တရားမဝင် မြန်မာနိုင်ငံသား တွေကိုပြန်ပို့ဖို့ ဘင်္ဂလားဒေ့ရှ် အစိုးရစီစဉ်
 |
| ဘင်္ဂလားဒေ့ရှ် ကူတူပါလောင် ဒုက္ခသည် စခန်းရှိ ရိုဟင်ဂျာများ (ဓါတ်ပုံ - UNHCR Cox's Bazar) |
10.9.2013
ဘင်္ဂလား ဒေ့ရှ် နိုင်ငံမှာ တရားဝင် အထောက်အထား မရှိဘဲ နေထိုင် နေကြတဲ့ မြန် မာ နိုင်ငံ သား တွေ ကို နေရပ် ပြန်ပို့ရေး ဆိုင်ရာ အမျိုးသား မဟာ ဗျူဟာ အစီရင် ခံစာကို ဘင်္ဂလား ဒေ့ရှ် အစိုးရက တန င်္လာနေ့ က အတည်ပြု ခဲ့ပါတယ်။
အစီရင်ခံစာ အရ တရားမဝင် မြန်မာ နိုင်ငံသား တွေကို မည်သူ မည်ဝါ စီစစ်၊ နေရာ ချပြီး မူလ နိုင်ငံ ပြန်ပို့ဖို့ စီစဉ် ထားတာပါ။
အဲဒီ အစီ အစဉ်ကို အကောင်အထည် ဖော်ဖို့ အတွက် အမျိုးသား ညှိနှိုင်း ဆောင်ရွက်ရေး ကော်မတီနဲ့ အမျိုးသား အလုပ်အဖွဲ့ ဆိုတဲ့ အဖွဲ့အစည်း နှစ်ရပ်ကို နိုင်ငံခြားရေး ဝန်ကြီး ဌာနက ဖွဲ့စည်း ဆောင်ရွက် သွားမယ်လို့ အစိုးရ အဖွဲ့ အတွင်း ရေးမှူးက ပြောပါတယ်။
တရား မဝင် နယ်စပ် ဖြတ်ကျော်မှုတွေ တားဆီးဖို့ နှစ်နိုင်ငံ အစိုးရတွေ လောလောဆယ် ဆွေးနွေးနေ ကြကြောင်း၊ ဘင်္ဂလားဒေ့ရှ် အစိုးရအနေနဲ့ နယ်စပ် အခြေစိုက် စခန်းတွေ၊ ကင်းမျှော်စင်တွေ တည်ဆောက် ပြီး မြန်မာနဲ့ နယ်စပ် လုံခြုံရေးကို အားဖြည့် သွားမှာ ဖြစ်ကြောင်းလည်း ပြောပါတယ်။
ဘင်္ဂလား ဒေ့ရ်ှမှာ တရားမဝင် ရောက်ရှိ နေကြတဲ့ မြန်မာ နိုင်ငံသား သုံးသိန်းနဲ့ ငါးသိန်းကြား ရှိမယ်လို့ ဘင်္ဂ လားဒေ့ရှ် အစိုးရက ခန့်မှန်း ထားပြီး၊ ကောက်စစ် ဘဇားက ဒုက္ခသည် စခန်း နှစ်ခု မှာလည်း ရိုဟင်ဂျာ သုံးသောင်းလောက် ရှိနေပါတယ်။ ရိုဟင်ဂျာ တွေပြန်ပို့ရေး ကိုလည်း နည်းလမ်း ရှာနေတယ်လို့ ဆိုပါ တယ်။
ဒီအတွင်း ပြီးခဲ့တဲ့ သောကြာနေ့က ဘင်္ဂလားဒေ့ရှ် နိုင်ငံမှာ ဒုက္ခသည် အဖြစ် ရောက် ရှိ နေထိုင် နေ တဲ့ မြန်မာ မိသားစု တစ်စုဟာ UNHCR အကူအညီနဲ့ မြန်မာ နိုင်ငံ ကို လေကြောင်း ကနေ တရားဝင် ပြန် ခွင့် ရခဲ့ကြ ပါတယ်။
ဘင်္ဂလားဒေ့ရှ် ကနေတရားဝင် ပြန်ခွင့်ရခဲ့ကြတဲ့ ပထမဆုံးမြန်မာ မိသားစု ဖြစ်တယ်လို့ UNHCR က ပြော ပါတယ်။
