နောက်ဆုံးသတင်း/ဆောင်းပါးများ

မူးယစ်ဆေးဝါး ရောင်းချသည်ဟု စွပ်စွဲ၍ မိသားစု တစ်စုကို ဖမ်းဆီးပြီး ငွေကျပ် သိန်း ၃၀၀ ညှစ်



MYARF
RB News
30.12.2015

မောင်တော ။ ။ ဒီဇင်ဘာလ (၂၆) ရက်နေ့ နံနက် ၄း၃၅ နာရီ အချိန်တွင် ရခိုင်ပြည်နယ်၊ မောင်တော မြို့နယ် အခြေစိုက် မူးယစ်ဆေးဝါး တိုက်ဖျက်ရေး ရဲတပ်ဖွဲ့မှ တာဝန်ခံ အပါအ၀င် ရဲတပ်ဖွဲ့ဝင်များ၊ သုံးမိုင် အခြေစိုက် နယ်ခြားစောင့် ရဲတပ်ဖွဲ့ ရဲမှူး အပါအ၀င် နယ်ခြားစောင့်ရဲများသည် ကားနှစ်စီးဖြင့် ရွှေဇား ကျေးရွာအုပ်စု၊ မြောက်ရွာမှ ဦးအာလောမ် (ဘ) ဦးဟာလာမျာ၏ နေအိမ်သို့ သွားရောက်၍ စီးနင်း ရှာဖွေခဲ့ရာ ဦးအာလောမ်အား မတွေ့ရှိသဖြင့် ဦးအာလောမ်၏ ဇနီး ဒေါ်နုရ်ဟားဘားနှင့် တူများ ဖြစ်ကြသည့် အီလီယာစ်နှင့် အာယာစ် (ဘ) ဦးဆုလ်တာန်၊ ဦးအာလောမ်၏ ညီတစ်ဝမ်းကွဲ တော်စပ်သူ တစ်ဦးနှင့် ဦးအာလောမ်၏ ကလေးများအား ကျူရှင်ပြသည့် ရွှေဇား ကျေးရွာအုပ်စု၊ စေတီပြင်ရွာမှ ဆရာအီမာန်ဟူစိန်း တို့ကို ဖမ်းဆီးပြီး သုံးမိုင်ရှိ နယ်ခြားစောင့် ရဲတပ်ဖွဲ့ စခန်းသို့ ခေါ်ဆောင်သွားကာ တစ်ညလုံး အမျိုးမျိုး ခြိမ်းခြောက်ပြီး ည ၆ နာရီ အချိန်တွင် ငွေကျပ် သိန်း (၃၀၀) ညှစ်ယူပြီး ပြန်လည် လွှတ်ပေးခဲ့ကြောင်း ဒေသခံများက RB News သို့ပြောပါသည်။ 

၎င်းတို့ကို ဖမ်းဆီး ခေါ်ဆောင် သွားစဉ် ဦးအာလောမ် ပိုင်ဆိုင်သည့် Pajero ကားတစ်စီးကိုလည်း ယူဆောင် သွားခဲ့သည်။ ငွေကျပ် သိန်း (၃၀၀) ညှစ်ယူပြီး အဖမ်းဆီးခံ များကို ပြန်လွှတ်သည့် အခါ ကားကိုလည်း ပြန်လည် ပေးအပ်ခဲ့သည်။ ဦးအာလောမ်၏ နေအိမ်တွင် တရားမ၀င် ပစ္စည်း တစ်စုံတစ်ရာ မတွေ့ရှိခဲ့သော်လည်း WY မူးယစ်ဆေးဝါး ရောင်းချသည်ဟု ဆိုကာ မတရားသဖြင့် ဖမ်းဆီး၍ ငွေညှစ်ခဲ့ခြင်း ဖြစ်သည်ဟု ဒေသခံများက ဆိုသည်။ ထိုနေ့ညက ဦးအာလောမ် နေအိမ်တွင် မရှိသဖြင့် ၎င်း၏တူများကို ၎င်း၏အိမ်တွင် နေခိုင်းခဲ့ခြင်း ဖြစ်သည်။ ထိုစဉ် ရဲများ ၀င်ရောက် ရှာဖွေပြီး မတရားသဖြင့် ဖမ်းဆီးခဲ့ခြင်း ဖြစ်သည်။ 

ထိုသို့ ဖမ်းဆီးရခြင်းမှာ အမှတ် (၃) ရပ်ကွက်မှ ထွန်းမင်းနိုင် (ခ) ဘော်လာဇူရီ (ဘ) ဦးဝေသာမောင်၏ ပယောဂ ကြောင့်သာ ဖြစ်သည်ဟု ဒေသခံများက ဝေဖန် ပြောဆိုနေကြသည်။ ထွန်းမင်းနိုင်က ရဲများအား မဟုတ်မမှန် သတင်းပေး၍ ဖမ်းဆီးခိုင်းပြီး ပြန်ရွေးရာ၌လည်း ကြားဝင်၍ ပွဲစားအဖြစ် ဆောင်ရွက်ခဲ့သည်။ ရွှေဇား ရွာသား အချို့က WY လုပ်ငန်း လုပ်ကိုင်နေသည်မှာ မှန်ကန်သော်လည်း ထိုထဲတွင် ဦးအာလောမ် ပါ/မပါကို သေချာ မသိရသေးဟု ဒေသခံများက ပြောပါသည်။ 

WY လုပ်ငန်း လုပ်ကိုင်နေသော ရွှေဇား ရွာသားများက WY များကို ထွန်းမင်းနိုင်နှင့် ထွန်းမင်းနိုင်၏ အစ်ကို ထွန်းမင်းချေ၊ ၎င်း၏ ယောက်ဖ မောင်တော ခရိုင် ပြည်ခိုင်ဖြိုးပါတီ ဥက္ကဌ အမှတ် (၁) ရပ်ကွက်မှ ဦးထွန်းလှစိန် တို့ထံမှ ၀ယ်ယူပြီး ဘင်္ဂလားဒေ့ရ်ှသို့ ရောင်းချလေ့ ရှိသည်။ 

ထွန်းမင်းနိုင်၊ ထွန်းမင်းချေနှင့် ထွန်းလှစိန်တို့က မန္တလေးနှင့် စစ်တွေမြို့များမှ WY များသယ်ယူလာပြီး မောင်တော မြို့ရှိ WY ရောင်းချသူများကို ရောင်းချလေ့ရှိသည်။ မောင်တော မြို့တွင် အရောင်းအ၀ယ် ဖြစ်ကြသော WY များ၏ ၅၀% ကို ၎င်းတို့ကသာ ဖြန့်ဖြူးလေ့ရှိသည်။ ၎င်းတို့သည် မောင်တော မြို့တွင် WY လုပ်ငန်း ကြီးကြီးကျယ်ကျယ် လုပ်ကိုင်သော မိသားစု တစ်စု ဖြစ်သည်။ ၎င်းတို့က WY လုပ်ငန်း လုပ်ကိုင်သည်ကို သက်ဆိုင်ရာ အာဏာပိုင်များက သိရှိသော်လည်း မည်သည့် အခါကမှ ဖမ်းဆီး အရေးယူခြင်း မရှိသည်မှာ အာဏာပိုင်များကို လစဉ် လိုင်းကြေးများ ပေးထားသောကြောင့် ဖြစ်သည်ဟု ဒေသခံများက ပြောပါသည်။

Comment ရေးရန်

Rohingya Exodus