RNDP နှင့်နယ်မြေခံတပ်ဖွဲ့များမှ ရိုဟင်ဂျာမွတ်စလင်များအားခြိမ်းခြောက်လျက်ရှိ

ပေါက်တောမြို့နယ်ရခိုင်အမျိုးသားများတိုးတက်ရေးပါတီ (RNDP) အဖွဲ့ဝင်များဖြစ်ကြသောဦးအောင်မြင့်ဦး၊ ဦးမောင်ဥာဏ်ထွန်း၊ ပုဏ္ဏားကြီးကျေးရွာအုပ်စု အုပ်ချုပ်ရေးဥက္ကဌ ဦးသန်းရွှေနှင့် အတွင်းရေးမှူး ဦးအောင်မြင့်ရွှေနှင့် နယ်စပ်ဒေသကွပ်ကဲရေး (နစက) တပ်ဖွဲ့ဝင်များနှင့် လူဝင်မှုကြီးကြပ်ရေးနှင့် ပြည်သူ့ အင်အားဦးစီးဌာနတို့မှဝန်ထမ်းများ တို့သည် ရိုဟင်ဂျာများအား တရားမ၀င်ခိုးဝင်လာသည်ဟု မထွက်ဆို လျှင် စားနပ်ရိက္ခာအကူအညီရရှိနေသည်များကို ပိတ်ဆို့သွားမည်ဖြစ်ကြောင်း၊ ဘင်္ဂါလီဟု အတင်းအဓမ္မ ထွက်ဆိုခိုင်းနေကြောင်းသိရှိရသည်။

ဇွန်လနှင့်အောက်တိုဘာလများတွင်ဖြစ်ပွားခဲ့သောရိုဟင်ဂျာနှင့်ကမန်လူမျိုးများအပေါ်အကြမ်းဖက်မှုများသည် အစိုးရ မှကြိုတင်စီမံကိန်းချမှတ်၍လုပ်ဆောင်ခဲ့ခြင်းသာဖြစ်သည်။ ရိုဟင်ဂျာမွတ်စလင်များ အိုးမဲ့ အိမ် မဲ့ဖြစ်ပြီးနောက် နိုင်ငံတကာအဖွဲ့အစည်းများမှစားနပ်ရိက္ခာများထောက်ပံ့ရန်ကြိုးစားသော်လည်းအဖွဲ့အစည်း များတွင်အလုပ်လုပ်သူများကိုစော်ကားပြောဆိုခြင်း၊ကိုယ်ထိလက်ရောက်တိုက်ခိုက်ခြင်း၊ရိက္ခာအထောက်အပံ့ များပေးပို့သည့်လမ်းကြောင်းများကိုရခိုင်အစွန်းရောက်များနှင့်လုံခြုံရေးတပ်ဖွဲ့ဝင်များ ကပိတ်ဆို့ခြင်းများ အစဉ် တစိုက်လုပ်လျက်ရှိသည်။

ယခုအခါရိုဟင်ဂျာမွတ်စလင်များအားနိုင်ငံသားဟုတ်/မဟုတ်စစ်ဆေးလျက်ရှိရာ ဘင်္ဂါလီဟုရေး၍အတင်း လက်မှတ်ထိုးခိုင်းသော်လည်း မထိုးဘဲရိုဟင်ဂျာဖြင့်သာလက်မှတ်ထိုးမည်ဟု သာပြောဆိုလျက်ရှိသည်။ ထိုသို့ပြောဆိုသူအချို့အား လုံခြုံရေးတပ်ဖွဲ့ဝင်များကရိုက်နှက်ခြင်းများမကြာခဏဖြစ်ပေါ်လျက်ရှိသည်။