏ ဖခင်လည်း မကြာခင်က သေဆုံးသွားခဲ့သည်။ ၎င်းသည် လူငယ်တစ်ဦးနှင့် အချင်းများခဲ့ရာ ကျေးရွာ အုပ်ချုပ်ရေးမှူးဟောင်း ဦးဆွေယာဒ်ဟူစိန်းက ငွေကျပ် (၆) သိန်း ညှစ်ယူခဲ့သည်။ အချင်းများခဲ့သည် ပြဿနာကို ကျေးရွာ အုပ်ချုပ်ရေးမှူးရုံးတွင် ဖြေရှင်းပြီး ဖြစ်သော်လည်း ဒီဇင်ဘာလ (၁၁) ရက်နေ့တွင် နယ်ခြားစောင့် ရဲတပ်ဖွဲ့က ၎င်းကို ဆင့်ခေါ်၍ ငွေကျပ် (၃) သိန်း ညှစ်ယူခဲ့ကြောင်း ဒေသခံများက RB News သို့ပြောပါသည်။ 

ဒီဇင်ဘာလ (၁၂) ရက်နေ့တွင် ဦးအဒူမော်ဂျီဒ် (ဘ) ဦးအာဘူဘော်ကော်ရ် ဆိဒိတ် (အသက် ၅၂ နှစ်) ကို လူကုန်ကူးမှု ပွဲစားလုပ်သည်ဟု မဟုတ်မမှန် စွပ်စွဲ၍ ငွေကျပ် (၂) သိန်း ညှစ်ယူခဲ့သည်။ ၎င်းကို ယခင်ကလည်း အခြား ကင်းစခန်းများက လုပ်ကြံ စွပ်စွဲမှုများ ပြုလုပ်ပြီး ငွေညှစ်ခဲ့သောကြောင့် ရွာမှ အပြီးအပိုင် ထွက်ခွာရန် စီစဉ်လျက် ရှိသည်။ 

ဒီဇင်ဘာလ (၁၂) ရက်နေ့တွင်ပင် မော်လ၀ီကာဆိမ်း (ဘ) ဦးဟာမိတ်ဒူလ္လာ (အသက် ၂၇ နှစ်) ကို လူကုန်ကူးမှု ပွဲစားလုပ်သည်ဟု လုပ်ကြံ စွပ်စွဲ၍ ငွေကျပ် တစ်သိန်း ညှစ်ယူခဲ့သည်။ 

ဒီဇင်ဘာလ (၁၆) ရက်နေ့တွင် မော်လ၀ီရှော်ကဲသ်အူလ္လာ (ဘ) ဦးအီလီယာစ် (အသက် ၂၅ နှစ်) ၏ အိမ်သို့ နယ်ခြားစောင့်ရဲများ ၀င်ရောက် ရှာဖွေခဲ့ပြီး တရားမ၀င် ပစ္စည်း တစ်စုံတစ်ရာ မတွေ့ရှိသော်လည်း ငွေညှစ်နိုင်ရန် အတွက် အကွက်ဆင်ရန် စီစဉ်လျက် ရှိကြောင်း သိရှိရသည်။

Comment ရေးရန်

Rohingya Exodus