စစ်တွေ၊ အောင်မင်္ဂလာမှအပြစ်မဲ့ရိုဟင်ဂျာလူငယ်နှစ်ဦးကိုဖမ်းဆီးသွား

အောင်ကိုနိုင် 

RB News 

5.2.2013 

စစ်တွေ ။ ။ ရခိုင်ပြည်နယ်၊ စစ်တွေမြို့ပေါ်ရှိ အစ္စလာမ် ဘာသာဝင်များ  နေထိုင်သော ရပ်ကွက်များကို ၂၀၁၂ ခုနှစ် ဇွန်လအတွင်း ရခိုင် အစွန်းရောက်များမှ မီးရှိူ့ ဖျက်ဆီးခဲ့ရာ မြို့ပေါ်တွင် အောင်မင်္ဂလာ ရပ်ကွက်တစ်ခု တည်းသာ ကျန်ရစ်ခဲ့ပြီး၊ ထိုရပ်ကွက်တွင်  နေထိုင်ကြသော ရိုဟင်ဂျာနှင့်ကမန် မွတ်စ လင် များ၏ သွားရေးလာရေး၊ ကူးသန်း ရောင်းဝယ်ရေးကို ကန့်သတ်ထားခြင်း တို့ ကြောင့် ရပ်မိရပ်ဖများမှာ အခက် အခဲမျိုးစုံဖြင့်ရင်ဆိုင်နေရသည်။ 

အောင်မင်္ဂလာ ရပ်ကွက်တွင်  နေထိုင်သူများမှာ ရပ်ကွက်အတွင်းသာ သွားလာခွင့်ရှိပြီး ရပ်ကွက်ပြင်ပသို့ သွားလာ များကို အကြောင်းပြချက် တစ်စုံတစ်ရာ မပြဘဲ ဖမ်းဆီး လျက်ရှိသည်။ အရွယ် မရောက်သေး သည့် ကလေးငယ်များကိုပင် ဖမ်းဆီးခေါ်ဆောင်သွား၍ မိသားစုများနှင့်တွေ့ဆုံခွင့်ပင် ကန့်သတ်ခြင်း များပြု လုပ် လျက်ရှိသည်။ 

ယနေ့ နံနက်ပိုင်းတွင် အောင်မင်္ဂလာ ရပ်ကွက်အတွင်းနေ ထိုင်သော လူငယ်နှစ်ဦး သည် ဘုမေရပ်ကွက်သို့ လည်ပတ်ရန် သွားရောက် ခဲ့သည်။ ဘုမေရပ်ကွက်သို့ လည်ပတ်ပြီးနောက် ညနေ ၅း၃၀ ခန့်တွင် မိမိတို့ နေရာအောင်မင်္ဂ လာရပ်ကွက် သို့ပြန် လည်ရောက်ရှိ ခဲ့သည်။ ထို့နောက် ၎င်း လူငယ်နှစ်ဦးအား ရဲတပ်ရင်း (၁၂) မှ တပ်ရင်းမှူးနှင့် ရဲတပ်ဖွဲ့ဝင်များ အောင်မင်္ဂလာ ရပ်ကွက်သို့ လာရောက် ရှာဖွေပြီး ဖမ်းဆီး သွား သည်။ 

ထို လူငယ်နှစ်ဦးကို ဖမ်းဆီးရခြင်းမှာ ပြစ်မှုကျူးလွန် ထားခြင်း တစ်စုံတစ်ရာ  ကြောင့်မဟုတ်ဘဲ၊ ဘုမေ ရပ် ကွက် သို့ သွားရောက်ခဲ့ခြင်းကြောင့်သာဖြစ်သည်။ လူငယ်နှစ်ဦးကို အောင်မင်္ဂလာရပ်ကွက်၊ သာဘန်း လမ်းနှင့်မင်းဘာကြီးလမ်း ထိပ်တွင် ရဲတပ်ဖွဲ့ဝင်များမှ  တွေ့ရှိသွားပြီး ထိုနေရာမှ ဖမ်း ဆီး ခေါ်ဆောင် သွားကြောင်း သိရှိရပါသည်။ 

အပြစ်မဲ့ဖမ်းဆီးခံရသူနှစ်ဦးမှာ - 

(၁) မောင်အေးနိုင် (ဘ) ဦးအီဆုပ် (အိမ်အမှတ် ၁၁၄၊ ချင်းပျံလမ်း၊ အောင်မင်္ဂလာရပ်ကွက်) 

(၂) ဖူသီးယား (မိ) ဒေါ်အမ်ဘီယာ (သာဘန်းလမ်း၊ အောင်မင်္ဂလာရပ်ကွက်) - တို့ဖြစ်ပါသည်။