အစ္စလာမ် ဘာသာရေး အဖွဲ့ ကြီးမှ အီးဒ်နေ့ပွဲတော် ကျင်းပမည် မဟုတ်ဟု ကြေညာချက် ထုတ်ပြန်
အဆိုပါ ကြေညာချက်တွင် အချက်(၅)ချက်ပါဝင်ခဲ့ပြီး ယခုနှစ်တွင် ဖြစ်ပွားခဲ့သော ရခိုင်ပြည်နယ် ဒေသအချို့၌ အကြမ်းဖက်ခြင်း များ ဖြစ်ပွားနေဆဲဖြစ်ပြီး၊ အချို့တိုင်းဒေသကြီးများတွင် ကုရ်ဘာနီနှင့်ပတ်သတ်၍ ယခင်မရှိခဲ့သော စည်းကမ်း များဖြင့် ချုပ်ချယ်ခြင်းများ ပြုလုပ်ခြင်း ၊ ကရင်ပြည်နယ် ဘားအံမြို့ ၊ မွန်ပြည်နယ် ၊ မော်လမြိုင် ၊ မန္တလေးမြို့များနှင့် အခြားဒေသများတွင် အစိုးရမဟုတ်သော အသင်းအဖွဲ့အချို့က အစ္စလာမ်ဘာသာနှင့် ဘာသာဝင်များအပေါ် ဥပဒေပါ အခွင့်အရေး လူ့အခွင့်အရေးကို ချိုးဖောက်ကာ ဆန့်ကျင်ရေးသား ခြိမ်းခြောက်လှုံ့ဆော်မှုများကို လက်ငင်းကြုံတွေ့ နေရသောကြောင့်ဟု၎င်းတို့၏ ထုတ်ပြန်ချက်တွင် ဖေါ်ပြထားသည်။
“အဖွဲ့တွေက မလုပ်ဖို့ တားတယ်ဆိုရင် ကျွန်တော်တို့ လိုက်နာရမှာပါ ၊ ရခိုင်မှာ ဖြစ်ခဲ့တဲ့ အစ္စလာမ်တွေရဲ့ အဖြစ် အပျက်တွေ အတွက် စိတ်မကောင်းပါဘူး ၊ ကိုယ့်အတွက်ထက် အများအတွက်ကြည့်ရမယ် ´´ ဟု အဆိုပါကိစ္စနှင့် ပတ်သက်၍ ရန်ကုန်မြို့တွင် နေထိုင်သည့် အစ္စလာမ်ဘာသာဝင်တစ်ဦးက ပြန်လည်ဖြေကြားခဲ့သည်။
ယခုလို အဖြစ်အပျက်များကို မြန်မာနိုင်ငံလုံးဆိုင်ရာဘာသာရေးအဖွဲ့ကြီးမှ နိုင်ငံတော်အစိုးရသို့ အကြိမ်ကြိမ် မေတ္တာ ရပ်ခံ တင်ပြတောင်းဆိုခဲ့သော်လည်း ယခုတိုင် တစ်စုံတစ်ရာပြန်ကြားချက် မရှိ၍ ယခုနှစ်အီးဒ်နေ့ပွဲ တော်ကို လုံခြုံရေး ပြည့်ဝစွာပေးနိုင်မည် မဟုတ်ဟုယူဆ၍ မကျင်းပခြင်းဖြစ်ကြောင်း ဖေါ်ပြထားသည်။
မွတ်စလင်များနှင့် ဆက်ဆံခြင်း ၊ ရောင်းဝယ်ဖောက်ကားခြင်း မပြုရန် ဘားအံမြို့ သံဃာတော်များ၏ ကြေညာချက် ကို မြန်မာပို့စ် ဂလိုဘယ် သတင်းဂျာနယ် တွင် ဖော်ပြခဲ့ပြီးနောက် မွန်ပြည်နယ်ရှိ ဒေသတစ်ချို့တွင် လည်း အထူးစိုးရိမ်လျက်ရှိကြသည်။
“ဒီမှာက တော့ လောလောဆယ် ဘာမှ မဖြစ်သေးပေမယ့် ဒီက မွတ်စလင်တွေ အရမ်းစိုးရိမ်နေကြတယ် ” ဟု မုတ္တမမြို့ ဒေသခံ မြန်မာမွတ်စလင် အမျိုးသမီးတစ်ဦး က ပြောကြား ခဲ့သည်။
မုတ္တမမြို့ ရှိ အစ္စလာမ် ဘာသာဝင်များအား ဆိုင်ခန်းများမငှားရမ်းကြရန် လှုံ့ဆော်မှု များ ယခင်က ရှိခဲ့ဖူးသည်။
မွတ်စလင် သတင်းစဉ် နှင့် မြစ်မခ (မင်းမင်းလတ်-မန္တလေး(မြစ်မခ)
